بەشىنچى ئەۋلاد ۋاڭ ئىسھاق ( 8 )

turkoli1997

      بەشىنچى ئەۋلاد قۇمۇل ۋاڭى ئىسھاق ( 1767 - يىلىدىن 1780 - يىلىغىچە تەختتە ئولتۇرغان ) . چىيەنلۇڭنىڭ 32 - يىلى ( 1767 - يىلى ) يۈسۈپ ۋاڭنىڭ ئىككىنچى ئوغلى ئىسھاق ئىنانچىخان دەرىجىلىك دوروبېلىلىق مەرتىۋىسىگە ۋارىسلىق قىلىدۇ . چىيەنلۇڭنىڭ 36 - يىلى ( 1771 - يىلى ) ئۇ بېيجىڭغا بېرىپ خاننى زىيارەت قىلغاندا چىڭ ھۆكۈمىتى ئۈچ كۆزلۈك __ توز قانىتى سانجىلغان قالپاق ، سېرىق پەشمەت ئىنئام قىلىدۇ ۋە چيەنچىڭ دەرۋازىسىدىن كىرىپ چىقىشىغا رۇخسەت قىلىدۇ .
      يۈسۈپ ۋاپات بولغاندىن كېيىن ، چىڭ ھۆكۈمىتى شىنجاڭدا ئىش بېجىرىدىغان كۈچلۈك ياردەمچىسىدىن ئايرىلىپ قالغانىدى ، گاۋزۇڭ خان كۆپ قېتىم ھازىر << قابىل ئادەملەر بەك ئازىيىپ كەتتى >> دەپ ئاھ ئۇرغانىدى . ئىز باسار تەييارلاش ئۈچۈن ،  چىڭ ھۆكۈمىتى ئىسھاقنى تەربىيىلەش قارارىغا كېلىدۇ . چىيەنلۇڭنىڭ 38 - يىلى ( 1773 - يىلى ) چىڭ ھۆكۈمىتى ئىسھاققا << ئاغلاقچى ئامبال >> دېگەن مەنسەپنى بېرىپ ، ئىلىغا ئەۋەتىدۇ . ئۇ نامدا بوز يەر ئۆزلەشتۈرۈۋاتقان قۇمۇللۇق ئۇيغۇر دېھقانلارنى باشقۇرىدىغان بولسىمۇ ، ئەمەلىيەتتە ، ئىلى جاڭجۈنى شۈخۇدېدىن ھۆكۈمرانلىق قىلىش ماھارىتىنى ئۆگىنىدۇ . ئۈچ يىل ئۆتكەندىن كېيىن ( 1776 - يىلى ) ئۇ قۇمۇلغا قايتىدۇ . چىيەنلۇڭنىڭ 45 - يىلى ( 1780 - يىلى ) ئىسھاق چېچەك چىقىپ ئۆلىدۇ .  چىڭ ھۆكۈمىتى بۇنىڭغا قاتتىق ئېچىنىدۇ ۋە دەپنە ئىشلىرى ئۈچۈن 300 تەڭگە بېرىدۇ .


        داۋامى بار

    مەنبە : قۇمۇل ناھىيىسى تەزكىرىسىدىن

tohotur

بۇرادەر مەن قومۇل ۋاڭلىرىنىڭ ھەرەمدە ئوي مۇلۇك ئالغان ساتقان ئىشلىرىغا قىزىقىمەن .شامەخسۇتتىن باشقا مەن يەنە بەدۇلەتنىڭ ھەرەمدە ئوي زىمىن بىنا قلىغانلىغىنى بىلىمەن ،ھەرەمدە ئوي سالغان يەنە باشقا پادىشالارمۇ بارمۇ ؟

akku0902

يۇرتىمىزنىڭ تارىخىدىنمۇ خەۋەردار بولۇپ قويساق بولىدۇ، ئالدىنقى يىلى ۋاڭ ئوردىسىغا بارغاندا ماتېرىياللىرىنى كۆرگەنتىم .