قېچىپتۇ ھەم ئېلىپ قېچىپتۇ...

قاراخان

كىرمەي تېخى ئون ئالتە ياشقا ،
يۈزۈڭنى يەر قىلدىغۇ قىزىڭ.
يانفۇن سايراپ چىقىپ كەتسە قىز،
ئىزدەپ قويماي ئولتۇرغان ئۆزۈڭ.

قېچىپتۇ! دەپ كىردى شۇم خەۋەر،
كەتتى ئانا ئاتتەك چىقىراپ .
ئوق تەككەندەك يۈرەككە پەدەر،
ئېسى كەتتى،بېشى پىقىراپ.

قاچتىمۇ يا ئېلىپ قاچتىمۇ،
جاۋاپ تاپماق قىيىن سۇئالغا.
بۇ دىلوغا مەسئۇل ساقچىمۇ،
جاۋاپ تاپتى ھارغىن زاۋالدا.

قېچىپتۇ ھەم ئېلىپ قېچىپتۇ،
دىدى ساقچى بۇ دىلو تامام.
قىز-ئۇغۇلنى تەستە تېپىپتۇ،
ئىككى قات  قىز  ئالدىغۇ بەتنام.

يۇلدى ئانا قۇندۇز چېچىنى،
ئاق سۈتۈمنى قىلدىڭغۇ ھارام.
كاچاتلىدى ئاتا ئۆزىنى،
ئىككىمىزمۇ ‹‹قاچقۇن›› دىلئارام؟!...

2013يىلى 1-مارت

تېمىسى يېڭىچە ھەم ئۆزگىچە بوپتۇ، تېمىسىدىنلا مەزمۇنىنى چۇشىنىۋالغىلى بولىدىكەن. بۇ ھازىر تۇرمۇشتا بېزگە كۆپ ئۇچرايدىغان ئىشلار.
قەلەم تۇتقان قوللىرىڭىز ھارمىغاي.

ھازىر جەمئىيىتىمىزدە؛- قىز بولغۇچى ئۆزى بىللە قېچىپ بولۇپ،كېيىن مېنى زولاپ -بۇلاپ ئاپقاچتى،- دەپ ئەرىز قىلىپ،ئەر بولغۇچى تەرەپتىن تۈمەنلەپ پۇل ئۈندۈرۋېلىپ،يىراق جايدىكى بىخەبەر بايقۇشقا تېگىۋالىدىغان،نائىنساپ قىزلارمۇ كۆپۈيۈپ كېتىپتۇ.............................

ئىمان-ھايا ،ئەدەپ-ئەخلاقتىن ئايرىلغان ئىنسان ھەرقانداق ئىشنى قىلىشتىن يانمايدۇ.
ئاللاھ بىزگە ئاۋلاتلىرىمىزنى سائادەتمەن قىلىپ تەربىيلەيدىغان ئەقىل ئاتا قىلسۇن.
خاقانىمنىڭ ئىلمى تىخىمۇ زىيادە،دۇشمەنلىرى پىيادە بولغاي.

ئەمەلىي تېما ...