روسىيىلىك گېنىرال: جۇڭگودا 1800 دانە يادرو ئوق بېشى بولۇشى مۇمكىن
«يەرشارى ۋاقىت گېزىت»ىنىڭ ۋە روسىيە «ھەربىي سانائىتى بىماس قەدەملىك خەۋەرلىشىش تورى» ژورنىلىنىڭ 5-ئاينىڭ 1-كۈنىدىكى خەۋىرىگە ئاساسلانغاندا، روسىيىنىڭ ھەبىي خىزمەتتىن بوشىغان گېنىرالى، ھەربىي ئىشلار پەنلەر ئاكادىمىيىسىنىڭ پىروفېسسورى ۋېكتور ئاسىيان يېقىندا ئېلان قىلغان ماقالىسىدا، گەرچە جۇڭگو ھۆكۈمەت دائىرىلىرى يادرو تەسىرى ئىنتايىن كىچىك دائىرىدە، ئامېرىكا ۋە روسىيە قاتارلىق يادرو چوڭ دۆلەتلىرى بىلەن ئەسلا تەڭلىشەلمەيدۇ، دەپ ئېيتقان بولسىمۇ، ئەمما جۇڭگو يادرو قوراللىرى ئىسكىلاتىدا 1800 دانە يادرو ئوق بېشى بولۇشى مۇمكىن، دەپ ئېيتتى.
ماقالىدە ئاسىياننىڭ گېپى بويىچە يەنە مۇنداق دېيىلگەن: «نۆۋەتتە جۇڭگو يادرو ئوق بېشى بولغان مۆلچەرلەردە ئىنتايىن چوڭ پەرق بار بولۇپ، بۇ پەرق 300-240 دانىدىن تارتىپ 10 مىڭ دانىغىچە. شۇ سەۋەبلىك مەن بۇ قوشنا دۆلەتنىڭ يادرو تەسىرىگە قارىتا ئۆز يەكۈنۈمنى قويۇپ بېقىشنى توغرا تاپتىم.»
ئۇ يەنە، جۇڭگو يۈكسەك دەرىجىدە تەرەققىي قىلغان يادرو قورال-ياراغ سانائىتى سېستىمىسىغا ئىگە بولۇپ، ھەرخىل تىپتىكى يادرو قوراللىرىنى، يادرو بومبىسىدىن تارتىپ ھەرخىل يادرو ئوق باشلىرىغىچە تامامەن مۇستەقىل ئىشلەپچىقىرالايدۇ. ئۇلارنىڭ يادرو ماتېرىياللىرىنى ئىشلەپچىقىرىشىدىنلا كۆرۈۋېلىشقا بولىدۇكى، 2011-يىلىدىن باشلاپ جۇڭگو يادرو كارخانلىرى ئىشلەپچىقارغان 40 توننا قورال-ياراغ ۋە يادرو ماتېرىياللار، 3600 دانە يادرو ئوق بېشى (1600دانە ئۇران ئوق بېشى ۋە 2000 دانە پلوتونىي ئوق بېشى) ياساشقا تامامەن يېتىپ ئاشىدۇ. ئەلۋەتتە، جۇڭگو پىششىقلاپ ئىشلەپچىقارغان بارلىق قورال-ياراغ ۋە يادرو ماتېرىياللىرىنىڭ ھەممىسىنى يادرو ئوق بېشى ئىشلەپچىقىرىشقا ئىشلىتىشى ناتايىن، بەلكىم بۇنىڭ ئىچىدىكى يېرىمى زاپاس ساقلىنىپ قويۇشى مۇمكىن. مۇبادا بۇ پەرەز كۈچكە ئىگە بولىدىغان بولسا، ئۇنداقتا جۇڭگودا 1800-1600دانە يادرو ئوق بېشى بولۇشى، جەڭ قىلىش ئۈچۈن ئورۇنلاشتۇرۇلغانلىرى تەخمىنەن 900-800 دانە بولۇشى مۇمكىن، ئېشىپ قالغانلىرى بولسا ئۇزۇن مۇددەتلىك زاپاس ساقلىنىشى مۇمكىن دېدى، ئۇ يەنە بۇنىڭدىكى سان-سېفىرلارنىڭ پەقەت تەخمىنەن سانلىق قىممەت ئىكەنلىكىنى ئەسكەرتتى.
خەۋەرلەرگە ئاساسلانغاندا، جۇڭگو يادرو قوراللىرىنىڭ كونكېرت تەقسىملىنىشى تۆۋەندىكىچە ئىكەن: ب-4 يادرو بومبىسى ئاساسلىقى «كۈچلۈك -5» ناملىق قىرغۇچى ئايروپىلان ۋە باشقا تاكتىكىلىق ھۇجۇم قىلغۇچى قوراللارغا سەپلەنگەن. ب-5 يادرو بومبىسى ئاساسلىقى «بومباردىمان-6» ناملىق يىراقتىن باشقۇرۇلىدىغان قىرغۇچى ئايروپىلانغا سەپلەنگەن. يەنە «شەرق شامىلى-4» ناملىق ئوتتۇرا مۇساپىلىك باللىستىك باشقۇرۇلىدىغان سىنارەد ۋە «شەرق شامىلى-5ئا»، «شەرق شامىلى-31» ناملىق قىتئەلەر ئارا ئۇچىدىغان ئوق يوللۇق باشقۇرۇلىدىغان سىنارەدلەرگە سەپلەنگەن يادرو ئوق باشلىرىمۇ بار بولۇپ، بۇنىڭدىن باشقا يەنە «شەرق شامىلى-21،21ئا» قاتارلىقلارمۇ بار ئىكەن. يادرو سۇ ئاستى كېمىسىگە بولسا «دولقۇن-1» بىلەن «دولقۇن-2» قاتارلىق سۇ ئاستى ئۇرۇش بومبىسى ئورنىتىلغان ئىكەن.
مەنبە:ئوكيان تورىدىن . يۇسران