دىلسادا يانبىلوگى

123
دىلسادا گۈدۈكى
ئەسسالامۇ ئەلەيكۇم ئەزىز دوستلار، دىللارغا ھوزۇر بەخش ئەتكۈچى يېقىشلىق مەزمۇنلارنى دىلسادادىن ئىزدەڭ! بۇلۇت بولۇپ تاغلار ئاشايلى، خۇددى يامغۇر بولۇپ ياشايلى. قۇشلار بىزگە ئېيتسۇن تەشەككۈر، چۆللەردىمۇ بوستان ياسايلى. ئېتىزلاردا قونالمىساقمۇ، كۈزدە خامان سورالمىساقمۇ. ياخشىلاردىن بولالمىساقمۇ، ياخشىلارغا تۇمار ئاسايلى.
تەۋسىيە يازمىلار
ئەڭ يېڭى يازمىلار
كۆپ باھالىق يازمىلار
يازما ئىزدەش
Tag لەر رېتى
دوستانە ئۇلىنىشلار

ھەر كىمنىڭ ئۆزىگە باغلىق

ھەر كىمنىڭ ئۆزىگە باغلىق

ۋاقتى: 2015-08-30 ئاۋاتلىقى: 592 قېتىم

يانفوندا كۆرۈش

قەدىرلىك دوستلار، بەزى كىشىلەرنىڭ ھەمىشە باشقىلارنىڭ خۇشال ياشاۋاتقانلىقىغا ھەۋەس قىلىپ، ئۆزلىرىنىڭ تۇرمۇشىنىڭ زېرىكىشلىك، مەنىسىز ئۆتۈۋاتقانلىقىدىن ئاغرىنىدىغانلىقىنى ئاڭلاپ قالىمىز. ئەمەلىيەتتە ئۇنداق كىشىلەر كىشىلىك ھاياتتىكى چۆرۈپ تاشلاشقا تېگىشلىك كۆڭۈلسىزلىك، ئازابلىق ئەسلىمىلەر ئىچىگە پېتىپ قالغانلاردۇر. تۇرمۇش ئادەمنىڭ ئىرادىسىگە باقمايدۇ. شۇنداق بولغانىكەن رېئاللىقنى قوبۇل قىلىپ، ئۇنىڭغا توغرا مۇئامىلە قىلىشىمىز كېرەك. ھاياتلىقتا بىز بەھىرلىنىشكە، خۇشال بولۇشقا تېگىشلىك نەرسىلەر ئىنتايىن كۆپ. ئۇلارغا قانداق ئېرىشىش ھەر كىمنىڭ ئۆزىگە باغلىق. كىشىلەر ھەر خىل مۇھىتتا ياشايدۇ. پەقەت ئادەمدە قانائەتچان، چىدامچان، ماسلىشىشچان روھ بولغاندىلا، ھاياتتىن لەززەت ئالالايدۇ. ئەسلىدىنلا ئۇنتۇپ كېتىشكە تېگىشلىك، تىلغا ئالغۇچىلىكى يوق كىچىك ئىشلار ئۈستىدە ھەمىشە باشقىلار بىلەن جېدەللەشسەك، ئىچمىزدە غۇم ساقلىساق، ئۆزىمىزنىڭ يۈكىنى ئېغىرلاشتۇرۇۋالىمىز، خالاس.

ئەتىگەنكى ساپ ھاۋا، سۈتتەك ئايدىڭ كېچىدىكى جىمىرلاپ تۇرغان يۇلتۇزلار، مەيىن شامالدا يەلپۇنۇپ تۇرغان ئوت-چۆپلەر، سەبىي بالىلىرىمىزنىڭ خۇشال كۈلكىسى ۋە ئوماق قىلىقلىرى، گۈزەل تەبىئەت مەنزىرىسى، ئاممىۋى ئاپتوبوستا ياشانغانلارغا، ئاجىزلارغا ئورۇن بوشىتىپ بەرگەندىكى ئۇلارنىڭ چىرايىدا ئىپادىلەنگەن خۇشاللىق ھەم تەشەككۈر جىلۋىسى، مۇھتاج قەلبلەرگە ياردەم قولىنى سۇنغان، دىلى سۇنۇقلارغا تەسەللىي بەرگەندە ئۇلارنىڭ چىن دىلىدىن ئېيتقان رەھمەت سۆزى، ئىللىق ئائىلە، خىزمەت قاتارلىقلارنىڭ ھەممىسىدە ئۆزىگە يارىشا خۇشاللىق تەپچىپ تۇرىدۇ. شۇڭا«خۇشاللىق مەندىن يىراقتا»دەپ ئۇنى باشقا تەرەپلەردىن ئىزدەپ ئاۋارە بولۇشىمىزنىڭ ئورنى يوق. ئۇنى يارىتىش-يارىتالماسلىق ئۆزىمىزگە باغلىق. خۇشاللىق بىرخىل پوزىتسىيە. خۇشال يۈرۈشنى چىن دىلىڭىزدىن نىيەت قىلسىڭىزلا خۇشال يۈرەلەيسىز. شۇنداقلا ياراتقان خۇشاللىقىڭىز ئارقىلىق ئۆزىڭىز ۋە باشقىلارنى شادلاندۇرالايسىز.

Tags:
بايانات

بۇلۇت بولۇپ تاغلار ئاشايلى، خۇددى يامغۇر بولۇپ ياشايلى. قۇشلار بىزگە ئېيتسۇن تەشەككۈر، چۆللەردىمۇ بوستان ياسايلى. ئېتىزلاردا قونالمىساقمۇ، كۈزدە خامان سورالمىساقمۇ. ياخشىلاردىن بولالمىساقمۇ، ياخشىلارغا تۇمار ئاسايلى.

تەلەي قاپىقىدىن چىققان يازمىلار

باھالار

ئىسمىڭىز:

باھالار رېتى