‹‹  بەيتۇللا››نىڭ ئا لدىدىن مەست ئۆتىمىسەم بولاتتى

    دولقۇن روزى  

سەراتانغا ئون توققۇز ،قازانچىدىن مەست قاييتتىم،
ھارغىن غۇلجا ئاخشىمى ئېغىر تىنىپ ئۇخلايدۇ .
غېرىپسىنغان روھىمغا  بۇدۇشقاقتەك چاپلاشتى ،
ئازاپ دىگەن مەككىنىڭ رودىپىيى ئوخشايدۇ.

ھېلىراقتا كەچ سائەت ئون ئىككىگە داڭ ئۇرغان ،
مۇڭ دارىغان خىيالنى قىيىن ئىكەن مەست قىلىش .
نازىم   ماڭغان كوچىنىڭ جىسەكچىسى مەن بولدۇم ،
سەزمەكتىمەن ئادەمسىز كوچىدىمۇ سىقىلىش.

كەربالاغا پالانغان غېرىپتىنمۇ غېرىپمەن،
مەشۇقى يوق ئاشىقنىڭ كۈلپىتىنى كىم بىلسۇن ؟
ساختا پۇلدەك قەدىرسىز مەيخانىدا سەتەڭلەر ،
مەن ئىزدىگەن سەنەمجان ناپاك جايدا نە قىلسۇن ؟

مەست يارالغان ۋۇجۇتنىڭ ھىجرانلىرى بەك ئاچچىق ،
تازا ئۇزاق ساقلانغان شاراپتەكلا بويتاقمەن .
جاراھىتىم  يىلتىزداش شاھ مەشرەپنىڭ زارىغا ،
‹‹ئىچىم روزا، تېشىم ھېيت ››ئەمما ئۆزۈم ئويغاقمەن .

‹‹بەيتۇللا›› غا كەلگەندە رېئاللىققا يۈزلەندىم،
سۈرلۈك كۈلۈپ تۇرىدۇ ھايات -مامات دوقمۇشى.
بىشەم زاۋال ئىتلىرى قالدى نىكەم قاۋاشتىن ،
گۇمراھلاردىن پەرقىم شۇ ؛يۇلقۇنماقتا روھ قۇشى.

مۇنارىغا مەدرىسنىڭ قونغان ئوماق ھىلال ئاي،
پەقەت سەنلا قەلبىمدىن ئايىمىدىڭ  تەبەسسۇم.
دىگنىڭ راست ‹‹قىز››،‹‹مەي››گە جاننى تىكىش ئەخمەقلىق ،
ئىشرەت ھامان ئادەمنى قىلىۋېتەر  كۇمپەيكۇم!...

قەھىرلەنسەڭ ،غالىلداپ تىترەيدىكەن ئۆلۈممۇ،
مېنى ساراڭ قىلالماي  يۇلدى زۇلمەت چېچىنى .
چىقتىم مەغرۇر سۇغۇرۇلۇپ قاسرىقىدىن تەشۋىشنىڭ،
مەجبۇرلىدىم ئاق بايراق چىقىرىشقا كېچىنى!...

‹‹جان ئىچىدە جانان قىز›› بەخت ساڭا يار بولسۇن ،
يۈكلەپ قويدۇڭ يۈرەككە بىر ھازازۇل ئىزتىراپ .
ئەقىدىسىز ‹‹قىز››لاردىن ھالقىپ كەتتى ھەسرىتىم،
نەۋايىمۇ بىر ئۆمۈر  ياشىغانغۇ قىزسىراپ!...

موللا بىلال تەقسىرىم قىلىپ قويدۇم كۇپۇرلۇق ،
‹‹بەيتۇللا››نىڭ ئلدىدىن مەست ئۆتمىسەم بولاتتى.
ئۆلۈۋاتغان كۆڭۈلدىن سۆيگۈ تىلەش نادانلىق ،
بىراق تىرىك بەختىمنى ئۈركۈتمىسەم بولاتتى.

تەقدىر بىلەن ئېلىشىپ ياشاۋاتقان بەندىمەن ،
بوز يىگىتنىڭ قەدرىنى چۈشىنەرمۇ مەزلۇملار .
‹‹مەي››ۋە‹‹قىز››دىن مۇقەددەس ناخشىلارغا تىۋىنسام ،
قوقاس  يۇتقان يۈرەككە ئىشىنەرمۇ  مەھرۇملار؟

    2003.8
-غۇلجا...
     بەيتۇللا-غۇلجا بەيتۇللا مەدرىس مەسچىتى.

ھەجەپمۇ ياخشقى يېزىپسىز. نازىمىلار تىچلىقتۇ ھە؟ قولىڭىغا دەرىت بەرمىگەي خۇدايىم

چىلىشىپ تۇرۇپ يېزىپتۇ ھە!   ئەمما پەيزى چىقىپتۇ .

دولقۇن روزىنىڭ ئەسەرلىرىنى ئىلگىرى ئۈچۈراتماپتىكەنمەن، ھاياتىدىن ئازىراق خەۋەر بەرسەڭلار.

ھاراققا ھارام قىلىنغان. بىراق ھاراق ئىچىپ مەسلىكتە يازغا شېئىر ھالال بولامدىغاندۇ ياكى ھارام بولامدىغاندۇ؟ پەتىۋا بېرىدىغانلار بارمىدۇ

      ئۈمۈديار:      ---   ياش شائىر، ئوبزورچى  دولقۇن روزى 1967-يىلى 16- ئاۋغۇست  قورغاستا ھەربى ئائىلىدە  تۇغۇلغان .ھازىر ئېلى ئوبلاستلىق سىياسى كېڭەش تەرىپىدىن نەشىر قىلىنىدىغان ‹ئىلى تارىغ ماتىرىياللىرى›نىڭ مەسئۇل مۇھەررىرى.500دىن ئارتۇق ئەسەرلىرى ئېلان قىلىغان ۋە بىر قىسمى مۇكاپاتلانغان ....بۇ شېئىر‹مەڭگۈلۈك ئىزدەش،تىن ئېلىندى.....

   شەرىئەتتە ھالال ئېنىق ، ھاراممۇ ئېنىق ، لېكىن بۇلارنىڭ ئارىسىدا گۇمانلىق نەرسىلەر بار  دىيىلىدۇ . مېنىڭچە  ھاراق ئىچىپ مەستلىكتە يازغان شېئرلار  ھاراق ئىچىپ مەستلىكتە  تاپقان بالىلارغا ئوخشىسا كېرەك . ھاراق ئىچىپ تاپقان بالىلار  ئاتا-ئانىسىنى بەكرەك قاقشىتىپ ئۇلارنىڭ چېچىنى ئاقارتىدۇ ،ئەگەر ئۇلار غا ھىدايەت ،تەۋپىق نېسىپ بولسا ،ئەل-يۇرتنىڭ بالىسى بولۇپ  ئەلدىن قارغىش ئورنىغا ئالقىش ئالىدۇ خۇددى شۇنىڭغا ئوخشاش ھاراق ئىچىپ مەستلىكتە يازغان شېئىرلار  ئەلگە نەپ بەرسە ،ئەلنى ياخشىلىققا دەۋەت قىلىپ يامانلىقتىن توسىيالىسا  ئۇمۇ تېگىشلىك ئەجىرگە ئىگە بولغۇسى  ،سەلبى نەرسە ،ئىجابىغا ئايلانغۇسى ؟ چۇنكى زەررىچە يامانلىق زەررىچە ياخشىلىق تېگىشلىك مۇقامىنى تاپىدۇ . پارىس شائىرى ئۆمەر ھەييام  بىر ئۆمۇر  ھاراق ئىچمىگەن بولسىمۇ ئەمما ‹رۇبائىيات›تا ،ھاراق ئىچىشكە ئۇندەلگەن بەزى مىسرالارنى  پۇتكەن ،ئۇنىڭ تەشەببۇس قىلغان ھارىقى ‹ئىلىم شەربىتى› خالاس! لېكىن ئۇنىڭ مۇددىئاسىنى  ھەزىم قىلالمىغانلار : ‹ئاكام› بىزنى  دانا بىلەن ،رەنا بىلەن ، بەرنا بىلەن ھاراق ئىچ- دەپتۇ  دەپ ئەقلىنى ھاراقتا بۇلغاپ بولدى. ئۇنىڭ گۇناھى  ‹ھەييام›غا ئەمەس  دەل ئاشۇ كۆزى كور، قۇلىقى گاس ،تىلى تۇتۇقلارغا ،بولغۇسى.ھاراقنى ‹ھاياجان› دورىسى بىلىپ ،ئىلھام قوپۇرۇش ئۇچۇن  بىر-ئىككى رومكا قېقىۋەتكەنلەرنىڭ ئېيىتقان مۇشائىرە ،تەلقىنلىرى، كىندىكنىڭ ئاستىغا يۆلەپ قىلغان بەزەپ چاقخاقلىرى  ئەلۋەتتە ھارام بولغۇسى ئەگەر ئۇ بىلەرمەن  ئۇستاز بولۇپ ھاراق ئىچىپ تۇرۇپ ئورۇنلۇق بىلجىرلىسا ئۇنى ھالال دەپ قوبۇل  قىلماق كېرەك چۇنكى ‹موللامنىڭ دىگىنىنى قىل ،قىلغىنىنى قىلما ›دىگەندەك ،شۈبھىسىزكى ئىگىسى ھەلىمىدۇر . ئۇ جازالاشغا ئالدىراپ  كەتمەيدۇ، قىلمىش ،رەھمەتتىن  چوڭ ئەمەس ،شۇڭا توپىلاڭدىن توقاچ ئوغۇرلايدىغانلار:‹پەتىۋادا  ھارام يوق ،تەقۋادا ھالال يوق دەپ ›بىلگىنىنى قىلىدۇ،كۆز  ‹كۆز›لەرنى  كۆرمەيدۇ ،‹كۆز› كۆزلەرنى كۆرۈپ تۇرىدۇ،،، ئاخىرقى خۇلاسە كالام شۇكى ھاراق  ئىچىپ مەستلىكتە شېئىر يازغان  شائىرنىڭ  نىيەت ئىقبالى ئۇنىڭ يازغان شېئىرىنىڭ  ھالال-ھاراملىقىنى ئايرىيدىغان  ئەڭ ئاخىرقى تارازا!!!

ھارامنى ھالالغا ئايلاندۇرۇش ئۈچۈن توقۇپ چىققان پەتىۋارىڭىز ئۈچۈن ھامان بىر كۈنى بوينىڭىز ئېگىلگۈسى. قاراخان ئەپەندى سىز مەغلۇپ بوپسىز، ئەمما مەغلۇپ بولغانلىقىڭىزنى ھېس قىلماسلىقىڭىز ئېنىق. چۈنكى مۇشۇ نەچچە كۈندىن بۇيانقى ئىنكاسلىرىڭىزدىن سىزنىڭ تىل بىلەن سۆزنىڭ ئەۋرىشىملىكىدىن پايدىلىنىپ ئۆزىڭىزنى قوغداۋاتقانلىقىڭىزنى بىلمەك ئۇنچە قىيىن ئەمەس. بۇنداق دېسەم كۆڭلىڭىزگە كەلمىسۇن، بىر تۈركۈم يالغان گەپ قىلىدىغان ئادەملەرنىڭ بولۇشى زۆرۈر بولغاندەك     يەنە بىر  تۈركۈم راست گەپ قىلىدىغان ئادەملەرنىڭمۇ بولۇشى تېخىمۇ زۆرۈر................................................................

يولسىز ئاقلىنىش  جىنايەتتىن يامان .‹ئانا يۇرتۇم›. خۇداغا قارىغۇ قانداق قارىسا ، خۇدامۇ قارىغۇغا  شۇنداق قارايدۇ ،ئادالەتسىزنىڭ قولىغا چۈشكەن ھەقىقەت ئىڭرايدۇ -دىگەن راست ئوخشايدۇ. ئالۋاستىغىمۇ ئادىل بولۇش كېرەكتە؟مەندەك بىر گاداي موللىنىڭ ئەزىنىنى جامائەت ئاڭلىمىىسا  ئۇ- مەندىن ‹ئامەت› نىڭ قاچقانلىغى بولۇپ قالار ،ئەمما سىز ناۋاينىڭ  بالىسى تۇرۇقلۇق  نان سورىغاندەك بىر سۇئالنى  تورداشلارغا تەۋسىيە قىلىپسىز مەن ئۇنىڭغا ‹توخۇ›دەك  بىلگىنىمنى چىللاپ  باقتىم .سۆزلەش زۆزۈر بولغاندا ئۇندىمەي ئولتۇرۇش  -قىپ-كىزىل جىنايەت ،ئەمما ئىنكاسىمنىڭ ئاخىرىدىكى ئەقلى يەكۈنىمدىن ھىچكىمنىڭ قۇسۇر تاپالمايدىغانلىغى كۆڭلىڭىزگە ئايان ، تىلىمىزنىڭ بۈگۈنكىدەك ئەۋرىشىم  ھالغا كېلەلىشى  ئەقىل -پاراسەتلىك خەلقىمىزنىڭ
ۋە ‹مەھمۇت ›بوۋىمىز بىلەن ناۋايىنىڭ مېھنەت تەرى ، شۇڭا كۆز يەتمىگەن يەرگە  سۆزىمىز ،بوي
يەتمىگەن يەرگە ئويىمىز يېتىۋاتىدۇ.دىمەك ‹‹ناۋايىنى  يايراتقان›› ‹‹ئاماننىسانى سايراتقان ›› ئانا تىلىمىزنىڭ  ئەۋرىشىملىگىگە ئۇنىڭ ئەۋلات-بوغۇنلىرىنىڭ  ھالاللىق بىلەن دوست  تارتىشىنىڭ نىمىسى يامان؟
        يىمىسەم بۇ باغچىنىڭ  مىۋىسىن ،
        ۋەھىمە يەيمەن نىمە  ئۈچۈن؟
    راست-يالغاننىڭ ئارىلىقى  پەقەت بىر غېرىچ ، سىز دىگەندەك ئۇنىڭغا   ئېغىزنى پاكىز تۇتماققا ھەممەجاۋاپكار ، بولمىسا ئۇ پىتننە-پاسات چومىقىغا  ئايلىنىپ قالىدۇ.

راس نەدە،يالغان نەدە؟!
بىرى رۇمدا،بىرى نەمەنگاندا-
بىر بىرىدىن يىراق بولغاچ-
بىرى ساختا،بىرى ھەق دادا.