دىلسادا يانبىلوگى

يانفوندا كۆرۈش

▲جۇڭگۇنىڭ دۆلەت رەئىسى شى جىنپىڭ 8- ئاينىڭ 29- كۈنى رەئىسنىڭ ئالاھىدە كەچۈرۈم بۇيرۇقىغا ئىمزا قويدى ، 12- نۆۋەتلىك مەملىكەتلىك خەلق قۇرۇلتېيى دائىمى كومېتېتىنىڭ 16- قېتىملىق يىغىنىدا ماقۇللانغان مەملىكەتلىك خەلق قۇرۇلتېيى دائىمى كومېتېتىنىڭ بىر قىسىم جازا ئۆتەۋەتقان جىنايەتچىلەرنى ئالاھىدە كەچۈرۈم قىلىش توغرىسىدىكى قارارىغا ئاساسەن ،ھازىر جازا ئۆتەۋاتقان ياپون باسقۇنچىلىرىغا قارشى ئۇرۇش ` ئازاتلىق ئۇرۇشلىرىغا قاتناشقان قاتارلىق 4خىل جىنايەتچى ئالاھىدە كەچۈرۈم قىلىندى . رەئىسنىڭ ئالاھىدە كەچۈرۈم بۇيرۇقىغا ئاساسەن ، 2015- يىلى 1- ئاينىڭ 1- كۈنىدىن بۇرۇن خەلق سودىنىڭ ھۆكۆمى ئىلان قىلىنىپ جازا ئۆتەۋاتقان ، قويۇپ بىرىلگەندىن كىيىن رىيال جەمئىيەتكە خەتىرى بولمايدىغان 4خىل جىنايەتچى ئالاھىدە كەچۈرۈم قىلىندى .

▲جۇڭگۇ تامۇژنا باش مەھكىمىسى شىنجاڭ ئالاتاۋ چىگىرا ئېغىزىدىن ئاپتوموبىلنى پۈتۈن پېتى ئېمپورت قىلىش تىجارىتىنى يولغا قويۇشنى رەسمى تەستىقلىدى .شۇ كۈنىدىن باشلاپ شىنجاڭلىقلارنىڭ ئالاتاۋ ئېغىزىدىن كىرگۈزۈلگەن ئاپتوموبىللارنى سېتىۋېلىشىدىن ئۆمىت تۇغۇلدى . ئالاتاۋ ئېغىزىدىن ئاپتوموبىل ئېمپورت قىلغاندا ئاپتوموبىلنى ياۋروپادىن كىرگۈزۈشكە 15كۈن ئەتراپىدىلا ۋاقىت كىتىدىكەن ، دېڭىز بويى چىگىرا ئېغىزلىرى ئارقىلىق ئېمپورت قىلغاندىكىدىن 1ئاي ۋاقىت تىجەپ قالغىلى بولىدىكەن . ئېمپورت قىلىنغان ماللار ئونۋېرسال باجدىن خالى رايۇنغا كىرگەندىن كىيىن ، باجدىن خالى رايۇنىدا تەسىس قىلىنغان تارقىتىش نوقتىىسدا چۈشۈرۈش قاچىلاش ۋە چېتىش ئىشلىرىنى ئەركىن ئازادە قىلىپ تامۇژنىدىن ئۆتكۈزۈش ۋاقتىنى زور دەرىجىدە قىسقارتقىلى بولىدىكەن .

▲دۆلەت ئېلىكتىر تورى شىنجاڭ ئېلىكتىر ئېنىرگىيە شىركىتى بۇلتۇر رەسمىي باشلىغان ئاپتونوم رايونىمىزنىڭ 750 كىلوۋولتلۇق ئاساسىي ئېلىكتىر تورى قۇرۇلۇشى بۇ يىلنىڭ ئاخىرلىرى ئاساسىي جەھەتتىن تاماملىنىشى مۇمكىن. نۆۋەتتە، جەنۇبىي شىنجاڭ رايونىدىكى 2 ۋىلايەت، بىر ئوبلاستقا توك يەتكۈزۈشتىكى نۇقتىلىق قۇرۇلۇش بولغان ئاقسۇ 750 كىلوۋولتلۇق تىرانسىفورماتور پونكىتى سىناش باسقۇچىغا قەدەم قويدى.

▲ئاپتونوم رايونىمىزدىكى ئىشلەپچىقىرىش- سېتىش- يەتكۈزۈش تور پەن- تېخنىكىسى ئوبوروت سۇپىسى يېقىندا رەسمىي ئىشقا كىرىشتى. بۇ سۇپا-- دۆلەت ئىچىدىكى مىڭلىغان- ئونمىڭلىغان كارخانىنىڭ ئىشلەپچىقىرىش ئۇچۇرى ۋە يىپەك يولى بويىدىكى دۆلەتلەرنىڭ سېتىۋېلىش ئۇچۇرلىرىنى بىرىكتۈرگەن بولۇپ، ئالماشتۇرۇش ۋە ئۇدۇللاشتۇرۇش مۇلازىمىتى بىلەن تەمىنلەيدۇ. كەلگۈسىدە يەنە مەملىكەت بويىچە تور تېخنىكا تارماق ئاپپاراتىدىن 34 نى قۇرىدۇ.

▲2- نۆۋەتلىك شىنجاڭ تەڭرىتاغ بوغدا كۆلى ئىبادەتخانا سەيلىسى تۈنۆگۈن (8.30) تەڭرىتاغ بوغدا كۆلى مەنزىرە رايونىدا ئۆتكۈزۈلدى.

▲تۈنۆگۈن (8.30) تۇرپان شەھىرىنىڭ ئېدىقۇت رايونى 2015- يىللىق «سۇچىلىق لوڭقىسى» شىنجاڭ ئالاھىدە بېلىق تۇتۇش مۇسابىقىسى ئۆتكۈزدى.

▲تۇنجى نۆۋەتلىك يىپەك يولى مورى سەيزىگۇ يېزا ئەدەبىيات- سەنئەت مۇكاپاتىنى تارقىتىش مۇراسىمى مۇشۇ ئاينىڭ 29- كۈنى ئۆتكۈزۈلدى. داڭلىق يازغۇچى جيا پىڭئاۋ ئەپەندى بۇ مۇكاپاتقا ئېرىشتى.

▲بورانلىق ھاۋارايىنىڭ تەسىرىگە ئۇچرىغان جەنۇبىي شىنجاڭ تۆمۈر يولىنىڭ تۇرپاندىن ئېۋىرغولغىچە بولغان بۆلىكىدە، تۈنۆگۈن (8.30) چۈشتىن كېيىن، بوران كۈچى 11 بالغا چۈشتى. جەنۇبىي شىنجاڭ تۆمۈر يولىدا قاتناش ئەسلىگە كەلدى.

▲ئۈرۈمچى شەھىرى ئالتاي يولىدىكى يول يۈزى قۇرۇلۇشى بۈگۈن (8.31) چۈشتىن كېيىن پۈتۈپ سىناق تەرىقىسىدە قاتناش باشلىنىدۇ. ئەتە (9.1)دىن باشلاپ، ئالتاي يولىدىن ئۆتىدىغان بىر قىسىم ئاممىۋى ئاپتوبۇس لىنىيەلىرى ئەسلىگە كېلىدۇ.