قاسىم قىزىق لەتىپىلىردىن |
سېنى بىللە ئېلىپ كەتسە بولامتى |
قاسىم قىزىقنىڭ بىر ئاغىنىسى بولۇپ ،ئايالى بىلەن بىر ئۆمۈر كېلشەلمەي ئۆتكەنىكەن .بىر كۈنى تۇيۇقسز شۇ ئاغىنىسىنىڭ ئايالى قازا قىپتۇ .ھازا كۈنى |
ئۇ ئاغىنىسى ئايالىدىن ئايرىلغۇسى كەلمىگەندەك مۇنداق دەپ ھازا ئېچىپتۇ : |
-ئەي مۇرەببىم !ياش كەتتڭىزغۇ مۇرەببىم !مېنى تاشلاپ كەتتىڭىزغۇ مۇرەببىم !سىز كەتسىڭىز مەن قانداق قىلمەن مۇرەببىم ! |
-سەۋرى قىلغىن ئاغىنە ،-دەپتۇ قاسىم قىزىق ،-ئايالىڭ سېنىمۇ ئېلىپ كەتسە بولامتى ؟ بىر ئۆيگە پاتمىغانلار بىر گۆرگە قانداق پاتسۇن ،ئايالىڭ باقى ئالەمدە بولسمۇ تىنچراق ياتاي دەپ سېنى ئېلىپ كەتكۈسى كەلمىگەندۇ -شۇ . |
|
ئېشەككە ئېسىپ قوياي |
بىر كۈنى بىر تۇل چوكان قاسىم قىزىققا ئەھۋال ئېيتىپ كىرىپتۇ ۋە يېنىدىن بىر دانە چىرايلىق تاشلانغان تۇمارنى ئېلىپ مۇنداق دەپتۇ : |
-قاسىم ئاكا ئۆتكەندە ماڭا ئوخشاش تۇل قالغان ئاغىنەم ۋاپات بولىۋىدى كۆزۈمگە چىرايلىق كۆرۈنۈپ بۇ تۇمارنى ئۇنىڭ بوينىدىن ئېلۋالغانىدىم .مۇشۇ تۇمارنى يېنىمدا ساقلىغاندىن بۇيان بىر ئەر كىشى كىچە -كۈندۈز ئۆيۈمنىڭ ئەتراپىدىن كەتمەيدىغان بولۇۋالدى .تۇمارنى تاشلىۋېتىشكە ياكى باشقا بىرسىگە بېرۋېتىشكە كۆزۈم قىيمايۋاتىدۇ ،قانداق قىلسام بولار ؟ |
-ئۇنداق بولسا بۇ تۇمارنى ماڭا بەرسىلە -دەپتۇ قاسىم قىزىق . |
-ئۆزلىرى نېمە قىلىدىلا ؟- دەپتۇ ئۇ چوكان ھەيران بولۇپ . |
-بۇ تۇمارنى ئېشىكىمگە ئېسىپ كۆرۈپ باقاي ،-دەپتۇ قاسىم قىزىق ،- ھېلىقى كىشى ئېغلىنىمۇ كىچە -كۈندۈز چۆگىلەمدىكىن . |
|
دوپپىسىنى قايناتسا چىقىدۇ |
قاسىم قىزىق ۋاڭ ئوردىسىدا ئىشلەۋاتقان كۈنلەرنىڭ بېردە ،يېقىن بۇرادەرلىردىن بىرى قاسىم قىزىقتىن ،بۇيۇن گۆشلىرى بۇقىنڭكىدەك تۈرۈم -تۈرۈم سەمىرىپ كەتكەن قارا قورساق ساپاسز بىر بەگنى كۆرسىتىپ سوراپتۇ : |
-قاسىم ئاخۇن مۇنۇ بەگنىڭ بېشىنى كېسىپ قازاندا قايناتسا شورپىسى چىقارمۇ ؟ |
-قارسىلا بۇرادەر ،-دەپتۇ قاسىم قىزىق ئۇ بەگنىڭ مايلىشىپ كەتكەن دوپپىسىنى ئىشارەت قىلىپ : |
- كاللىسىنى قايناتسا چىقمىغان شورپا دوپپىسىنى قايناتسا چىقىدۇ . |