باغداش ئولىمالىرى،شائىرلىرى،پەيلاسوپلىرى ئىشقىلىپ ماھارىتى بارلىكى كىشىلەرنىڭ داۋاملاشتۇرۇپ نۇرۇزنامە ئوقۇشىنى ئۆمۇد قىلىمەن.
نەۋرۇز ھارپىسىدا باغداشتىكى شائىرلىرىمىزنىڭ شېئىرلىرىنى ئاڭلاش،ئۇلۇغلاش ھەممىمىزگە نېسىپ بولسۇن.نەۋرۇز بىز تۇركى مىللەتلىرىنىڭ مىللى بايرىمى ،بۇ بايرامغا ،ئاتىللانىڭ جەسۇر روھى،ئالىپ ئەرتۇڭانىڭ مەردانە نەپسى سىڭگەن،ۋەتەن ئوغلانى ،ئۇيغۇر ئاتىسى مەھمۇد قەشقىرى بۇ كۇننى ئۆز قەۋمى بىلەن ئۇلۇغ پىكىرلەرنى رۇياپقا چىقىرىپ ئۆتكۇزگەن،تارىخ قىسمەتلەرگە باي،كەينىمىزگە قارىساق تالاي ئوتيۇرەكلەرنىڭ ھەسرىتى كۆڭلىمىزنى تولىمۇ يېرىم قىلىدۇ،ئالدىمىزغا قارىساق قاپقار تۇمان پارلاق قوياشنى توسۇپ كۆڭلىمىزنىڭ نازۇك تۇيغۇلىرىنى ئۇمۇدسىزلىككە باشلايدۇ،خۇددى نازىنىن قىز ئۆز مەشۇغىنىڭ ئالدىدا قىزىرىپ تۇرغان ۋاقىتتا ئاشىغى كاپپىدە قولىنى تۇتىۋالغاندىكى ھاياجانلىق ھىسياتتەك تەبىئەتنىڭ سۆيگۇسى باھارنى چىللايدۇ،مەنمۇ ساپ ئىمانىم بىلەن،ۋىجدانىم بىلەن باھارنى چىللايمەن،بارلىق تور ئەھلىمۇ باھارغا تەشنا،باھارغا تەشنالىق دەل نەۋرۇزغا تەشنالىق ،نەۋرۇز بايرىمى دەل مىنىڭ چوڭ ئوغلۇمنىڭ تۇغۇلغان كۇنى،شۇ مۇناسىۋەت بىلەن تورداشلار نەۋرۇزغا ئاتاپ مۇشائىرە قىلىشىپ باقايلى.
مەن ئالدى بىلەن ئۆزەم ئۆتكەن يىلى يازغان شىئىرلارنى يوللاي.
خىيالىم بۇلۇت- ئاسمان قوينىدا، تاتلىق پۇراق پۇرايدۇ ھامان، جەسەتتەك تاقىر گاداي دەرەخلەر، ئۆزگىرەپ پارتىلار شۇنچىلىك ئاسان.
ئاسمان كۆك،دىنپىر،سايراممۇ كۆك، ئوغۇز شاھىنىڭ بايرىغىمۇ كۆك، بوز تۇپراق نىگاھ قاراپ كۆككە، شۇندىلا ئۈنىدۇ زېمىندا كۆك.
جاناننىڭ كۆزىدە بەلكىم توپان بار، مەجنوننىڭ چىھرىدە بەلكىم گۇمان بار، كىم قالدى دۇنيادا قۇپقۇرۇق-يالڭاچ، چۇشەنگەن كىشىدە بەلكىم ئىمان بار.
2
قارىسام ئەتراپقا ،
كۆز ياشلىرىم قۇرۇپ كىتىپتۇ،
نىمجان تىلەكلىرىم ،
شۇنچىلىك ئازاپ،
ياپراق كۆرۇنمەس،
مۇدھىشتۇر ئالەم،
يا بىر پۇراق،يا بىر مەنا يوق،
زېمىن چايقىلىپ ئاستا،
ئۆز-ئۆزىدىن بىزار ،
قېنى ئىزگۇ،قېنى ئۈز جانان،
مەيىن شامال،
يازنىڭ ھىدىنى چىمدىم ئېلىپ،
زەيتون دەرىخدىن خەۋەر بىرىپ،
ئۆتتى ئاستا لېۋىمنى سىلاپ،
بەلكىم نوھمۇ شۇنداق،
سۆيۇنگەندۇ مەندەك،
نۇرۇز مىھرىدىن،
جانان چېھرىدىن
-كۆكتۇرۇك نۇرۇزنامە
ئاسمان-زىمىن نەۋرۇز پۇرايدۇ
تۇپا ھىدى يامغۇر پۇرايدۇ
دەرەخلەردە بىخلار ھاياتلىق
كۆڭلۈللەردىن ئاقلىق پۇرايدۇ
بىر دان ئىدۇق، مىڭ دانە بولدۇق
غەمخانە كۆڭۈل كۆڭۈل سورايدۇ
تۇرنىلاردىن سورايمەن باھار
ئۇلار مەندىن يازنى سورايدۇ.
توپا يوللار سۇلارغا سالام
باھار كەلسە گۈلگە ئورايدۇ
ھەممە ئادەم نەۋرۇز كۈنىدە
بىر-بىرىگە گۈلگۈن قارايدۇ
گۈللەر، تاغلار، يولغۇنلار ھەتتا
قۇتلۇق كۈندە ئايەم پۇرايدۇ
قۇملۇقلاردا باھارنىڭ ھىدى
تەشنالىقتا سۇنى ئويلايدۇ
دەريا كۆللەر كۆكلەيدۇ بۈگۈن
پاك زىمىنغا سالام يوللايدۇ
رىسالەتنىڭ كۆڭۈل سوۋغىسى
ھەممەيلەندىن ئەھۋال سورايدۇ
-ئايتاراتى |