تەنھا تىنىقلار (2)
               ئى.ئى.ئىبنۇرى

                                      ئىنساننىڭ زىننىتى شەرمى-ھاياكەن،
                                      ئۇندىن مۇستەسنا غەزەپ-نەپرەتكەن.
                                      ئۈلپىتى ئۆمۈرنىڭ شەرەپ ھەم شانكەن،
                                      ئايرىلسا ئۇندىن خار ۋە زەبۇنكەن.

                                      ئىلمۇ-ئېرپان كىشىگە تولۇمۇ لازىم،
                                      مەقسەتلىك ئىزدەنگەن بولۇدۇ ھاتەم.
                                      تەۋرەنمەي قىلسا بۇ يولدا ئىجدىھات،
                                      قوينىنى كەڭ ئاچار شەنىڭگە ئالەم.

                                      چېلىشقىن رىقابەت ئالدىدا ھارماي،
                                      چەيلىگىن دوقالنى ھەرگىز بوشاشماي.
                                      جەۋلاندۇر شۇندىلا زەپەرنىڭ تۇغى،
                                      ئۆڭمەيدۇ ئەبەدى جۇدۇندا ئۇ سولماي.

                                      غەيرەت-شىجائەت ئىنسانغا قانات،
                                      چىرمىسا زەيىپلىك بولىسەن بەرپات.
                                      دەسىت تۇر تىرىشقىن ئالدىڭغا قارا؟
                                      تۇتار گۈل مەنزىلىڭ ساڭىمۇ قات-قات.

                                      ھېچقاچان غەلبىدىن كېرىلىپ كەتمە،
                                      بەس چىقتىم  داۋانغا  بولدىغۇ  دېمە.
                                      مۈشكۈلى ھاياتنىڭ يولۇڭدا كۆپ بىل،
                                      خام-خىيال مەززىسى زەھەركەن يېمە؟!

                                      بەزىلەر تالايلاپ ھەسرەتلەر چەكتى،
                                      قىممەتلىك دەقىقىنى بوشقا كەتكۈزۈپ.
                                      يەپ مېغىز باشقىلار شاكال قالغاندا،
                                      ئېسىت،دەر زەردىدىن مۇشتىنى تۈگۈپ.
مەنبە؛ھېكمەتلىرىم...

                                      بەزىلەر تالايلاپ ھەسرەتلەر چەكتى،
                                      قىممەتلىك دەقىقىنى بوشقا كەتكۈزۈپ.
                                      يەپ مېغىز باشقىلار شاكال قالغاندا،
                                      ئېسىت،دەر زەردىدىن مۇشتىنى تۈگۈپ.


ئاپتورنىڭ  ئاخىرىقى  بۇ كوبلىتتىن كېيىنكى پۇشايماننىڭ ئۆزىگە دۈشمەن بولىدىغانلىقىنى چۈشەندۈرۈپ بەرگەن ھەمدە ئىلىمسىز ئەل ئۆزگىلەرگە يەم بولۇپ، ئۇلارنىڭ ئايىغى ئاستىدا يانجىلىدىغانلىق بۇ ھەقىقەتنى بىزگە ئېنىق تونۇتۇپ بەرگەن.
ئاپتورنىڭ قەلىمىگە بەرىكەت ھەم ئۇتۇق تىلەيمەن .

شىئېرنىڭ ھەربىر كۇپىلىتىدىن ھىكمەت تۇكۇلوپ تۇرىدۇ، شامالكامنىڭ ئىجادىيتىگە ئۇتۇق تىلەيمەن.   

                                      
مۇنداق تۈزۈتۈپ ئوقۇپ باقتىم، كۆڭلۈڭگە كەلمىسۇن شامال بۇرادەر. مۇشۇ كۈنلەردە يازغىنىمنىڭ تايىنى يوق ئۆزەمچە چېپىلغاق بولۇپ قېلىۋاتىمەن. ياش چوڭايغانسېرى ئادەم شۇنداق بولۇپ قالامدىكىن يا؟ ھا...ھا...ھا
ئىنساننىڭ زىننىتى شەرمى-ھاياكەن،
تاغلارنىڭ سۆلكىتى چۇقا، قىياكەن.
  شەرەپ-شان ئۆمۈرنىڭ   بولسۇن  ئۈلپىتى
ئايرىلسا ئۇنىڭدىن خار-زار بولاركەن.

   ئىلىم ۋە ئېرپاندىن قەدىرلىك ئادەم،
    مەقسەتلىك ئىزدەنگەن بولىدۇ ھاتەم.
    تەۋرەنمەي بۇ يولدا قىلسا ئىجدىھات،
    ھەركىمگە كەڭ قۇچاق ئاچىدۇ ئالەم.

   چېلىشقىن رىقابەت ئالدىدا ھارماي،
چەيلىگىن دوقالنى ھەرگىز بوشاشماي.
جەۋلاندۇر شۇندىلا زەپەرنىڭ تۇغى،
  ئۆڭمەيدۇ ئەبەدى جۇدۇندا سولماي.

غەيرەت ۋە شىجائەت ئىنسانغا قانات،
چىرمىسا زەيىپلىك بولىسەن بەربات.
  يىقىلغان يىرىڭدىن دەست تۇر ھەرقاچان،
  شۇندىلا شان قۇچۇپ تاپىسەن نىجات.

  ھېچقاچان غەلبىدىن كېرىلىپ كەتمە،
  داۋاننى چۇقىدىن ئىگىز كۆرسەتمە.
    كۆپ تېخى يولۇڭدا مۈشكۈل مۇساپە،
    مەنزىلگە يەتتىم دەپ خام-خىيال ئەتمە.

  بەزىلەر تالايلاپ چەكتى دەرت-ھەسرەت،
  كەتكەندە قولىدىن قىممەتلىك پۇرسەت.
  باشقىلار يەپ مېغىز قالغاندا شاكال ،
كۈتكىنى ئۇلارنى ئاچچىق بىر قىسمەت.

ئاقتۇلپارنىڭ يۇقارقى تەھرىرلىشى بويىچە بولسۇن...لېكىن،ئەسلى مىسرالارنىڭ بوغۇم سانى بىرقەدەر كۆپۈيۈپ
شېئىرىنىڭ ۋەزىن-رېتىمى كالامپايلىشىپ قالغاندەك تۇرامدۇ قانداق؟!.............

         ئەجرىڭ ھەرگىز ئۇنتۇلماس،
           قۇيرۇقۇڭنى قۇم باسماس.