ئالما شىركىتىنىڭ جۇڭگۇدا تۇرۇشلۇق تارماق شىركىتى بىر نەپەر ئالىي مالىيە باشقۇرۇش خادىمى قوبۇل قىلماقچى بولۇپتۇ. بۇخىزمەتنىڭ تەمىنات ۋە ئىمتىيازلىرى ئىنتايىن ياخشى بولۇپ رىقابەتنىڭ قانچىلىك كەسكىن ئىكەنلىكىنى تەسەۋۇر قىلىش قېيىن ئەمەس.
شىركەتنىڭ مۇئاۋىن لېدىرى يۈزتۇرانە ئىمتىھانغا كىرگەن خادىملارنىڭ ئالدىغا مۇنداق بىر سۇئالنى تاشلاپتۇ. لېدىر ئۇلارنىڭ ئالدىغا مەڭلىشىپ بۇزۇلۇپ قالاي دەپ قالغان بىر ئالمىنى ۋە پىچاق، مېۋە ئاقلىغۇچقا تارلىقلارنى قويۇپ ئۇلارغا ئون مىنۇت ئىچىدە ئۇلارنىڭ ئالدىغا قويۇلغان ئالمىغا ئىش قوشۇپ چىقىرىشنى تەلەپ قىلىپتۇ.
لېدىر ئۇلارغا:"ھەممىڭلار بىلىسىلەر، ئالما شىركىتىمىزنىڭ ئوبرازىغا ۋەكىللىك قىلىدۇ. قانداق ئىش قوشۇشتا سىلەرگە ئالاھىدە تەلەپ يوق، ئون مىنۇتتىن كىيىن سىلەرنىڭ قانداق قىلغىنىڭلارنى كۆرىمەن" دەپتۇ .
ئون مىنۇتتىن كىيىن مۇئاۋىن لېدىر ئۇلارنىڭ ئىمتىھان نەتىجىلىرىنى كۆرۈپ چىقىپتۇ ۋە ئۇلارغا :" بەلكىم سىلەر بىز مالىيە خادىمى تۇرساق بىزدىن نىمىشقا كەسپى ئىمتىھان ئالمايدىغاندۇ دەپ ئويلىغان بولۇشۇڭلار مۇمكىن. نۇرغۇن كەسپى بىلىملەرنى ئەمىلىي خىزمەت جەريانىدا پىششىقلاپ تولۇقلاپ ماڭىسىلەر، بىزنىڭ سىلەرگە بۇنداق سۇئال چىقىرىشىمىزدىكى سەۋەپ سىلەرنىڭ ئەڭ قىسقا ۋاقىت ئىچىدە ئەڭ مۇۋاپىق بولغان قارار چىقىرىش ۋە چىقىرالماسلىق ئىقتىدارىڭلارنى سىناش، مۇرەككەپ مەسىللەر ئالدىدىكى بىر تەرەپ قىلىش ئىقتىدارىڭلارنى سىناشتىن ئىبارەت " دەپتۇ.
مۇئاۋىن لىدىر بىرىنجى گورۇپتىكىلەرنىڭ بىر تەرەپ قىلىش ئۇسۇلىنى كۆرۈپتۇ، ئۇلار ئالمىنىڭ مەڭلىشىپ قالغان يېرىگە چاپلىما چاپلاپ قويغان بولۇپ، قارىماققا ئالما ئىنتايىن نەپىس كۆرۈنەتتى. مۇئاۋىن لېدىر ئۇلارغا :"ھەرقانداق شىركەت خاتالىقتىن خالىي بولالمايدۇ، خۇددى بۇ ئالمىنىڭ مەڭلىشىپ قالغان يېرىگە ئوخشاش. چاپلىما بىلەن ئۇنى چاپلاپ قويساڭلار ئالمنىڭ مەڭلىشىپ قالغان يېرى كۆرۈنمەيدۇ، لېكىن ئالما ئاستا-ئاستا ئىچىدىن سېسىپ كىتىدۇ ." دەپتۇ. شۇنىڭ بىلەن ئالمىغا چاپلىما چاپلاپ قويغانلارنىڭ ھەممىسى شاللىنىپ كىتىپتۇ .
ئىككىنچى گورۇپتىكىلەر ئالمىنىڭ مەڭلىىشپ قالغان يېرىنى پىچاق بىلەن پاكىز ئاقلىۋەتكەندىن كىيىن چاپلىما بىلەن چاپلاپ قويغان ئىكەن. لېدىر ئۇلارغا:" ئالمىنىڭ مەڭلىشىپ قالغان يېرىنى كىىسپ چىقىرىۋەتكىنىڭلار ياخشى. لېكىنسىلەر ئويلاپ باقتىڭلارمۇ؟ ئالمىنى كەسكەندىن كىيىن ئالما بۇرۇنقىدەك يۇمىلاق شەكىلدە بولمايدۇ. ئالمىنىڭ شەكىلى گەرچە قارىماققا ئاددى كۆرۈنسىمۇ، لېكىن بۇشەكىل دەل شىركەتنىڭ ئوبرازى ۋە ئابرويى. بۇ نۇقتىغا سەل قارىماسلىقىڭلار كېرەك ئىدى" دەپتۇ. شۇنىڭ بىلەن ئىككىنچى گورۇپتىكىلەرمۇ شاللىنىپ كىتىپتۇ .
ئەڭ ئاخىرىدا مۇئاۋىن لېدىرنىڭ قولىدا پەقەت بىر تاللا ئالما قاپتۇ. بۇ ئالمىنىڭ مەڭلىشىپ قالغان يېرىمۇ يوق،ئۈستىگە چاپلىمىمۇ چاپلانمىغان بولۇپ، لېدىر بۇنى كىمنىڭ قىلغانلىقىنى سوراپتۇ. شۇ ۋاقىتتا ئىمتىھان بەرگۈچىلەر ئارىسىدىن بىر خادىم ئورنىدىن تۇرۇپ:" بۇنى مەن قىلغان، مەن شىركەتكە كەلگۈچە شىركەتنىڭ ئالدىدا بىر مېۋە دۇكىنى كۆرگەن. ئون مىنۇت ۋاقىت مىنىڭ ئۇ يەرگە بېرىپ ساق ئالمىدىن بىرنى سېتىۋېلىپ كىلىشىمگە تامامەن يىتىشىدىكەن. شۇنىڭ بىلەن باشقىلار ئالمىنى سويۇپ، چاپلىما چاپلاۋاتقان ۋاقىتتا مەن ئۇ مېۋە دۇكىنىغا بېرىپ يېڭى. ئالما سېتىۋېلىپ كەلدىم بەزى ئىشلارغا ئامال بولمىغاندا ئۇنى يېڭىدىن باشلاش كېرەك " دەپتۇ .
مۇئاۋىن لېدىر بۇخادىمنىڭ قوبۇل قىلىنغانلىقىنى جاكارلاپتۇ .
ئالما شىركىتىنىڭ بۇ يۈزتۇرانە ئىمتىھان سۇئالىدا ئېرىشمەكچى بولغان جاۋابى: سىز چوقۇم ئۆتمۈشتىكى "ياخشى ئەمەس" لەرنى ئاخىرلاشتۇرىشىڭىز كېرەك، شۇندىلا ھەر ۋاقىت يېڭى باشلىنىشقا يۈزلىنەلەيسىز دېگەندىن ئىبارەت ئىكەن .
ھاياتلىقىتىكى ھەر بىر دەقىقە سىز ئۈچۈن يېڭى بىر باشلىنىش بولالايدۇ، ياش، جىنىس، چەكلىمىسى بولمايدۇ. ئارزۇ –ئارمان، تەۋرەنمەس ئىرادە ۋە ئەمىلىي ھەرىكەت بولىدىكەن 70 ياشقا كىرىپ كەتسىڭىزمۇ ئارزۇيىڭىزنى ئىشقا ئاشۇرۇش چۈش ئەمەس .
دىلسۇز ئەرچىن تەرجىمىسى مەنبەسى ۋە ئاپتورىنى ئەسكەرتىپ تارقاتسىڭىز بولىدۇ . |