شۇڭا دەيمەن شاماللارغا دەردىمنى
(تىكەن)
ئىللىق شامال ئېلىپ كىلىپ ھىدىڭنى،
سۆيۈۋالدى خىجىل بولماي مەڭزىمنى.
سۆيۈپ بولۇپ ساڭا ئېلىپ كىتەرمۇ،
چىن يۈرەكتىن ساڭا بەرگەن لەۋزىمنى.
شاماللاردىن بىلىپ تۇردۇم ھالىڭنى،
ساپ سۆيگۈلۈك ئەقىدەڭنى ئاقلايمەن.
ئۆلۈپ كەتسەم ساڭا قانماي بىر ئۆمۈر،
ئۆز قەبرەمدە سەلكىن شامال ساقلايمەن.
ئىشەنمىسەڭ شامال بىلەن كىلىپ باق،
مۇھەببىتىم راستمۇ يالغان بىلىپ باق.
ناتۇنۇشتەك ناز كەرەشمە ئوينىتىپ،
ساڭا ئاشىق بۇ قەلبىمنى چىكىپ باق.
مەيلى قانداق سىناپ باققىن قەلبىمنى،
يات ھەۋەسلەر تەسلىم بولار باش ئىگىپ.
تاغ يۆتكىلىپ يەر تەۋرىسە،،شاماللار،
ئۇچۇرۇپ كىلىپ ھەيۋە قىلسا تاش تىگىپ.
شۇڭا دەيمەن شاماللارغا دەردىمنى،
ساڭا ئاشىق بۇ قەلبىمنى بىلىپ كەت.
كېچە-كۈندۈز پىراقىڭدا ئۆرتىنىپ،
قالغىنىمنى شاماللاردىن بىلىپ يەت。
مەنبە :سەردارىم مۇنبىرى