ئامېرىكىنىڭ بۇ يىل ئىچىدە ئۆسۈم قوشۇش ئېھتىماللىقى يۇقىرى

baykuq

شىياڭگاڭنىڭ پۇل مۇئامىلە باشقۇرۇش ئىدارىسىنىڭ سۆز قىلغۇچىسى پەيشەنبە كۈنى(22-سېنتەبىر كۈنى) كۆرسىتىشىچە، ئامېرىكا فېدېراتسىيە ئاشكارا بازار كومىتېتى ئاخشام گەرچە ئۆسۈم نىسبىتىنى ئۆزگەرىتمىگەن بولسىمۇ لېكىن، بۇ يىل ئىچىدىكى ئۆسۈم قوشۇش ئېھتىماللىقى يەنىلا يۇقىرى؛ ئامېرىكىنىڭ ئۆسۈم نىسبىتىنى نورماللاشتۇرۇش قەدىمىدە تۇراقسىزلىقلار مەۋجۈت بولغاچقا، فېدېراتسىيە زاپاس پۇل كومىتېتى ھەر قايسى بانكا، كارخانا ۋە شەخسىي ئورۇنلارنىڭ ئېھتىياتچانلىقنى ساقلىشىنى، خەتەرنى كونتىرول قىلىشىنى، ھەەم كېيىنكى كۈنلەردىكى ئۆسۈم قوشۇشنىڭ بەلكىم كاپىتالنىڭ ئوبورىت يۆنىلىشىنى ئۆزگەرتىپ، بازارنىڭ تەۋرىنىشىنى كۈچەيتىۋېتىش مۇمكىنچىلىكىنى ئەسكەرىتتى.

    ئۇنىڭدىن باشقا، خېڭ شېڭ بانكىسىنىڭ باش ئىقتىسادشۇناسلىقنى ۋاقىتلىق ئۈستىگە ئالغان شۆ جۈن شېڭنىڭ كۆرسىتىشىچە، ئامېرىكا فېدېراتسىيە زاپاس پۇل كومىتېتى ئۆسۈم نىسبىتى نىشانىنى ئۆزگەرىتمىگەن. ئەزەلدىن، فېدېراتسىيە كومىتېتىنىڭ ئەمەلدارلىرى پۇل سىياسىتى مۇھاكىمىسىدىن كېيىنكى كۆز قارىشىغا ئاساسەن بېلەت تاشلايدۇ، شۇڭا فېدېراتسىيە زاپاس پۇل كومىتېتىنىڭ ئۆسۈم نىسبىتى قارارىغا قارشى تۇرىدىغان بېلەت نىسبەتەن ئاز بولىدۇ. بۇ قېتىملىق يىغىندا بولسا ئۈچ بېلەت قارشى تۇردى، بۇ ئاز ئۇچرايدىغان ئەھۋال، بۇ كومىتېت ئۆسۈم قوشۇشقا ئىشىنىش ئېھتىياجىنىڭ يۇقىرىلاۋاتقانلىقىنى كۆرسىتىپ بېرىدۇ.

    بۇ بانكا ئامېرىكا فېدېراتسىيە زاپاس پۇل كومىتېتىنىڭ 12- ئايدا ئۆسۈم قوشۇشىغا بولغان مۆلچەرىنى ئۆزگەرىتمەي ساقلاپ قالدى، لېكىن 11- ئايدىكى ئۆسۈم قوشۇش ئېھتىماللىقىنىمۇ يوق دىگىلى بولمايدۇ، ئامېرىكا ئۆسۈم قوشۇشنى يەنىلا ئىقتىساد ماتىرياللىرىغا قاراپ بەلگىلەيدۇ.

    ئۇنىڭدىن باشقا، شەرقىي ئاسىيا بانكىسىنىڭ باش ئىقتىسادشۇناسى دېڭ شى ئەن: ئامېرىكا كېلەر يىلى ئۈچ ياكى تۆت قېتىم ئۆسۈم قوشۇشى مۇمكىن، ئەگەر ھازىرقىدەك ئىقتىسادىي ئەھۋالى ياخشى ۋاقىتتا ئۆسۈم قوشۇۋالمىسا، كەلگۈسىدىكى ئىقتىساد ئاجىزلىغان ۋاقىتتا ئۆسۈم چۈشۈرىدىغانغا بوشلۇق قالماسلىقى، ئىقتىسادنى تەڭشىگۈدەك ئۈنۈملۈك تەدبىرمۇ قالماسلىقى مۇمكىن، دەپ كۆرسەتتى. ئۇنىڭ قارىشىچە، يەرشارى ئىقتىسادى ئاجىز ۋاقىتتا ئامېرىكا ئۆسۈم قوشۇشتا تاشقى سودا ئېھتىياجىغا تەسىر قىلىپ جانلىنىۋاتقان ئىقتىسادقا بېسىم پەيدا قىلىپ قويماسلىق ئۈچۈن يەنىلا ئەتراپتىكى بازارنى ئويلىشىدۇ، ئۆسۈم قوشۇش ئارلىقىنىڭ ئۇنچە بەك سوزۇلۇپ كەتمەيدىغانلىقىغا ئىشىنىمىز.

    شىياڭگاڭ بانكىسىنىڭ باش ئىقتىسادشۇناسى ۋە تەدبىرچىسى لۋو جىيا سوڭمۇ: يېللىننىڭ بۇنداق ئوچۇق گەپ قىلىشى، ئۆسۈم قوشۇش ئېھتىماللىقىنى يۇقىرىلىتىۋەتتى، ئەمەلىيەتتە بۇ يىل ئۆسۈم قوشۇش ئېھتىماللىقىنى %100 دېسەك بولىدۇ، كۆپ سانلىق ئانالىزچىلار بۇ يىل بىر قېتىم ئۆسۈم قوشۇلىدۇ دەپ قاراۋاتىدۇ. ئىلگىرىكى ئۆسۈم قوشقان ۋاقىتلارغا قاراپ باقساق، ھەممىسىدە مۇخپېرلارنى كۈتىۋالىدىغان ئۆسۈم قوشۇش يىغىنىدا ئۆسۈم قوشقان، بۇنىڭغا ماس بۇ يىلقى مۇخپېرلارنى كۈتىۋالىدىغان ئۆسۈم قوشۇش يىغىنى بولسا 12- ئايدا. 11- ئايدا زۇڭتۇڭ سايلىمى بار، شۇڭا بۇ مەزگىلدە ئۆسۈم قوشۇشى تازا مۇمكىن ئەمەس، شۇڭا 12- ئايدا ئۆسۈم قوشۇش ئېھتىماللىقى نىسبەتەن يۇقىرى، دەپ قارايدىكەن.

Abduhalim75

ئاخشام قوشمىدىغۇ دەيمەن .

yegi-dunya

تۇنۇگۈن ئاخشام ئۆسۈم قوشمىدى ، ئامرىكىنىڭ ئۆسۈم قۇشۇش  داۋرىڭى قىلىشى دوللارنىڭ كۇچلۇك ، مۇقىملىقىنى قوغداشتىن ئىبارەت .  مۇشۇنداق ئۆسۈم قۇشۇش ئېھىتىماللىقىنى قوغداپ تۇرغاندىلا دوللار مۇقىم ھالەتتە تۇرىدۇ .خەتەردىن ساقلىنىىش  ئېھتىياجى تۈپەيلى ئىقتىسادى چىكىنىۋاتقان دۆلەتلەردىكى كاپىتال ئۆزلۈكسىز ئامرىكىغا قاراپ ئېقىپ ئامىرىكا كارخانىلىرىنىڭ تەرەققى قىلىشىغا زۆرۈر بولغان پۇل بىلەن تەمىنلەيدۇ . ئامىرىكا ھازىر كىرزىسقا پاتقان ھەم پېتىش ئالدىدا تۇرغان دۆلەتلەردىكى دوللارنىڭ ئامىرىكىغا قايتىپ كېلىشىنى سەۋرچانلىق بىلەن كۈتىۋاتىدۇ . بۇنداق بولغاندا ئامرىكا پۇل باسماي تۇرۇپ تەرەققىياتقا زۆرۈر بولغان پۇلغا ئىگە بولىدۇ . خەلقئارادا دوللار قىسلىقىنى كەلتۈرۈپ چىقىرىپ ، دۇنيادىكى ھەرقايسى دۆلەتلەرنىڭ  ئىقتىسادى كىرزىسىنى تېخىمۇ ئېغىرلاشتۇرۇپ ، ئۇلارنى 20، 30يىلغىچە قايتا باش كۆتۈرەلمەس ھالغا كەلتۈرۈپ قويىدۇ .تارىختا مىسلى كۆرۈلمىگەن دەرىجىدىكى غايەت زور سودا ئىمپىرىيىسى بەرپا قىلىپ  يىراق كەلگۈسىدە ئامىرىكىنىڭ ئالدىنقى 40،50يىلدا مەغلۇپ بولغان دۇنيا تەرتىۋىنى قايتا ئورنىتىشتىن ئىبارەت  بۈيۈك ئىستىراتىگىيەسىنى قايتا قوزغىتىشقا   شارائىت ھازىرلايدۇ .

Abduhalim75

yegi-dunya يوللىغان ۋاقتى  2016-9-23 00:32
تۇنۇگۈن ئاخشام ئۆسۈم قوشمىدى ، ئامرىكىنىڭ ئۆسۈم قۇشۇش  ...

ئەجەپ ئۇبدان قىلىدىكەن . ھەممە ئىنساننىڭ مەنپەئەتىنى ئويلىمىغان تاكتىكا-پىلانلارنى تۈزۈش جەسىدىنى كۆمۇپ قويغۇدەك بىرسى چىقمايدىغان ئاقىۋەتنى تاللاشتىن باشقا نەرسە ئەمەس . سودا دىگەن سېتىش -سېتىۋېلىشنى ئاساس قىلىدۇ . سېتىۋالغۇچىلار مەغلۇپ بولسا ساتقۇچىلارنىڭ سودىسىنى كىم قىلىدۇ ؟ ئافرىقا ، ئاسىيا ، ئامىرىكىدىكى بىر قىسىم دۆلەت - رايۇنلارنىڭ ئېگىلىكى ۋەيران بولغاندىن كىيىن سېتىۋېلىش كۈچى ئاشقانمىدۇ ياكى قۇتقۇزۇش - قەرىز سوممىسى ئاشقانمىدۇ ؟ قارشى تەرەپنى سېتىش-سېتىۋېلىش داۋامىدا ياشاشقا ئامالسىز قويۇش دەرىجىسىدە سودا قىلىشقا قىستاش ئۆزىنى ۋەيران قىلىشتىن باشقا ئاقىۋەتنى ئېلىپ كەلمەيدۇ.

aurora

تىرامىپ سېپى ئۆزىدىن قاقباش ئۆي - مۆلۈك سودىگىرى ، بۇ كىشى پىرىزدىنت بولسا
سودا ساھەسىدە قانداق ئۆزگىرىشلەر بولاركىن .

yegi-dunya

ئامېرىكا ئاسىيا تىنچ ئوكيانغا قايتىش سەپىرىنى باشلىغاندىن باشلاپلا ئامېرىكىنىڭ كەلگۈسى ئىستىراتىگىيەلىك پىلانى بەلگىلىنىپ بولغان .
ئامىرىكىنىڭ كەلگۈسى پىلانى بولسا تارىختا مىسلى كۈرۈلمىگەن دەرىجىدە گۈللەنگەن ، ئىقتىسادى ، پۇل مۇئامىلە ساھەسىدە ، پەن تېخنىكا ،ھەربى كۈچى جەھەتتە  يېڭى بىر بالداققا كۆتۈرۈلگەن ، ئاز دىگەندە كەلگۈسى 40يىل ئىچىدە  يەر يۈزىدە ھىچقانداق بىر كۈچ ئۇنىڭ دۇنياۋى ھۆكۈمرانلىق ئورنىغا دەخلى يەتكۈزۈشكە قۇربى يەتمەيدىغان دەرىجىدىكى دۇنياۋى سودا ئېمپىرىيەسى قۇرۇپ چىقىش .
مەيلى تىرامىپ زۇڭتۇڭ بولسۇن ياكى ھىلارى بولسۇن كەلگۈسىدە بەرىبىر شۇ پىلاننىڭ ئىجرا قىلغۇچىلىرى بولىدۇ . ئىجرا قىلىش ئۇسۇلىدا بەلگىلىك پەرق بولىدۇ .
تىرامىپ ئىجرا قىلىش جەريانىدا قاتتىق قول ، تىز سىياسەت قوللىنىدۇ . ھىلارى سالماقلىق بىلەن ئاستا سىياسەت قوللىنىدۇ .
تىرامىپنىڭ نۇتۇقلىرىدا ئامرىكىنىڭ قەرزىنى تۈگىتىمەن، جۇڭگۇغا قارىتا سودا ئۇرۇشى ئېلىپ بارىمەن ،فىدىراتسيە بانكىسىنىڭ رەئىسى يېللۇن خانىمنى ئىشتىن ھەيدەيمەن دەپ جار سېلىشى ئامرىكىنىڭ  كەلگۈسى پىلانىدىن بىشارەت بەردى .
ئامىرىكا كەلگۈسى پىلاننى ئىجرا قىلىشتا،غايەت زور تاشقى قەرزنى تۈگىتىشتە پۈتۈن دۇنيا يۈزىدە ئىقتىسادى ،پۇل مۇئامىلە كىرزىس پەيدا قىلىشتىن ئىبارەت بىرلا ماڭىدىغان يولى  بار ،باشقا يول يوق .
ياۋرۇپا،ياپۇنىيە ئىقتىسادىنىڭ بىرئىزدا تۇرىۋېلىشى ، قۇزغىتىش تەدبىرلىرىنىڭ ئۈنۈم بەرمەسلىكى ، لاتىن ئامرىكىسىدىكى ،رۇسىيەدىكى ئىقتىسادى كىرزىس ،جۇڭگۇ ئىقتىسادىنىڭ چىكىنىشى ئامىرىكىنى تېپىلغۇسىز پۇرسەت بىلەن تەمىن ئەتتى .
ھارىز ئامېرىكا ئىقتىسادى بىر پىرسەنىتلىك ئېشىش سۈرئىتى ھەم نىسەتەن مۇقىم،ساغلام بولغان مەبلەغ سېلىش مۇھىتى  بىلەن پۈتۈن دۇنيادا ئەڭ ئەۋزەل ئورۇندا تۇرىۋاتىدۇ .
يېقىنقى ئوتتۇز يىللىق تارىخقا قارىساق دوللار ئىككى قېتىملىق قىممىتى ئۆسۈشنى باشتىن ئۆتكۈزدى ،بۇدەۋردە ماس ھالدا يېڭى گۈللەنگەن دۆلەتلەردە ئىقتىسادى كىرزىس يۈز بەردى . بىرى ئالدىنقى ئەسىر80-يىلىدىكى لاتىن ئامرىكا دۆلەتلىرى كىرزىسى ، 90-يىللاردىكى شەرقى جەنۇبى ئاسىيا پۇل مۇئامىلە كىرزىسى ،روسىيە قەرز كىرزىسى .
ماناھارىز دوللارنىڭ ئۆسۈش دەۋرىگە ھەقىقى كىرمەي تۇرۇپ ئۇنىڭ شەپىسىدىلا نۇرغۇنلىغان دۆلەتلەر يىقىلدى . كەلگۈسى ھەقىقى ئۆسۈش دەۋرىدە ئەھۋال بۇنىڭدىن نەچچە ھەسسە ئېغىرلاپ كېتىشى مۇمكىن .
  يېقىن كەلگۈسىدە ئامرىكا ھەقىقى  ئۆسۈم قۇشۇش دەرۋىگە كىرسە دوللارئامىرىكىغا سۇدەك ئاقىدۇ .بۇنىڭ تەسىرىدە دوللارنىڭ كۈچى ھەسسىلەپ ئاشىدۇ . كۈچلەنگەن دوللار ئامىرىكىنىڭ كىرزىس يۇز بەرگەن دۆلەتلەرگە قارىتا قايتارما سېتىۋېلىش كۈچىنى ، سىرتقا قارىتا كېڭىيىش كۈچىنى ئاشۇرىدۇ .
ئامىرىكىغا ئاققان دوللار ئالدى بىلەن بانكا سېستىمىسغا كىرىپ بانكىنى يىتەرلىك پۇل بىلەن تەمىنلەيدۇ . بۇ پۇللار كەلگۈسىدە ئىقتىسادى ۋەيران بولغان دۆلەتلەرگە قارىتا ئەرزان باھالىق چوڭ سېتىۋېلىش ،قۇشۇۋېلىشتا ئامرىكا كارخانىلىرىنى يىتەرلىك قەرز پۇل بىلەن تەمىنلەيدۇ .چوڭ كىرزىستىن كىيىن ئامىرىكا كارخانىلىرى پۇتۇن دۇنياغا يۈزلىنىپ، قۇلىدىكى كۈچلۈك دوللاردىن پايدىلىنىپ  كىرزىستىن كېيىنكى قايتا قۇرۇشتا بىرىنچى دەرىجىلىك تەشەببۇسكارلىق ئۇرۇنغا ئۈتۈپ مىسلىسىز تەرەققىيات پۇرسىتىگە ئىرىشىپ ئامىرىكا دۆلىتىگە قىممەت يارىتىپ ئامىرىكىنىڭ كەلگۈسى گۈللىنىش قەدىمىنى باشلايدۇ .

eliyahun

yegi-dunya يوللىغان ۋاقتى  2016-9-23 17:41
ئامېرىكا ئاسىيا تىنچ ئوكيانغا قايتىش سەپىرىنى باشلىغا ...

نادىر ئ‍ىنكاس،