ئەللەي بالام ئۇخلىغىن،
بۇنچە ئاچچىق تولغانما.
خوراز چىللار تاڭ ئاتسا،
غەقىش قىلما زارلانما.

بۆشۈكىڭنى تەۋرىتەي،
باغرىمنى يېقىپ تەرلىتەي.
يۇم-يۇم كۆزۇم تايچىغىم،
مەنمۇ تەڭ ئۇخلاپ كىتەي.

چاكىلداتما لىۋىڭنى،
مەندە سۇت يوق بىر تېمىم.
ئىسىت!قۇرۇق روھىممۇ ،
ئېيتارغا يوق چۆچۇگۇم.

ئاتاڭ بىھوش روھ تېنى،
چۈشلىرىدە سۇلتاندۇر.
يايلىغىدا يوقلۇقنىڭ،
ئاناڭ نىمجان چوپاندۇر.

ئەللەي بالام ئوڭلۇغۇم،
ماڭا سىرداش مۇڭلۇغۇم.
دەشىت باياۋان كەپىمىز،
بوران ئوۋلاپ باستى قۇم!

ئانلار بۇ ئەللەي ناخشىسىنى ئۆگۈنۋالسا بولغۇدەك.......

ئۆزىڭىز ئىجاد قىلغانما ؟

ئاتىلار ئۈچۈن ئېتىلغان ئەللەي ناخشسى ئىكەن.

پىكىر تېرەن، بەكمۇ ھۇزۇرلۇق شېئىر بوپتۇ. ئىلھامىڭزغا بەرىكەت تىلەيمەن .

راسلا بەك ئېسىل شېئركەن. مەنبەسى كىمنىڭ ئەسكەرتىپ قويمامسىلەر .

بەك ياخشىكەن، مەن ئۉۇۉۉگىنىۋالمىسام.

  

بىر نەچچە كۈن ئۇدا ئۇقۇپتىمەن بۇ شېئرنى. داۋاملىق يىڭى ئەسەرلىرىڭزنى كۆرۈپ تۇرساق دەيمەن .

كچىكىپ ئوقۇغۇنىمدىن بەكمۇ خۇرسۇندۇم !