چەتئەل تاراتقۇلىرى:خەلقئارا بوشلۇق پونكىتىدا تۇنجى قېتىم سۈنئىي ئېغىرلىق كۈچى كۆرىنىشى مۇمكىن ئىكەن cnbeta تورى خەۋىرى،نۇر تورى تەرجىمىسى.
روسىيە پەنلەر ئاكادىمىيىسى بىئومېدىتسىنا تەتقىقات ئورنىنىڭ باشلىقى ئولېگ ئورلوف(奥列格·奥尔洛夫) مۇشۇ ئاينىڭ 10-كۈنى ئىپادە بىلدۈرۈپ، روسىيە تەتقىق قىلىپ ياساۋاتقان خەلىقئارا بوشلۇق پونكىتى ئالەم بوشلۇقى بۆلۈمچىسىدە، سۈنئىي ئېغىرلىق كۈچى ئىشلەپچىقىرىدىغان سېنترىفۇگ ئورۇنلاشتۇرۇلىدىكەن. روسىيە سۈنئىي ھەمرا تورىنىڭ 10-نويابىر خەۋىرىگە ئاساسلانغاندا، ئورلوف مۇنداق دېگەن: بىز كىچىك تىپتىكى سېنترىفۇگ ياساپ چىقىپ، سۈنئىي ئېغىرلىق كۈچى ياساش ئىقتىدارىمىزنى نامايەن قىلدۇق. كىچىك تىپتىكى سېنترىفۇگ، نۆۋەتتە ئېنىرگىيىلىك راكىتا ئالەم بوشلۇقى شىركىتى تەتقىق قىلىپ ياساۋاتقان خەلقئارا بوشلۇق پونكىتى ئالەم بوشلۇقى بۆلۈمچىسىدە سۈنئىي ئېغىرلىق كۈچى ھاسىل قىلىش ئۈچۈن ئىشلىتىلىدۇ. بۇ يىل 5-ئايدىكى ئۇچۇرلاردىن قارىغاندا، روسىيە ئامېرىكىنىڭ «بىگىلوۋ كىڭەيتكىلى بولىدىغان ھەرىكەتچان بۆلۈمچە(BEAM)»گە ئاساسەن گازلىق بۆلۈمچە تەتقىق قىلىۋاتقان ئىكەن. مۆلچەرگە ئاساسلانغاندا، ئوخشاش تۈردىكى گازلىق بۆلۈمچە، كەلگۈسىدە ئالەم بوشلۇقىدا خىزمەت قىلىۋاتقان خادىملار ئۈچۈن تۇرالغۇ ۋە ئىشخانا بوشلۇقىنى كېڭەيتىش ئۈچۈن ئىشلىتىلىدىكەن.ت ئا س س (سابىق سوۋېت ئىتتىپاقى) ئاگىنېتلىقىنىڭ 11-نويابىر خەۋىرىگە ئاساسلانغاندا، روسىيە ئېنىرگىيىلىك راكىتا ئالەم بوشلۇقى شىركىتى 11-نويابىر مۇنۇلارنى جاكارلىدى: مەزكۇر شىركەت، ماشىنا ئادەم تېخنىكا سېستىمىسى پەنلەر ئاكادىمىيىسى ۋە ئەقلىي ئىقتىدارلىق ماشىنا ئادەم تەتقىق قىلىپ ئىشلەش شىركىتى بىلەن بىرلىكتە ئالەم بوشلۇقى ماشىنا ئادىمىنى تەتقىق قىلىدىكەن. بۇ شىركەتنىڭ باش دېرىكتورى ۋىلادىمېر سولىتسېۋ(弗拉基米尔·索恩采夫) ئىپادە بىلدۈرۈپ، بۇ پەقەتلا بىر تەتقىقات تۈرى ئەمەس، بەلكى ئالەم بوشلۇقى ماشىنا ئادەم تېخنىكا تەرەققىياتىنىڭ بىر قىسمى. ئۇ يەنە مۇنداق دېدى: مېنىڭ قارىشىمچە، كەلگۈسى ماشىنا ئادەم ئالەم ئۈسكۈنىسى كونترول قىلىپلا قالماي يەنە ئايغا ياكى ئۇنىڭدىنمۇ يىراق بولغان ئالەم بوشلۇقىدا خىزمەت قىلالايدۇ. ئېنىرگىيىلىك راكىتا ئالەم بوشلۇقى شىركىتى ئېلان قىلغان ئاخباراتتا دىيىلىشىچە، ھازىر تەتقىق قىلىنىۋاتقان ماشىنا ئادەم تېخنىكا سېستىمىسى، مۇستەقىل يۆتكىلەلەيدىغان ماشىنا ئادەم، كونترول سۇپىسى، بىرگەۋدىلەشكەن توپلاشتۇرۇلغان سېستىما ۋە يەر يۈزى قىسىمى سېستىمىسىنى ئۆز ئىچىگە ئالىدىكەن. پىلان بويىچە، ئالەم بوشلۇقى ماشىنا ئادىمى 2020-يىلىدىن 2024-يىلىغىچە بوشلۇققا قويۇپ بېرىلىپ، خەلىقئارا بوشلۇق پونكىتى روسىيە ئىلىم-پەن، ھەرىكەت بۆلۈمچىسىدە سىناق ئىشلىتىشكە تاپشۇرۇلىدىكەن. ماشىنا ئادەم بۆلۈمچە سىرتىدا يۆتكەش بۇيرۇقى ھەمدە يۈك توشۇش مەشغۇلاتىنى قىلالايدىكەن. ھەرخىل كونترول قىلىش بۇيرۇقلىرىنى تاماملىيالايدىكەن. مەسىلەن: ئۈسكىنىنى قۇراشتۇرۇش ۋە چۇۋۇش، نۇر كابىلنى ئۇلاش شۇنداقلا كامېرا ئارقىلىق تەجرىبە بۆلۈمچىسىنىڭ سىرتقى سائىتىنى كۆرۈش مەشغۇلاتىنى تاماملىيالايدىكەن. ئۇ يەنە بۆلۈمچە سىرتى ۋاكوئۇم ئادىئاباتىك تاختىسىنى كېسىش، رېزبا بېشىنى چۇۋۇش ۋە قۇراشتۇرۇش، بۆلۈمچە سائىتى سۇۋۇق ئەۋرىشكىسى ئېلىش قاتارلىق تۈرلۈك ئىقتىدارلارنى ئىگەللىيەلەيدۇ. ئۇندىن باشقا، ئالەم ئۇچقۇچىسىغا ياردەملىشىپ بۆلۈمچىدىن چىقىش ۋەزىپىسىنى تاماملىيالايدىكەن. خەۋەردە دىيىلىشىچە، ئالەم بوشلۇقى ماشىنا ئادىمىنىڭ سېستىما باھالىغان تەننەرخ باھاسى ئىككى مىليارد 400 مىليون رۇبلى (تەخمىنەن 250 مىليون يۈەن)، روسىيە 2019-يىلى ئىلىم-پەن، ھەرىكەت بۆلۈمچىسىنى خەلقئارا ئالەم بوشلۇقى پونكىتىغا ئۇزۇتۇشنى پىلانلىماقتا.
ئەسكەرتىش:
بۇ تېما ئېغىرلىق كۈچىنىڭ ماھىيىتىنى چۈشۈنۈشتە مۇئەييەن ئەھمىيەتكە ئىگە تېما بولغانلىغى ئۈچۈن "نۇر" تورىدىن ئېلىپ كېلىنىپ يوللاندى.
خەنزۇچىسى:
外媒:国际空间站或首次出现人造重力
|