نەسىر)

كونا يىلنىڭ ئەڭ ئاخىرقى كېچىسى ، پايانسىز ئاسماندا يەكەندەك ئۈزىۋاتقان نۇرلۇق ئاينىڭ ئەتراپىدا سانسىزلىغان يۇلتۇزلار خۇددى يېڭى يىل، يېڭى باشلىنىشنى قارشى ئېلىۋاتقاندەك جىمىرلاپ تۇرسا، ئاپپاق لىباسقا ئورالغان ئانا تۇپراقنىڭ كەڭ كەتكەن قۇچقىدىكى ئاۋات رەستىلەر ۋە بۇ رەستىلەردىكى ھەر خىل چىراقلار ئەتراپنى يورۇتۇپ كۆزنى قاماشتۇراتتى.
بىز جىمجىتلىق ئىچىدە تېلېۋىزوردىن باش شۇجى خۇجىنتاۋنىڭ 2012- يىللىق تەبرىك سۆزىنى ئاڭلاپ زور ھاياجانغا تولدۇق. شۇ تاپتا باش شۇجى سۆزىدە ئۆتكەن يىلدىكى مۇھىم ئىشلارنى ئەسلەپ، بۇ يىلنىڭ ئۇلۇغۋار پىيلانىنى ھاياجانلىق ئىلكىدە سۆزلەپ، خەلق تۇرمۇشىنى ياخشىلاپ، جۇڭگونى قۇدرەتلىك دۆلەتلەر قاتارىدىن ئورۇن ئالدۇرۇشنىڭ زەپەر مارىشىنى ياڭراتماقتا ئىدى .
يورغا يىللار نىمە دىگەن تېز ئۆتكەن ھە ! ئەنە سائەت ئىستىرىلكىسى  چىكىلداپ سېكونت ، مىنۇتلارنى ، مىنۇتلار سائەتلەرنى قوغلاپ ھەش - پەش دىگۈچە 2012- يىلنىڭ ۋاقىت قوڭغىرىقى چېلىندى. تەنتەنىلىك قوڭغىراق ئاۋازى بىلەن پۈتۈن جۇڭخۇا ئېلى بىر تارىخ بۇرۇلۇش دەۋرىگە قەدەم قويدى. بىز ئاخبارات خادىملىرى بولۇش سۈپىتىمىز بىلەن زور ئۈمىد، ئىشەنچ ئىچىدە يېڭى ئۈسلۈپ، يېڭى مەزمۇنلار ئارقىلىق يېڭى يىل ھارپىسىنىڭ ئالتۇن بەتلىرىنى نەقىشلەپ، بىر كۈنلۈك جاپالىق ئەمگىكىمىزنى ئاخىرلاشتۇردۇق. شۇنداقتىمۇ ھېرىپ چارچىغىنىمىزغا قارىماي دوختۇرخانىغا بېرىپ چوڭقۇر مېھرىمىز بىلەن دوستلۇق  قوللىرىمىزنى دوختۇرخانىدا داۋالىنىۋاتقان دوستىمىزغا سۇندۇق، مېھرىلىك قەلبلەر سېخى قوللار ئاشۇ ئاجىز يۈرەككە مېھرىبانلىق ۋە شاپائەت ئاتا قىلغاندەك ئىدى .
ئويلاپ باقسام ھەر يىلى يېڭى يىلنىڭ قانداق ئۆتكۈنىنى بىلمەي قالاتتىم ، ئەمما بۇ يىل مەن ئۈچۈن ھەقىقى ئەڭ ئەھمىيەتلىك ھارپا كېچىسى بولدى

[ بۇ يازمىنىتىمتاس 2012-06-17 18:36قايتا تەھرىرلىدى ]