تەغدىرىمدىن شۇنچە زارلاپ يۈرسەممۇ،
ئۆز يولۇمغا مېڭىۋەردىم ،يانمىدىم.
ئۆتمۈشۈمدىن ئازاپ-ھەسرەت كۆرسەممۇ،
ئۆز يولۇمغا مېڭىۋەردىم،يانمىدىم.
مەن شۇنچىلا بىتەلەيمۇ بىلمىدىم،
ھاياتىمدا يامان ئىشنى قىلمىدىم.
تەنھا باشقا شۇنچە كۈلپەت كەلسىمۇ،
ئۆز يولۇمغا مېڭىۋەردىم،يانمىدىم.
ئارزۇ-ئارمان بۆشۈكىدە تۇغۇلدۇم،
سۆيگۈ بەخت قۇچىقىدا چوڭ بولدۇم.
ياشلىق گۈلۈم غازاڭ بولۇپ سولسىمۇ،
ئۆز يولۇمغا مېڭىۋەردىم ،يانمىدىم.
ۋاپا ئىزلەپ جاپا كۆردۈم نامەرتتىن،
ھەيران بولۇپ <كۈلۈپ >كەلگەن ئامەتتىن.
كۆز يېشىمنى پۇشايماندا تۆكسەممۇ،
ئۆز يولۇمغا مېڭىۋەردىم،يانمىدىم.
ئىرادەم چىڭ ھايات بىلەن تۇرمۇشقا،
ھالال تەردىن ئەجىر-مېھنەت ئىزلىدىم.
چىن بەختىمنى بىر ئاللادىن تىلىگەچ،
ئۆز يولۇمغا مېڭىۋەردىم،يانمىدىم.
كۆرەلمەسلەر كەينىمدىن قىلسا غەيۋەت،
ھەسەتخورلار كولىسا ماڭا خەندەك.
يوللۇرۇمدا سانسىز تىكەن كۆرسەممۇ،
ئۆز يولۇمغا مېڭىۋەردىم،يانمىدىم.
يولدا ماڭسام كەينىمدىن قاۋىدى ئىت،
بىر يېرىمنى چاقالماستىن كايىدى پىت.
سۇخەنچىلەر يولدا قاپقان قۇرسىمۇ،
ئۆز يولۇمغا مېڭىۋەردىم،يانمىدىم.
نەگە بارسام ماڭا ئىشىك جالاقلاپ،
كېتەر باشلىق خىزمەت يوق دەپ ۋالاقلاپ.
بىر بۇردىدەك زاغرا نانغا قالساممۇ،
ئۆز يولۇمغا مېڭىۋەردىم،يانمىدىم.
تەغدىرىمدىن شۇنچە زارلاپ يۈرمەستىن،
ئوڭدا يېتىش توغرا يول دەپ بىلمىدىم.
شۈكرى قىلىپ يىدىم سىڭگەن نېنىمنى،