كىتابنى بىلدىم بۇرادەر، بايان ئەيلىدىم ئول شىئىرىيەتنى.
كىتابتىن ئالدىم سۆز-ھىكمەتلەر، ھىس قىلدىم سىھىرىيەتنى.
كىتابنى خاقان دەپ بىلدىم، قىلدىم شۇ شاھقا ئىتائەتنى.
كىتابتىن پەسەيىتمەك بولدۇم، ئىلىم يولىدىكى بىتاقەتنى.
كىتابنى ئىرەمباغ كۆردۈم، ئايلاندىم، بىلدىم جەننەتنى.
كىتابتىن يۇرتۇمغا كۆيدۈم، ھىس قىلدىم تەبىئەتتىكى سەنئەتنى.
كىتاب قىلىپ مەن بۇرغا،ياڭراتتىم تەڭلىك-ھەقىقەتنى.
كىتابتىن ياندىم تارىخقا، ئەيلىدىم ئەجدادقا ھۆرمەتنى.
كىتابنى قىلدىم ئۈمۈدلەر نىشان، سۈردۈم غىلما-پاراغەتنى.
كىتابتىن ئۈلگىلەر مىزان، يوقاتتىم يارا- جاراھەتنى.
كىتابنى بىلدىم چىن بايلىق، سۆيدۈم ئەقىل جاۋاھرەتنى،
كىتابتىن تاپمىدىم خارلىق، تاپتىم روھى سالامەتنى.
كىتابنى سۆيدۈم ئاشىقتەك،سەزدىم مىھىر-مۇھەببەتنى،
كىتابتىن بۇ ھايات ياشلىقتەك، كۆرمىدىم زار-مۇشەققەتنى.
كىتابنى قىلدىم تۇغ-مەشئەل،يورۇتتۇم قاباھەتنى.
كىتابتىن ياسىدىم سەندەل،يەنجىدىم زاۋالەتنى.
كىتابنى قىلدىم مەن تۆۋرۈك،تىكلدىم ئۆزۈمدىكى قىممەتنى.
كىتابتىن قۇردۇم مەن كۆۋرۈك،تۇتاشتۇردۇم ھاياتقا ھۆرمەتنى!
2016-10-30 (جىياڭمىن)
ئەسسالامۇ ئەلەيكۇم، ھۆرمەتلىك ئىلمكارلار، كىتابخۇمار، ئىزدەنگۈچى ئىزچىلار! ئۇشبۇ پەيىتتە سىزلەر بىلەن تور يۈزى ئارقىلىق ئۆزۈمنىڭ ئىلھام خاتىرىلىرىدن ئۈزۈندىلەرنى ھەمبەھرە قىلغىنىمغا خۇشالمەن. ئىلىم يولىدا ئىزدىنىپ، تەغدىر ئىلاھىي تەرىپىدىن تەغدىرىلىنىپ، گۇاڭدۇڭ ئۆلكىسىنىڭ جىياڭمىن شەھىرىدە تولۇق ئوتتۇرا مەكتىپىنى ئوقۇش مۇشەففىرىگە ئىرىشىتىم. مۇشۇ جەريانلاردا تورغا چىقىش شەرىت شارائىتلىرنىڭ يىتەرسىزلىكى سەۋەبىدىن ، سىزلەر بىلەن داۋاملىق ھەمبەھرە بولۇش شارائىتىدىن مەھرۇم قالدىم. ئۆزۈمنىڭ يىزىقچىلىققا بولغان ئوتتەك قىزىقىشى تۈپەيلى، بۇلتۇر بىر يىل تەييارلىق ھاياتىمدىكى ئىلھام جەۋھەرلىرىنى بۇ تەتىلدە سىلەرگە تەسەددۇق قىلدىم. ھەم داۋاملىق قىلۇرمەن. ھەرقايسى ئوستازلارنىڭ مەندەك بىر ئىلىم ئىزچىسنى قوللىشىنى ۋە داۋاملىق پىكىر-تەكلىپ بىرىشنى چىن دىلىمدىن ئۈمۈد قىلىمەن! شىئىرلىرىمنىڭ سەۋيەسى تۈۋەن، مەزمۇنى چولتا. بۇلار سىلەرنىڭ تەكىلپ تۈزىتىشىڭلاردا مۇكەممەللىك تاپقۇسى! |