كۈتۈنۈش سۇغۇرتىسىنى يۆتكەشكە، قايتۇرۇشقا، بىرلا قېتىمدا تاپشۇرۋىتىشكە بولىدۇ
ئاپتونۇم رايونلۇق ئادەم كۈچى بايلىقى ۋە ئىجتىمائىي كاپالەت نازارىتى يېقىندا ئۇقتۇرۇش تارقىتىپ، كۈتۈنۈش پۇلىنى تاپشۇرۇش ۋاقتى 15 يىلغا توشمىغانلارنىڭمۇ كۈتۈنۈش سۈغۈرتىسىنى يۆتكەش، چېكىنىش، بىرلا قېتىمدا تاپشۇرۇش رەسمىيىتىنى بېجىرەلەيدىغانلىقىنى بەلگىلىدى.
ئۇقتۇرۇشتا، كۈتۈنۈش سۇغۇرتىسىغا قاتناشقانلار پېنسىيە يېشىغا توشقان، لېكىن سۇغۇرتا ھەققىنى تاپشۇرغان ۋاقتى 15 يىلغا توشمىغان بولسا، 15 يىل توشقىچە تاپشۇرۇش، شۇنداقلا ئۇزارتىلغان ۋاقىت ياش چەكلىمىسىگە ئۇچرىماسلىق، ئومۇمىي ھەق تاپشۇرغان ۋاقتى 15يىلغا توشمىغان، شۇ شەخىس داۋاملىق ھەق تاپشۇرۇشنى خالىمىغان بولسا، نوپۇسى تۇرۇشلۇق جايدىكى يېزا ھەمكارلىشىپ داۋالىنىش ياكى شەھەر- بازار ئاھالىلىرىنىڭ كۈتۈنۈش سۇغۇرتىسىغا يۆتكەپ بېرىشنى ئىلتىماس قىلىشقا بولۇش قاتارلىقلار بەلگىلەنگەن.
مەنبە: قانۇنچىلىق گېزىتى 3386-سان.