توغراق
ئىبنۇرى

           قامىتىڭدىن ئايان بولار،
           ئەسىرلەرنىڭ گۈزەل تاڭلىرى...

           تېنىڭدىكى چىدام-قەيسەرلىك،
           سىموۋۇلى بولۇپ ھاياتنىڭ-
          ئاشۇرماقتا كارۋاننى داۋان.
           كۆكلىگىن !
           بىخ سۈرۈپ ھەرتاڭ،
           ئالغانمەن سېنىڭدىن ئىلھام ۋە چىدام.
           ۋاقىت ماڭماقتا راۋان.
           يىگانە ھاياتىڭ ئۆزگىچە داستان
           ساڭا باقسام
           ھەربىر دەقىق
           ئىلھاملىرىم مىسالى فونتان.
           يىلتىزىڭدا بىخلىغان،
           ياپيېشىل ئارمان...
           تەكرار كۆرگەن چۈشۈمدىكىدەك،
           ئولتۇرىدۇ ساڭا يۆلۈنۈپ،
           ئاق ساقاللىق ھارغىن بىر بوۋاي.
           ساڭگىلىغان شاخلىرىڭ،
           ياپراقلىرىڭ،
           يەلپۈمەكتە ئۇنى
           قىلىپ غەزىپىنى ئوقيا
           تومۇز ئىسسىققا
           بوۋاي گەز باغلىغان لەۋلىرىنى،
           تەككۈزگىچە قاپاققا
           پىچىرلىدى ئۆزىگە؛
           ئەي توغراق !
           تارتىۋالدىڭ مېنى بۈگۈنمۇ
           ئەزرائىلنىڭ سوغۇق قولىدىن،
           سەن بولغاچقىلا
           توختىمىدى كارۋان يولىدىن.

مەنبە؛ <<بورتالا گېزىتى>> 2012.5.4

بۇ شېئىرنى تۈنۈگۈن مەن تور بەتكە ئۇرماقچى بولۇپ ماۋزۇنى ئۇرۇش بىلەنلا خەت شەكلى ئۆزگىرىۋېلىپ پەقەت ئوڭشالماي ئارماندا قالغاندىم ،تەلىيىمگە بۈگۈن بەتتە كۆرۈپ خۇرسەن بولدۇم ،سەن مۇشۇنداق ئەركىن شېئىرلارنىڭ خوجىسى بولۇشقا مۇناسىپسەن! شامال...

توغراقتەك جىسمى تومۇر ئەي ئاتىلار، روھىڭلار ئۆلمەيدۇ تەڭرى تىغى سۇرىتىڭلار.

<خوجىسى> بولسام توختارمەن،
<چاكىرى> بولسام قاتىرارمەن.
ئالدۇنقىسى ئاشۇرۇلدى،
كېيىنكىسى تېگىللەندى.

   ساۋاپ تۇرغىن شامالنى
  < ئۇچرۇۋەتمە> سەن ئۇنى...

ھەقىقەتەن قاراخان ئەپەندى ئېيتقاندەك ئەركىن شېئىر يېزىشنىڭ ئۇستىسى بولۇپ قاپسىز. شېئىرنىڭ مەزمۇنى ياخشى بولۇپلا قالماستىن بەلكى تېمىسىمۇ يېڭى.

شامالكامنىڭ بۇ توغراق  شېئىرىسىنى بەتكە تېزىپ سالغاندىلا مەزمۇنىنىڭ يېڭىلىقىنى ھېس قىلغان ، قەلىمىڭىز توختىمىغاي .

تىمتاس گۈلنىڭ تەبىرى،
ئوزۇق بولار دان-دېنى.
بەكمۇ شىرىن تېتىيدۇ،
ماڭا  بەرگەن شۇ نېنى.

    ئەسىرلەر يادنامىسى، ئاتا ماكان گۇۋاھچىسى توغراق ئۇرغۇتقان ئىلھامىڭىزغا بەركەتلەر بولسۇن !

سەن مىڭ يىل ياشايسەن چۇنكى سەن توغراق،
مىڭ يىللىق قەلبىڭگە ئاشىق بولغۇم بار.
سەن مىڭ يىل كۆزۆمگە چۆكۆپ ئۇخلىغىن،
مەن مىڭ يىل ۋەسلىڭڭە بولاي ئىنتىزار.

مەن مىڭ يىل مىھرىبان ئاشىقىڭ بولسام .
مىڭ يىللىق يۇرەكنڭ قولوڭغا ئالساڭ .
مەن مىڭ يىل كۆزۆڭگە چۆكۇپ ئۇخلىسام،
سەن مىڭ يىل مىھرىڭنى  ھەدىيە قىلساڭ