چارچىدىم
                                    (شېئىر)


خىزمەت،
ئىشخانا،
تەكرار ھايات.
مەن باغلىنىپ قالدىم ئېھتىمال،
ئايدا بەرگەن تۆت تال تەڭگىگە.
بەك چارچىدىم،چارچىدى روھىم،
يالغان كۈلۈپ يۈرگەچ ھەممىگە.

بۇ يەردە،
چارچىتىدۇ سەزگۈلىرىمنى.
ئۆزگە بىر تىل، ئۆزگە قىياپەت.
ئانا تىلىم قالار مۇڭسىراپ،
ئۇنتۇلىدۇ بۇ سەككىز سائەت.

ئۆيۈم،
ئىللىق دۇنيا،
ئۆزۈمگىلا تەۋە جەمئىيەت.
بۇ يەردە يوق،
باشلىق ، ئىشخانا.
ئارام ئالسۇن چارچىغان سەزگۈم،
ئۇنتۇپ كىتىپ ھەممە ھەممىنى،
ئۇخلىۋالاي قېنىپ بىر راسا...

شېئىرنى ئۇقۇپ مېنىڭمۇ ھاردۇقۇم  چىققاندەك بۇلۇپ قالدى. گەرچە  شېئىرىڭزنى كەسپي تىل بىلەن باھالىيالمىساممۇ، بىر ئېغىز سۆز «ئېسىل»

بەزدە مەنمۇ شۇنداق چارچاش ھېس قىلمەن. ..
قەلەم تۇلپىرىڭىز ھارمغاي.......

شۇنداق ،
ئىشخانا،
ئىشخانىدىكى ئىشلار،
مېنىمۇ چارچىتىپ قويىدۇ گاھى.
سىز دېگەندەك،
قايتىپ ئۆيۈمگە،
ئارام ئالاي دەپ
 ياتسام ئەمدىلا،
ماڭا يۈكلەنگەن مەسئۇلىيتىم،
مېنى توۋلايدۇ.
ھالىدىن خەۋەر ئېلىشىم كېرەك،
چۈنكى ئۇ مېنىڭ،
يۈرەك پارەم،
تەسەللىرىم،
ئوتى كۈچلۈك،
ئاجىز بىر جانىم.
چارچاش ماڭا بولىدۇ ھەر ۋاخ،
شۇڭلاشقا ماڭا،
ئىشخانا،
ئىشخانىدىكى ئىشلار،
بىلىنىپ كەتمەس،
ھىچقانچە بېسىم،
گاھى شۇ خىزمەت،
بولىدۇ ماڭا،
ئاراملىق ۋاقىت.
... ...

ھەممىلا ئادەمدە مۇشۇ خىلدىكى ھېسىيات بولسا كېرەك. بىراق مۇھىمى ئالدىرىدۇق، ئارام ئالمىدۇق، ئۇنداقتا  ھەر بىر كۈنىمىزدە ئۆزىمىزگە يۈز كېلەلىگىدەك، قانداق ئىشلارنى قىلالىغاندىمىز، بۇ نوقتا ئايدىڭلاشسىلا، بىر بولسا تېخىمۇ چارچايمىز، بىر بولسا ھاردۇقىمىز بىراقلا چىقىپ كېتىدۇ.
چىنلىق مۇجەسسەملەنگەن بۇ شېېرسىن مەمنون بولدۇم، قەلەم تۇلپارىڭىز ھارمىغاي!!!!

ھەر كۈنى ئىشتىن چۈشۈپ ئۆيگە كەلسەملا شۇنداق ئەركىن بۇلۇپ قالىمەن، خىزمەت جەريانىدىكى روھىيەتتىكى چارچاش مىنى ھەقىقەتەن بىئارام قىلىدۇ.

شېئىرىڭىزدىن مۇنۇ جۈملىڭىز مىنى بەكمۇ روھلاندۇردى!!!« ۋەتەن-ئىمان بىلەن بىر جان»
توغرا ۋەتەن ۋە مىللەت -ئىمان بىلەن بىر جان...

ھەي !!!توغرا دەيسىز ،
خىزمەت ، ئىشخانا ،
باغلىنىپ قالغان بىز تۆت تال تەڭگىگە .
رەھمەت ،سىزگە ،
ۋە لېكىن ،
كۆڭلۈمدىكى گەپ،
ئويلىساق بىز كەلگۈسىمىزنى ،
كەلگۈسى ئىزباسار ئەۋلادىمىزنى ،
ھاردۇقىمىز چىققۇسى شۇئان .
تىرىشايلى كەلگۈسى ئۈچۈن ،
ئورتاق ئارزۇ ، بىر نىشان ئۈچۈن ،
ھارماس تۇلپار بۇلۇپ بىر ئۆمۈر .

قولىڭىزغا دەرد كەلمىسۇن . داۋاملىق ياخشى تىمىلارنى يوللاپ تۇرغايسىز .

    

بۇ يەردە،
چارچىتىدۇ سەزگۈلىرىمنى.
ئۆزگە بىر تىل، ئۆزگە قىياپەت.
ئانا تىلىم قالار مۇڭسىراپ،
ئۇنتۇلىدۇ بۇ سەككىز سائەت.
            توغرا دەيسىز،جىسمانى ھارغۇنلۇقتىن روھى ھارغۇنلۇق يامان.

 رەھمەت سىزگە!