جۇڭگو دەرىجىدىن تاشقىرى بىرلەشمىسىدىكى شەنشى كوماندىسىغا ئەڭ ئاخىرقى كۈنى كىلىپ تىزىمغا ئالدۇرغان كىشى ئۇيغۇر يىگىتىمىز - پەرھات ! بولىدۇ ، شەنشىلىكلەر بۇ يىگىتىمىزنى بۆرە بالا دەۋاپتۇ . بۇ يىگىتىمىزنىڭ قىسقىچە تەپسىلاتى تۆۋەندىكىچە :

          ئۆزى شىنجاڭلىق ، لۇنىڭ پۇتبول مەكتىبىدە تەربىيلىنىپ چىققان ، كېيىن تۈركىيەگە چىقىپ تۈركىيەنىڭ زەردارى بولغان بەشىكتاش كۇلۇبىنىڭ 2 - كوماندىسىدا توپ تەپكەن . 2 - كوماندىدىكى ئەزلارنى پات - پات 1 - كوماندىدا توپ تەپكۈزىدىغان ئىشلار بار ، مۇناسىۋەتلىك خەۋەرلەردە دىيىلىشىچە پەرھات ياۋرۇپا چېمپىيونلۇق بىرلەشمىسىگە قاتنىشىپ باققانمىش . پەرھات ئوتتۇرا مەيداننىڭ قايسىلا يىرى بولسۇن ئاساسەن ھۆددىسىدىن چىقالايدىكەن ، يان ھۇجۇممۇ ئوينايدىكەن .
تەلۋە ئەپەندىنىڭ تىمىسىغا رەخمەت!

پۇتبول

جەسسۇرلۇق ھەم مەرتلىكنىڭ ، جەۋلانىدۇر بۇ پۇتبول ،
ئىجىل –ئىناق ،ئۆملۈكنىڭ ،  كارۋانىدۇر بۇ پۇتبول .

پۇتپول ئۈچۈن ئىنتىلگەن ، يۇمران –نوتا ،مايسىنىڭ ،  
بۈك- باراقسان كۆكلىشى  ، ئارمانىدۇر بۇ پۇتبول .  

سەرخىل ئىسىل كۆرۈنۈش ، كۆز باغلىغان تېخنىكا ،
مەيدان سىرتى –ھۇرراننىڭ ، داۋاسىدۇر بۇ پۇتبول .

دوئىل ئارا بوپ تۇرار، گاھى يېڭىش – يېڭىلىش ،
چىملىق سۈيەر، ئەزمەتنىڭ ،جاپاسىدۇر بۇ پۇتبول .  

نەتىجىگە قوشكىزەك ، يالغان يىقىلىش –ئالدىنىش  ،
شەرەپ قۇچقان كۇلۇپنىڭ ، ناۋاسىدۇر بۇ پۇتبول .  

ئېغىر تىنىپ ،ئازاپتىن ،كۆز ياش قىلغان چولپانغا،
يىشىل چىملىق –مۇساپە ، گۇۋاچىدۇر بۇ پۇتبول .

ئېغىر يىقىلىپ يارلىنىپ ، مەيدان بىلەن خوشلاشقان ،
ئىسمى ئۆچكەن ماھىرنىڭ ، جاپاسىدۇر بۇ پۇتبول .

مەيلى بولسۇن ئۇرۇسلار ، ياكى نېگىر- ئۇيغۇرلار .....  
تەن قۇرلۇشى –ھەيۋىسى ، ساپاسىدۇر بۇ پۇتبول .  

مەنبە----  تاڭنۇر « خەيرۇللا قۇربان » بۆرتالا

چىملىقتىن ئەپسانىلەر تارىلىدۇ.
كىملىكنى  مەردانىلەر  يارىتىدۇ .
بىرلىككە  پۇتبول بىزنى قارىتىدۇ ،
ئالەمگە زەپەر كۈيى تارىتىدۇ.

يۇملاق چەمبەر ئىچرە يۇمىلايدۇ نۇر،
يۈرەكنى پۇت قىل-دە،نىشانغا دەل ئۇر...