ئانا تىل دەپ قاينايسەن دوستۇم ،
"پەيدۈي" دەمسەن   سەنمۇ " ئۆچرەت"نى ؟
"ياۋ سەن با" نى يۈزۈڭگە سالماي ،
"دادۈي "دەيسەن چۈنكى "ئەترەت"نى .

"يىلۇ "دېگەن ئاغزىڭغا گەندە  ،
"بىر "دېيىشتىن خىجىل بولدۇڭمۇ ؟
"ۋە "،"بىلەن "دىن باشقىسى يات سۆز ،
شالغۇت تىلغا ئىجىل بولدۇڭمۇ ؟

"شاۋچۈ"دېگەن ۋاقىتلىرىڭدا ،
ئەسكە كەلسۇن كونا  مەھەلەڭ .
10 يىل بۇرۇن "ئاش سۈيى "دەيتۇق ،
ھازىر بىلمەس دېمىسەڭ  "مەنتەڭ ".

ئېچىنامــــــــــــــــــــــسەن  ئوقالماس ھازىر ،
15 ياشلىق بالىلار باغـــــــــــــــــــــــــــــاق .
ئۆگەتمەمسەن ھەي جــــــــــېنىم بالام ،
"شــــۇزى"ئـــــــەمەس  - بۇ دېگەن تاغاق !!!

"يانفون "سۆزى   بەلەن ياسالدى ،
"شۇجى "دېگەن ئاغىزىڭنى يۇم .
تەلەپپۇزۇڭ رۇس بولسا نىتەي ،
سالما دوستۇم ئۆزۈڭگە زۇلۇم .

"ئېتىك"دېسەڭ يۈزۈڭ چۈشەمدۇ ؟
بىلمىدىڭغۇ "گۈەنجى" دېمىسە .
"ئىتتىپاق" دەپ سودا ساراينى ،
بورتالادا  "تۈەنجېي "دېمىسە ..

"چۇزۇ " دېگەن خەقلەرنىڭ  سۆزى  ،
تالاشمىغىن بەزلىشىپ ئۇنچە .
كىرا دېگىن ،كىراچى دېگىن ،
تىلىڭ بارغۇر سېنىڭ ئۇيغۇرچە !

ئارتۇق گەپ ئۇ ئېشەككىمۇ يۈك ،
قۇرۇق سۆزدىن ئەلا بىر قەدەم ،
ئانا تىلنى سۆيەيلى دوسىتلار ،
بىز ھەممىمىز ،ھەر يەردە ھەردەم .

ھەر ئايلىقى قەدىردانلىرىم
15 سوملۇق كىتاپ ئالايلى .
بالىلارنى يېتىلەپ پات -پات ،
كىتاپخانە يوقلاپ قويايلى ..

ئېغىزىڭدا تىنىق بولسىلا ،
ھەممە ئىشنىڭ ئامالى باردۇر ...
تۈزەتمىسەك   " كۆنۈپ قاپتۇق" دەپ ،
بۇ ئانا تىل بارغانچە خاردۇر !

شالغۇت سۆزنى بىرمۇ بىر دېسەم ،
قوشاقلاردىن رومان پۈتكۈسى .
ئانا تىلنى قەدىرلىمىسەك ،
ئاستا -ئاستا  يۈتۈپ كەتكۈسى .......



تەۋسىيە شۇكى ،كۆپ تىللىق بولۇش شەرەپ ئىش ،لىكىن ئانا تىلنى ئۇنتۇش ۋە بۇزۇش نومۇس ،باشقىلارنىڭ ئانا تىلىنى بۇزۇشمۇ ھەم نومۇس ،ئانا تىلنى قەدىرلەيلى ،ئاسرايلى ،ئۆزىمىزدىن باشلاپ خاتالىقلارنى تۈزىتەيلى ....




11-مارت كۈنى كەچ سائەت 7دە شەھرى بورتالادا يېزىلىپ بېقىلدى ...

بىر مىللەتنىڭ تىلى تەرەققىي قىلسا ئۆزىمۇ تەرەققىي قىلىدۇ. بەزى ئىبارىلەرنى ئۆز ئانا تىلىمىزدا ئىشلەتمەي خاتا قىلىۋاتىمىز بۇندىن كېيىن ھەممىز كۈچ چىقارساق دىققەت قىلساق ، ئانا تىلىمىز چوقۇم روناق تاپقۇسى . تىلنىڭ ئورنى -مىللەتنىڭ ئورنى ئەمەسمۇ؟

  ئۇيغۇر تىلىنى  سېغىندىم

تارىخ ئىزىم ‹ ئانا تىل › ، ئۇيغۇر تىلىنى سېغىندىم ،
ئىپتىخارىم ، يۇلتۇزۇم ، ئۇيغۇر تىلىنى سېغىندىم .

ئاسقان سومكام بەك ئېغىر ، دۈمچەيگەچكە بەللىرىم ،
تىل چىقارغان‹  ئىلىپە ›، ئۇيغۇر تىلىنى سېغىندىم .

سالام – سائەت چاڭلىشىپ ،ئۇيغۇرچىلاپ دىيەلمەي ،
‹ ئەسسالامنىڭ › ھۆرمىتى ، ئۇيغۇر تىلىنى سېغىندىم .

يىراقلاشقاچ بىزلەردىن ‹ سۇزۇق تاۋۇش ›ئوتتۇر ‹ئا› ،
‹ ئوتتۇز ئىككى ھەرىپنى ›، ئۇيغۇر تىلىنى سېغىندىم .

يازغان تېمام ئارىسىغا ، ئارلاشقاچقا يات تىللار ،
مەزمۇنى ھەم تۇراقسىز ، ئۇيغۇر تىلىنى سېغىندىم .

بولغان ياخشى كۆپ تىللىق ،پەن بىلىمدىن شات قۇچۇپ ،
لىكىن ‹ ئانا تىل › مۇڭسىراپ ، ئۇيغۇر تىلىنى سېغىندىم .

تېلفۇن نۇمۇر ئاتىلار ،‹ ياۋ سەن چى › ھەم ‹ ياۋ سەن با ›،
ئۆز تىلىمدا دىيەلمەي ، ئۇيغۇر تىلىنى سېغىندىم .

تىلى چىققان بۇۋاقمۇ ، ‹ ماما › دەيدۇ ئانىنى ،
‹ ئانا › سۆزى ئۇنتۇلۇپ ،ئۇيغۇر تىلىنى سېغىندىم .

ئەتراپىمدا جۇلادۇر  ، ‹ پارىس تىلى › ‹ روس تىلى › ،
كۆمۈلۈپ قالغاچ ‹ئانا تىل ›، ئۇيغۇر تىلىنى سېغىندىم .

باش ‹ ئە › بىلەن ،ئاخىر ›‹ ئە › دەرىت تۆكىدۇ ئۆز ئارا ،
‹ ش › ھەرىپتە چىكىت كەم ، ئۇيغۇر تىلىنى سېغىندىم .

جۇدۇن سوقتى ‹ ج › نىمۇ ، ياشلار تۆكەر ‹ ي › مۇ ھەم ،
ئۇيغۇرچىلاپ ‹ ئىسىم › كەم ، ئۇيغۇر تىلىنى سېغىندىم .

خىيال قۇشۇم ئەسلەيدۇ، ‹ئوغاق ئاينى ›، بالىلىقنى ،
ئىسىم بېشىم ‹ خ › ھەرىپ ، ئۇيغۇر تىلىنى سېغىندىم .

ھەر مىللەتكە ئۆزگىچە ، بەك يېقىملىق ئانا تىل ،
شۇ تىللارنىڭ ئىچىدىن ، ئۇيغۇر تىلىنى سېغىندىم .

ئەسكەرتىش .. تېمىدىكى بەزى سۆزلەر تېمىنىڭ ئىھتىياجىغا ئاساسەن يېزىلدى .

مەنبە---- تاڭنۇر < خەيرۇللا قۇربان > بۆرتالا

راستىنلا ئۆزىمىزدىن باشلايلى
يامان خۇلۇقنى تاشلايلى

ئانا تىلنى سۆيمىگەنلەر ھامان بىر كۈن ئانا تىلغا زاردۇر.

چۈشۈمدە خۇدايىم بىلەن ئۇيغۇرچە سۆزلىشىمەن .

  بالامنى ھازىرغىچە مەكتەپكە بەرمىدىم . ھىم !
    ناھايىتى كەتسە مەنچىلىك ئادەم بولا ...

بارغانچە خار بولسا  بۇ ئانا تىل،
بۇ دۇنيا بىزلەرگە<<دوزاق>>بولۇر بىل.

ئىشلىتىش

بۇ مەزمۇن 6قەۋەتتىكى گۇلمەشۇق نىڭ 2012-03-13 11:57 يوللىغان يازمىسىغا نەقىل :
  بالامنى ھازىرغىچە مەكتەپكە بەرمىدىم . ھىم !
    ناھايىتى كەتسە مەنچىلىك ئادەم بولا ...

سىز قانداقتىڭىز؟

ئىشلىتىش

بۇ مەزمۇن 5قەۋەتتىكى مېھرىگىياھ نىڭ 2012-03-12 19:33 يوللىغان يازمىسىغا نەقىل   :
چۈشۈمدە خۇدايىم بىلەن ئۇيغۇرچە سۆزلىشىمەن .

مېھرىگىياھ ياشاڭ!مۈمكىن بولسا ئوڭىڭىزدىمۇ خۇدايىم بىلەن ئۇيغۇرچە سۆزلىشىڭ؟