ئەسسالاممۇ ئەلەيكۇم مۇنبەر ئىشتىراكلىرى ئالدى بىلەن ھەممىڭلارغا ئۇلۇغ ئاللاھنىڭ بۈيۈك سالىمى بولسۇن!!!
ھۆرمەتلىك تورداشلار تۆۋەندە يازماقچى بولغان ئەسىرىم ئىنساننى تۈپتىن ئاجىزلاشتۇرۇپ بىخۇتلاشتۇرۇپ كېتىپ بارغان نىجىس « ئاق ھاراق » توغۇرسىدا
شۇڭا « » ئىچىگە ئىپ قويغان سۆزۈم ھاراق مەنىسىدە چۈشەنسەڭلار بولىدۇ . .. قېنى كۆڭۈل ھوزۇرۇڭلاردا بولسۇن !!!


« ئاق » ئېچكەنگە ئاھ دىدىم
ئاپتۇرى : دىلاۋۇر شۆھرەت ئەلرازى
مۇخەممەس


رومكىلارغا تولدۇرۇپ ئىچىپ كەتتىم ئاقنى مەن ،
ھەم ئۆزەمدەك مەس قىلدىم ئىچمىگەننى ساقنى مەن .
دومبالىدىم مەسلىكتە بوينى قاتتىق ياقنى مەن ،
تونالمىدىم ئۆزۈمنى مەسمۇ ياكى ساقمۇ مەن ؟ ،
« ئاق » ئېچكەنگە ئاخىرى پۇشايماندا ئاھ دىدىم .


يۇۋاش ئىدىم ساق چاغدا ،مەس بولۇپ يولۋاس ئاتالدىم ،
ئەل جامائەت ئالدىدا زابوي بولۇپ سانالدىم .
جىدەل تىرىپ مەسلىكتە ساقچىغانغا قامالدىم ،
شۇ ھاراقنىڭ دەستىدىن ئائىلەمدىن ئايرىلىدىم ،
« ئاق» ئېچكەنگە ئاخىرى ئازاپلاردا ئاھ دىدىم .


ھاراق ئىچىپ ۋىجداننى قايرىۋەتتىم يىراققا ،
ئىمانىمنى بىلمەستىن تىگىشۋەتتىم ھاراققا .
يالغۇز ھەمراھ بولدۇممەن دەرىت ، ئازاپ ۋە پىراققا ،
ئوخشاپ قالغاچ گوياكى نۇرى يوق بىر چىراققا ،
« ئاق» ئېچكەنگە ئاخىرى پىنھانلاردا ئاھ دىدىم .


نەپىرەتلەندى مىنىڭدىن شۇ قەدىرلىك ئاناممۇ ،
سەندەك ئوغلۇم يوق دىدى مەندىن تېنىپ داداممۇ .
قارىمىدى يۈزۈمگە شۇندىن بۇيان بالاممۇ ،
دىدى ھەتتا ئايالىم سىز بىر ئەرمۇ ساراڭمۇ ؟ ،
« ئاق »ئېچگەنگە ئاخىرى يىغلاپ تۇرۇپ ئاھ دىدىم .


ئاڭلىماستىن چوڭلارنىڭ ماڭا بەرگەن ساۋاقنى ،
يۈرۇپتىمەن كۈندە مەس ئېچىپ سىسىق ھاراقنى
پۇل چۈشسىلا يىنىمغا يوقلاپتىمەن قاۋاقنى ،
دۇشمەن چالسا مەنمۇ تەڭ چىلىپتىمەن چاۋاكنى ،
« ئاق »ئېچگەنگە ئاخىرى قاۋاقلاردا ئاھ دىدىم .


ئەمدى تارتاي ئۆزۈمنى ئاشۇ شەيتان يولىدىن ،
ئېچمەي ئەمدى نېجىزنى ئېلىپ دۈشمەن قولىدىن .
نېرى قاچاي شۇ كۆڭۈل شۇ « خۇشاللىق » زورىدىن ،
تارتاي مەڭگۈ ئۆزۈمنى شۇ قاۋاقتىن ، ئورىدىن ،
« ئاق » ئېچمەسكە ئاخىرى قەسەم قېلىپ ياق دىدىم .


ئاپتۇرى : دىلاۋۇر شۆھرەت ئەلرازى

ئاللاھ ھەر بىر بەندىلىرىمىزنى شۇ ھارامدىن يىراق قىلغاي .... ئامىن !!!

چ چ : 1441136189