شۈكرانى: دېرىزەمدە مىسكىن ئ‍اي

ostangboyi

دېرىزەمگە ئېقىپ  ئ‍اي نۇرى،

سۆزلەر ئ‍استا جانان تىلىدا.

ھېسلىرىمغا چەككەندە نەقىش،

باغلىنىمەن سۆيگۈ قىلىدا.

قوللىرىمنى سۇنىمەن سەۋدا،

كۆزلىرىمدە پىراقنىڭ ئ‍ىزى.

جىمىرلايدۇ خىرە، يىراقتا،

ماڭا تالىق بەختىم يۇلتۇزى.

قاراڭغۇنى كىيىپ ئ‍ۇچامغا،

ئ‍ېزىقىمەن يارنىڭ چۆلىدە.

تەشنالىقىم ۋىسال ئ‍ىزدەيدۇ،

گۈلخانىڭكى ئ‍ۆچكەن كۈلىدە.

قۇچىقىدا تۈنەيمەن تۇننىڭ،

خىياللىرىم ئ‍ۇزاقتىن ئ‍ۇزاق.

كۆرىنىدۇ مسكىن ئ‍اي يۈزى،

تولۇنلىقى بولسىمۇ   ئ‍ۇماق؟!

زۇنۇنجان مەمتىمىن شۈكرانى

4-ئۆكتەبىر

sintax

دېرىزەمدىن ماراپ تولۇن ئاي ،
ئەسلىتىدۇ يارنىڭ يۈزىنى .
ھەۋەس قېلىپ كۆكتە يۇلتۇزلار ،
چىمىرلىتىپ قىسار كۆزىنى .
                                     سېغىنىشقا تولغان بۇ كېچە ،
                                     خىلۋەتلەردە ئاشىقنىڭ كۈيى .
                                     ۋىسال ئۈچۈن ئايغا تەلمۈرۈپ ،
                                     ئۆتەر مۇندا غېرىبنىڭ ئۆيى .

sintax

بۈگۈن كېچە ئاشۇ تولۇن ئاي ،
كۆرۈنمىدى ، ياغدى تۇنجى قار .
سوغات قېلىپ ئاپپاق لىباسنى ،
ئەۋەتتىڭمۇ سەن ماڭا نىگار .
                                     خىروستالدەك ئاپپاق سوغىتىڭ ،
                                     لەۋلىرىمگە سۆيدى ئوت بولۇپ .
                                     كەچمىشلەرنى ئەسلىدىم شۇ چاغ ،
                                     كۆزلىرىمگە ئىسسىق ياش تولۇپ .

بۈگۈن كەچ يۇرتىمىزدا تۇنجى قار ياغدى . شۇ ۋەجىدىن ئىلھامىم تۇتۇپ بۇ شېئىرنى جېجىلاپ قويغۇم كەلدى .