پاشىدىن مۇداپىئەلىنىشنىڭ ئاددى ئۇسۇلى
ياز ۋە باش كۈز پاشىنىڭ كۆپ مەزگىلى بولۇپ، پاشا ئادەمنى چاقسا، چاققان ئورۇن قىزىرىدۇ ۋە ھۈررەك ئۆرلەيدۇ، قىچىشىدۇ. پاشا يەنە بەزگەك كېسىلىنى تارقىتىدۇ. پاشىدىن مۇداپىئەلىنىش ئۈچۈن تۆۋەندىكى ئۇسۇللارنى سىناپ بېقىشقا بولىدۇ:
1.دورا ئارقىلىق پاشىنى قاچۇرۇش: بىر قانچە تال ۋىتامىن C ۋە ۋىتامىن B2 تابلېتكىسىنى سۇغا چىلاپ، دورا سۈيى تەييارلاپ، ئۇنى بەدەنگە سۈرتۈش كېرەك. مۇشۇنداق قىلغاندا، دورا پاشىنى قاچۇرىدىغان بىر خىل پۇراق چىقىرىپ، پاشا ئادەمگە يېقىن كېلەلمەيدۇ.
2.رەڭ ئارقىلىق پاشىنى قاچۇرۇش: ئۆيگە قىزغۇچ سېرىق رەڭلىك دېرىزە پەردىسى ئېسىش ياكى لامپۇچكىغا قىزغۇچ سېرىق رەڭلىك بىر پارچە ئەينەكسىمان قەغەزنى ئوراپ (چاپلاپ) قويۇش كېرەك. پاشا قىزغۇچ سېرىق رەڭلىك يورۇقلۇقتىن قورقىدۇ، ئۇنىڭ پاشىنى قاچۇرۇش ئۈنۈمى ناھايىتى ياخشى بولىدۇ.
3. ئۆسۈملۈك ئارقىلىق پاشىنى قاچۇرۇش: لامپۇچكا ئاستىغا بىر باش پىيازنى ئېسىپ قويغاندا ياكى داكىغا بىر قانچە تال پىياز پارچىسىنى ئوراپ قويغاندا، پاشىلار كېلەلمەيدۇ.
يۇقىرىقىلاردىن باشقا ئۆيگە بىر – ئىككى تەشتەك يەسىمەن گۈلى، ئۇششاق سېرىق گۈل، ئەتىرگۈل، تۈن پۇراق قاتارلىق گۈل – گىياھلارنى قويۇش كېرەك. ئىشلىتىپ بولغان چاينىڭ شامىسىنى قۇرۇتقاندىن كېيىن، ئوت يېقىپ قويسىمۇ، پاشىنى قاچۇرغىلى بولىدۇ.
مەنبە تەڭرىتاغ مۇنبىرىدىن ئابلەت ئابلىز تەييارلىغان