ئەدىبلەر گۇمراھلارمۇ؟
ﻳﯜﻩﻥ ﻳﯩﻔﯧﻦ
ﺑﻮﺯﻗﯩﺮ ﺗﻪﺭﺟﯩﻤﯩﺴﻰ
1994- ﻳﯩﻠﻰ ئۆﻛﺘﻪﺑﯩﺮﻧﯩﯔ ﺑﯧﺸﯩﺪﺍ ﻧﻮﺑﯧﻞ ئەﺩﻩﺑﯩﻴﺎﺕ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﻪﻥ ﻣﯩﺴﯩﺮﻧﯩﯔ ﺩﺍﯕﻠﯩﻖ ﻳﺎﺯﻏﯘﭼﯩﺴﻰ ﻧﻪﺟﯩﭗ ﻣﻪھﺒﯘﺯ ﻗﺎھﯩﺮﻩﺩﻩ ﺯﻭﺭﺍﯞﺍﻧﻼﺭﻧﯩﯔ ھﯘﺟﯘﻣﯩﻐﺎ ئۇﭼﺮﺍﭖ ﻳﺎﺭﯨﻼﻧﺪﻯ.ﺑﯘ ﯞﻩﻗﻪ ﭘﯜﺗﯜﻥ ﺩﯗﻧﻴﺎﻧﻰ ﺯﯨﻠﺰﯨﻠﯩﮕﻪ ﺳﺎﻟﺪﻯ. ﻣﯩﺴﯩﺮﻧﯩﯔ ھﻪﺭﻗﺎﻳﺴﻰ ﺳﺎھﻪﺳﯩﺪﯨﻜﻰ ﺯﺍﺗﻼﺭ ﺑﯘ ﻗﻪﺑﯩھ ﻗﯩﻠﻤﯩﺸﻨﻰ ﻗﺎﺗﺘﯩﻖ ئەﻳﯩﺒﻠﯩﺪﻯ. ئەﺭﻩﺏ ئەﺩﻩﺑﯩﻴﺎﺗﻰ ﺗﺎﺭﯨﺨﯩﻨﻰ ﯞﺍﺭﺍﻗﻼﻳﺪﯨﻐﺎﻥ ﺑﻮﻟﺴﺎﻕ،ئەﺩﯨﺒﻠﻪﺭﮔﻪ ﺯﻭﺭﺍﯞﺍﻧﻠﯩﻖ ﻗﯩﻠﯩﺪﯨﻐﺎﻥ ئەھﯟﺍﻟﻼﺭﻧﻰ ﻛﯚﭖ ئۇﭼﺮﯨﺘﯩﻤﯩﺰ. ﻣﻪﺳﯩﻠﻪﻥ،ﺋﯩﻠﮕﯩﺮﻯ ئۆﺗﻜﻪﻥ ئەﺩﯨﺒﻠﻪﺭﺩﯨﻦ ﻣﻪئەﺭﺭﻯ (973-1057)،ﺟﺎھﯩﺰ(775-868)،ﻳﯧﻘﯩﻨﻘﻰ ﺯﺍﻣﺎﻥ ئەﺩﯨﺒﻠﯩﺮﯨﺪﯨﻦ ئاﻛﺎﺩﻯ(1889-1964)،ﺗﺎھﺎ ھﯚﺳﻪﻳﯩﻦ(1889-1973)ﻟﻪﺭﻣﯘ ﺯﯨﻴﺎﻧﻜﻪﺷﻠﯩﻜﻜﻪ ﯞﻩ ﺗﯜﺭﻟﯜﻙ ﺗﺎﻻﭘﻪﺗﻠﻪﺭﮔﻪ ئۇﭼﺮﯨﻐﺎﻥ. ﻣﻪﺯﻛﯘﺭ ﻣﺎﻗﺎﻟﯩﺪﻩ ﺟﯘﯕﮕﻮﻟﯘﻕ ﻛﯩﺘﺎﺑﺨﺎﻧﯩﻼﺭﻏﺎ ﺧﯧﻠﯩﻼ ﺗﻮﻧﯘﺵ ﺑﻮﻟﻐﺎﻥ ﺗﺎھﺎ ھﯚﺳﻪﻳﯩﻨﻨﯩﯔ ﺗﺎﻻﭘﻪﺗﻜﻪ ﻳﻮﻟﯘﻗﯘﺵ ئەھﯟﺍﻟﻰ ﻗﯩﺴﻘﯩﭽﻪ ﺑﺎﻳﺎﻥ ﻗﯩﻠﯩﻨﯩﺪﯗ.
1925 - ﻳﯩﻠﻰ ﺗﺎھﺎ ھﯚﺳﻪﻳﯩﻦ ﻣﯩﺴﯩﺮ ﺩﯙﻟﻪﺗﻠﯩﻚ ئۇﻧﯩﯟﯦﺮﺳﯩﺘﯧﺘﻰ (ﻗﺎھﯩﺮﻩ ئۇﻧﯩﯟﯦﺮﺳﯩﺘﯧﺘﯩﻨﯩﯔ ئەﺳﻠﯩﺪﯨﻜﻰ ئاﺳﺎﺳﯩﻲ)ﺩﻩ ﺟﺎھﺎﻟﯩﻴﻪﺕ ﺩﻩﯞﺭﯨﺪﯨﻜﻰ ﺷﯧﺌﯩﺮﻻﺭ ﺗﻮﻏﺮﯨﺴﯩﺪﺍ ﻟﯧﻜﺴﯩﻴﻪ ﺳﯚﺯﻟﻪﯞﺍﺗﻘﺎﻧﺪﺍ،ﺩﯦﻜﺎﺭﺗﻨﯩﯔ <<ﮔﯘﻣﺎﻥ ﻧﻪﺯﻩﺭﯨﻴﯩﺴﻰ>> ﺑﻮﻳﯩﭽﻪ ﺗﻪﺗﻘﯩﻖ ﻗﯩﻠﯩﺶ ئۇﺳﯘﻟﯩﻨﻰ ﻗﻮﻟﻠﯩﻨﯩﭗ،ﺗﯘﻧﺠﻰ ﺑﻮﻟﯘﭖ ئەﺷﯘ ﺩﻩﯞﺭﺩﯨﻜﻰ ﺷﯧﺌﯩﺮﻻﺭﻧﯩﯔ ئەﺳﻠﻰ ﻳﻪﻛﯜﻧﯩﮕﻪ ﻗﺎﺭﯨﺘﺎ ﮔﯘﻣﺎﻧﯩﻲ ﺳﯘئاﻟﻼﺭﻧﻰ ﻗﻮﻳﯩﺪﯗ.ئۇﺯﯗﻥ ﻣﻪﺯﮔﯩﻞ ﺗﻪﺗﻘﯩﻖ ﻗﯩﻠﯩﺶ ﯞﻩ ﭘﯜﺗﯜﻥ ﺯﯦھﻨﯩﻨﻰ ﻳﯩﻐﯩﭗ ھﻪﺭﺗﻪﺭﻩﭘﻠﯩﻤﻪ ﻣﯘﻻھﯩﺰﻩ ﻳﯜﺭﮔﯜﺯﯛﺵ ئاﺭﻗﯩﻠﯩﻖ،ئاﺗﺎﻟﻤﯩﺶ ﺟﺎھﺎﻟﯩﻴﻪﺕ ﺩﻩﯞﺭﯨﺪﯨﻜﻰ ﺷﯧﺌﯩﺮﻻﺭﻧﯩﯔ ﻣﯘﺗﻠﻪﻕ ﻛﯚﭖ ﻗﯩﺴﻤﯩﻨﻰ ﺋﯩﺴﻼﻣﯩﻴﻪﺕ ﺩﻩﯞﺭﯨﺪﻩ ﻛﯩﺸﯩﻠﻪﺭ ﺗﻮﻗﯘﭖ ﭼﯩﻘﻘﺎﻥ، ﺑﯘ ﺷﯧﺌﯩﺮﻻﺭﺩﺍ ﺋﯩﺴﻼﻣﯩﻴﻪﺕ ﺩﻩﯞﺭﯨﺪﯨﻜﻰ ئەﺭﻩﺑﻠﻪﺭﻧﯩﯔ ﺩﯨﻨﻰ،ﺋﯩﺪﯨﻴﯩﯟﻯ، ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺗﯘﺭﻣﯘﺷﻰ .ئەﻛﺲ ئەﺗﺘﯜﺭﯛﻟﮕﻪﻥ،ﺟﺎھﺎﻟﯩﻴﻪﺕ ﺩﻩﯞﺭﯨﺪﯨﻜﻰ ﺗﯩﻠﻤﯘ ﺷﯧﺌﯩﺮﺩﺍ ئۆﺯ ئەﻛﺴﯩﻨﻰ ﺗﺎﭘﺎﻟﻤﯩﻐﺎﻥ، ﺩﻩﭖ ﻳﯜﻛﯜﻥ ﭼﯩﻘﯩﺮﯨﺪﯗ. ﺑﯩﺮ ﻧﻮﺗﯘﻕ ﺑﯩلەﻧﻼ ﺯﯨﻠﺰﯨﻠﻪ ﭘﻪﻳﺪﺍ ﻗﯩﻠﻐﺎﻥ ﺗﺎھﺎ ھﯚﺳﻪﻳﯩﻨﻨﯩﯔ ﻳﯧﯖﻰ ﻛﯚﺯ ﻗﺎﺭﺍﺷﻠﯩﺮﻯ ﻣﯘﺟﻪﺳﺴﻪﻣﻠﻪﻧﮕﻪﻥ <<ﺟﺎھﺎﻟﯩﻴﻪﺕ ﺷﯧﺌﯩﺮﻟﯩﺮﻯ ﺗﻮﻏﺮﯨﺴﯩﺪﺍ>>ﻧﺎﻣﻠﯩﻖ ﻛﯩﺘﺎﺏ ﻧﻪﺷﺮ ﻗﯩﻠﯩﻨﯩﭗ ﻧﺎھﺎﻳﯩﺘﻰ ﺯﻭﺭ ﺋﯩﺠﺘﯩﻤﺎﺋﯩﻲ ﺗﻪﺳﯩﺮ ﻗﻮﺯﻏﯩﺪﻯ.ﺷﯘﻧﺪﺍﻕ ﻗﯩﻠﯩﭗ ﺗﺎھﺎ ھﯚﺳﻪﻳﯩﻦ ھﻪﺭﻗﺎﻳﺴﻰ ﺗﻪﺭﻩﭘﻠﻪﺭﻧﯩﯔ ﺑﯩﻤﻪھﻪﻝ ئاﺳﺎﺳﺴﯩﺰ ئەﻳﺒﻠﯩﺸﻰ ﯞﻩ ھﯘﺟﯘﻣﯩﻐﺎ ئۇﭼﺮﯨﺪﻯ.ﮔﯧﺰﯨﺖ - ﮊﯗﺭﻧﺎﻝ ئاﺭﻗﯩﻠﯩﻖ ئۇﻧﻰ ئۇﻧﯩﯟﯦﺮﺳﯩﺘﯧﺘﻨﯩﯔ ﺩﻩﺭﺱ ﻣﯘﻧﺒﯩﺮﯨﺪﯨﻦ ﭼﯜﺷﯜﺭﯛﯞﯦﺘﯩﺸﻜﻪ ﭼﺎﻗﯩﺮﯨﻖ ﻗﯩﻠﻐﺎﻧﻼﺭﻣﯘ ﺑﻮﻟﺪﻯ.ھﻪﻕ - ﻧﺎھﻪﻗﻨﻰ ئاﻳﺮﯨﻤﺎﻳﻼ ﻗﺎﻳﻤﯘﻗﺘﯘﺭﯗﺷﻘﺎ ئۇﭼﺮﺍﭖ ﺟﺎﺭ ﺳﯧﻠﯩﺸﯩﯟﺍﺗﻘﺎﻥ ﻳﺎﺷﻼﺭﻧﻰ ھﯧﺴﺎﺑﻘﺎ ئاﻟﻤﯩﻐﺎﻧﺪﺍ،ﻣﯘﻧﺪﺍﻕ ئۈﭺ ﺧﯩﻞ ﻛﯩﺸﯩﻠﻪﺭ ﺗﺎھﺎ ھﯚﺳﯩﻴﯩﻨﮕﻪ ﻛﯜﭼﻠﯜﻙ ﻗﺎﺭﺷﻰ ﭼﯩﻘﻘﺎﻧﺪﻯ: ﺑﯩﺮﯨﻨﭽﯩﺴﻰ،ئوﺑﺰﻭﺭﭼﻰ ﻣﯘﺳﺘﺎﻓﺎ ﺳﺎﺩﯨﻖ ﺭﺍﻓﯩﻲ (1880-1937)ﺑﺎﺷﭽﯩﻠﯩﻘﯩﺪﯨﻜﻰ ﻣﻪﺩﻩﻧﯩﻴﻪﺕ ﺳﺎھﻪﺳﯩﺪﯨﻜﻰ ئەﺭﺑﺎﺑﻼﺭ.ﺭﺍﻓﯩﻲ <<ﻗﯘﺭئاﻥﺑﺎﻳﺮﯨﻘﻰ ئاﺳﺘﯩﺪﺍ>>ﻧﺎﻣﻠﯩﻖ ﻛﯩﺘﺎﺑﻨﻰ ﻳﺎﺯﻏﺎﻥ.ﻛﯩﺘﺎﺑﻨﯩﯔ ﻗﻮﺷﯘﻣﭽﻪ ﺗﯧﻤﯩﺴﻰ ﺗﺎھﺎ ھﯚﺳﯩﻴﯩﻨﻨﯩﯔ<<ﺟﺎھﺎﻟﯩﻴﻪﺕ ﺷﯧﺌﯩﺮﻟﯩﺮﻯ ھﻪﻗﻘﯩﺪﻩ>> ﺋﯩﺪﻯ.ﺋﯩﻜﻜﯩﻨﭽﯩﺴﻰ، ﺩﯨﻨﻰ ﺳﺎھﻪﺩﯨﻜﻰ ﺯﺍﺗﻼﺭ، ئۇﻻﺭ ﺑﯘﺭﯗﻧﺪﯨﻨﻼ ﺗﺎھﺎ ھﯚﺳﯩﻴﻨﻨﯩﯔ ﻳﻮﻟﺪﯨﻦ ﭼﯩﻘﻘﺎﻧﻠﯩﻘﯩﻐﺎ ﻏﯘﻡ ﺳﺎﻗﻼﭖ ، ئۆﭺ ﺋﯧﻠﯩﺶ ﻛﻮﻳﯩﺪﺍ ﻳﯜﺭﯛﺷﻜﻪﻥ ﺑﻮﻟﺴﯩﻤﯘ،ﻟﯧﻜﯩﻦ ﭘﻪﻳﺘﯩﻨﻰ ﺗﺎﭘﺎﻟﻤﺎﻱ ﻛﯧﻠﯩﯟﺍﺗﻘﺎﻧﯩﺪﻯ.ئۈﭼﯩﻨﭽﯩﺴﻰ،ئەﺭﻛﯩﻦ ﺩﯦﻤﻮﻛﺮﺍﺗﭽﯩﻼﺭ ﭘﺎﺭﺗﯩﻴﯩﺴﻰ ﺑﯩﻠﻪﻥ ﺳﯩﻐﯩﺸﺎﻟﻤﺎﻳﺪﯨﻐﺎﻥ ﮔﯘﺭﯗھﺘﯩﻜﯩﻠﻪﺭ ئىدى. ئۇﻻﺭ ﺗﺎھﺎ ھﯚﺳﯩﻴﯩﻨﮕﻪ ﻗﺎﺭﺷﻰ ﺗﯘﺭﯗﺷﻨﻰ ﺑﺎھﺎﻧﻪ ﻗﯩﻠﯩﭗ ، ئەﺭﻛﯩﻦ ﺩﯦﻤﻮﻛﺮﺍﺗﭽﯩﻠﻪﺭ ﭘﺎﺭﺗﯩﻴﯩﺴﯩﮕﻪ ﻗﺎﺭﺷﻰ ﺗﯘﺭﯗﺵ ﻣﻪﻗﺴﯩﺘﯩﮕﻪ ﻳﻪﺗﻤﻪﻛﭽﻰ ﺑﻮﻟﯘﺷﻘﺎﻧﺪﻯ . ئۇﻻﺭ ئەﺳﻪﺑﯩﻴﻠﯩﻚ ﺑﯩﻠﻪﻥ ، ﺗﺎھﺎ ھﯚﺳﯩﻴﯩﻨﻨﯩﯔ ﻛﯩﺘﺎﺑﯩﺪﺍ ﺟﻪﺩﯨﺪﻟﯩﻚ ئەﻛﺲ ئەﺗﺘﯜﺭﯛﻟﮕﻪﻥ ، ﺋﯩﺴﻼﻣﯩﻴﻪﺗﻜﻪ ﻗﺎﺭﺷﻰ ﺑﯩﺪئەﺗﻠﯩﻚ ﺗﻪﻏﯩﭗ ﻗﯩﻠﯩﻨﻐﺎﻥ ، ﺩﻩﭖ ﺷﯩﻜﺎﻳﻪﺕ ﻗﯩﻠﯩﭗ ، ھﯚﻛﯜﻣﻪﺕ ﺩﺍﺋﯩﺮﻟﯩﺮﯨﺪﯨﻦ ئۇﻧﯩﯔ ئەﺳﻪﺭﻟﯩﺮﯨﻨﻰ ﻳﯩﻐﯩﯟﯦﻠﯩﭗ ، ﺗﺎھﺎ ھﯚﺳﯩﻴﯩﻨﻨﯩﯔ ئۇﻧﯩﯟﯦﺮﺳﯩﺘﯧﺘﺘﯩﻜﻰ ﯞﻩﺯﯨﭙﯩﺴﯩﻨﻰ ﺋﯧﻠﯩﭗ ﺗﺎﺷﻼﺷﻨﻰ ﺗﻪﻟﻪﭖ ﻗﯩﻠﺪﻯ. ﺑﻪﺧﺘﻜﻪ ﻳﺎﺭﯨﺸﺎ ، ﺗﺎھﺎ ھﯚﺳﯩﻴﯩﻦ ﺑﯘ ﻛﯩﺘﺎﺏ ﺋﯧﻠﯩﭗ ﻛﯩﻠﯩﺪﯨﻐﺎﻥ ئاﻗﯩﯟﻩﺗﻠﻪﺭﻧﻰ ئاﻟﺪﯨﻦ ﻛﯚﺭﯛﭖ ﻳﻪﺗﻜﻪﻥ ھﻪﻡ ئۇﻧﯩﯖﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﭗ ﻗﻮﻳﻐﺎﻧﺪﻯ .ئۇ ﻣﻪﺯﻛﯘﺭ ﻛﯩﺘﺎﺑﻨﯩﯔ ﻛﯩﺮﯨﺶ ﺳﯚﺯﯨﺪﻩ :<<ﺑﯘ ﻛﯩﺘﺎﺑﺘﺎ ﺟﺎھﺎﻟﯩﻴﻪﺕ ﺩﻩﯞﺭﯨﺪﯨﻜﻰ ﻛﯩﺸﯩﻠﻪﺭﻧﯩﯔ ﺗﺎﺭﯨﺨﻰ ، ﺗﯩﻠﻰ ، ئەﺩﻩﺑﯩﻴﺎﺗﯩﻐﺎ ﻗﺎﺭﯨﺘﺎ ﻳﯧﯖﯩﭽﻪ ﺗﻪﺗﻘﯩﻘﺎﺗﻼﺭ ﺋﯧﻠﯩﭗ ﺑﯧﺮﯨﻠﺪﻯ . ﺑﯘ ﺋﯩﻠﮕﯩﺮﯨﻜﯩﻠﻪﺭ ﺗﻮﻧﯘﭖ ﻳﯧﺘﻪﻟﻤﯩﮕﻪﻥ ﺗﻪﺗﻘﯩﻘﺎﺗﺘﯘﺭ. ﺋﯩﺸﯩﻨﯩﻤﻪﻧﻜﻰ ، ﺑﻪﺯﯨﻠﻪﺭ ﺑﯘﻧﯩﯖﺪﯨﻦ ﻏﻪﺯﻩﭘﻠﯩﻨﯩﺪﯗ ، ﺑﻪﺯﯨﻠﻪﺭ ئۆﺯﯨﻨﻰ ﻗﺎﭼﯘﺭﯨﺪﯗ...ﺑﯩﺮﺍﻕ ﭘﯧﻘﯩﺮ ﺑﯘ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﯩﺪﯨﻦ ﺗﻮﻟﯩﻤﯘ ﺭﺍﺯﻯ . ﺑﯘ ئەھﯟﺍﻝ ﭘﯧﻘﯩﺮﻧﯩﯔ ئەﺭﻩﺏ ئەﺩﻩﺑﯩﻴﺎﺗﻰ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺸﯩﺪﯨﻤﯘ ئاﺯ ئۇﭼﺮﺍﻳﺪﯗ . ﺑﯘ ﻛﯜﭼﻠﯜﻙ ئاﺭﺯﯗ ﭘﯧﻘﯩﺮﻧﻰ ھﻪﻗﻘﺎﻧﯩﻴﻪﺕ ﻳﻮﻟﯩﺪﯨﻦ ﻗﺎﻳﺘﻤﺎﺳﻠﯩﻘﻘﺎ ئۈﻧﺪﻩﭖ ﺗﯘﺭﯨﺪﯗ . ﻏﻪﺯﻩﭘﻠﻪﻧﮕﯜﭼﯩﻠﻪﺭﻧﯩﯔ ئۆﭼﻤﻪﻧﻠﯩﻜﻰ ﯞﻩ ھﯧﭽﻨﯧﻤﯩﮕﻪ ئەﺭﺯﯨﻤﻪﻳﺪﯨﻐﺎﻥ ئۆﺯﯨﻨﻰ ﭼﻪﺗﻜﻪ ئاﻟﻐﯘﭼﯩﻼﺭﻧﻰ ﺑﯩﺮ ﭼﻪﺗﻜﻪ ﻗﺎﻳﺮﯨﭗ ﻗﻮﻳﯘﭖ ، ﺑﯘ ﺗﻪﺗﻘﯩﻘﺎﺕ ﻧﻪﺗﯩﺠﯩﺴﯩﻨﻰ ﺭﻭﻳﺎﭘﻘﺎ ﭼﯩﻘﺎﺭﺩﯨﻢ >> - ﺩﻩﭖ ﻳﺎﺯﻏﺎﻧىدى . ﺗﺎھﺎ ھﯚﺳﯩﻴﯩﻦ ھﺎﺯﯨﺮﻗﻰ ﺯﺍﻣﺎﻥ ﺗﻪﺗﻘﯩﻘﺎﺕ ئۇﺳﯘﻟﯩﻨﻰ ﻗﻮﻟﻼﻧﻐﺎﻧﻠﯩﻘﯩﻨﻰ ﺋﯩﺰﺍھﻼﭖ ﻣﯘﻧﺪﺍﻕ ﺩﻩﻳﺪﯗ :<<ئەﻣﻪﻟﻴﻪﺗﺘﻪ ﻳﯧﺮﺍﻗﻨﻰ ﻛﯚﺭﻩﻟﻪﻳﺪﯨﻐﺎﻥ ﻛﯩﺸﯩﻠﻪﺭ ﺑﯘ ئەﺳﻪﺭﺩﯨﻦ ﺯﻭﻕ ئاﻻﻻﻳﺪﯗ.ئۇﻻﺭ ﻛﯧﻠﻪﭼﻪﻙنىڭ ئۈﻣﯩﺪىﺩﯗﺭ. ﺷﯘﻧﺪﺍﻗﻼ ئۇﻻﺭ ھﺎﺯﯨﺮﻗﻰ ﺯﺍﻣﺎﻥ (ئەﺩﻩﺑﯩﻴﺎﺗﻰ) ﻧﯩﯔ ئۇﻝ ﺗﯧﺸﻰ ﯞﻩ ﻳﯧﯖﻰ ئەﺩﻩﺑﯩﻴﺎﺗﯩﻨﯩﯔ ﺑﺎﻳﺮﺍﻗﺪﺍﺭﯨﺪﯗﺭ.>> ﺗﺎھﺎ ھﯚﺳﯩﻴﯩﻦ ئەﺭﻩﺏ ئەﺩﻩﺑﯩﻴﺎﺗﯩﻨﻰ ئەﺭﻩﺏ ﺗﻪﻟﯩﻤﺎﺗﻰ ﯞﻩ ﺩﯨﻨﻰ ھﯧﺴﺴﯩﻴﺎﺗﻨﯩﯔ ئاﺳﺎﺭﯨﺘﯩﺪﯨﻦ ئاﺯﺍﺩ ﻗﯩﻠﯩﭗ ، ئەﺩﻩﺑﯩﻴﺎﺕ ﺗﻪﺗﻘﯩﻘﺎﺗﯩﻨﻰ <<ﻗﯘﺭاﻥ ﻛﻪﺭﯨﻢ>> ﯞﻩ <<ھﻪﺩﯨﺲ>> ﻟﻪﺭﻧﻰ ﺗﻪﭘﺴﯩﺮ ﻗﯩﻠﯩﺶ ئۈﭼﯜﻥ ﺧﯩﺰﻣﻪﺕ ﻗﯩﻠﺪﯗﺭﻣﺎﺳﺘﯩﻦ ، ﺑﻪﻟﻜﻰ ئەﺩﻩﺑﯩﻴﺎﺕ ئۈﭼﯜﻥ ﺧﯩﺰﻣﻪﺕ ﻗﯩﻠﺪﯗﺭﯗﺷﻨﻰ ﺗﻪﻛﯩﺘﻠﻪﭖ ﻛﯚﺭﺳﻪﺗﻜﻪﻥ.
<<ﺟﺎھﺎﻟﯩﻴﻪﺕ ﺷﯧﺌﯩﺮﻟﯩﺮﻯ ھﻪﻗﻘﯩﺪﻩ>> ﻧﺎﻣﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺗﺎھﺎ ھﯚﺳﯩﻴﯩﻨﮕﻪ ﻗﺎﺭﯨﺘﯩﻠﻐﺎﻥ ئەﺳﻪﺑﯩﻲ ھﯘﺟﯘﻡ ، ﺑﯚھﺘﺎﻥ ، ﺟﯩﺴﻤﺎﻧﯩﻲ ﺯﻩﺭﺑﯩﻠﻪﺭ ئەﺩﻩﭖ ﻛﻪﺗﺘﻰ . ﮔﻪﺭﭼﻪ ئۇ ﺳﺎﭖ ئەﺩﻩﺑﯩﻴﺎﺕ ، ﺳﺎﭖ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺑﻮﻟﺴﯩﻤﯘ ، ﻟﯧﻜﯩﻦ ﺑﻪﺯﯨﻠﻪﺭ ئۇﻧﻰ ﺩﯨﻨﻨﯩﯔ ﻣﯘﻗﻪﺩﺩﻩﺳﻠﯩﻜﯩﮕﻪ ﺑﯩھﯚﺭﻣﻪﺗﻠﯩﻚ ﻗﯩﻠﺪﻯ ، ﻗﺎﺗﺘﯩﻖ ﺟﺎﺯﺍﻟﯩﻨﯩﺸﻰ ﻛﯧﺮﻩﻙ ، ﺩﻩﭖ ﻗﺎﺭﺍ ﭼﺎﭘﻠﯩﺪﻯ . ﻣﯘﺷﯘﻧﺪﺍﻕ ﺑﻮﺭﺍﻥ - ﭼﺎﭘﻘﯘﻥ ﺋﯩﭽﯩﺪﻩ ﺗﯘﺭﯗﯞﺍﺗﻘﺎﻥ ﺗﺎھﺎ ھﯚﺳﯩﻴﯩﻦ ﺗﻮﻟﯩﻤﯘ ﺋﯧﻐﯩﺮ - ﺑﯧﺴﯩﻖ ﺑﻮﻟﯘﭖ ﻛﻪﺗﺘﻰ . ﻟﯘﺷﯘﻥ ئەﭘﻪﻧﺪﯨﻨﯩﯔ ﺳﯚﺯﻯ ﺑﻮﻳﯩﭽﻪ ﺋﯧﻴﺘﻘﺎﻧﺪﺍ << ﭘﻪﺭﯞﺍﻳﻰ ﭘﻪﻟﻪﻙ>> ﺋﯩﺪﻯ . ئۇ ﻓﯩﺮﺍﻧﺴﯩﻴﯩﻠﯩﻚ ﺑﯩﺮ ﮊﯗﺭﻧﺎﻝ ﻣﯘﺧﺒﯩﺮﯨﻨﯩﯔ ﺳﯘئاﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﮔﻪﻧﺪﯨﻦ ﺑﺎﺷﻘﺎ ، ھﯧﭽﻨﯧﻤﻪ ﺩﯦﻤﯩﺪﻯ . ﺑﯘ ﻳﻪﺭﺩﻩ ﺗﺎھﺎ ھﯚﺳﯩﻴﯩﻨﻨﯩﯔ ﻣﯘﻧﯘ ﺳﯚﺯﻟﯩﺮﯨﻨﻰ ﻗﯩﺴﺘﯘﺭﯗﭖ ئۆﺗﯜﺷﻜﻪ ﺗﻮﻏﺮﺍ ﻛﯧﻠﯩﺪﯗ :<<ﺩﯨﻨﻰ ﺯﺍﺗﻼﺭ ﭘﯧﻘﯩﺮﻧﻰ دىنسىز ﺩﯦﻴﯩﺸﻤﻪﻛﺘﻪ . ﻛﯧﺴﯩﭗ ﺋﯧﻴﺘﺎﻻﻳﻤﻪﻧﻜﻰ ، ﺷﯘﻧﺪﺍﻕ ﺩﯦﮕﯘﭼﯩﻠﻪﺭﻧﯩﯔ %98 ﭘﯧﻘﯩﺮﻧﯩﯔ ﻛﯩﺘﺎﺑﯩﻨﻰ ئوﻗﯘﭖ ﺑﺎﻗﻤﯩﻐﺎﻥ . ﺑﯘﻧﯩﯖﻐﺎ ﺑﯩﺮ ﻣﯩﺴﺎﻝ ﻛﻪﻟﺘﯜﺭﻩﻱ : ﺑﯜﮔﯜﻥ ﭼﯜﺷﺘﯩﻦ ئاﯞﯞﺍﻝ ﺯﯨﻜﺎﭼﯧﮓ ﺋﯩﺴﯩﻤﻠﯩﻚ ﺑﯩﺮ ﺷﻪﻳﺦ ھﻪﺯﺭﻩﺗﻨﯩﯔ ﺑﯩﺮ ﭘﺎﺭﭼﻪ ﺧﯧﺘﯩﻨﻰ ﺗﺎﭘﺸﯘﺭﯗﯞﺍﻟﺪﯨﻢ . ئۇ ﺧﯧﺘﯩﺪﻩ << ﺟﺎھﺎﻟﯩﻴﻪﺕ ﺷﯧﺌﯩﺮﻟﯩﺮﻯ ھﻪﻗﻘﯩﺪﻩ>> ﺩﯨﻦ ﺑﯩﺮﻧﻰ ئەﯞﻩﺗﯩﭗ ﺑﯧﺮﯨﺸﻨﻰ ﺳﻮﺭﺍﭘﺘﯘ . ﻛﯜﻟﻜﯩﻠﯩﻚ ﻳﯧﺮﻯ ﺷﯘﻛﻰ ، ﺗﯧﺨﻰ ئوﻥ ﺋﯩﻜﻜﻰ ﻛﯜﻥ ﺑﯘﺭﯗﻥ ﺑﯘ ﺷﻪﻳﺦ ھﻪﺯﺭﻩﺕ ﭘﯧﻘﯩﺮﻧﻰ ئۇﻧﯩﯟﯦﺮﺳﯩﺘﯧﺘﺘﯩﻜﻰ ﯞﻩﺯﯨﭙﯩﺪﯨﻦ ﺋﯧﻠﯩﭗ ﺗﺎﺷﻼﺵ ھﻪﻗﻘﯩﺪﯨﻜﻰ ﺷﯩﻜﺎﻳﻪﺗﻨﺎﻣﯩﮕﻪ ﺋﯩﻤﺰﺍ ﻗﻮﻳﻐﺎﻧﺪﻯ . ﺷﯘ ﭼﺎﻏﺪﺍ ﺑﯩﺮﻩﻳﻠﻪﻥ ﻛﺎﻟﻠﯩﺴﻰ ئاﺩﺩﻯ ﻛﯩﺸﯩﻠﻪﺭﮔﻪ ﭘﯧﻘﯩﺮﻧﯩﯔ ﺋﯩﺴﻼﻡ ﺩﯨﻨﯩﻐﺎ ھﯘﺟﯘﻡ ﻗﯩﻠﻐﺎﻧﻠﯩﻘﯩﻨﻰ ﺋﯧﻴﺘﯩﭗ ، ئۇﻻﺭﻧﻰ ﭘﯧﻘﯩﺮ ﺑﯩﻠﻪﻥ ﻛﯜﺭﻩﺵ ﻗﯩﻠﯩﺸﻘﺎ ﻗﯘﺗﺮﯨﺘﯩﭙﺘﯘ . ﭘﯧﻘﯩﺮ ﺑﺎﺭ ئاﯞﺍﺯﻯ ﺑﯩﻠﻪﻥ ﺷﯘﻧﻰ ﺟﺎﻛﺎﺭﻻﻳﺪﯗﻛﻰ ، ﻛﯩﺘﺎﺑﯩﻤﺪﺍ ﺋﯩﺴﻼﻡ ﺩﯨﻨﯩﻐﺎ ﺯﯨﺖ ﻛﯩﻠﯩﺪﯨﻐﺎﻥ ﺑﯩﺮﻣﯘ ﺳﯚﺯ ﻳﻮﻕ . ﺑﻪﺯﯨﻠﻪﺭ ھﻪﺗﺘﺎ ﺑﯜﮔﯜﻧﻜﻰ ﻛﯜﻧﺪﯨﻤﯘ ﺗﻪﺗﯜﺭﻟﯜﻙ ﻗﯩﻠﯩﭗ ، ئەﺩﯨﺒﻠﻪﺭ ﺩﯨﻨﻨﯩﯔ ﻣﺎﻟﯩﻴﻰ ﺑﻮﻟﯘﺷﻰ ﻛﯧﺮﻩﻙ ، ﺩﻩﭖ ﻗﺎﺭﺍﯞﺍﺗﯩﺪﯗ . ﺷﯘﻧﻰ ﺳﻮﺭﺍﭖ ﺑﺎﻗﻘﯘﻡ ﻛﯩﻠﯩﺪﯗ ! 20 - ئەﺳﯩﺮﻧﯩﯔ ﺑﯜﮔﯜﻧﻜﻰ ﻛﯜﻧﯩﺪﻩ ﺑﯩﺮ ﺳﺎﭖ ئەﺩﻩﺑﯩﻴﺎﺗﻨﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﭘﺮﻭﻓﯧﺴﺴﻮﺭﻧﻰ ﺩﯨﻨﻐﺎ ﻗﺎﺭﺷﻰ ﭼﯩﻘﺘﻰ ﺩﯦﺴﻪ ﺑﻮﻻﺭﻣﯘ؟ ﻗﯧﺮﯨﺸﻘﺎﻧﺪﻩﻙ ﺑﯘ ﺋﯩﺸﻨﯩﯔ ﺩﻩﻝ ﭘﯧﻘﯩﺮﻏﺎ ﺩﻭﯕﮕﯩﻠﯩﭗ ﻗﺎﻟﻐﯩﻨﯩﻨﻰ ﻗﺎﺭﯨﻤﺎﻣﺪﯨﻐﺎﻥ .>> ﺗﺎھﺎ ھﯚﺳﯩﻴﯩﻦ ﺳﯚﺯﯨﺪﻩ ﺑﻪﺯﻯ ﻛﯩﺸﯩﻠﻪﺭﻧﯩﯔ ھﯚﻛﯜﻣﻪﺕ ﺑﯩﻠﻪﻥ ﭘﺎﺭﺗﯩﻴﻪ ئوﺗﺘﯘﺭﯨﺴﯩﺪﯨﻜﻰ ﺋﯩﺨﺘﯩﻼﭘﻨﻰ ﺋﯩﻠﻤﯩﻲ ﺗﯘﺭﻣﯘﺷﻘﺎ ﺳﯚﺭﻩﭖ ﻛﯩﺮﮔﻪﻧﻠﯩﻜﯩﻨﻰ ﺗﻪﺗﻘﯩﺪ ﻗﯩﻠﺪﻯ . 1925 - ﻳﯩﻠﻰ 7 - ﺋﯩﻴﯘﻝ <<ﺳﯩﻴﺎﺳﯩﻲ ﮔﯧﺰﯨﺘﻰ>> ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﺍ ﻣﯘﻧﺪﺍﻕ ﺩﯦﻴﯩﻠﯩﺪﯗ : << ﺑﻪﺯﻯ ﺩﯨﻨﻰ ﺭﻩھﺒﻪﺭﻟﻪﺭ ﺗﺎھﺎ ھﯚﺳﯩﻴﯩﻨﻨﻰ ﺳﻮﺕ ﻗﯩﻠﯩﺸﻨﻰ ، ئۇﻧﯩﯔ ﻛﯩﺘﺎﺑﻠﯩﺮﯨﻨﻰ ﻳﯩﻐﯩﯟﯦﻠﯩﭗ ، ﻣﻪﻛﺘﻪﭘﺘﯩﻦ ﻫﻪﻳﺪﻩﭖ ﭼﯩﻘﯩﺮﯨﺸﻨﻰ ﺗﻪﻟﻪﭖ ﻗﯩﻠﯩﺸﯩﯟﺍﺗﯩﺪﯗ . ﻳﺎﺯﻏﯘﭼﯩﻼﺭ ئۇﻻﺭﻏﺎ ﻛﯩﺘﺎﺑﺘﺎ ئۇﻧﻰ ﺳﻮﺗﻘﺎ ﺗﺎﺭﺗﻘﯘﺩﻩﻙ ﺑﯩﺮﻩﺭ ﻧﻪﺭﺳﯩﻨﯩﯔ ﻳﯧﺰﯨﻠﻤﯩﻐﺎﻧﻠﯩﻘﯩﻨﻰ ﺋﯧﻴﺘﯩﺸﯩﯟﺍﺗﯩﺪﯗ . ئۇ ئۆﺯﯨﻨﯩﯔ ﺧﯘﺩﺍ ، <ﻗﯘﺭئاﻥ ﻛﻪﺭﯨﻢ> ﮔﻪ ، ﻗﯩﻴﺎﻣﻪﺗﻜﻪ ﺋﯩﺸﯩﻨﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﯟﺍﺗﯩﺪﯗ >> ﺩﯦﻴﯩﻠﮕﻪﻥ . ﺳﯩﻴﺎﺳﯩﻲ ﺳﺎھﻪﺩﯨﻜﻰ ﺯﺍﺗﻼﺭ ئەﻣﻪﻟﻴﻪﺗﺘﻪ ﺑﯘﻧﻰ ئەﺭﻛﯩﻦ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﯩﺪﯨﻜﯩﻠﻪﺭﻧﯩﯔ ﺳﺎﺩﺍﺳﻰ ﺩﻩﭖ ﻗﺎﺭﯨﻐﺎﻧﺪﻯ . ﺑﯘ ﺷﺎﻣﺎﻟﻨﯩﯔ ﺗﯧﺨﯩﻤﯘ ئەﯞﺝ ﺋﯧﻠﯩﭗ ﻛﻪﺗﻤﻪﺳﻠﯩﻜﻰ ئۈﭼﯜﻥ ، ئۇﻧﯩﯟﯦﺮﺳﯩﺘﯧﺖ ئوﺗﺘﯘﺭﯨﻐﺎ ﭼﯜﺷﯜﭖ ، ﺑﯘ ئەﺳﻪﺭﻧﻰ ﺳﯧﺘﯩﯟﺍﻟﺪﻯ.7 - ﺋﯩﻴﯘﻝ << ﺳﯩﻴﺎﺳﯩﻲ ﮔﯧﺰﯨﺘﻰ >> ﮔﻪ ﺑﯧﺴﯩﻠﻐﺎﻥ ﻣﺎﻗﺎﻟﯩﮕﻪ ﺟﺎﯞﺍﺑﻪﻥ ﺗﺎھﺎ ھﯚﺳﯩﻴﯩﻦ << ﺋﯩﻜﻜﻰ ﺧﯩﻞ ﺧﻪﺗﻪﺭ >> ﺩﯦﮕﻪﻥ ﺗﯧﻤﯩﺪﺍ ﻗﯩﺴﻘﺎ ﻣﺎﻗﺎﻟﻪ ﺋﯧﻼﻥ ﻗﯩﻠﺪﻯ . ﻣﺎﻗﺎﻟﯩﺪﻩ ﻣﯘﻧﺪﺍﻕ ﺩﯦﻴﯩﻠﮕﻪﻥ : << ﺑﯩﺮﯨﻨﭽﻰ ﺧﯩﻞ ﺧﻪﺗﻪﺭ ﻧﺎﺩﺍﻧﻠﯩﻖ ، ﺋﯩﻜﻜﯩﻨﭽﻰ ﺧﯩﻞ ﺧﻪﺗﻪﺭ ﺩﯗﮔﻤﯩﻠﯩﻖ ، ﺑﯘ ﺋﯩﻜﻜﻰ ﺧﯩﻞ ﺧﻪﺗﻪﺭ ﻧﻮﺭﻣﺎﻟﻨﻰ ھﺎﻳﺎﺗﯩﻤﯩﺰﻧﯩﯔ ﻛﯜﺷﻪﻧﺪﯨﺴﯩﺪﯗﺭ .>> ﺷﯘﻧﺪﺍﻕ ﻗﯩﻠﯩﭗ ﺗﺎھﺎ ھﯚﺳﻴﯩﻨﮕﻪ ﻗﺎﺭﺷﻰ ﺗﯘﺭﯗﺵ ﺩﻭﻟﻘﯘﻧﻰ ئۈﺯﻟﯜﻛﺴﯩﺰ ﻛﯜﭼﻪﻳﺪﻯ . ھﻪﺗﺘﺎ ﺑﻪﺯﯨﻠﻪﺭ ﻧﺎﻣﺎﻳﯩﺸﻘﺎ ﺗﻪﺷﻜﯩﻠﻠﯩﺪﻯ . ﭘﺎﺭﻻﻣﯧﻨﺖ ئەﺯﺍﺳﻰ ئاﻗﺴﺎﻗﺎﻝ ئاﺑﺪﯗھﺎﻣﯩﺪ ﺑﻪﻳﻨﺎﺋﯧﻦ ﻣﻪﺭﻛﯩﺰﯨﻲ ﺗﻪﭘﺘﯩﺶ ﻣﻪھﻜﯩﻤﯩﺴﯩﮕﻪ ئەﺭﺯ ﺳﯘﻧﯘﭖ ، ﺩﯦﻠﻮ ﺗﯘﺭﻏﯘﺯﯗﭖ ﺗﻪﻛﺸﯜﺭﯛﺷﻨﻰ ﺗﻪﻟﻪﭖ ﻗﯩﻠﺪﻯ . ﻣﯘﺷﯘ ﺩﯦﻠﻮﻧﻰ ﺗﻪﻛﺸﯜﺭﯛﺷﻜﻪ ﻣﻪﺳئۇﻝ ﺑﻮﻟﻐﺎﻥ ﺑﺎﺵ ﺗﻪﭘﺘﯩﺶ ﻣﯘھﻪﻣﻤﻪﺩ ﻧﯘﺭﺑﯧﻚ ﺋﯧﺪﯦئوﻟﻮﮔﯩﻴﻪ ﺳﺎھﻪﺳﯩﺪﯨﻜﻰ ﺗﺎﻻﺵ - ﺗﺎﺭﺗﯩﺸﻼﺭﻏﺎ ﺟﺎﺯﺍ ﺑﯧﺮﯨﺶ ﻛﯩﺸﻰ ﻛﯚﯕﻠﯩﮕﻪ ﻳﺎﻗﻤﺎﻳﺪﯗ ، ﺩﻩﭖ ﻗﺎﺭﯨﺪﻯ . ﺷﯘﻧﯩﯔ ﺑﯩﻠﻪﻥ ﺑﯘ ﺩﯦﻠﻮ ﺋﯧﺴﯩﭗ ﻗﻮﻳﯘﻟﺪﻯ . ﺗﺎھﺎ ھﯚﺳﯩﻴﯩﻦ ﮔﯘﻧﺎھﺴﯩﺰ ﺑﻮﻟﺴﯩﻤﯘ ، ﻟﯧﻜﯩﻦ ﯰﻧﯘﯕﻐﺎ ﻗﺎﺭﯨﺘﯩﻠﻐﺎﻥ ھﯘﺟﯘﻡ ، ئاﺋﯩﻠﻪ ﺗﺎﯞﺍﺑﯩئاﺗﻠﯩﺮﯨﻐﺎ ﻛﯧﻠﯩﯟﺍﺗﻘﺎﻥ ﺗﻪھﺪﯨﺘﻨﯩﯔ ئاﻳﯩﻐﻰ ئۈﺯﯛﻟﻤﯩﺪﻯ . ﺗﺎھﺎ ھﯚﺳﯩﻴﯩﻦ ﻗﺎﻳﺘﯘﺭﻣﺎ ھﯘﺟﯘﻣﻐﺎ ئۆﺗﺴﻪ ئۆﺯﯨﮕﻪ ﻗﺎﺭﺷﻰ ﭼﯩﻘﻘﯘﭼﯩﻼﺭﻧﯩﯔ ﺗﯧﺨﯩﻤﯘ ﺗﻪﭖ ﺗﺎﺭﺗﻤﺎﻱ ئۆﺯﯨﻨﯩﯔ ﺋﯩﺪﯨﻴﯩﯟﻯ ئەﺭﻛﯩﻨﻠﯩﻜﯩﻨﻰ ﺩﻩﭘﺴﻪﻧﺪﻩ ﻗﯩﻠﯩﺸﯩﺪﯨﻦ ئەﻧﺴﯩﺮﻩﭖ ﺑﯩﻤﻪھﻪﻝ ﺟﯩﻢ ﺑﻮﻟﯘﯞﺍﻟﺪﻯ . ئۇﻧﯩﯔ ﺩﻭﺳﺘﻰ ، ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ، ئۇﻧﯩﯟﯦﺮﺳﯩﺘﯧﺖ ﻣﻪﻛﺘﻪﭖ ﺋﯩﺸﻠﯩﺮﻯ ﻛﻮﻣﯩﺘﯧﺘﯩﻨﯩﯔ ھﻪﻳئەﺕ ئەﺯﺍﺳﻰ ئاﺑﺪﯗﺧﺎﻟﯩﻖ ﺷﻪﺭﯞﻩﺕ ﭘﺎﺷﺎ ئۇﻧﯩﯖﻐﺎ ، ئۆﺯﻯ ﭘﻪﻳﺪﺍ ﺑﻮﻟﻐﺎﻥ ﺑﻮﺭﺍﻥ - ﭼﺎﭘﻘﯘﻥ ئۆﺯﻯ ﺟﯩﻤﻤﯩﻘﻘﺎﻧﻐﺎ ﻗﻪﺩﻩﺭ ﭼﻪﺕ ئەﻟﻠﻪﺭﮔﻪ ﭼﯩﻘﯩﭗ ﺳﺎﻳﺎھﻪﺕ ﻗﯩﻠﯩﺶ ﺗﻪﻛﻠﯩﭙﯩﻨﻰ ﺑﻪﺭﺩﻯ . ﺗﺎھﺎ ھﯚﺳﯩﻴﯩﻦ ﺩﻭﺳﺘﯩﻨﯩﯔ ﺗﻪﻛﻠﯩﭙﯩﻨﻰ ﻣﺎﻗﯘﻝ ﻛﯚﺭﯛﭖ ، ﻳﯘﺭﺗﯩﺪﯨﻦ ئاﻳﺮﯨﻠﯩﭗ ، ئۆﺯﯨﻨﻰ ﺩﺍﻟﺪﯨﻐﺎ ئاﻟﺪﻯ .
ﻛﯧﻴﯩﻦ ﺗﺎھﺎ ھﯚﺳﯩﻴﯩﻦ << ﻳﺎﺯ ﭘﻪﺳﻠﯩﺪﻩ>> ﻧﺎﻣﻠﯩﻖ ﻣﻪﺷھﯘﺭ ئەﺳﯩﺮﯨﺪﻩ ﺷﯘ ﻗﯧﺘﯩﻤﻠﯩﻖ ﻛﻪﺳﻜﯩﻦ ﻛﯜﺭﻩﺷﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ :<< ﺷﯘ ﻳﯩﻠﻰ ﭘﯧﻘﯩﺮ ﻣﻪﺟﺒﯘﺭﻩﻥ ﭼﻪﺕ ئەﻟﮕﻪ ﭼﯩﻘﯩﭗ ﻛﻪﺗﺘﯩﻢ . ﻧﺎﯞﺍﺩﺍ ئۇﻻﺭ ئاﻣﺎﻝ ﻗﯩﻼﻟﯩﻐﺎﻥ ﺑﻮﻟﺴﺎ ﭘﯧﻘﯩﺮﻧﻰ ﻣﯩﺴﯩﺮﺩﯨﻼ ﺗﯘﺗﻘﯘﻥ ﻗﯩﻠﻐﺎﻥ ﺑﻮﻻﺗﺘﻰ . ﭘﯧﻘﯩﺮ ﻳﯘﺭﺗﺘﯩﻦ ئاﻳﺮﯨﻠﯩﭗ ﻳﯧﺮﺍﻗﻼﺭﻏﺎ ﻛﻪﺗﻜﻪﻧﺪﯨﻦ ﻛﯧﻴﯩﻦ ، ﺑﯩﺮ ﺭﻩھﺒﻪﺭ ﺩﯙﻟﻪﺕ ﭘﺎﺭﻣﯧﻨﺘﯩﺪﺍ ئاﭼﭽﯩﻘﻼﭖ ، ﭘﯧﻘﯩﺮﻧﯩﯔ ئۈﺳﺘﯩﺪﯨﻦ ﺩﯨﻨﻨﻰ ﺧﺎﺗﺎ ﻳﻮﻟﻐﺎ ﺑﺎﺷﻠﯩﺪﯨﻴﻪﻱ ، ﺩﯨﻨﻐﺎ ﺧﻪﯞﭖ ﺋﯧﻠﯩﭗ ﻛﻪﻟﺪﯨﻴﻪﻱ ، ﺩﻩﭖ ﺩﺍﺩﻻﭖ ئەﺷﯘ ﻣﯚﺗﯩﯟﻩﺭﻟﻪﺭ ﺩﯨﻦ ﺑﯩﻠﻪﻥ ﺳﯩﻴﺎﺳﯩﻨﻰ ئاﺭﯨﻐﺎ ﺑﯚﻟﮕﯜﻧﭽﯩﻠﯩﻚ ﺳﯧﻠﯩﺸﻨﯩﯔ ، ﻗﻪﺳﺖ ﻗﯩﻠﯩﺸﻨﯩﯔ ﻗﻮﺭﺍﻟﻰ ﻗﯧﻠﯩﯟﯦﻠﯩﺸﺘﻰ .ئەﺧﻼﻗﻰ ﺗﻮﻟﯩﻤﯘ ﭘﻪﺳﻜﻪﺵ ئەﺷﯘ ﻛﯩﺸﯩﻠﻪﺭ ﺷﯘﻧﻰ ﺑﯩﻠﯩﭗ ﻗﻮﻳﯘﺷﺴﯘﻧﻜﻰ ، ﺩﯨﻦ ھﺎﻣﺎﻥ ئەﺷﯘ ﺧﻪﺗﻪﺭ ﺗﯘﻏﺪﯗﺭﻏﯘﭼﯩﻼﺭﺩﯨﻦ ﻛﯚﭖ ﻗﯘﺩﺭﻩﺗﻠﯩﻚ .>>
ﻧﯩھﺎﻳﻪﺕ ، قانداقلا بولمىسۇن 1962 - ﻳﯩﻠﺪﯨﻜﻰ ﺋﯩﺸﻼﺭ ئۆﺗﯜﭖ ﻛﻪﺗﺘﻰ . ﺑﯩﺮﺍﻕ ئۇ ﻛﯩﺸﯩﻠﻪﺭﮔﻪ ﻗﺎﻧﺪﺍﻕ ﺗﻪﺭﺑﯩﻴﻪ ﻗﺎﻟﺪﯗﺭﺩﯨﻜﯩﻦ ؟ ﻣﯘﺑﺎﺩﺍ ﺗﺎھﺎ ھﯚﺳﯩﻴﯩﻦ ﺑﯜﮔﯜﻧﮕﻪ ﻗﻪﺩﻩﺭ ھﺎﻳﺎﺕ ﺑﻮﻟﻐﺎﻥ ﺑﻮﻟﺴﺎ ، ﻧﻪﺟﯩﺐ ﻣﻪھﺒﯘﺯﮔﻪ ئوﺧﺸﺎﺵ ﺧﻪﯞﭘﻜﻪ ﺩﯗﭼﺎﺭ ﺑﻮﻻﺭﻣﯩﺪﻯ؟
(ﺧﻪﻧﺰﯗﭼﻪ << ئەﺭﻩﺏ ﺩﯗﻧﻴﺎﺳﻰ>> ﮊﯗﺭﻧﯩﻠﯩﻨﯩﯔ 1995 - ﻳﯩﻠﻠﯩﻖ 3 - ﺳﺎﻧﯩﺪﯨﻦ ﺗﻪﺭﺟﯩﻤﻪ ﻗﯩﻠﯩﻨﺪﻯ )
مەنبەسى : <<دۇنيا ئەدەبىياتى>>نىڭ 1995-يىل 5-سانى
