3+1 ئوقۇش ياردەم پىلانى ئاقسۇ تەۋەسىدىن بىر نەپەر ئوقۇغۇچى ئىزدەيدۇ
2010- يېلى ئەلقۇت مەرىپەت تورىمىز 3 كىشى ھەمكارلىشىپ بىر ئوقۇغۇچىغا ياردەم قىلىش پىلانىنى ئوتتۇرىغا قويغاندىن بېرى (http://bbs.elqut.cn/read.php?tid=1363) كەڭ، قېرىنداشلارنىڭ قىزغىن قوللىشىغا ئېرىشتى. نەتىجىدە دىيارىمىزنىڭ ھەر قايسى ئورۇنلىرىدا بۇ چاقىرىقتىن ئىلھام ئېلىپ نۇرغۇن نامرات ئالى مەكتەپ ئوقۇغۇچىلىرغا ياردەم بېرىش پائالىيەتلىرى ئېلىپ بېرىلدى. بېكىتمىز ئۆزى بىۋاستا قول تىقىپ، بىۋاستە تەكشۇرۇش ئارقىلىق ئوقۇشىغا ياردەم بېرىلىۋاتقان  ئالى مەكتەپ ئوقۇغۇچىسى 9 نەپەرگە يەتتى .

3+1 ئوقۇش ياردەم پىلانى ھازىر ئاقسۇ تەۋەسىدىن ھەقىقى قىيىنچىلىغى بار بىر نەپەر ئالى مەكتەپ ئوقۇغۇچىسى ئىزدەۋاتىدۇ .

شەرتلىرى :
1. ئەخلاقلىق ، دىيانەتلىك ، دۆلەت قانۇن نىزاملىرىغا ئاڭلىق بويسۇنىدىغان، ئىقتىسادچىل، تىرىشچان بولىشى كېرەك .
2. ئوقۇش نەتىجىسى ياخشى بولىشى، قىيىنچىلىققا بەرداشلىق بېرىپ تىرىشىپ ئوقۇش ئىرادىسى بولىىش كېرەك .
3. ھەقىقى تۇرمۇش قىيىنچىلىغى بولىشى كېرەك .
4. 3+1ئوقۇش ياردەم پىلانى بويىچە ئايدا 300 يۈەنلىك ئوقۇش ياردەم تۇرمۇش پۈلى بىلەن تەمىنلىنىدۇ .
5. بېكىتىمىز مۇناسىۋەتلىك خادىملىرى ئائىلىسىگى بېرىپ ئەھۋال ئىگىلەيدۇ. تۇرۇشلۇق ئاھالىلەر كوموتىتى ، ئوقۇۋاتقان مەكتىۋى ۋە سىنىپ تەربىيەچىسى بىلەن ئالاقىلىشىپ ئەھۋالنىڭ راسلىقىنى دەلىللەيدۇ.
6. ئوقۇغۇچى سالاھىيەت كىنىشكىسى كوپىيە نۇسخىسى، ئائىلىسى تۇرۇشلۇق مۇناسىۋەتلىك ئورۇنلارنىڭ ئىقتىسادى قىيىنچىلىق ئىسپاتى ، تۇرۇشلۇق ئاھالىلەر كومىتىتى تېلفون نومۇرى ، ئائىلىسىنىڭ تېلفون نومۇرى ، سىنىپ تەربىيىچىسى تېلفون نومۇرى ، مەكتەپ ئوقۇغۇچىلىك كىنىشكە كوپىيەسى ،ئائىلىسىنىڭ ئادرىسى ۋە تېلفون نومۇرىنى تەمىنلەيدۇ .
ئەلقۇت مەرىپەت تورى : WWW.ELQUT.CN
ئالاقىلاشقۇچى: تاشپولات بىلال   ئالاقىلىشىش QQ: 448102348  

ھەقىقى نەپ تېگىدىغان پىلانكەن. ئىشلىرىڭلارغا ئۇتۇق تىلەيمەن .

ياخشى ئىشكەن ، ئاللاھ ئىشىڭلارغا بەركەت ئاتا قىلسۇن .

ئىللىىسۇن مېھرىڭنىڭ ئوتتەك تەپتىدىن ،
  مۇزلىغان قەلىبلەر قاتۇ-- قېتىدىن .
تەۋپىقنىڭ روھىمۇ كۈلگەندۇ بەلكىم،
قايتا بىر ئۇچقۇننىڭ يانغانلىقىدىن.

تالمىسۇن مۇبارەك قەدىمىڭ سېنىڭ ،
تالمىسۇن ساۋابلىق قوللىرىڭ سېنىڭ .
خەلىقنىڭ دۇئاسى شىپالىق دورا.
بولمىغاي بىتاپ ھەم مۇبارەك تېنىڭ.

بۇ ياردەمنى ھازىر ئاقسۇدىن 3 ئالى مەكتەپ ئوقۇغۇچىسى ئىلتىماس قىلدى بىز ئاساسى ئەھۋالىنى سۇرۇشتۇرۇپ ئوبىكىتنى بېكىتىپ بولدۇق .
لىكىن بىزنىڭ ھازىرچە ياردەم قىلالايدىغىنىمىز پەقەت بىر نەپەر . قالغانلىرىغىمۇ خۇدا بۇيرىسا ئامال بولۇپ قالار . باشقۇرغۇچىلار بۇ تېمىنى ئەمدى ئۆچۈرۈۋەتسە بولىدۇ . كەڭساي تور بېكىتىگە رەھمەت !
ھەر قايسى يۇرىتتىكى قېرىنداشلارنىڭمۇ بۇ ئوقۇش ياردەم بېرىش پىلانىمىزنى ئۆز يۇرتىدا ئىجرا قىلىشىنى ئۈمىد قىلىمىز . تاما تاما كۆل تولار !

كەڭ تورداشلارنىڭ سەمىمى ياردەم قىلىشى ، نامزات بىلەن تەمىنلىشى، ئوقۇغۇچى ئائىلە ۋە ئىقتىسادى ئەھۋالىنى ئېنىقلاپ دەلىللەپ بېرىشى بىلەن بىز ئاخىرى ئاقسۇ باي ناھىيەسى ۋە ئاقسۇ شەھرىدىن ئىككى نەپەر ئالى مەكتەپ ئوقۇغۇچىسىنى 10 - ، 11- ياردەم قىلىش 'ئوبىكتى قىلىپ بېكىتتى . كەڭ تورداشلارنىڭ يېقىندىن ياردەمدە بولغىنىغا رەھمەت !