ئاياللار قەلبىدىن

ئاياللار تەن قۇرۇلىشى جەھەتتە ئەرلەرگە قارىغاندا ئاجىزراق بولىدۇ. جىسمانىي كۈچ تەلەپ قىلىدىغان ئىشلارنى قىلغاندا ئاسانلا چارچاپ قالىدۇ، بولۇپمۇ بىر –ئىككى بالا تۇققاندىن كېيىن جىسمانىي كۈچ- قۇۋىتى كۆرىنەرلىك ئاجىزلايدۇ. بارلىق مىھرى – مۇھابىتىنى يۇلدىشىغا، پەرزەنتلىرىگە سەرپ قىلىپ، قېنىپ ئۇخلىيالمايدۇ،  تامىغىنىمۇ ۋاقتىدا يىيەلمەيدۇ، قىز ۋاقتىدىكىدەك ئارام ئېلىشتىن مەھرۇم بولىدۇ. ئۇزۇن ۋاقىت چارچاش بىلەن ھەتتا ھەرخىل كېسەللەرگىمۇ دۇچار بولىدۇ. شۇنداقتىمۇ ئاياللار بىر ئۆمۈر ئۆز بەختى ئۈچۈن كۆرەش قىلىدۇ.پەرزەنت بەختى ئۈچۈن نۇرغۇن بەدەل تۆلەيدۇ. ئاياللارنىڭ بەختى، ئۇنىڭ ئاياللارغا خاس ئۇسۇل بىلەن ياشىغانلىغىدا، ئەڭ موھىمى يولدىشى تەرىپىدىن ئېتىراپ قىلىنغانلىغىدا ئىپادىلىنىدۇ. بىر ئايال بىر ئۆمۈر ئۆزىنىڭ ھۆرمىتىگە، ئېتىراپ قىلىشىغا ئېرىشكەن ئەرگە بېقىنىپ، باشقۇرۇلۇپ ياشاشقا رازىكى، ئەمما ئەرلىك جاسارىتى كامچىل، ئىككى ئېغىز چىرايلىق گەپ بىلەن كۆڭلىنى ئالالمايدىغان، ھالقىلىق پەيتلەردە ئايالىغا ئىگە بولالمايدىغان، ھاياتنى سۆيمەيدىغان، تۇرمۇشنى قەدىرلەشنى بىلمەيدىغان، ۋاقىتنىڭ قەدىرىگە يەتمەيدىغان گەدەنكەش قۇرۇق سۆلەت ئەرلەرنىڭ ئۆزىگە يول باشلاپ مېڭىشىنى ھەرگىزمۇ خالىمايدۇ. چۈنكى  كېرەكسىز پاراۋۇز  پويېزنى سۆرىيەلمەيدۇ.

  ئاياللارنىڭ يولدىشىدىن كۈتىدىغىنىمۇ، ئۇنچىۋالا چەكتىن ئاشقان ئورۇنلىغۇسىز يوقىرى تەلەپلەرمۇ ئەمەس، ئۆزى تۆلىگەن بەدەلگە سېلىشتۇرغاندا ناھايىتىمۇ تۆۋەن دىيىشكە بولىدۇ. تېخىمۇ ئېنىققراق قىلىپ ئېيتقاندا:ئاياللارغانىسپەتەن،   ئەرلىرى تەرىپىدىن قىلىنغان كىچىككىنە غەمخورلۇق، ئىككى ئېغىز چىرايلىق سۆز، سەمىمىلىك بىلەن قىلىغان ئازغىنە ياردەم..... بۇنىڭدىن ئاياللار ئالەمچە خوش بولىدۇ.

ئاياللارنىڭ مىھرى-مۇھابىتىمۇ، سۆيگىسىمۇ، شاتلىغىمۇ، كۈلكىسىمۇ، بەخت- سائادىتىمۇ يولدىشىنىڭ سەمىمىيىتىن كېلىدۇ. ئاياللار يولدىشىدىن ئېرىشكەن مىھرى مۇھەبەتنى ھەر قانداق مىھرى مۇھەببەتتىن ئۈستۈن كۆرىدۇ. بۇنى ئاياللارنىڭ يولدىشىغا بېغىشلىغان چەكسىز ئتىقاتىدىن ھاسىل بولغان تۇيغۇ دىيىشكە بولىدۇ.

مۇھەببەتنىڭ ئاشىكارىلىق دەرىجىسى ئەۋجىگە چىققان ھازىرقى جەمىيىتىمىزدە بولسا، يولدىشىنىڭ ھەقىقى مۇھابىتىگە ئېرىشەلمەيدىغان ئاياللار كۈندىن- كۈنگە كۆپىيىپ قېلىۋاتىدۇ. شۇ سەۋەپلىك ئىرادىسى سەل ئاجىزراق بولغان ئاياللار يولدىشىدىن ئۆچ ئېلىش ھىساۋىغا يامان يوللارغىمۇ مېڭىپ قېلىۋاتىدۇ. چۈنكى ئاياللارقەلبىگە يولدىشىغا نىسپەتەن چەكسىز مۇھاببەت يوشۇرۇنغان بولىدۇ. ئۇنى فازغۇچى ئەلۋەتتە ئۇنىڭ يولدىشى بولىدۇ. ئۇنى قېزىپ چىقىش بۇياقتا تۇرسۇن، ئۇنى دەپسەندە قىلىدىكەن، مۇھەببەت نەپرەتكە ئايلىنىپ، مۇھەبەتكە بولغان چۈشۈنچە ئۆزگۈرۈپ، مۇھەببەتنىڭ پاكلىغىغا ، مۇقادەسلىگىگە قارىمۇ – قارشى بولغان ئىش ھەركەتلەرمۇ بولۇپ قېلىشى مۈمكىن، نەتىجىدە چۆگىلەپ كېلىپ يەنىلا ئەرنىڭ غورورى دەپسەندە بولىدۇ.

مېنىڭچە بولغاندا بىز ئاياللاردا يەنىلا مۇستەھكەم ئىرادە بولىشىى،<< پىتنىڭ ئاچچاھىدا چاپاننى ئوتقا سېلىش>>تەك قاراملىقنىڭ بولماسلىغى كېرەك . چۈنكى بىز مىللەتنىڭ ئانىسى. جەمىيەتتىكى قالايماقان ئشلار چوقۇم جايىغا چۈشىدۇ. بۇ بىر ئۆتكۈنچى دەۋىر! شۇڭا بىز ئۆتكۈنچى دەۋېرنىڭ قۇربانلىقى بولۇپ كېتىشتىن ساقلىنايلى!!!!
نەۋرىزە

اللە ھەربىر ئائىلىگە ئىللىقلىق ئاتا قىلسۇن.

باغۋەنىمىزنىڭ قايتىدىن بوزقىردا پەيدا بولغىنىدىن بەك خوش بولدۇم !
ئاياللار ھەقىقەتەن جاپاكەش ئىنسان!

بىر ئايال بىر ئۆمۈر ئۆزىنىڭ ھۆرمىتىگە، ئېتىراپ قىلىشىغا ئېرىشكەن ئەرگە بېقىنىپ، باشقۇرۇلۇپ ياشاشقا رازىكى، ئەمما ئەرلىك جاسارىتى كامچىل، ئىككى ئېغىز چىرايلىق گەپ بىلەن كۆڭلىنى ئالالمايدىغان، ھالقىلىق پەيتلەردە ئايالىغا ئىگە بولالمايدىغان، ھاياتنى سۆيمەيدىغان، تۇرمۇشنى قەدىرلەشنى بىلمەيدىغان، ۋاقىتنىڭ قەدىرىگە يەتمەيدىغان گەدەنكەش قۇرۇق سۆلەت ئەرلەرنىڭ ئۆزىگە يول باشلاپ مېڭىشىنى ھەرگىزمۇ خالىمايدۇ. چۈنكى  كېرەكسىز پاراۋۇز  پويېزنى سۆرىيەلمەيدۇ.


مۇشۇ يەرلىرى نەقلا مىنىڭ خارەكتىرىمگە ماس كىلىدىغان يىرى ئىكەن،ھەقىقى ئايال قەلبىدىن ئىلىپ ئىيتىلغان بەك بەك پاساھەتلىك چىققان سۆزلەر ئىكەن.تىما ئىگىسىگە كۆپ تەشەككۈرلەر بولسۇن.«ئەرلىرى زەئىپلەشكەن مىللەتنىڭ ئاياللىرى بۇزۇلىدۇ»دىگەن ھىكىمەتلىك سۆزنىڭ ئىنتايىن چۈشنۈشلۈك ئۇسۇلدا ئەرلىرىمىزگە بىرىلگەن سىگىنالى بوپتۇ.تىما ئىگىسىگە ئاللاھدىن ئەجىر بىرىشنى تىلەيمەن.

我爱 老婆

我 爱 家，他们 也 爱 我

نەۋرىزە ھەدە_ ئاياللارنىڭ ۋىجدانى-دە.
« ئەرلىرى تەرىپىدىن قىلىنغان كىچىككىنە غەمخورلۇق، ئىككى ئېغىز چىرايلىق سۆز، سەمىمىلىك بىلەن قىلىغان ئازغىنە ياردەم..... بۇنىڭدىن ئاياللار ئالەمچە خوش بولىدۇ.»
خۇدايىمنىڭ ئاياللارنى شۇنچىلىك نەرسىلەردىن خۇش بولىدىغان تەبىئەتتە يارىتىشىدا بەك چوڭ ھېكمەتلەرنىڭ بارلىقىنى چۈشىنىپ يىتىۋاتىمەن.

نەۋرىزە ھەدىمىزگە سالام . سىزگە ئامانلىق تىلەيمەن

مېنىڭ مومام 9 پەرزەتلىك بولۇپتىكەن. ياتقان يېرى ئەزىز بولسۇنكى، رەھمەتلىك 89 ياشتىمۇ چىن تۆمۈر باتۇرنىڭ ئېتىدەك تېتىك ئىدى. مومام مۇنداق دەيدىغان: كۆپ پەرزەنتلىك ئانا يەرنىڭ قوۋزىقىدەك مۇستەھكەم بولىدۇ.

سالام سىزگە باغۋەن ئاچا ؟ خۇدا تىنىڭىزنى سالامەت قىلسۇن ...ئىسىل تېمىللىرىڭىز بوز قىردىن ئۈزۈلمىسۇن !!!