ھايات يوللىرىدا..








     مەنبە : نامسىز

    دوست كۆپ ،دۇرۇسى ئاز...

      تىل ئىشلىتىش ئۇسلوبىدىن مەرھۇم خۇدابەردى روزى ئاكىنىڭ شىېرلىرى كۆز ئالدىمغا كەلدى...

ئۇنداقتا دوست دىگەنچۇ؟

                             يارۇ دوست


چىن ۋاپا  قىلماق سېنىڭ ئەھدۇ  قارارىڭ، يارۇ دوست،
دوست ئۈچۈن جاننى تىكىش ھەم ئىپتىخارىڭ ، يارۇ دوست.

ھەر قاچان ھەسرەت چېكەر سەن دوستلىرىڭ تارتسا جاپا ،
يورۇتار دانكو كەبى دىلنى چىراغىڭ ، يارۇ دوست .

قالغۇسى سەپتىن چۈشۈپ نامەرد نادانلار مات بولۇپ ،
خەستە دىلغا بولدى ئىلھام ئېتىبارىڭ ، يارۇ دوست.

قىلمىدىڭ زىنھار تەمە دوستلارغا ئامەت كەلسىمۇ،
سۆيدى خالىسلىقنى دىلدىن گۈلئۈزارىڭ، يارۇ دوست.

مەن قىلاي ئىخلاس-ئەقىدە مەردلىكىڭگە تا ئەبەت ،
شەرمىسار قىلسۇن رەقىبىنى زۇلپىقارىڭ ، يارۇ دوست.

ئاپتورى: ئۆمەرجان نىيازى

    دۇنياندا ھەقىقى دوست تاپماق ھەقىقەتەن تەس ، بىراق ئەتىراپىڭغا نەزەر سېلىپ باق ، ھەقىقىي دوستقا ئېرىشسەڭ بەلكىم تەقدىرىڭ پۈتۈنلەي ئۆزگىرىپ كېتىشى مۈمكىن . ئەگەر ئېرىشكەن بولسىاڭ چوقۇم قەدىرلە . دەردىگە دەرمان بول ، كۆڭلىگە ئازار بەرمە ، بەزى ۋاقىتلاردا ئۇ سېنىڭ تەسەللىي بېرىشىڭگە ، قوللىشىڭغا ، ياردەم بېرىشىڭگە مۇھتاج ، كونىلاردا بىر گەپ بار مەرتنى مەيداندا سىنا دەپ ، بۇ ھەقىقەتەن توغرا ئېيتىلغان . بۇ پەقەت مېنىڭ شەخسىي قارىشىم ، باشقىلار قانداق قارايدۇ بىلمەيمەن .

شۇنداق، دوستقا ئېرىشتىم دەپلا، ئۇنى چۈشەنمىگىچە بىلگىلى بولماس .

                                            ھازا ھەم تويۇڭدا بىللە ئەھلى دوست ،
                                          تىلىگەي ئامەت ساڭا تۆت پەسلى دوست.
                                           گەر سېنىڭ سايەڭ كەبى بىر يۈرسىمۇ ،
                                         چاڭ سالار بەختىڭگە بىل نائەھلى دوست.


                    

   مەنبە: <<نەسىھەت ئۈنچىلىرى>>دىن

    سىر بەرمىگىن ئالدىراپ  شۇڭا خەتەردۇر ،
   ياخشى دوستلار گوياكى گۆھەردۇر زەردۇر.
   ياخشى دوستلار مەرۋايىت  چاڭ -توزاڭ قونماس ،
   ياخشى دوستى ھەركىمنىڭ بىراق كۆپ بولماس.

          -ئەنۋەر ئابدۇكېرىمنىڭ ناخشىسى

ئىنسان قەلبى تۇغۇلغاندا ئەسىلى بىر ئاپپاق قەغەز...
«كۆڭۈل»سەمىمىي يۈكسەكلىكىنى ساقلاپ قالالىغاندا، ۋاقىتلىق غەيرى چۈشەنچىلەردىن ھالقىپ ئۆتۈپ،
ئۆزى ۋە باشقىلار ئۈچۈن ھەقىقي بولغان بىر دوستلۇق يولى بەرپا قىلالايدۇ.
بۇ نوقتىنى ئويلىنىپ باققان ۋە ياكى ئويلاپ ھەل قىلىش يولىدا ئىزدىنىۋاتقان بىزلەر تېخى كۆپ بۇلىشىمىز مۇمكىن.

                                      دوست كۆپ يەردە كۆڭۈل كۆكلەيدۇ،
                                    دۈشمەن كۆپ يەردە غەيۋەت كۆپىيىدۇ .
                                                                  مەنبە: ئەقلىم