ئەگەر باشقىلار ئۆيىڭىزدە ياكى سىزنىڭ قېشىڭىزدا ياكى سىز ئۇرۇنلاشتۇرغان بىرەر پائالىيەتتە ئۈلۈپ قالسا::
مۇشۇ نەچچە ئاي ئىچىدە شۇنداقلا ئۈلۈشكۈنمۇ مۇشۇنىڭغا ئوخشاش خەۋەر ئاڭلىدىم، يەنى ۋاپات بولغۇچى ئۆز ئۆيىدە، ئاتا ئانىسىنىڭ قېشىدا ئەمەس،بەلكى يات بىرسىنىڭ،دوستىنىڭ ياكى تۇققانلارنىڭ ئۆيىدە ئۈلۈپ قالغان. ئۇلارنىڭ ئۈلۈپ قېلىش سەۋەبلىرىمۇ ئوخشاش ئەمەس ۋە ئىشتىن كېيىن ئۇلارنى بىر تەرەپ قىلىشىمۇ ھەر خىل بولغان.
ئەلۋەتتە، ئادەم قاچان،قايسى جايدا، نىمە ئىش سەۋەبلىك ئۈلۈشىنى بىلمەيدۇ. شۇنداقلا، ئادەم ئادەملەر ئارىسىدا ھەر خىل پائالىيەتلەرگە قاتنىشىپ تۇرغانلىقتىن، شۇ يەرگە بارغاندىن كېيىن نىمە ئىش يۈز بېرىشىنى ئالدىن بىلەلمەيدۇ. ئەمدى مىسالغا كەلسەك:1-مىسال: ئالدىنقى قېتىمقى ھايات شۈنچىلىك، ئۈلۈم تەخىرسىز...دىكى مەرھۇم ياش يىگىت باشقا بىر شەھەردە ،دوستىنىڭ ئۆيىدە يۈرەك كىسىلى قوزغىلىپ ۋاپات بولغان، بۇ ئىش يۈز بەرگەندە دوستى ۋە ئۆي ئىگىسى بولغان ئاتا ئانا ، ئاۋال 110،120 غا تېلفۇن قىلىپ، قانۇن دوختۇرى ۋە ساقچىلار ئارقىلىق بۇ ئىشنىڭ تەپسىلىسىنى بايان قىلغان، نەتىجىدە قانۇن دوختۇرى ئېنىق ئىسپات چىقىرىپ ، ساقچىلار ھەقىقى ئىشنىڭ ماھىيىتىنى ئېنىقلىغان، شۇنىڭ بىلەن مەرھۇمنى ئۆز ئۆيىگە تەكلىپ قىلغان دوستى ۋە دوستىنىڭ ئاتا ئانىسى ئۇۋالچىلىق تارتمىغان، مېيىتمۇ ئەتىسى ئۈرۈمچىگە ياندۇرۇلۇپ كېلىپ، يەرلىكىگە ۋاقتىدا قويۇلغان. .2-مىسال: بىر نەچچە دوست سورۇندا ئولتۇرغان، كېيىن، سورۇن ئاياقلاشقاندا ئۆلگۈچى دوستىنىڭ ئۆيىگە كەتكەن، شۇ كۈنى كېچىدە ئۆلگۈچى ۋاپات بولغان، دوستى قورقۇپ كېتىپ، دوستىنى يۈدۈپ، «ئۇنى ماشىنا بېسېۋىلىپ ئۈلۈپ كېتىپتۇ دىسۇن، بىكار ماڭا ئۇۋالچىلىق تارتىپ قالماي»- دەپ، دوستىنى يولغا ئاچىقىپ تاشلىۋەتگەن ،نەتىجىدە، بۇ ئىش سەۋەبلىك مىيىتنىڭ ئاتا ئانىسى ساقچىغا ئەرز قىلغان، نەتىجىدە ئارىدا نۇرغۇن ئوقۇشماسلىقلار، كۈڭۈلسىزلىكلەر يۈز بەرگەن، مىيىتنىمۇ ۋاقتىدا يەرلىككە قويۇشقا ئامال بولمىغان،ئارىدىن خېلى كۈنلەر ئۆتكەندە ئاندىن مىيىت يەرلىككە قويۇلغان. 3-مىسال: يىراق يەردىن كەلگەنلەر،چىشى قۇدا، كېلىن ۋە نەۋرە قاتارلىق ئۈچ كىشى،قېينى ئانا= قۇدىسىنىڭ ئۆيىدە تۇرغان، 12-ئاي مەزگىلى بولغاچقا، يېزىدىكى، كاڭ بار ئۆي بولغاچقا، ھاۋا سوغاق بولغاچقا، ئۆيگە ئوت قالانغان، ئۆيدە ئىككى چىشى قۇدا، كېلىن ۋە نەۋرە بۇلۇپ جەمى 4 ئايال ياتقان، پاجىئە شۇ كۈنى كېچىدە يۈز بەرگەن ، كاڭدىن ئىس يېنىپ، ئىستا زەھەرلىنىش كۈرۈلگەن نەتىجىدە،يىراقتىن كەلگەن چىشى قۇدا بىلەن نەۋرە(3 ياشقا كىرمىگەن كىچىك قىز) قىز ئىككىسى ئىستىن زەھەرلىنىپ، قۇتقۇزۇش ئۈنۈم بەرمەي ۋاپات بولغان، بەختكە يارىشا كېلىن ھايات قالغان، لېكىن، ئوتنى قالىغان چىشى قۇدا بۇ ئىش سەۋەبلىك نۇرغۇن ئاۋارىچىلىققا ۋە يامان گەپلەرگە قالغان، ئىككى قۇدا ئائىلىسى ئوتتۇرىسىدا چوڭ بىر ھاڭ پەيدا بولغان ،مۇناسىۋەتكە دەز كەتكەن، ھەتتا كېلىن بولغۇچىمۇ بۇنى قېينى ئاپىسىدىن كۆرگەن، ئەمەلىيەتتە قېينى ئاپىسىمۇ شۇ ئۆيدە ياتقان تۇرسا، ھېلىمۇ ياخشى شۇ يىراقتىن كەلگەن 3 كىشى ئىچىدىن بىرسى بولسىمۇ ھايات قالغان، بولمىسا، ئاۋارىچىلىق ۋە كۈڭۈلسىزلىك تېخىمۇ چوڭقۇر بولاتتى....
شۇڭا: مۇشۇنداق ئىشلار يۈز بەرگەندە ئاۋال چۇقۇم، 120، 110 غا تېلفۇن قىلىپ، قانۇن دوختۇرىنىڭ ئىسپاتى ئارقىلىق ئۈزىڭىزنى قانۇن ئارقىلىق قوغداڭ...ۋاقتى كەلگەندە سەمىمىلىك،ۋىجدان،ئىنساپ بىلەن قىلىنغان سۆزلەرمۇ، قەسەملەرمۇ، شۇ ۋاپات بولغۇچىنىڭ ئائىلە تاۋابىئاتلىرى ئالدىدا ئىسپاتلىق رول ئوينىيالماسلىقى مۇمكىن...
يەنىلا قانۇن ئارقىلىق ئۆزىمىزنى قوغداشنى ئۆگىنىۋالايلى...
بۇ تېمام ئۈرۈمچى كەچلىك گېزىتىدە ئېلان قىلىنغان.
يېزىلغان ۋاقتى : 2009- يىلى 2-ئاي.