لەگلەكچى بالا

                             ئىبنۇرى

                                             سەن _
                                             بالقىپ تۇرغان سۈزۈك نۇر،
                                             زور ئۈمۈد
                                                    سەبئىي ئىستەك
                                                        قىززىق ھەۋەس
                                             شامال تىلەپ تۇرىسىە پەۋەس.
                                             سەھەر _
                                             سۆيەر سەلكىن
                                             سىلاپ مەڭزىڭنى
                                             ۋە شۇندا،چېكىپ ئۆتەر،
                                             ئوتقاشتەك قەلبىڭنى.
                                             ئەنە _
                                             پەرۋاز قىلماقتا كۆكتە لەگلەك،
                                             كۆكتە ئۆزۈڭ سەيرە قىلغاندەك.
                                             شۇنداق _
                                             پارلاپ تۇرار زەڭگەر قوينىدا،
                                             مىسالى بىر ھېلال ئايدەك.
                                             سەن _
                                             ئاپئاق نۇردا سۇغرۇلغان،
                                             ئىتتىك قىلىچتەك؛
                                             ئۈزگىن سامادا ؟!
                                             ئۇچقۇر شۇڭقاردەك.
            

شامالكامنىڭ تەپپەككۈرى كۈندىن- كۈنگە ئېشىۋاتىدۇ، تەپەككۈر قىلىۋاتقان ئادەم ئىنسانلىق ئىبادىتىدە ئولتۇرغان ئادەمدۇر.

  <<لەگلەكچى بالا>>ناملىق بۇ شېئىرى <<تەپەككۇر>>نى كەمىنە  توردىشىڭىز 1995-يىل 4- ئايدا قەلەمگە ئالغانىدىم.بۇ جەرياندا <<بورتالا گېزىتى>>دىن سەككىز قېتىم قايتۇرۇپ ئەكىتىش<<سۈرگۈن>>نىگە مۇپتىلا بولغان، كېيىن 2011-يىلى مەلۇم سەۋەپ بېلەن <<بورتالا گېزىتى>>دە ئېلان قىلىنىش پۇرسىتىگە ئېرىشكەن...بۇ جەريانلارنى ئويلىسام مېنى <<كۈلكە>>قىستايدۇ!

ھارماي ئىزدىنىش، تىرىشىش ئارقىلىق غەلبىگە ئېرىشىپسىز،«'بورتالا گېزىتى»لا ئەمەس باشقا گېزىتلەرگىمۇ بېرىشكە ئەرزىيدىكەن . قەلەم تۇتقان قوللىرىڭىز گۆھەرلەر سۈزسۈن.

ئەسەر ساھىبىغا ئاللا تىخىمۇ كۆپ تەپەككۇر ئاتا قىلسۇن، سالامەت بولۇڭ.

لەگلەكچى بالا،
خىيال بىلەن قاراپ قالىسەن،
كۆك قەھرىنى يارسا لەگلىكىڭ.
ئۇچۇپ كەتتى لەگلەكتىن ئۇزاق،
بالىلارچە تاتلىق تىلىكىڭ...

.....
لەگلەك بىلەن كۆككە
پەرۋاز قىلدى
لەگلەكچى بالا،
ئىككىمىزقاراپ  قالدۇق
ئۇزاققىچە
يىپى ئۈزۈلگەن
لەگلەكتەك گويا...

شامال بولمىسا لەگلەك ئۇچالماس  

قويۇپ بەرسۇن لەگلەكچى بالا،
ئۈزۈپ يىپنى كۆككە لەگلەكنى.
ئېلىپ بارسۇن تەڭرىگە ئۇدۇل،
يۈرەكتىكى ئارزۇ تىلەكنى.

سەككىز قېتىم ئۇچالمىغان شۇ لەگلەك،
ئۈزۈپ يىپنى ئۇچسۇن ئەمدى ئىگىزرەك.

يېپنى ئۈزۈپ تاشلاپ كەتتى لەگىلىگىم ،
قوغلاپ بېرىپ تۇتالمىدى جۈپ قولۇم .
.......