مۇئەللىم...

قاراخان

تۈندەك قارا كۆزلۈرۈڭدىن تۆكۈلىدۇ نۇر قىسسە،
ماڭلاي تەرىڭ سۇغۇرىدۇ سەبىلەرنىڭ قەلبىنى.
چاچتىن تولا سۇئاللاردىن تۇغۇلسىمۇ ۋەسۋەسە،
ئاڭا تالىق سۆيگۈڭ تارتىپ كەتتى ھەممە جەبرىنى.

بىئارملىق سېنى مۇنچە قىينىمىغان ئەزەلدىن ،
يەردە كۆكتە ،ئوڭ سولۇڭدا پىقىرايدۇ ئىزتىراپ.
غېمىڭ يوقتۇر مۇھەببەتسىز كەلگەن سوغۇق ئەجەلدىن،
يۈرىگىڭنى پۇچۇلۇشتىن ساقلاپ قالدى<< ئېتىكاپ>>.

ۋاراقلايسەن تىلسىملارنى تۈگىتىشكە قىيمايسەن ،
بىر ۋارىقى بولۇپ چىقسا دەيسەن ئەۋلاد بوغۇنۇڭ.
ساڭا ئۈمۈد كۆزى بىلەن قاراپ قالدىم تۇيمايسەن،
پەرىزىمدە يىلتىز تارتتى چۆلدە ھەتتا يۇلغۇنۇڭ.

دەۋىتىڭدىن ئالەمچە روھ تونۇپ يەتتى ئۆزىنى،
نامازشامدىن سۈبھىگىچە ئۈزۈلمىدى نەپەسلەر.
ئويىۋالدىڭ كىرپىكىڭدە تاغدەك زاۋال تېشىنى،
گوياكى قۇش پەرۋازىدا ئېرىپ كەتتى قەپەسلەر.

پىچىرلىدىم، ساڭا ھەمرا چىراقلارغا تىكىلدىم ،
ئالۋاستىمۇ كەتتى بۇ دەم ئۇيقۇسىغا مەست بولۇپ.
يۈرىگىڭدە يالقۇنجىغان ئوتلىرىڭدا ئىسىىندىم ،
زىمىستاننى چىللىغانلار كۆرۈندىغۇ پەس بولۇپ.

پەرىشتىلەر سۆيىنىدۇ سەن چۈشىگەن تاڭلاردىن،
تەتىلىڭمۇ ئايرىۋاشتۇر بۇرچ سۆيگەن ۋەسلىڭگە.
ساڭا تەقدىر دەم سالغانمۇ قىيامەتلىك ئاڭلاردىن،
بىزگە كېرەك مۇئەللىمسەن يېپىشىمەن ئەسلىڭگە...

2012-يىلى10-ئاۋغۇست رامىزان

[ بۇ يازمىنىئىمران 2012-08-13 14:46قايتا تەھرىرلىدى ]