ئىراندىكى يەر تەۋرەشتە 306 ئادەم قازا قىلدى

جۇڭگو ئاخبارات تورىنىڭ 13-ئاۋغۇست خەۋىرى: چەتئەل ئاخباراتلىرى خەۋەر قىلىشىچە، ئىران سەھىيە مىنىستىرى 8-ئاينىڭ 13-كۈنى بايانات ئېلان قىلىپ، ھازىرغا قەدەر شەرقىي ئەزەربەيجان ئۆلكىسىدە يۈز بەرگەن يەر تەۋرەشتە 306 ئادەمنىڭ قازا قىلغانلىقىنى، 3037 ئادەمنىڭ يارىدار بولغانلىقىنى بىلدۈرگەن.

ئىران پارلامېنتى تور بېتىدە ئېلان قىلىنغان بىر دوكلاتتا ئەڭ يېڭى سانلىق مەلۇماتنى تەمىنلىگەن. 12-ئاۋغۇست ئېلان قىلىنغان سانلىق مەلۇماتتا 250 ئادەم قازا قىلدى، 1380 ئادەم يارىدار بولدى دېيىلگەن، ئەمما بۈگۈن بۇ سان يېڭىلىنىپ: 306 ئادەم قازا قىلغان، 3037 ئادەم يارىدار بولغان.



ئىراننىڭ شىمالىدىكى شەرقىي ئەزەربەيجان ئۆلكىسىدە 11-ئاۋغۇست ئىككى قېتىم 6 بالدىن يۇقىرى يەر تەۋرەپ، نۇرغۇن ئادەملەرنىڭ ئۆلىشى ۋە يارىدار بولىشى كېلىپ چىقتى. ئىران ھۆكۈمىتى نۆۋەتتە ئاختۇرۇپ قۇتقۇزۇشنى توختاتقان بولۇپ، پۈتۈن كۈچى بىلەن ئاپەت ئاممىسىغا ياردەم بەرگەن.

بۇ قېتىمقى يەر تەۋرەش ئاپىتى خەلقئارا جەمئىيەتنىڭ كەڭ دىققىتىنى تارتقان بولۇپ، ئامېرىكا، روسىيە، گېرمانىيە، ياپونىيە قاتارلىق دۆلەتلەر ھەمدە ب د ت ئىراندىكى ئاپەتكە تەزىيە بىلدۈرگەن ھەمدە ياردەم بېرىشنى خالايدىغانلىقىنى ئېيتقان.

تەبىئەت ھادىسلىرىگە تاقابىل تۇرماق بەسى مۇشكۈلدۇر...
سەبىر قىلىڭلار مۇسۇمانلەر!

بۇ ئىراندا  ئجەپ  كۆپ يەر تۋرەيدىكەن  جۇمۇ  

8-ئاينىڭ 11-كۈنى، ئىراننىڭ غەربىي شىمال قىسمىدا ئىككى قېتىم ئالتە بالدىن يۇقىرى يەر تەۋرەش ئاپىتى يۈز بەردى ھەمدە نەچچە يۈز كىشىنىڭ ئۆلۈشىنى كەلتۈرۈپ چىقاردى، نەچچە مىڭ ئادەم يارىلاندى. 8-ئاينىڭ 12-كۈنى، ئىران ئىچكى ئىشلار مىنىستىرلىكى قۇتقۇزۇش ھەرىكىتىنى توختىتىشنى جاكارلىدى. ئىران جىددىي ئەھۋال ئورگىنىنىڭ بىر ئەمەلدارى، يەنە نۇرغۇن ئادەمنىڭ خارابىيلىق ئىچىدە كۆمۈلۈپ ياتقانلىقىنى بىلدۈرگەن. يەر تەۋرىگەن رايوننىڭ شەھەر باشلىقى، شۇ يەردىكى 12 يېزا-كەنتنىڭ پۈتۈنلەي ۋەيران بولۇپ كەتكەنلىكى، ھەر بىر كەنتتە نەچچە مىڭلىغان ئاھالە بار بولۇپ، ئۇلارنىڭ %40نىڭ بۇ قېتىملىق ئېغىر يەر تەۋرەش ئاپىتىدە قازا قىلغانلىقى، ئۆلگەنلەر سانى مىڭغا يېتىشى مۇمكىنلىكىنى ئېيىتقان.



شەرقىي ئەزەربەيجان ئۆلكىسى ئەمەلدارى ئاغار رايونىدىكى تۆت يېزا-كەنت پۈتۈنلەي خارابىيلىققا ئايلانغانلىقىنى بېكىتكەن، تەخمىنەن 60كەنتنىڭ زىيانغا ئۇچراش دەرىجىسى %50تىن ئېشىپ كەتكەن. ۋالزاگاننىڭ شەھەر باشلىقى مۇھرام.فوموج ئىران ئىسلام جۇمھۇرىيتى ئاخبارات مۇخبىرىغا، ئەتراپتىكى 12يېزا-كەنتنىڭ پۈتۈنلەي خارابىيلىققا ئايلانغانلىقى، ئۆلگەنلەر سانى نەچچە يۈزگە، يارىلانغانلار سانى نەچچە مىڭغا يەتكەنلىكىنى ئېيىتقان.





ئىران كۆپ گېئولوگىيەلىك ئۈزۈلمە قاتلامغا جايلاشقان، يەر تەۋرەش ئاپىتى ناھايىتى كۆپ يۈز بېرىدۇ. ئىراننىڭ بىر قىسىم رايونىدىكى قۇرۇلۇش ئەسلىھەلىرىنىڭ يەر تەۋرەشكە تاقابىل تۇرۇش كۈچى ناچار بولغاچقا، ئازراق يەر تەۋرىسىمۇ ناھايىتى زور زىيان ئېلىپ كېلىدۇ. 2003-يىلى، كېرمان ئۆلكىسى بام شەھىرىدە 6.3 بال يەر تەۋرەپ، 31مىڭ ئادەمنىڭ ئۆلۈشىنى كەلتۈرۈپ چىقارغان، ئۆلگەنلەر سانى بام شەھىرى نوپۇسىنىڭ %25نى ئىگەللىگەن.