ئويلىسام

قاراخان

شاھ سەنەم دەپ سۆيگىنىم بىر پەس ئىكەنغۇ ئويلىسام ،
ئىسمى <<گۈل>>قەلبى تىكەنلىك خەس ئىكەنغە ئويلىسام .
تاشلىسا قاسراق دىلى <<قۇت>>دەپ ئۇنى جۇغلاپتىمەن ،
يىغقىنىم قۇت -شان ئەمەس،نەس ئىكىنغۇ ئويلىسام .

باي تۇرۇپ بولدۇم دىۋانە شۇل سەۋەپتىن نەس بىسىپ ،
قەلبىدىن دۇر سۈزمىگىم بەك تەس ئىكەنغۇ ئويلىسام .
<<مىڭ بۇلۇپ ياشناپ كېتەتتى ،شەپقىتىمدىن بىر جېنىڭ>>
_ئاشۇ سۆزنى ئۇ دېگەندە ،مەس ئىكەنغۇ ئويلىسام .

مېھىر -شەپقەت ھەققىدە بەرگەن ماڭا ئۆز ۋەدىسىن ،
جىن -شاياتۇن سۆزلىگەن ۋەز-دەرس ئىكەنغۇ ئويلىسام .
يايرىدى توۋا يىقىلسام ،شان قازانسام كارى يوق ،
<<قۇت >>بىلەن پۇتلاشقان زەپ چەبدەس ئىكەنغۇ ئويلىسام .

باغرىدا بىلمەي بۇلارنى يايراپ-كۈلۈپ ئويناپتىمەن ،
سۆيگۈسى ئەپيۇنسىمان ئەتكەس ئىكەنغۇ ئويىلسام .
<<ئاي زاتىنى >>ئىزلە ئەندى تاپ تەسەللى ئەي نادان ،
<<گۈل>>مېنى ،<<ئاي >>باشقىنى سۆيمەس ئىكەنغۇ ئويىسام .
2001-يىلى6-ئاي

ئويلۇرۇڭغا ئويلاشسام  دىلكەش بولۇر ئۇل سەنەم،
كىرپىكلىرى نەملىنىپ ئەسكە  كېلەر  شۇل  شەبنەم.

ئويلۇرۇڭغا ئوي قېتىلسۇن ، ئوي گادايى بولمىغىن ،
پەسنى سۆيمە ، خەسنى سۆيمە ، سۆي سەۋدائى بولمىغىن .
«ئاي زاتىنى »ئىزلىمىگىن ياش قىرىقتىن ئاشقاندا ،
تۇلۇن ئايىڭ تۇرسا ئۆيدە ، خۇي پىدائىي بولمىغىن .
(ئاكا، ئىنىڭىز چاقچاق قىپ قويدى ----ھە !  ھېى ھېى ھېى )

<<ئاي زاتى>> شۇ<< تولۇن ئاي>>دىن نۇسخا ئالغان ئەسلىدە ،
  ئۇنى قانداق تاشلىغۇلۇق  ،غازاڭ تۆككەن،كۈز پەسلىدە.
مۇھەببەتكە بەدەل ئىكەن يەنىلا شۇ مۇھەببەت.
كۆيۈك داۋا كۆيۈككە دەپ پېقىر  قەدىناس قەستىدە.  

تۇلۇن ئايمۇ خىجىل بولغاي شۇ «ئاي زاتى» چېھرىدىن ،
شۇ «ئاي زاتى»بەھىر ئالغاي قاراخاننىڭ مېھرىدىن .
مۇھاببەتتىن ، مېھىرلەردىن ئاپىرىدە ئۈچ يۇلتۇز ،
يۇلتۇزلۇرۇڭ يىراق تۇرغاي ، بەدنىيەتلەر زەھرىدىن .  

ئۈچ يۇلتۇزۇم ،ئۈچ يىلتىز ، ئانا  يەرگە  تارىغان،
شۇڭا دەيمەن تەڭرى ماڭا  ئوڭ كۆز   بىلەن  قارىغان.
بارلىغىمنى ئاجىزلارغا ئاتا قىلغان<< ئاتا>>مەن،
دوستقا ئەمەس دۈشمەنگىمۇ گاھى چاغدا يارىغان...

كۆيگىنىڭدە سول سەنەمگە پىنھاندا ھەرگىز زارلىما،
سۆيگۈ-مۇھاببەت  قېرىماس  بۇنى  زىنھار  ئۇنۇتما.

ياراپ ئۆتىكىن ئەشۇنداق دۈشمەنگىمۇ ، دوستقىمۇ ،
پەرۋا قىلماي قاراخان ، باھاردىكى   جۈتقىمۇ .
مۇجەسسەمدۇر  جىسمىڭدا لۇتۇن ، تەۋپىق خىتابى ،
شۇڭا ئاتتىڭ ئۆزۈڭنى قوقاسقىمۇ ،  چوققىمۇ .

ھەربىر يۇرتتا بار ئىكەن ئەلنى سۆيەر ئەزمەت،
قەدىر يېتىپ ئۇلارنى ئەل كۆتەرسۇن داۋامەت.

ھاياتلىقتا ياخشىلار بالدۇر كېتەر كەن ئويلىسام ،
تەغدىرىمىزگە تەن بېرىپ ئۆتەركەنمىز ئويلىسام .

بەزى نادان ئەخمەقلەر خۇشتار بولسا مەنسەپكە،
يەنە ئۇلار ئارزۇسى ئىشقا ئاشاركەن ئويلىسام.