تەنھا تىنىقلار(1)
                  ئىمام ئىسمائىل ئىبنۇرى

                                    دەۋرىنى-دەۋرىگە ئۇلاشتا كۆۋرۈك،
                                    بولغاچقا شۇ ئۇستاز تېڭىمىز سۈزۈك.
                                    دەقىق ئايرىلسا ئەۋلاد ئۇلاردىن،
                                    نادانلىق  چۆلىدە  كەلگۈسى خۇنۈك.

                                    تەلىمسىز ھېچ كىشى زەپەر قۇچمايدۇ،
                                    رىقابەت  ئالدىدا  كۆزنى ياشلايدۇ.
                                    يېتەكچى ھەرقاچان مەنزىلگە ماياك،
                                    ئۇنىڭسىز قالسا كىم مۇراد تاپمايدۇ.

                                    بىلگىنكى  ئەزىلى  ئۇستاز  سۆزى بال،
                                    بولسىمۇ   دېڭىزدا  ئۇنى  سۈزۈپ  ئال.
                                    مەنىسىز ئۆتمۈسۈن بۇ چەكلىك ھايات،
                                    زەپەردىن مۇستەسنا قالساڭ بەك ئۇۋال.

                                    <بىلدىم>دەپ بەزىلەر گىدىيىپ يۈرىيدۇ،
                                     تېرىق يوق،قۇرۇق قاپ كۆتۈرۈپ يۈرىدۇ
                                     داۋىنى   ئالدىدا    تەقدىر-ھاياتنىڭ -
                                     بىر تېپىك بىلەنلا <ۋەك>  دەپ  يۈرىيدۇ.

                                    مەنزىلگە چاپىدۇ غالىپلار  ھەر  ۋاق،
                                    بولغاچقا ئۇ قەيسەر،خۇيى تىرىشقاق.
                                    سەۋەپ قىل<<سىۋەتتە سۇمۇ تۇرىدۇ>>
                                    ئالدىڭدا  باشقىلار  ئۇزىغان  نەۋاق!
مەنبە؛ بورتالا شەھىرى ئۇتتۇبۇلاق 6- باشلانغۇچ مەكتەپتىن.
                                    
                                    

ھىكمەت خاتىرلىرڭىز دىن دۇر-دانىلەر توكۇلۇپ تۇرسۇن ئۇستاز، ئاللاھ زىھنىڭىزنى تىخىمۇ ئوچۇق قىلسۇن.     

ھەر بىر مىسرادا ھېكمەتلىك دۇردانىلەر تۆكۈلۈپ تۇرغاچقا،   شېئىر جانلىق چىقىپتۇ.

ھەرقانداق جەمىيەتتە ئۇستازسىز مۆجىزە بارلىققا كەلگەن ئەمەس

دانىشىلار چاچقۇ چاچتى ئىنكاسقا،
قەلەم قۇرغاق،سىياھ تېمىت باغرىغا...............................

داۋىنى  ئالدىدا  تەقدىر-ھاياتنىڭ -
بىر تېپىك بىلەنلا <ۋەك> دەپلا يۈرەر.

دىيىش ئارقىلىق ئاپتور،بىر قىسىم كىشىلەرنىڭ ياشاش جەريانىدىكى  نۇرغۇن قېيىنچىلىقلار، جاپا- مۇشەققەتلەر ئالدىدا  خۇددى توخۇدەك <ۋەك> دەپلا قاچىدىغانلىق بوشاڭلىقىنى  بۇ ئىككى مىسرادا ئېنىق ئىپادىلەپ بەرگەن.

تەنھا تېنىقلار ياخشى يېزىلىپتۇ.

تىنىقىڭ بىلەن ھېكمەتلىرىڭ ئۈزۈلۈپ قالمىسۇن،ئەقلى تاپقۇر ،قەلىمى چاپقۇر شامال!

بىرگە ماھىر،كۆپكە قادىر باھادىر قەلەم ساھابىنىڭ  شامالنى <بوران>غا ئايلاندۇرىشى  زىيادە بوپكەتتىلەر..............