ئەركىنلىك-ئىشىكنىڭ كەينىدىلا

zunure0992

نۇرغۇن يىللار ئىلگىرى ئوتتۇرا شەرىقتە ئىچىنىشلىق قۇملۇق ئۇرۇشى پارتىلدى. ئۇرۇشتا بىر جاسۇس ئەسىرگە چۈشۈپ قىلىپ، يىشى چوڭىيىپ قالغان بولسىمۇ، ناھايىتى پاراسەتلىك بىر گىنىرال تەرىپىدىن ئۆلۈمگە ھۈكۈم قىلىندى. گەرچە بۇ ھۆكۈم ئىنتايىن رەھىمسىز بىلىنسىمۇ، ئەمما ئەمىليەتتە بۇ گىنرال ناھايىتى باغرى يۇمشاق ۋە رەھىمدىل ئادەم ئىدى. نۇرغۇن يىللاردىن بۇيان ،ئۇ ئىزچىل غەلىتە بىر تۈرلۈك ئادىتى بىلەن ئۆلۈم جازاسىنى ئىجرا قىلىپ كېلىۋاتاتتى. ئۆلۈمگە ھۆكۈم قىلىنغۇچىنىڭ ئىككى خىل جازانىڭ بىرنى تاللىۋىلىشقا رۇخسەت قىلاتتى. بۇ ئىككى خىل جازانى ئىجرا قىلىش ئۇسۇلى-ئۆلۈم جازاسىنى ئىجرا قىلىش ئەتىرتى تەرپىدىن ئىتىپ ئۆلتۈرۈش ياكى بولمىسا بىر سىرلىق قارا ئىشىكتىن ئۆتۈش ئىدى.

    ئۆلۈم جازاسىنى ئىجرا قىلدىغان ۋاقىتتا بۇ گېنىرال ھېلىقى بەكلا قۇرقۇپ كەتكەن جاسۇسنى ئالدىغا ئەكىلىشكە بۇيرۇق قىلدى:

    -سەن قايسى خىل ئۆلۈش ئۇسۇلنى خالايسەن ؟-ئۆلۈم ئىجرا قىلىش ئەتىرىتىكىلەر نىڭ ئوقىدا ئېتىلىشنىمۇ ياكى قارا ئىشىكتىن ئۆتۈشنىمۇ؟-دەپ سورىدى ئۇ.

    جىنايەتچىگە نىسبەتەن ئېيتقاندا، بۇ قارارنى چىقىرىش ناھايىتى قۇرقۇنۇشلۇق ئىدى. ئۇنىڭ ھېلىقى قارا رەڭلىك ئىشىكنى تاللىغۇسى بار ئىدى، بىراق ھەر قېتىم ئۇ شۇ غايەت زور ۋە قېلىن قارا ئىشىككە يېقىن كېلىپ غالىلداپ تىتىرەپ تۇرغان قولىنى ئاچقۇچقا ئۇزاتقاندا، ئارسالدى بۇلاتتى-دە، ئاخىرى تىتىرەۋاتقان قۇلنى چۈشۈرۋالاتتى. ئۇ گىنىرالغا ئۆزىنىڭ ئوقتا ئېتىپ ئۆلتۈرلۈشكە رازىكى، ھەرگىزمۇ قارا ئىشىكتىن ئۆتۈشنى خالىمايدىغانلىقنى ئېيتتى، چۈنكى ئۇ، بۇ سىرلىق ئىشىكنىڭ كەينىدە پەرەز قىلىپ بولمايدىغان، مەلۈم قاباھەتنى ئويلىسىلا بەرداشلىق بېرەلمەيدىغانلىقنى دىدى. نەچچە مىننۇتتىن كېيىن تاراسلاپ ئېتىلغان ئوق ئاۋازى بۇ جاسۇسنىڭ ئۆلۈم جازاسىنىڭ ئىجرا قىلنىپ بولغانلىقنى جاكارلىدى. شۇ چاغدا بۇ ياشىنىپ قالغان گېنىرال نەزىرنى يېراق ئۇپۇقتىن يىغىپ، كەينىگە ئۆرۈلۈپ كانىۋىيغا:

    -كۆردۈڭمۇ، ئادەم دىگەن شۇنداق نەرسە، ئۇلار دائىم ئۆزى بىلدىغاننى تاللاشقا رازىكى، ئۆزى بىلمەيدىغان نەرسىنى سىناپ بېقىشنى ئەسلا خالىمايدۇ. گەرچە مەن ئۇنىڭغا تاللاش ھوقۇقنى بەرگەن بولساممۇ، بىراق ئۇ يەنىلا ئۆلۈم يولىنى تاللىۋالدى،-دىدى.

     -بۇ قارا ئىشىكنىڭ كەينىدە زادى نىمە بار؟-دەپ سورىدى ئۇنىڭ كانۋىيى.

     -ئەركىنلىك،-دېدى گېنىرال ،-بىراق مەن بۇ ئىشىكنى تاللاشقا جۈرئەت قىلالايدىغانلارنىڭ ناھايىتى ئاز بۇلدىغانلىقنى بۇرۇنلا  بىلگەنتىم.

    ئەسەر تەرمىلەر ژورنىلى 2013-يىل 9-ساندىن ئېلىندى.

ghalqa

ئەركىنللىك !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

qayhaltisi

چىنلىقى تۆۋەن بۇلسىمۇ بەكلەم مەنىلىككەن تېما ئېگىسىگە رەخمەت.

natzic

ھەربىيلەر تەۋەككۇلچى كىلىدۇ ، بۇ ماقالىنىڭ مەركىزى ئىددىيىسى توغرا بولسىمۇ لىكىن ئىپادىلەش ئۇسۇلى خاتا.ئاددى ئىشنى قەستەن  خاتا ھالدا مۇرەككەپ بايان قىلىش.

zunure0992

natzic يوللىغان ۋاقتى  2016-9-22 20:28
ھەربىيلەر تەۋەككۇلچى كىلىدۇ ، بۇ ماقالىنىڭ مەركىزى ئى ...

بۇ ماقالىنىڭ مەزمۇنى بەك ياخشىكەن ،چۈنكى ھەممە ئىشلار ئاددىلىقتىن باشلىندۇ ئەمەسمۇ؟

janggivar

ئەسسالامۇ ئەلەيكۇم.ھەقىقەتەن مەنىلككەن.رەخمەت سىزگە. ئىلگىرى كۈندە دىگۈدەك ئەسەر ئىلان قىلاتتىڭىز، يىقىندىن بۇيان ئالدىراش بوپ قالغان ئوخشايسىز، بولسا كۆپرەك ئىلان قىلسىڭىز بولاتتى.

tursun0738

يۇقارقى « ئىشىك كەينىدىكى ئەركىنلىك » ئەلۋەتتە ئەمەلىيەتتە يوق . ئەدناسى ئۇنى  ئەدەبىي ئەسەرنىڭ ئۆلچىمى بويىچە زىغىرلايدىغان بولساقمۇ ئەدەبىياتنىڭ توقۇلما قائىدىسىگە توغرا كەلمەيدۇ . پەقەت ئىنسان پىسخىكىسىنىڭ پىنھانلىرىدىكى زىل نۇقتىلارنى يورۇتۇپ بىرىش زۆرۈرىيىتىدىلا توقۇلۇپ يېزىلغان دىسەك ، لېكىن ئەدەبىي توقۇلمىنىڭ تەلىۋى يۇقارقى ئەسەردىكىدەك ھەربى قانۇننى قايرىپ قويۇپ ئەسىرلەرگە ئۆز مەيلىچە جازا يۈرگۈزىدىغان قارىسىغا توقۇشقا يول قويمايدۇ . گەرچە يۇقارقى ئەسەر ئىنساننىڭ ئۆزى بىلىدىغان نەرسىلەرنىلا تاللايدىغانلىقى ، بىلمىگەن نەرسىلەرنى بىلىپ بېقىشقا ئۇرۇنمايدىغانلىقىدەك ئىدىيەنى ئىلگىرى سۈرمەكچى بولغان بولسىمۇ ، ئەمما تازا زىغىرلايدىغان بولساق بۇنىڭمۇ چىگىت چاقىدىغان يەرلىرى بار ، چۈنكى ئۆزى بىلمەيدىغان نەرسىلەرنى بىلىشكە ئۇرىنىدىغان تەۋەككۇلچىلىك ئىنسان تەبىئىتىدە لىقلا . مۇشۇ نۇقتىدىن ئېيتقاندا ، « ئىشىك كەينىدىكى ئەركىنلىك » ئىنساندىكى بىلمىگەننى بىلىشكە ئۇرۇنىدىغان غول تەبىئەتكىمۇ سەل قارىغان . يەنىمۇ زىغىرلايدىغان بولساق ، ئاۋۇ ئەسىرگە چۈشكەن قېرى ئەسكەر قاراڭغۇ ئىشىكنى تۈرمە دەپ ئويلاپ قالغان بولسا ، تۈرمە ئازاۋىنى تارتقاندىن ئېتىلىپ ئۆلگەن ئەلا دەپ قارىغان بولىشى مۈمكىن . ئەسىرگە چۈشكەن ئەسكەرنىڭ تاللىشىنى بۇ نۇقتىدىن قارىساق ، ئۇنىڭ تاللىشى ئەسەردە دىيىلگەن « كۆردۈڭلارمۇ ، ئادەم دىگەن ئاشۇنداق نەرسە ، ئۇ ئۆزى بىلمەيدىغاننى تاللاشقا رازىكى ... » دىگەن ھۆكۈمگە توغرا كەلمايدۇ .

ئاشقىن

    ئەركىنلىك پەقەت ئۇنىڭدىن بەھرىمان بولۇشقا جۈرئەت قىلالايدىغان كىشىلەرگىلا مەنسۇپ ئىكەنلىكىنى ھېس قىلدىم.دۇنيادىكى ھەر قانداق دۆلەت قانۇنىدا ھۆكۈمرانلار پۇقرالارغا خوشامەت قىلىپ،تۈرلۈك ئەركىنلىك ۋە ھوقۇقلارنى بەرگەن.لېكىن،بۇنىڭدىن بەھرىمان بولىدىغان پۇقرالار ئىنتايىن چەكلىك.