ئاھ! بوزقىر...

ئۇيۇغان ئەسلىڭنى قىدىرىپ باقسام،
قوۋۇرغا ،پۈتۈكلەر سۆزلىدى سېنى .
بوسۇغاڭ تۈۋىدە ئىشىكنى قاقسام،
ئاڭلاندى بىراۋنىڭ ھەسەتخور ئۈنى .
قوينۇڭغا بىمالال ئۆزۈمنى ئاتسام ،
روھلىنىپ پېقىرنىڭ ئىللىدى تېنى.


جىڭ، ئارشاڭ سۈيۈڭدە تولغىنىپ ئاقسام،
بويلىرىم سەگىدى ،زېھنىم ئېچىلدى ...
مۇڭ سايرام ئويۇڭغا ئويۇمنى قاتسام،
ئويلىرىم بىر ئۇلۇغ ئويغا چېتىلدى.
ئاھ! ئېبنۇر،تۇزۇڭدىن چېيىمغا سالسام،
بىر يۇتۇم تۇزدىلا ۋاپا يېتىلدى

خىلۋەتتە ئۇيقۇنىڭ قوينىدا ياتسام ،
پىچىرلاپ ئويغاتتىڭ يىللاردىن بېرى .
قىسمەتلەر دەستىدىن خىيالغا پاتسام ،
سەن بولدۇڭ شىپاگەر ،مەن غەمدىن نېرى .
سايەڭنى ئېپ قېلىپ نۇرۇڭنى ساتسام ،
قاقشىدى بوزقىرنىڭ ھەر تاپان يېرى

تۈگەمدۇ ئېيتقانغا تىلسىمات ناخشام ،
ئۇنىڭغا كۆمۈلگەن قەلبىمنىڭ سىرى .
مەن يېڭى رول ئالدىم ،بىمەھەل ئاخشام،
‹‹ئارتىست››مەن ،سەن بولغىن تاماشا پىرى...
‹‹ھاك تاش››نى،‹‹قوي تاش››نى ،ئوڭۇمدا تاپسام ،
ئۇنتۇلغان چۈش بولدى ،يۇرتۇم تەسۋىر

گۈل-گىياھ، چوققاڭغا يۈزۈمنى ياقسام،
بويۇڭغا ھېرىسمەن بولدى ياش-قېرى.
ئىقبالغا رەمچى بوپ قۇمۇلاق چاچسام ،
بوزقىردىن ئەمەسكەن بەخت تاشقىرى .
تۇپراقنى سۆيگەننىڭ توپىدىن قاچسام ،
مۇشتۇمدەك يۈرەكنىڭ قالماس ساق يېرى .

2011-7-1. بورتالا
ئالمىزاردىن يۆتكەلدى.

قارىسام ئالمىزاردا تورداشلارنىڭ ياخشى باھالىرىگە ئىرىشكەن ياخشى شىئېر ئىكەن،
ئۆز ئادەم بولغاچقا قاراخان ئەپەندىنىڭ رۇخسىتىسىز كۆچۇرۋالدىم، تەنتەكلىك قىلىپ قويغان بولسام
كەچۇرسىز.

  ئۆز ئېگىسىنى تاشلاپ ئالمىزارغا  بېرىۋالغىنى قاراڭلار بۇ <<ئاھ،بوزقىر>>نىڭ...!؟

ئىلگىرى بوزقىرغىمۇ يوللانغان ، يەنە بىر قېتىم كۆرۈشكە مۇيەسسەر بولدۇق .

جىڭ، ئارشاڭ سۈيۈڭدە تولغىنىپ ئاقسام،
بويلىرىم سەگىدى ،زېھنىم ئېچىلدى ...
مۇڭ سايرام ئويۇڭغا ئويۇمنى قاتسام،
ئويلىرىم بىر ئۇلۇغ ئويغا چېتىلدى.
ئاھ! ئېبنۇر،تۇزۇڭدىن چېيىمغا سالسام،
بىر يۇتۇم تۇزدىلا ۋاپا يېتىلدى

ققققققققققققققاااااااااااااااااااررررررررررررررررىىىىىىىىىىىىىىىىىىىىىىىىىخخخخخخخااااااااااااااااانننننننننننننن !

قارىخاننىڭ ھەر بىر شىئېرىي مىسرالىرى ئادەمنى  تېگى يوق خىياللارغا غەرق قىلىدۇ .

قاراخان ئاكىنىڭ بۇ شېئىرىنى بوز قىردا كۆرمەپتىكەنمەن ! بۇز قىرغا يۆتكەپ قويغىنىڭىزغا كۆپ رەھمەت!
قاراخان ئاكىنىڭ ھەر بىر شېئىرى كىشىگە ئاجايىپ ئىستېتىك زوق ئاتا قىلىدۇ !