سايرام كۆلى ئاپتونۇم رايۇنىمىزدىكى ئەڭ چوڭ ئىىگىلىكتىكى سوغوق سۇ كۆلى ، دېڭىز يۈزىدىن ئېگىزلىكى 2073مىتىر. شىمال جەنۇپ ئۇزۇنلىقى تەخمىنەن 30 كىلومىتىر ، شەرىق شىمال كەڭلىكى تەخمىنەن 24 كىلومىتىر. ئازىراق تۇزلۇق بولۇپ ، پەقەت مال - ئۇلاقلار ئىچەلەيدۇ، سايرام كۆلى يەنە سوغۇق سۇ كۆلى بولۇپ ، تومۇز كۈنلىرىمۇ سايرام كۆلىنىڭ سۈيى ئاران 16 سىلىتسىيە گىرادۇس ئەتراپىدا بولۇپ ،قولۇڭىزنى يۇسۇڭىز سوغۇق سۇ سۆڭەكلىرىڭىزگىمۇ .ئۆتۈپ كېتىدۇ ، سايرام كۆلىنىڭ سۈيى سۇغۇق بولغاچقا ، ئىلگىرى بېلىق بېقىشقا ماس كەلمەيدۇ دەپ قارالغان ، ئۆتكەن ئەسىرنىڭ 70- يىللىرىدىن كېيىن سايرم كۆلىدە سوغۇق سۇ بېلىقلىرىنى سىناق تەرىقىسىدە بېقىپ ، بەزى بېلىقلارنىڭ بۇ كۆلدە بېقىلسا بلدىغانلىقى بايقالدى ، شۇنڭ بىلان ھازىرغا كەلگۈچە سايرام كۆلىدە 16 خىل بېلىق تۈرە پەيدا بولدى ، ئەڭ ئاساسلىق ۋەكىل خارەكتىرلىك بېلىقى سايرام كورىگون بېلىقى( گاۋ بەي گۈي) كىشىلەرنىڭ ياقتۇرۇپ يېيىشىگە سازاۋەر بولىۋاتقان بېلىق ،( باھاسى سەل قىممەترەك ئەمدى).سايرام كۆلى يەنە مەملىكىتىمىزدىكى ئەڭ چوڭ رەڭگى ئۆزگۈرۈشچان كۆل بولۇپ ، پەسىل، ھاۋارايى ۋە سىزنىڭ تۇرغان ئورنىڭزغا ئوخشىماسلىقىغا ئاساسەن كۆل يۈزى ھەر-خىل ئۆزگۈرۈپ تۇردۇ.سايرام دېگەن ئاتالغۇنى ھازىرغىچە ماتېرىياللاردا قازاقچە «بەخىت تىلەش»دېگەن مەنىدە دەپ ئىزاھلاپتۇ، قالغىننى بىلمىدىن، موڭغۇللار سايرم كۆلىنى سايرامنۈر دەپ ئاتايدىغان بولۇپ ، تاغ بېلىدىكى كۆل دېگەن مەنىدە ئىكەن. سايرام كۆلىنى يەنە ئاتلانتىك ئوكياننىڭ ئەڭ ئاخىرقى بىرتامچە يېشى دەپ ئاتايدىغان بولۇپ، چۈنكى ئاتلانتىك ئوكياندىن كەلگەن ئىللىق ھۆل ئېقىم غۇلجىدىن ئۆتۈپ ئەڭ ئاخىرقى قېتىم سايرام كۆلىگە يامغۇر بولۇپ چۈشىدۇ. سايرام كۆلى ھازىر دۆلەت دەرجىلىك تەبىيلىكى قوغدۇلدىغان رايۇن شۇنداقلا تۆت ئا دەرجىلىك ساياھەت مەنزىرە رايۇنى ، ھازىر بەش ئا دەرجىلىك ساياھەت رايۇنى بولىشقا ئىلتىماس سۇنىلىپ تەستقلىنىشنى كۈتۈۋاتىدۇ . ئۆزەمنىڭ يۇرتى بولغاچقا پو ئاتقىنىم ئەمەس ، سايرام كۆلى شىنجاڭدىكى ھەرقانداق بىر مەنزىرە رايۇندىن گۈزەل بىر سەيلىگاھ، بىر مۆجىزە. بۇ يەردىكى كەڭ كەتكەن يايلاق، قويۇق ئورمانلىق ، كۆپكۈك ئاسمان بىلەن كۆل سۇيى خۇددى بىرلىشىپ كەتكەندەك گۈزەل مەنزىرە ، كۆل سۈيىنىڭ ھەر-خىل رەڭدە ئۆزگۈرۈپ تۇرشى كۆڭۈلگە بىر خىل ھوزۇر ، ئازادىلىك بېغىشلايدۇ ، پۇرسەت بولسا چوقۇم كېلىپ كۆرۈپ كېتىڭ...