شېئىر ۋە شائىر

شېئىر دېگەن ھەقىقەت، شېئىر دېگەن ئادالەت،
قەلەم مەڭگۈ ئىلھامدا لىللاھ تۇرغان تارازا.
شائىر يازار «تىرىك»نى «ئۆلۇك»لەرگە سىياھ يوق،
شېئىر مەكتەپ دىللارغا كەڭ ئېچىلغان دەرۋازا.

تەقدىر مىڭ خىل قىسمەتلىك مەڭگۈ ئەمەس شائىرلىق،
سائەت ماڭار چىكىلداپ شېئىر ۋاقىت تامغىسى.
چىللسىمۇ قارا يەر كۆمۇلمەيدۇ روھ بىراق،
ئاڭلىنىدۇ ساداسى بولۇپ خەلق نەغمىسى.

ئىماگلىرى شەربەتتەك رىتىملىرى گۈزەل كۈي،
بېرەرساپ روھ يېڭى ئاڭ ۋەزنىدەكۆپ نىممىتى.
مىسرا بوغۇمدىن ئەمەس ئاپئاق سۈتتىن تۇزۇلگەن،
شېئىر شەكلى ھالالنىڭ پەرىشتىنىڭ ئۈممىتى.

شېئىر دېگەن ھەقىقەت شائىر ئۇنىڭ مەشئىلى،
قەلەم مەڭگۈ يىگانە يورۇتىدۇ خەلقنى.
شائىر سۆيەر شېئىرنى شېئىر سۆيەر خەلقنى،
ئالار شېئىر مۇنبەردە خەلق بەرگەن شەرەپنى.

دۇنيادا چىن مۇھەببەت ئانىلارنىڭ سۆيگۈسى،
شائىرلاردا لىق سۆيگۈ شېئىر شۇنداق ھامىلە.
يېتىمسىزدۇر بۇدۇنيا ئەل قەلبىدىن سۆيۈنسە،
شېئىرلارنىڭ ئانىسى «شائىر» دېگەن فامىلە. 

جىڭ ناھىيىلىك 2 - ئوتتۇرا مەكتەپ تولۇق 3-يىللىق ئوقۇغۇچىسى

تېخىمۇ تېرىشىپ نادىر ئەسەرلەرنى يىزىشىڭىزنى ئۈمۈت قىلىمەن ،رەھمەت.

قۇرئان كېرىمدە ئاللاھ شائىرلانى ئالاھىدە تىلغا ئاپتىكەن ،سىز ئاللاھ ياقتۇردىغان شائىرلادىن بولارسىز قېرىندىشىم.

بالىلارغا نىسبەتەن بۇ تىما(ماۋزۇ) سەل چوڭ كىلىپ قاپتۇ.

      بۇنداق شېئىر يېزىش ئاسان ئەمەس جۇمۇ !!  غەيرەت قىلىڭ !!

  بىزدىمۇ <<بالا پۇشكىن>> لار يېتىلىۋېتىپتۇ،شېئىىرىدىكى مەقسەت ئامىباپ تىل ئارقىلىق دەل ئىپادىلانگەن بىراق بۇ تېما مېنىڭچە نەسىر شەكلىدە يېزىلغان بولسا تېخىمۇ جانلىق ئىپادىلىنىپ ئاپتورنىڭ چىن ھېسياتى تەسىرلىك چىقارمىتىكىن-دەپ ئويلايمەن!؟ _ تېخىمۇ تىرىشىڭ...!!!