ساڭا كۆيۈپ سېنى سۆيمىسەم ...
قاراخان
كۆزۈم قېرىپ يوقالدى ئەپتىم ،
كۆڭۈل تەپتىم تۇرىدۇ تۇيغۇن.
قىلدىم كىمگە نىمىنى تەقدىم ؟
ئەڭلىك ئەتتىم كىملەرگە ئۇيغۇن؟
بۆشۈگۈم زەپ قالدى زاۋالدا،
كەلسىمۇ گەر تىنىق تىنىققا،
كەلدى روھىم ئەجەپ ھايالدا ،
تاۋلاي ئۇنى يېشىل چىۋىقتا..
ئەركىم جەۋلان قىلار ۋەتەندە ،
يېشىلدىممەن قۇچىمەن زەپەر.
تاڭدەك خۇي بار ،گاڭدەك ئەرەندە،
ئېڭىم ئاڭدۇر ، گۇگۇم يا سەھەر .
تارىخ ئۈچۈن ۋەتەن بىر نۇقتا ،
ۋىسال ئىشقىم ئۇندا مۇجەسسەم .
يىل ھالقىسى چىقمامدۇ يوققا ،
ساڭا كۆيۈپ سېنى سۆيمىسەم.
ئادالەتنىڭ سىما خەنجىرى ،
ھۆكۈم سۈرەر بۈگۈن دۇنيادا .
ۋەتەننىڭ ئار، نومۇس زەنجىرى ،
تۇتاش ئىمان ،ئەرش-ئەلاغا.
2012-يىلى 1-ئىيۇل
،
[ بۇ يازمىنىqarxan 2012-01-08 11:28قايتا تەھرىرلىدى ]