-
ئىش ئۈنۈمى يۇقىرى كىشىلەرنىڭ 7خىل ئادىتى - [تەرمىلەر]
2009年05月21日
ئىش ئۈنۈمى يۇقىرى كىشىلەرنىڭ 7خىل ئادىتى
ﺋﻪﺭﻛﯩﻦ ﺳﯩﺪﯨﻖ 2008-ﻳﯩﻠﻰ 3-ﺋﺎﻳﻨﯩﯔ 20-ﻛﯜﻧﻰﺑﯩﺮ ﻗﺎﻧﭽﻪ ﻛﯜﻧﻨﯩﯔ ﺋﺎﻟﺪﯨﺪﺍ، ﻳﻪﻧﻰ 2008-ﻳﯩﻠﻰ 3-ﺋﺎﻳﻨﯩﯔ 10-ﻛﯜﻧﻰ، ﻣﻪﻥ ﺑﯩﺰﻧﯩﯔ ﺋﯩﺪﺍﺭﯨﺪﻩ ﺋﯚﺗﻜﯜﺯﯛﻟﮕﻪﻥ ﺑﯩﺮ ﺳﯧﻤﯩﻨﺎﺭ (ﻳﺎﻛﻰ ﺋﯩﻠﻤﯩﻲ ﻳﯩﻐﯩﻦ) ﻛﻪ ﻗﺎﺗﻨﺎﺷﺘﯩﻢ. ﺑﯘ ﺳﯧﻤﯩﻨﺎﺭﻧﯩﯔ ﺗﯧﻤﯩﺴﻰ «ﺑﺮﯨﻨﭽﻰ ﺋﯩﺸﻨﻰ ﺋﺎﻟﺪﻯ ﺑﯩﻠﻪﻥ ﻗﯩﻞ» (ﺋﯩﻨﮕﻠﯩﺰﭼﻪ «First things first») ﺑﻮﻟﯘﭖ، ﺋﯘﻧﯩﯖﺪﺍ ﮬﻪﺭ ﺧﯩﻞ ﺷﯩﺮﻛﻪﺗﻠﻪﺭ ﺋﯜﭼﯜﻥ ﻣﻪﺧﺴﯘﺱ ﻛﯩﺸﯩﻠﯩﻚ ﺗﻪﺭﻩﻗﻘﯩﻴﺎﺕ ﺗﻮﻏﺮﯨﺴﯩﺪﺍ ﺳﯧﻤﯩﻨﺎﺭ ﺋﯚﺗﻜﯜﺯﯛﭖ ﺑﯧﺮﯨﺪﯨﻐﺎﻥ ﺑﯩﺮ ﺷﯩﺮﻛﻪﺗﻨﯩﯔ ﺧﺎﺩﯨﻤﻰ ﺑﯩﺮ ﺳﺎﺋﻪﺕ ﺩﻩﺭﺱ ﺋﯚﺗﺘﻰ. ﺑﯘ ﺳﯧﻤﯩﻨﺎﺭﺩﺍ ﺳﯚﺯﻟﻪﻧﮕﻪﻥ ﻣﻪﺯﻣﯘﻥ ﺋﻪﺳﻠﯩﺪﻩ ﺳﯩﺘﯩﯟﯦﻦ ﻛﻮﯞﻩﻱ («Stephen Covey») ﺋﻪﭘﻪﻧﺪﻯ ﺋﯚﺯﯨﻨﯩﯔ «ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﻛﯩﺸﯩﻠﻪﺭﻧﯩﯔ 7 ﺋﺎﺩﯨﺘﻰ» ﺩﯦﮕﻪﻥ ﺑﯩﺮ ﻛﯩﺘﺎﺑﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ 7 ﺋﺎﺩﻩﺗﻨﯩﯔ ﺋﯩﭽﯩﺪﯨﻜﻰ 3-ﺋﺎﺩﻩﺕ ﺋﯩﺪﻯ. ﺑﯘ ﻛﯩﺘﺎﺏ ﺋﯩﺴﻤﯩﻨﯩﯔ ﺋﯩﻨﮕﻠﯩﺰﭼﯩﺴﻰ « The 7 habits of highly effective people» ﺑﻮﻟﯘﭖ، ﺑﯘ ﻳﻪﺭﺩﯨﻜﻰ « highly effective people » ﺩﯦﮕﻪﻥ ﺳﯚﺯﻧﯩﯔ ﺋﯘﺗﺘﯘﺭ ﻣﻪﻧﯩﺴﻰ «ﻳﯘﻗﯩﺮﻯ ﺋﯜﻧﯜﻣﻠﯜﻙ ﻛﯩﺸﯩﻠﻪﺭ» ﺩﯦﮕﻪﻧﺪﯨﻦ ﺋﯩﺒﺎﺭﻩﺕ. ﺋﻪﮔﻪﺭ ﺑﯘ ﺳﯚﺯﻧﻰ ﺋﯘﻳﻐﯘﺭﭼﯩﻐﺎ ﻣﻪﻧﻪ ﺑﻮﻳﯩﭽﻪ ﺗﻪﺭﺟﯩﻤﻪ ﻗﯩﻠﻤﺎﻗﭽﻰ ﺑﻮﻟﺴﺎ، ﺋﯘﻧﻰ «ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﻛﯩﺸﯩﻠﻪﺭ» ﺩﻩﭖ ﺋﯧﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯨﻐﺎﻥ ﺑﻮﻟﯘﭖ، ﺋﻮﻗﯘﺭﻣﻪﻧﻠﻪﺭﻧﯩﯔ ﺋﺎﺷﯘﻧﺪﺍﻕ ﻣﻪﻧﻪ ﺑﻮﻳﯩﭽﻪ ﭼﯜﺷﯩﻨﯩﺸﯩﻨﻰ ﺳﻮﺭﺍﻳﻤﻪﻥ. ﻣﻪﻥ ﮬﺎﺯﯨﺮﻏﯩﭽﻪ ﺑﻮﻟﻐﺎﻥ ﺋﯚﻣﺮﯛﻣﺪﻩ ﺋﺎﯕﻠﯩﻖ ﮬﺎﻟﺪﺍ ﺋﯚﺯﯛﻡ ﺗﺎﻟﻠﯩﺴﺎﻡ ﺑﻮﻟﯩﺪﯨﻐﺎﻥ ﻳﻮﻟﻼﺭﻧﻰ ﺗﻮﻟﯘﻕ ﺑﺎﻳﻘﺎﺵ، ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﺋﻪﯓ ﻳﺎﺧﺸﯩﺴﯩﻨﻰ ﺗﺎﻟﻼﺵ، ﮬﻪﺭ ﺧﯩﻞ ﺋﯩﺸﻼﺭﻧﻰ ﺋﯜﻧﯜﻣﻠﯜﻙ ﺋﯧﻠﯩﭗ ﻣﯧﯖﯩﺸﻨﯩﯔ ﺗﻮﻏﺮﺍ ﺋﯘﺳﯘﻟﯩﻨﻰ ﺗﯧﭙﯩﺶ، ﮬﻪﻣﺪﻩ ﺋﯘ ﺋﯘﺳﯘﻟﻼﺭﺩﯨﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﭗ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺟﻪﮬﻪﺗﺘﻪ ﺋﯩﺰﭼﯩﻞ ﺗﯜﺭﺩﻩ ﺋﯩﺰﺩﯨﻨﯩﭗ ﯞﻩ ﺗﻪﺟﺮﯨﺒﻪ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﻐﺎﭼﻘﺎ، ﺑﯘ ﻣﻪﺯﻣﯘﻧﻨﻰ ﺧﯧﻠﻰ ﻳﺎﺧﺸﻰ ﭼﯜﺷﻪﻧﺪﯨﻢ. ﮬﻪﻣﺪﻩ ﺋﯘﻧﯩﯔ ﻣﺎﯕﺎ، ﺷﯘﻧﺪﺍﻗﻼ ﺋﯚﺯﯛﻣﮕﻪ ﺋﻮﺧﺸﺎﺵ ﺑﺎﺷﻘﺎ ﻧﯘﺭﻏﯘﻥ ﻛﯩﺸﯩﻠﻪﺭﮔﻪ، ﺑﻮﻟﯘﭘﻤﯘ ﺑﯘﻧﯩﯖﺪﯨﻦ ﻛﯧﻴﯩﻦ ﺟﻪﻣﺌﯩﻴﻪﺗﻜﻪ ﻗﻪﺩﻩﻡ ﻗﻮﻳﯩﺪﯨﻐﺎﻥ ﺋﯘﻳﻐﯘﺭ ﻳﺎﺷﻠﯩﺮﯨﻐﺎ ﻧﺎﮬﺎﻳﯩﺘﻰ ﭘﺎﻳﺪﯨﻠﯩﻖ ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﺪﯨﻢ. ﺷﯘﻧﯩﯔ ﺑﯩﻠﻪﻥ ﺋﯘﺷﺒﯘ ﻳﺎﺯﻣﯩﻨﻰ ﺗﻪﻳﻴﺎﺭﻻﺵ ﻗﺎﺭﺍﺭﯨﻐﺎ ﻛﻪﻟﺪﯨﻢ. ﻣﻪﻥ ﺭﻩﺳﻤﯩﻲ ﻣﻪﺯﻣﯘﻧﻨﻰ ﺑﺎﺷﻼﺷﺘﯩﻦ ﺑﯘﺭﯗﻥ، ﺋﺎﻟﺪﻯ ﺑﯩﻠﻪﻥ ﻛﻮﯞﯦﻲ ﺋﻪﭘﻪﻧﺪﯨﻨﻰ ﻗﯩﺴﻘﯩﭽﻪ ﺗﻮﻧﯘﺷﺘﯘﺭﯗﭖ ﺋﯚﺗﻪﻱ. ﺑﯘﻧﺪﺍﻕ ﻗﯩﻠﯩﺸﺘﯩﻜﻰ ﻣﻪﻗﺴﯩﺘﯩﻢ، ﺋﻮﻗﯘﺭﻣﻪﻧﻠﻪﺭﮔﻪ ﺑﯘ ﻳﺎﺯﻣﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯩﺪﯨﻐﺎﻥ ﻣﻪﺯﻣﯘﻧﻨﯩﯔ ﻧﯧﻤﻪ ﺋﯜﭼﯜﻥ ﻧﺎﮬﺎﻳﯩﺘﻰ ﻣﯘﮬﯩﻢ ﺋﯩﻜﻪﻧﻠﯩﻜﯩﻨﻰ ﺑﯩﺮ ﺋﺎﺯ ﺋﻪﺳﻜﻪﺭﺗﯩﭗ ﻗﻮﻳﯘﺷﺘﯩﻦ ﺋﯩﺒﺎﺭﻩﺕ. ﻛﻮﯞﯦﻲ ﺋﻪﭘﻪﻧﺪﻯ 1932-ﻳﯩﻠﻰ ﺗﯘﻏﯘﻟﻐﺎﻥ. ﺋﺎﻣﯧﺮﯨﻜﯩﻨﯩﯔ ﮬﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﯩﮕﯩﻠﯩﻚ ﺑﺎﺷﻘﯘﺭﯗﺵ ﻛﻪﺳﭙﯩﺪﻩ ﻣﺎﮔﯩﺴﺘﯩﺮﻟﯩﻖ ﺋﯘﻧﯟﺍﻧﻰ ﺋﯧﻠﯩﭗ، ﺋﯘﻧﯩﯖﺪﯨﻦ ﻛﯧﻴﯩﻦ ﺋﯚﻣﺮﯨﻨﯩﯔ ﻛﯚﭖ ﻗﯩﺴﻤﯩﻨﻰ ﺋﺎﻣﯧﺮﯨﻜﯩﻨﯩﯔ ﺋﯘﺗﺎﮪ ﺷﺘﺎﺗﯩﺪﯨﻜﻰ « Brigham Young Univérsity» ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﺎﻟﯩﻲ ﻣﻪﻛﺘﻪﭘﺘﻪ ﭘﺮﻭﻓﯧﺴﺴﻮﺭﻟﯘﻕ ﻗﯩﻠﯩﭗ ﺋﯚﺗﻜﯜﺯﮔﻪﻥ. ﮬﻪﻣﺪﻩ ﺋﺎﺷﯘ ﻣﻪﻛﺘﻪﭘﺘﻪ ﺋﯩﺸﻠﻪﯞﯦﺘﯩﭗ، ﺩﻭﻛﺘﻮﺭﻟﯘﻕ ﺋﯘﻧﯟﺍﻧﯩﻐﺎ ﺋﯧﺮﯨﺸﻜﻪﻥ. ﺋﯘﻧﯩﯖﺪﯨﻦ ﻛﯧﻴﯩﻦ ﺋﯘ ﻳﻪﻧﻪ ﺑﺎﺷﻘﯩﻤﯘ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ 4 ﭘﻪﺧﺮﯨﻲ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﯩﻐﺎ ﺋﯧﺮﯨﺸﻜﻪﻥ. 1989-ﻳﯩﻠﻰ ﺋﯘ «ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﻛﯩﺸﯩﻠﻪﺭﻧﯩﯔ 7 ﺋﺎﺩﯨﺘﻰ» ﺩﯦﮕﻪﻥ ﻛﯩﺘﺎﺑﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘ ﻛﯩﺘﺎﺏ ﮬﺎﺯﯨﺮﻏﯩﭽﻪ ﭘﯜﺗﯜﻥ ﺩﯗﻧﻴﺎ ﺑﻮﻳﯩﭽﻪ ﺟﻪﻣﺌﯩﻲ 12 ﻣﯩﻠﻴﻮﻥ ﻧﯘﺳﺨﯩﺪﯨﻦ ﺋﺎﺭﺗﯘﻕ ﺳﯧﺘﯩﻠﻐﺎﻥ. ﺋﯘ ﻣﯘﺷﯘ ﻛﯩﺘﺎﺏ ﮬﻪﻣﺪﻩ ﺋﯚﺯﯨﻨﯩﯔ ﻟﯩﺪﯦﺮﻟﯩﻖ ﯞﻩ ﺋﯩﮕﯩﻠﯩﻚ ﺑﺎﺷﻘﯘﺭﯗﺵ ﺋﯩﻠﻤﻰ ﺟﻪﮬﻪﺗﺘﯩﻜﻰ ﺑﯩﻠﯩﻤﻰ ﺑﻮﻳﯩﭽﻪ ﺩﯗﻧﻴﺎﻏﺎ ﺗﻮﻧﯘﻟﻐﺎﻥ ﺑﻮﻟﯘﭖ، ﮬﺎﺯﯨﺮ ﺩﯗﻧﻴﺎﺩﯨﻜﻰ ﻧﻪﭼﭽﻪ ﻣﯩﯖﻠﯩﻐﺎﻥ ﺷﯩﺮﻛﻪﺗﻠﻪﺭ ﺋﯘ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻟﯩﺪﯦﺮﻟﯩﻖ ﯞﻩ ﺑﺎﺷﻘﯘﺭﯗﺵ ﺗﯧﺨﻨﯩﻜﯩﺴﯩﻨﻰ ﻗﻮﻟﻼﻧﻤﺎﻗﺘﺎ. ﻛﻮﯞﯦﻲ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺑﯘ 7 ﺋﺎﺩﻩﺗﻨﻰ ﺋﯘ ﺋﯚﺯﻯ ﺋﯩﺠﺎﺩ ﻗﯩﻠﻐﺎﻥ ﺋﻪﻣﻪﺳﻜﻪﻥ. ﺋﯘ 150 ﻳﯩﻠﻨﯩﯔ ﻣﺎﺑﻪﻳﻨﯩﺪﻩ ﻏﻪﺭﺏ ﺋﻪﻟﻠﯩﺮﯨﺪﻩ ﻧﻪﺷﺮ ﻗﯩﻠﯩﻨﻐﺎﻥ ﻣﯘﯞﻩﭘﭙﯩﻘﯩﻴﻪﺗﻜﻪ ﺋﺎﺋﯩﺖ ﻛﯩﺘﺎﺑﻼﺭ ﮬﻪﻣﺪﻩ ﻧﯘﺭﻏﯘﻥ ﺩﺍﯕﻠﯩﻖ ﻛﯩﺸﯩﻠﻪﺭﻧﯩﯔ ﺗﻪﺭﺟﯩﻤﯩﮭﺎﻟﯩﺪﯨﻦ ﻧﻪﭼﭽﻪ ﻳﯜﺯﻧﻰ ﺋﻮﻗﯘﭖ ﭼﯩﻘﯩﭗ، ﺷﯘ ﺋﺎﺳﺎﺳﺘﺎ ﺑﯘ ﺋﺎﺩﻩﺗﻠﻪﺭﻧﻰ ﺑﺎﻳﻘﺎﭘﺘﯘ، ﮬﻪﻣﺪﻩ ﺋﯘﻧﻰ ﺋﺎﺩﺩﯨﻲ ﯞﻩ ﺗﻮﻏﺮﺍ ﺗﯩﻞ ﺑﯩﻠﻪﻥ ﺋﯩﭙﺎﺩﯨﻠﻪﭖ ﺑﯧﺮﯨﭙﺘﯘ. ﺋﯘﻧﯩﯔ ﺋﯧﻴﺘﯩﺸﯩﭽﻪ ﺑﯘ 7 ﺋﺎﺩﻩﺗﻨﻰ ﺩﯗﻧﻴﺎﺩﯨﻜﻰ ﺋﺎﺳﺎﺳﻠﯩﻖ ﺩﯨﻨﻼﺭﻧﯩﯔ ﮬﻪﻣﻤﯩﺴﯩﺪﻩ ﺗﺎﭘﻘﯩﻠﻰ ﺑﻮﻟﯩﺪﯨﻜﻪﻥ. ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﻛﯩﺸﯩﻠﻪﺭﻧﯩﯔ ﮬﻪﻣﻤﯩﺴﻰ، ﺷﯘﻧﺪﺍﻗﻼ ﺋﯘﺯﯗﻥ ﻣﯘﺩﺩﻩﺕ ﺋﯜﻧﯜﻣﻠﯜﻙ ﺑﺎﺷﻘﯘﺭﯗﻟﻐﺎﻥ ﺷﯩﺮﻛﻪﺗﻠﻪﺭﻧﯩﯔ ﮬﻪﻣﻤﯩﺴﯩﻤﯘ ﺋﯚﺯﻟﯩﺮﯨﻨﯩﯔ ﻣﯘﯞﻩﭘﭙﻪﻗﯩﻴﯩﺘﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺋﺎﺷﯘ 7 ﺋﺎﺩﻩﺗﺘﯩﻦ ﺋﺎﺯﺩﯗﺭ - ﻛﯚﭘﺘﯘﺭ ﭘﺎﻳﺪﯨﻼﻧﻐﺎﻥ ﺋﯩﻜﻪﻥ. ﻛﻮﯞﯦﻲ ﺋﻪﭘﻪﻧﺪﯨﻨﯩﯔ ﺩﯦﻴﯩﺸﯩﭽﻪ، ﺑﯘ 7 ﺋﺎﺩﻩﺕ ﻛﯩﺸﯩﻠﻪﺭﮔﻪ ﭘﯜﺗﯜﻧﻠﻪﻱ ﻳﯧﯖﻰ ﻧﻪﺭﺳﯩﺪﻩﻙ ﺗﯘﻳﯘﻟﻤﯩﺴﯩﻤﯘ، ﺋﯘﻻﺭﻧﻰ ﺑﯩﺮ ﭘﯜﺗﯜﻥ ﮔﻪﯞﺩﻩ ﺷﻪﻛﻠﯩﺪﻩ ﺗﻮﻧﯘﭖ ﻳﻪﺗﻤﯩﮕﻪﻥ ﺑﻮﻟﻐﺎﭼﻘﺎ، ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﻛﯩﺸﯩﻠﻪﺭ ﺋﯘﻧﯩﯖﺪﯨﻦ ﺩﺍﺋﯩﻢ ﭘﺎﻳﺪﯨﻠﯩﻨﯩﭗ ﻛﻪﺗﻤﻪﻳﺪﯨﻜﻪﻥ. ﺑﯘ ﻣﺎﻗﺎﻟﯩﻨﯩﯔ ﺗﯧﻤﯩﺴﯩﻨﯩﻼ ﻛﯚﺭﮔﻪﻥ ﺑﻪﺯﻯ ﺋﻮﻗﯘﺭﻣﻪﻧﻠﻪﺭ ﺋﯧﮭﺘﯩﻤﺎﻝ «ﮬﺎﺯﯨﺮ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﯓ ﭼﻮﯓ ﻣﻪﺳﯩﻠﻪ ﻗﺎﻧﺪﺍﻕ ﻗﯩﻠﯩﭗ ﻗﻮﺭﺳﺎﻗﻨﻰ ﺗﻮﻳﻐﯘﺯﯗﺵ ﺗﯘﺭﺳﺎ، ﺑﯘﻧﺪﺍﻕ ﻧﻪﺭﺳﯩﮕﻪ ﻛﯩﻢ ﻗﯩﺰﯨﻘﯩﺪﯗ؟» ﺩﻩﭖ ﺋﻮﻳﻠﯩﺸﻰ ﻣﯘﻣﻜﯩﻦ. ﺋﯘﻳﻐﯘﺭﻻﺭﺩﺍ «ﺋﺎﻟﺪﯨﺮﯨﻐﺎﻥ ﻳﻮﻟﺪﺍ ﻗﺎﻻﺭ» ﺩﯦﮕﻪﻥ ﺑﯩﺮ ﻣﺎﻗﺎﻝ ﺑﺎﺭ. ﺋﻪﮔﻪﺭ ﺳﯩﺰ ﺑﯘ ﻳﺎﺯﻣﯩﻨﻰ ﯞﻩ ﻣﯧﻨﯩﯔ ﻛﯧﻴﯩﻨﻜﻰ ﻳﺎﺯﻣﺎﻣﻨﻰ ﺗﻮﻟﯘﻕ ﺋﻮﻗﯘﭖ ﭼﯩﻘﺴﯩﯖﯩﺰ، ﻳﯘﻗﯩﺮﯨﻘﻰ ﻣﺎﻗﺎﻟﻨﯩﯔ ﻣﻪﻧﯩﺴﯩﻨﻰ ﺗﻮﻟﯘﻕ ﭼﯜﺷﯩﻨﯩﭗ ﻳﯧﺘﻪﻟﻪﻳﺴﯩﺰ. ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﻮﻗﯘﺭﻣﻪﻧﻠﻪﺭﻧﯩﯔ 150 ﻳﯩﻠﻨﯩﯔ ﻣﺎﺑﻪﻳﻨﯩﺪﯨﻜﻰ ﻣﯘﯞﻩﭘﭙﻪﻗﯩﻴﻪﺕ ﺗﻮﻏﺮﯨﺴﯩﺪﺍ ﻳﯧﺰﯨﻠﻐﺎﻥ ﻛﯩﺘﺎﺑﻼﺭﻧﻰ ﺋﻮﻗﯘﭖ ﭼﯩﻘﯩﺶ ﺋﯩﻤﻜﺎﻧﯩﻴﯩﺘﻰ ﻳﻮﻕ. ﮔﻪﺭﭼﻪ ﻣﻪﻥ ﻛﻮﯞﯦﻲ ﺋﻪﭘﻪﻧﺪﯨﻨﯩﯔ ﻛﯩﺘﺎﺑﯩﻨﻰ ﺗﻮﻟﯘﻕ ﺋﻮﻗﯘﭖ ﭼﯩﻘﻤﯩﻐﺎﻥ ﺑﻮﻟﺴﺎﻣﻤﯘ، ﻳﯘﻗﯩﺮﯨﻘﻰ ﺳﯧﻤﯩﻨﺎﺭ ﺟﻪﺭﻳﺎﻧﯩﺪﺍ ﺋﯘ ﻛﯩﺸﻰ ﺋﯚﺯﻯ ﻛﯩﻨﻮ ﻗﯩﻠﯩﭗ ﺋﯩﺸﻠﯩﮕﻪﻥ ﺑﯩﺮ ﻗﯩﺴﯩﻢ ﻣﺎﺗﯧﺮﯨﻴﺎﻟﻼﺭﻧﻰ ﻛﯚﺭﺩﯛﻡ. ﺋﯘﻧﯩﯖﺪﯨﻦ ﻛﯧﻴﯩﻦ ﻳﯘﻗﯩﺮﯨﻘﻰ ﺩﻩﺭﺳﻨﯩﯔ ﺧﺎﺗﯩﺮﯨﺴﻰ ﺋﺎﺳﺎﺳﯩﺪﺍ، ﺑﯩﺮ ﻗﺎﻧﭽﻪ ﻛﯩﺸﯩﻠﻪﺭ ﻛﻮﯞﯦﻲ ﺋﻪﭘﻪﻧﺪﯨﻨﯩﯔ «ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﻛﯩﺸﯩﻠﻪﺭﻧﯩﯔ 7 ﺋﺎﺩﯨﺘﻰ» ﺩﯦﮕﻪﻥ ﻛﯩﺘﺎﺑﯩﻨﻰ ﺗﻪﮬﻠﯩﻞ ﻗﯩﻠﯩﭗ ﻳﺎﺯﻏﺎﻥ ﻣﺎﻗﺎﻟﯩﻠﻪﺭﻧﻰ ﺋﻮﻗﯘﭖ ﭼﯩﻘﺘﯩﻢ. ﻣﻪﻥ ﺗﯚﯞﻩﻧﺪﻩ ﺋﯚﺯ ﭼﯜﺷﻪﻧﭽﻪﻡ ﺋﺎﺳﺎﺳﯩﺪﺍ ﺋﺎﺷﯘ 7 ﺋﺎﺩﻩﺗﻨﻰ ﺗﻮﻧﯘﺷﺘﯘﺭﯗﭖ ﻳﺎﻛﻰ «ﺋﯘﻳﻐﯘﺭﭼﯩﻼﺷﺘﯘﺭﯗﭖ» ﺋﯚﺗﯩﻤﻪﻥ. ﺋﯩﻨﺴﺎﻧﻼﺭ ﺑﯩﺮ ﺋﺎﻻﮬﯩﺪﻩ ﺗﯩﭙﺘﯩﻜﻰ ﻣﻪﺧﻠﯘﻕ ﺑﻮﻟﯘﭖ، ﺋﯘ ﺧﯘﺩﺩﻯ ﺑﺎﺷﻘﺎ ﻣﻪﺧﻠﯘﻗﻼﺭﻏﺎ ﺋﻮﺧﺸﺎﺵ ﭘﻪﻗﻪﺕ ﺋﯚﺯﻯ ﺩﯗﭺ ﻛﻪﻟﮕﻪﻥ ﻳﯧﯖﻰ ﺋﻪﮬﯟﺍﻟﻐﺎ ﻗﺎﺭﯨﺘﺎ ﺋﯚﺯ ﻣﻪﻧﭙﻪﺋﻪﺗﯩﻨﻰ ﭼﯩﻘﯩﺶ ﻧﯘﻗﺘﯩﺴﻰ ﻗﯩﻠﯩﺶ ﺋﺎﺳﺎﺳﯩﺪﺍ ﺋﯩﺶ ﻛﯚﺭﯛﺷﻜﻪ ﺋﺎﺩﻩﺗﻠﻪﻧﮕﻪﻥ. ﻟﯧﻜﯩﻦ، ﺋﯘﻻﺭﻧﯩﯔ ﺑﺎﺷﻘﺎ ﻣﻪﺧﻠﯘﻗﻼﺭ ﺑﯩﻠﻪﻥ ﺑﻮﻟﻐﺎﻥ ﭘﻪﺭﻗﻰ، ﺋﯩﻨﺴﺎﻧﻼﺭ ﺷﻪﻳﺌﯩﻠﻪﺭ ﺋﯜﺳﺘﯩﺪﻩ ﻧﺎﮬﺎﻳﯩﺘﻰ ﭼﻮﯕﻘﯘﺭ ﺋﻮﻳﻠﯩﻨﯩﭗ، ﻳﯘﻗﯩﺮﻯ ﺋﯜﻧﯜﻣﻠﯜﻙ ﮬﻪﺭﯨﻜﻪﺕ ﺋﯧﻠﯩﭗ ﺑﺎﺭﺍﻻﻳﺪﯗ. ﺋﻪﮔﻪﺭ ﺳﯩﺰ ﺗﯩﺮﯨﺸﯩﭗ ﺋﺎﺷﯘ 7 ﺋﺎﺩﻩﺗﻨﻰ ﺋﯚﺯﯨﯖﯩﺰﮔﻪ ﺳﯩﯖﺪﯛﺭﯨﯟﺍﻟﺴﯩﯖﯩﺰ، ﭘﻪﻗﻪﺕ ﭘﺎﺳﺴﯩﭗ ﮬﺎﻟﺪﺍ ﺋﯚﺯﯨﯖﯩﺰ ﺩﯗﭺ ﻛﻪﻟﮕﻪﻥ ﺋﻪﮬﯟﺍﻟﻼﺭﻏﺎ ﺗﺎﻗﺎﺑﯩﻞ ﺗﯘﺭﯗﭖ ﻳﺎﺷﺎﻳﺪﯨﻐﺎﻥ ﮬﺎﻟﻪﺗﺘﯩﻦ ﻗﯘﺗﯘﻟﯘﭖ، ﺑﯘﻧﯩﯖﺪﯨﻦ ﻛﯧﻴﯩﻦ ﺑﻮﻟﯩﺪﯨﻐﺎﻥ ﺋﯩﺸﻼﺭﻧﻰ ﺋﺎﻟﺪﯨﻦ ﻣﯚﻟﭽﻪﺭﻟﻪﭖ، ﺷﯘﻧﯩﯖﻐﺎ ﺋﺎﺳﺎﺳﻪﻥ ﺋﺎﻛﺘﯩﭗ ﺋﯩﺶ ﻛﯚﺭﯨﺪﯨﻐﺎﻥ ﮬﺎﻟﻪﺗﺘﻪ ﻳﺎﺷﯩﻴﺎﻻﻳﺴﯩﺰ. ﺷﯘ ﺋﺎﺭﻗﯩﻠﯩﻖ ﺋﯚﺯ ﺗﻪﻗﺪﯨﺮﯨﯖﯩﺰﻧﻰ ﺋﯚﺯﯨﯖﯩﺰ ﺑﻪﻟﮕﯩﻠﯩﻴﻪﻟﻪﻳﺴﯩﺰ، ﮬﻪﻣﺪﻩ ﺑﺎﺷﻘﯩﻼﺭﻏﯩﻤﯘ، ﭘﯜﺗﯜﻥ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﮔﯜﻟﻠﯩﻨﯩﺸﯩﮕﻪ ﭘﺎﻳﺪﯨﻠﯩﻖ ﺑﻮﻟﻐﺎﻥ ﺋﯩﺠﺎﺑﯩﻲ ﺗﻪﺳﯩﺮﻣﯘ ﻛﯚﺭﺳﯩﺘﻪﻟﻪﻳﺴﯩﺰ. ﺋﻪﻣﺪﻯ ﮬﯧﻠﯩﻘﻰ 7 ﺋﺎﺩﻩﺗﻨﻰ ﺗﻮﻧﯘﺷﺘﯘﺭﯗﺷﻨﻰ ﺑﺎﺷﻼﻳﻤﻪﻥ. 1. ﺗﻪﺷﻪﺑﺒﯘﺳﻜﺎﺭ ﺑﻮﻟﯘﺵ ﺑﯘﻧﻰ «ﺋﯚﺯ-ﺋﯚﺯﯨﮕﻪ ﻣﻪﺳﺌﯘﻟﯩﻴﻪﺗﭽﺎﻥ، ﺋﯩﺰﺩﯨﻨﯩﺸﭽﺎﻥ ﯞﻩ ﺋﯩﺠﺎﺩﻛﺎﺭ ﺑﻮﻟﯘﺵ» ﺩﻩﭖ ﺋﯧﻠﯩﺸﻘﯩﻤﯘ ﺑﻮﻟﯩﺪﯗ. ﺑﯩﺮ ﺋﺎﺩﻩﻣﻨﯩﯔ ﮬﻪﺭﯨﻜﯩﺘﻰ ﺷﯘ ﺋﺎﺩﻩﻣﻨﯩﯔ ﻗﺎﺭﺍﺭﯨﻨﯩﯔ ﻓﯘﻧﻜﺴﯩﻴﯩﺴﻰ ﺑﻮﻟﯩﺪﯗ. ﻣﻪﺳﯩﻠﻪﻥ، ﻣﻪﻥ ﺋﻪﮔﻪﺭ ﺋﻪﺗﻪ ﺗﺎﭘﺸﯘﺭﯨﺪﯨﻐﺎﻥ ﺑﯩﺮ ﻣﻪﻛﺘﻪﭖ ﺗﺎﭘﺸﯘﺭﯗﻗﯩﻨﻰ ﻳﺎﻛﻰ ﺑﯩﺮ ﺧﯩﺰﻣﻪﺕ ﯞﻩﺯﯨﭙﯩﺴﯩﻨﻰ ﺑﯘﺭﯗﻥ ﺋﯩﺸﻠﯩﻤﻪﻱ، ﺑﯜﮔﯜﻥ ﻛﻪﭼﺘﻪ ﺋﯩﺸﻠﯩﻤﻪﻛﭽﻰ ﺑﻮﻟﺴﺎﻡ، ﻣﻪﻥ ﭼﻮﻗﯘﻡ ﺋﯚﺯ-ﺋﯚﺯﯛﻣﮕﻪ ﺧﺎﭘﺎ ﺑﻮﻟﯘﭖ، ﺑﺎﺷﻘﯩﻼﺭﻏﯩﻤﯘ ﺋﺎﺳﺎﻥ ﺗﯧﺮﯨﻜﻜﻪﻙ ﺑﻮﻟﯘﭖ ﻗﯧﻠﯩﺸﯩﻢ ﻣﯘﻣﻜﯩﻦ. ﺳﻪﯞﻩﺑﻰ ﻣﻪﻥ ﺑﯜﮔﯜﻥ ﻛﻪﭼﺘﻪ ﺗﯧﻠﯧﯟﯨﺰﻭﺭ ﻛﯚﺭﻩﻟﻤﻪﻳﻤﻪﻥ ﻳﺎﻛﻰ ﺩﻭﺳﺘﻠﯩﺮﯨﻢ ﺑﯩﻠﻪﻥ ﺑﯩﺮﮔﻪ ﺑﻮﻻﻟﻤﺎﻳﻤﻪﻥ. ﺋﻪﮔﻪﺭ ﻣﻪﻥ ﺋﯚﺯ-ﺋﯚﺯﯛﻣﮕﻪ ﻣﻪﺳﺌﯘﻝ ﺑﻮﻟﯘﭖ، ﺋﯘ ﯞﻩﺯﯨﭙﯩﻨﻰ ﺑﯜﮔﯜﻧﺪﯨﻦ ﺑﯘﺭﯗﻥ ﭘﯜﺗﺘﯜﺭﯛﯞﻩﺗﻜﻪﻥ ﺑﻮﻟﺴﺎﻡ، ﺑﯜﮔﯜﻥ ﻛﻪﭼﺘﻪ ﻧﺎﮬﺎﻳﯩﺘﻰ ﺧﯘﺷﺎﻝ ﺑﻮﻟﻐﺎﻥ ﺑﻮﻻﺗﺘﯩﻢ. ﺋﻮﻗﯘﺭﻣﻪﻧﻠﻪﺭ «ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ» ﺩﯦﮕﻪﻥ ﺳﯚﺯﻧﻰ ﻛﯚﭖ ﺋﺎﯕﻠﯩﻐﺎﻥ. ﺑﯘ ﺳﯚﺯ ﺋﻪﺳﻠﯩﺪﻩ ﺑﯩﺮ ﻛﯩﺸﯩﻨﯩﯔ ﻣﻪﻟﯘﻡ ﺑﯩﺮ ﺷﻪﻳﺌﯩﮕﻪ ﺑﻮﻟﻐﺎﻥ ﺋﯚﺯ ﺋﯩﻨﻜﺎﺳﯩﻨﻰ ﺋﯚﺯﻯ ﺗﺎﻟﻼﺵ ﺋﯩﻘﺘﯩﺪﺍﺭﯨﻐﺎ ﻗﺎﺭﯨﺘﯩﻠﻐﺎﻥ. ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﻧﯘﻗﺘﯩﺴﯩﺪﯨﻦ ﺋﯧﻴﺘﻘﺎﻧﺪﺍ ﻛﯩﺸﯩﻠﻪﺭﻧﻰ ﻣﯘﻧﺪﺍﻕ 2 ﺗﯜﺭﮔﻪ ﺋﺎﻳﺮﯨﺶ ﻣﯘﻣﻜﯩﻦ. ﺑﯩﺮﯨﻨﭽﻰ ﺧﯩﻠﺪﯨﻜﻰ ﻛﯩﺸﯩﻠﻪﺭ ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺋﯚﺯ-ﺋﯚﺯﯨﮕﻪ ﻣﻪﺳﺌﯘﻝ ﺑﻮﻟﯩﺪﯨﻐﺎﻥ، ﺋﯩﺸﻨﻰ ﺋﯚﺯﻟﯜﻛﯩﺪﯨﻦ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭ. ﺋﯩﻜﻜﯩﻨﭽﻰ ﺧﯩﻠﺪﯨﻜﻰ ﻛﯩﺸﯩﻠﻪﺭ ﺑﻮﻟﺴﺎ ﭘﻪﻗﻪﺕ ﺑﺎﺷﻘﺎ ﺋﺎﺩﻩﻡ ﻳﺎﻛﻰ ﺗﺎﺷﻘﻰ ﺩﯗﻧﻴﺎﻧﯩﯔ ﺗﻪﻟﯩﭙﯩﮕﻪ ﻗﺎﺭﯨﺘﺎ ﺋﯩﻨﻜﺎﺱ ﻗﺎﻳﺘﯘﺭﯗﺵ ﺗﻪﺭﯨﻘﯩﺴﯩﺪﯨﻼ ﺋﯩﺶ ﻛﯚﺭﯨﺪﯨﻐﺎﻥ ﻛﯩﺸﯩﻠﻪﺭ ﺑﻮﻟﯘﭖ، ﺋﯘﻻﺭﻧﻰ «ﺭﯦﺌﺎﻛﺴﯩﻴﯩﻠﯩﻚ ﻛﯩﺸﯩﻠﻪﺭ» ﺩﻩﭖ ﺋﺎﺗﺎﺷﻘﯩﻤﯘ ﺑﻮﻟﯩﺪﯗ. ﺑﯩﺮﯨﻨﭽﻰ ﺧﯩﻠﺪﯨﻜﻰ ﻛﯩﺸﯩﻠﻪﺭ ﺋﯩﻨﮕﻠﯩﺰﭼﯩﺪﺍ «proactive people»، 2-ﺧﯩﻠﺪﯨﻜﯩﺴﻰ «reactive people» ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﻮﻟﯘﭖ، ﻣﻪﻥ ﺗﺎﭘﺎﻟﯩﻐﺎﻥ ﺋﯩﻨﺘﯧﺮﻧﯧﺘﺘﯩﻜﻰ ﺋﯩﻨﮕﻠﯩﺰﭼﻪ-ﺋﯘﻳﻐﯘﺭﭼﻪ ﻟﯘﻏﻪﺗﻠﻪﺭﺩﻩ ﺑﯘ ﺳﯚﺯﻟﻪﺭﻧﯩﯔ ﺑﯘ ﻳﻪﺭﺩﯨﻜﻰ ﻣﻪﻧﯩﺴﯩﻨﻰ ﺑﯩﻠﺪﯛﺭﯨﺪﯨﻐﺎﻥ ﺋﯘﻳﻐﯘﺭﭼﯩﺴﻰ ﻳﻮﻕ ﺋﯩﻜﻪﻥ. ﺷﯘﻧﯩﯔ ﺑﯩﻠﻪﻥ ﺑﯘ ﺳﯚﺯﻟﻪﺭﻧﻰ ﻣﻪﻥ ﻳﯘﻗﯩﺮﯨﻘﯩﺪﻩﻙ ﭼﯜﺷﻪﻧﺪﯛﺭﯛﺷﻜﻪ ﻣﻪﺟﺒﯘﺭ ﺑﻮﻟﺪﯗﻡ. 2-ﺧﯩﻠﺪﯨﻜﻰ ﻛﯩﺸﯩﻠﻪﺭ ﮬﺎﯞﺍﺭﺍﻳﻰ ﯞﻩ ﺋﯚﺯﻟﯩﺮﯨﻨﯩﯔ ﺋﯩﺠﺘﯩﻤﺎﺋﯩﻲ ﻣﯘﮬﯩﺘﯩﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﭖ ﺗﯘﺭﯨﺪﯗ. ﺋﯘﻻﺭ ﮬﺎﯞﺍﺭﺍﻳﻰ ﻳﺎﺧﺸﻰ ﻛﯜﻧﻠﻪﺭﺩﻩ ﺑﯩﺮ ﺧﯩﻞ، ﮬﺎﯞﺍﺭﺍﻳﻰ ﻧﺎﭼﺎﺭ ﻛﯜﻧﻠﻪﺭﺩﻩ ﺑﯩﺮ ﺧﯩﻞ ﺑﻮﻟﯩﺪﯗ. ﺑﯘﻧﺪﺍﻕ ﻛﯩﺸﯩﻠﻪﺭ ﺋﻪﺗﺮﺍﭘﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺗﻪﺳﯩﺮﯨﮕﯩﻤﯘ ﺑﻪﻙ ﺋﺎﺳﺎﻥ ﺋﯘﭼﺮﺍﻳﺪﯗ. ﺑﯘ ﻛﯩﺸﯩﻠﻪﺭﻧﯩﯔ ﮬﻪﺭﯨﻜﯩﺘﯩﻨﻰ ﺋﯘﻻﺭﻧﯩﯔ ﮬﯧﺴﺴﯩﻴﺎﺗﻰ ﻛﻮﻧﺘﺮﻭﻝ ﻗﯩﻠﯩﭗ ﺗﯘﺭﯨﺪﯗ. ﺑﯩﺮﯨﻨﭽﻰ ﺧﯩﻠﺪﯨﻜﻰ ﻛﯩﺸﯩﻠﻪﺭ ﺑﻮﻟﺴﺎ ﻗﯩﻤﻤﻪﺗﻜﻪ ﺋﺎﻻﮬﯩﺪﻩ ﻛﯚﯕﯜﻝ ﺑﯚﻟﯩﺪﯨﻐﺎﻥ ﮬﻪﻣﺪﻩ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﻼﺭﻧﻰ ﺋﯘﻧﯩﯔ ﻗﯩﻤﻤﯩﺘﯩﮕﻪ ﻗﺎﺭﺍﭖ ﺗﯘﺭﯗﭖ ﺋﯚﺯﻟﯜﻛﯩﺪﯨﻦ ﺋﻪﺳﺘﺎﻳﯩﺪﯨﻠﻠﯩﻖ ﺑﯩﻠﻪﻥ ﺗﺎﻟﻠﯩﻐﺎﻥ ﺑﻮﻟﯩﺪﯗ. ﺋﯘﻻﺭﻧﯩﯔ ﮬﻪﺭﯨﻜﯩﺘﯩﻨﻰ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﯩﻨﯩﯔ ﻗﯩﻤﻤﯩﺘﻰ ﺑﻪﻟﮕﯩﻠﻪﻳﺪﯗ. ﺋﯚﺯ-ﺋﯚﺯﯨﮕﻪ ﻣﻪﺳﺌﯘﻝ ﺑﻮﻟﯘﺷﻨﯩﯔ ﺋﻪﯓ ﻣﯘﮬﯩﻢ ﺗﻪﺭﯨﭙﯩﻨﯩﯔ ﺑﯩﺮﺳﻰ، ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﯩﻐﺎ ﻗﺎﺗﺘﯩﻖ ﺋﯩﺮﺍﺩﻩ ﺑﺎﻏﻼﺵ ﮬﻪﻣﺪﻩ ﺑﯘ ﺋﯩﺮﺍﺩﯨﺴﯩﻨﻰ ﺑﺎﺷﺘﯩﻦ-ﺋﺎﺧﯩﺮﻏﯩﭽﻪ ﺳﺎﻗﻼﺵ. ﺑﯘﻧﻰ ﺧﯩﺰﻣﻪﺕ ﺋﻮﺭﻧﯩﻐﺎ ﺗﻪﺩﺑﯩﻘﻠﯩﺴﺎﻕ، ﺑﯘ ﺩﯦﮕﯩﻨﯩﻤﯩﺰ ﺗﺎﭘﺸﯘﺭﯗﻟﻐﺎﻥ ﯞﻩﺯﯨﭙﯩﻨﻰ ﺑﻪﻟﮕﯩﻠﻪﻧﮕﻪﻥ ﯞﺍﻗﯩﺖ ﺋﯩﭽﯩﺪﻩ ﺋﻮﺭﯗﻧﻼﺵ ﺩﯦﮕﻪﻧﻠﯩﻜﺘﯩﻦ ﺋﯩﺒﺎﺭﻩﺗﺘﯘﺭ. ﺋﻪﮔﻪﺭ ﺳﯩﺰ ﺧﯩﺰﻣﻪﺕ ﯞﻩﺯﯨﭙﯩﺴﯩﻨﻰ ﺩﺍﯞﺍﻣﻠﯩﻖ ﺑﻪﻟﮕﯩﻠﻪﻧﮕﻪﻥ ﯞﺍﻗﯩﺖ ﺋﯩﭽﯩﺪﻩ ﺋﻮﺭﯗﻧﻼﭖ ﻣﺎﯕﺴﯩﯖﯩﺰ، ﺳﯩﺰ ﺧﯩﺰﻣﻪﺗﺪﺍﺷﻠﯩﺮﯨﯖﯩﺰﻏﺎ ﻗﺎﺗﺘﯩﻖ ﻣﻪﺳﺌﯘﻟﯩﻴﻪﺗﭽﺎﻥ ﻛﯩﺸﻰ ﺑﻮﻟﯘﭖ ﺗﻮﻧﯘﻟﯩﺴﯩﺰ، ﺷﯘﻧﯩﯔ ﺑﯩﻠﻪﻥ ﺳﯩﺰﮔﻪ ﺗﯧﺨﯩﻤﯘ ﻛﯚﭖ ﻳﺎﻛﻰ ﺗﯧﺨﯩﻤﯘ ﻳﯘﻗﯩﺮﻯ ﺧﯩﺰﻣﻪﺕ ﯞﻩﺯﯨﭙﯩﺴﻰ ﺑﯧﺮﯨﻠﯩﺪﯗ. ﻛﻮﯞﯦﻲ ﺋﻪﭘﻪﻧﺪﻯ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﯘ 1-ﺋﺎﺩﻩﺕ ﮬﺎﺯﯨﺮ ﺋﺎﻣﯧﺮﯨﻜﺎ ﺑﺎﺷﻘﯘﺭﯗﺵ ﭘﺴﯩﺨﯩﻜﯩﺴﯩﻐﺎ ﺋﯩﻨﺘﺎﻳﯩﻦ ﭼﻮﯕﻘﯘﺭ ﺳﯩﯖﯩﭗ ﻛﯩﺮﮔﻪﻥ ﺑﻮﻟﯘﭖ، ﺑﯘ ﻳﻪﺭﺩﯨﻜﻰ ﺋﯩﺠﺎﺩﻛﺎﺭﻟﯩﻖ، ﺋﯚﺯ-ﺋﯚﺯﯨﮕﻪ ﮬﻪﻳﺪﻩﻛﭽﯩﻠﯩﻚ ﻗﯩﻠﯩﺶ ﻳﺎﻛﻰ ﺋﯩﺰﺩﯨﻨﯩﺸﭽﺎﻧﻠﯩﻖ ﺋﺎﺩﯨﺘﻰ ﻛﻪﯓ ﻣﻪﻧﯩﺪﯨﻦ ﻗﺎﺭﯨﻐﺎﻧﺪﺍ ﻛﯜﭼﯩﻤﯩﺰ ﺑﯩﻠﻪﻥ ﺯﯦﮭﻨﯩﻤﯩﺰﻧﻰ ﺑﯩﺮ ﺋﯩﺸﻨﯩﯔ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺗﻪﺭﻩﻗﻘﯩﻴﺎﺗﯩﻐﺎ ﯞﻩ ﻗﯩﻠﻐﺎﻥ ﺋﯩﺸﯩﻤﯩﺰﻧﯩﯔ ﺋﯘﺯﯗﻥ ﻣﯘﺩﺩﻩﺗﻠﯩﻚ ﻧﻪﺗﯩﺠﯩﺴﯩﮕﻪ ﻣﻪﺭﻛﻪﺯﻟﻪﺷﺘﯜﺭﯛﺵ ﺩﯦﮕﻪﻧﻨﻰ ﺋﯩﭙﺎﺩﯨﻠﻪﻳﺪﯗ. ﺋﯩﺰﺩﯨﻨﯩﺸﭽﺎﻥ ﻛﯩﺸﯩﻠﻪﺭ ﮬﻪﺭﮔﯩﺰﻣﯘ «ﮬﺎﺯﯨﺮﻗﻰ ﺋﻪﮬﯟﺍﻟﻨﻰ ﺋﯚﺯﮔﻪﺭﺗﯩﺶ ﻣﯘﻣﻜﯩﻦ ﺋﻪﻣﻪﺱ»، ﺩﻩﭖ ﻗﺎﺭﺍﭖ ﺋﻮﻟﺘﯘﺭﻣﺎﻳﺪﯗ. ﺋﯘﻻﺭ «ﮬﻪﺭ ﻗﺎﻧﺪﺍﻕ ﺋﯩﺸﻨﻰ ﻗﯩﻠﯩﺸﻘﺎ ﺑﯩﺮﻩﺭ ﺋﺎﻣﺎﻝ ﺗﯧﭙﯩﻠﯩﺪﯗ»، ﺩﻩﭖ ﻗﺎﺭﺍﻳﺪﯗ ﮬﻪﻣﺪﻩ ﺗﻮﺧﺘﯩﻤﺎﻱ ﺋﯚﺯﻟﯜﻛﯩﺪﯨﻦ ﺋﯩﺰﺩﯨﻨﯩﺪﯗ. ﺑﯘﻧﺪﺍﻕ ﻛﯩﺸﯩﻠﻪﺭ ﺋﯚﺯﻟﯩﺮﻯ ﭼﯩﻘﺎﺭﻏﺎﻥ ﻗﺎﺭﺍﺭ، ﺑﺎﺷﻘﺎ ﻛﯩﺸﯩﻠﻪﺭ، ﺑﺎﺷﻘﺎ ﺋﯩﺸﻼﺭ ﯞﻩ ﺑﺎﺷﻘﺎ ﺋﻪﮬﯟﺍﻟﻼﺭﻏﺎ ﻗﻮﻟﻼﻧﻐﺎﻥ ﺋﯚﺯ ﺋﯩﻨﻜﺎﺳﻰ ﺋﺎﺭﻗﯩﻠﯩﻖ ﻛﻪﻟﮕﯜﺳﯩﮕﻪ ﺗﻪﺳﯩﺮ ﻛﯚﺭﺳﯩﺘﻪﻟﻪﻳﺪﯗ. ﺷﯘ ﻧﻪﺭﺳﻪ ﺋﯧﺴﯩﻤﯩﺰﺩﻩ ﺑﻮﻟﺴﯘﻧﻜﻰ، ﺑﯩﺰ ﺋﯚﺯ ﮬﺎﻳﺎﺗﯩﻤﯩﺰﺩﺍ ﻗﺎﻧﺪﺍﻕ ﺋﻪﮬﯟﺍﻟﻼﺭﻏﺎ ﻳﻮﻟﯘﻗﯩﺪﯨﻐﺎﻧﻠﯩﻘﯩﻤﯩﺰﻧﻰ ﺋﯚﺯﯨﻤﯩﺰ ﻛﻮﻧﺘﺮﻭﻝ ﻗﯩﻼﻟﻤﯩﻐﺎﻥ ﺑﯩﻠﻪﻥ، ﺋﯘ ﻳﻮﻟﯘﻗﻘﺎﻥ ﺋﻪﮬﯟﺍﻟﻼﺭﻏﺎ ﻗﺎﻧﺪﺍﻕ ﺋﯩﻨﻜﺎﺱ ﻗﺎﻳﺘﯘﺭﯗﺷﻨﻰ ﺋﯚﺯﯨﻤﯩﺰ ﻛﻮﻧﺘﺮﻭﻝ ﻗﯩﻼﻻﻳﻤﯩﺰ. ﺑﯩﺰ ﺑﯘ ﺋﺎﺩﻩﺗﻨﻰ ﺋﯚﺯﯨﻤﯩﺰﮔﻪ ﺗﻮﻟﯘﻕ ﺋﯚﺯﻟﻪﺷﺘﯜﺭﯛﺵ ﺋﯜﭼﯜﻥ ﺗﯚﯞﻩﻧﺪﯨﻜﻰ ﺋﯩﺸﻼﺭﻧﻰ ﻗﯩﻠﯩﺸﯩﻤﯩﺰ ﻛﯧﺮﻩﻙ: 1) ﺋﯚﺯ ﮬﺎﻳﺎﺗﯩﻤﯩﺰ ﺑﯩﻠﻪﻥ ﺑﺎﻏﻠﯩﻨﯩﺸﻠﯩﻖ ﮬﻪﺭ ﺧﯩﻞ ﺗﻪﺳﯩﺮﻟﻪﺭﮔﻪ ﻧﯩﺴﺒﻪﺗﻪﻥ ﺗﻮﻟﯘﻕ ﻣﻪﺳﺌﯘﻟﯩﻴﻪﺗﻨﻰ ﻗﻮﺑﯘﻝ ﻗﯩﻠﯩﺶ. 2) ﺧﺎﺗﺎﻟﯩﻖ ﺋﯚﺗﻜﯜﺯﮔﻪﻧﺪﻩ ﺋﯘﻧﻰ ﺋﯧﺘﯩﺮﺍﭖ ﻗﯩﻠﯩﺪﯨﻐﺎﻥ ﺟﯜﺭﺋﻪﺕ ﺑﻮﻟﯘﺵ. 3) ﮬﻪﺭ ﺑﯩﺮ ﺋﻪﮬﯟﺍﻟﺪﺍ ﺋﯚﺯ ﻳﻮﻟﯩﻤﯩﺰﻧﻰ ﺋﯚﺯﯨﻤﯩﺰ ﺗﺎﻟﻼﻳﺪﯨﻐﺎﻥ ﺋﻪﺭﻛﯩﻨﻠﯩﻚ ﺑﻮﻟﯘﺵ. ﻗﺎﻟﻐﺎﻥ 6 ﺋﺎﺩﻩﺕ ﺑﯩﺰﺩﯨﻦ ﺋﺎﻟﺪﻯ ﺑﯩﻠﻪﻥ ﺑﺎﺷﻘﯩﻼﺭﻏﺎ ﻳﯚﻟﯩﻨﯩﯟﺍﻟﻤﺎﻱ ﺋﯚﺯﯨﻤﯩﺰ ﺋﯩﺰﺩﯨﻨﯩﺸﺘﯩﻦ ﺋﯩﺒﺎﺭﻩﺕ ﺑﯘ ﺋﺎﺳﺎﺳﯩﻲ ﺧﺎﺭﺍﻛﺘﯧﺮﻧﻰ ﻳﯧﺘﯩﻠﺪﯛﺭﯛﺷﯩﻤﯩﺰﻧﻰ ﮬﻪﻣﺪﻩ ﺷﯘ ﺋﺎﺳﺎﺳﺘﺎ ﺋﯧﺴﯩﻞ ﺧﯩﺴﻠﻪﺗﻜﻪ ﺋﯩﮕﻪ ﺑﯩﺮ ﻣﯘﻛﻪﻣﻤﻪﻝ ﻛﯩﺸﻰ ﺑﻮﻟﯘﭖ ﭼﯩﻘﯩﺸﯩﻤﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ. ﻳﺎﺵ-ﺋﯚﺳﻤﯜﺭﻟﻪﺭﻧﻰ ﺗﻪﺭﺑﯩﻴﯩﻠﻪﺷﺘﯩﻜﻰ ﺋﻪﻧﺌﻪﻧﯩﯟﻯ ﺋﯘﺳﯘﻝ ﺋﺎﺗﺎ-ﺋﺎﻧﯩﻼﺭ ﯞﻩ ﺋﻮﻗﯘﺗﻘﯘﭼﯩﻼﺭ ﺋﯘﻻﺭﻏﺎ ﻗﺎﻧﺪﺍﻕ ﻗﯩﻠﯩﺶ، ﻗﺎﻧﺪﺍﻕ ﻛﯩﻴﯩﻨﯩﺶ، ﻗﺎﻧﺪﺍﻕ ﺳﯚﺯﻟﻪﺵ، ﻗﺎﻧﺪﺍﻕ ﮬﯧﺴﺴﯩﻴﺎﺗﺘﺎ ﺑﻮﻟﯘﺵ ﯞﻩ ﻗﺎﻧﺪﺍﻕ ﺋﻮﻳﻼﺷﻨﻰ ﺩﻩﭖ، ﻳﺎﺵ-ﺋﯚﺳﻤﯜﺭﻟﻪﺭﻧﻰ ﺷﯘ ﺑﻮﻳﯩﭽﻪ ﺋﯩﺶ ﺗﯘﺗﯘﺷﻘﺎ ﻣﻪﺟﺒﯘﺭﻻﺵ ﺋﯩﺪﻯ. ﻟﯧﻜﯩﻦ، ﺑﯘ ﺋﯘﺳﯘﻝ ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﺩﻩ ﺋﺎﻟﻠﯩﻘﺎﭼﺎﻥ ﺋﻪﻣﻪﻟﺪﯨﻦ ﻗﺎﻟﺪﻯ. ﺋﯘ ﺩﯙﻟﻪﺗﻠﻪﺭ ﮬﺎﺯﯨﺮ ﻳﺎﺵ-ﺋﯚﺳﻤﯜﺭﻟﻪﺭﻧﻰ ﺋﯚﺯ-ﺋﯚﺯﯨﮕﻪ ﮬﻪﻳﺪﻩﻛﭽﯩﻠﯩﻚ ﻗﯩﻠﯩﺪﯨﻐﺎﻥ، ﺋﻮﯕﯘﺷﺴﯩﺰﻟﯩﻘﻘﺎ ﻳﻮﻟﯘﻗﻘﺎﻧﺪﺍ ﺭﻭﮬﯩﻲ ﺟﻪﮬﻪﺗﺘﯩﻦ ﺗﯧﺰ ﺋﻪﺳﻠﯩﮕﻪ ﻛﯧﻠﯩﺪﯨﻐﺎﻥ، ﻛﯧﺴﯩﭗ ﺋﻪﮬﻠﯩﮕﻪ ﻻﻳﯩﻖ ﭘﻮﺯﯨﺘﺴﯩﻴﯩﮕﻪ ﺋﯩﮕﻪ ﮬﻪﻣﺪﻩ ﺋﯩﺸﻨﻰ ﺋﯚﺯﻯ ﺗﯧﭙﯩﭗ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭﺩﯨﻦ ﻗﯩﻠﯩﭗ ﻳﯧﺘﯩﺸﺘﯜﺭﯛﺷﻜﻪ ﻳﯜﺯﻟﻪﻧﺪﻯ. ﻟﯧﻜﯩﻦ، ﺋﯘﻳﻐﯘﺭ ﺩﯨﻴﺎﺭﯨﺪﺍ ﺑﻮﻟﺴﺎ ﺋﻮﻗﯘﻏﯘﭼﯩﻼﺭﻧﻰ ﺗﻪﺭﺑﯩﻴﯩﻠﻪﺵ ﺟﻪﮬﻪﺗﺘﯩﻜﻰ ﻛﻮﻧﺎ ﺋﻪﻧﺌﻪﻧﯩﺪﻩ ﺗﯧﺨﯩﭽﻪ ﻗﯩﻠﭽﻪ ﺋﯚﺯﮔﯩﺮﯨﺶ ﺑﻮﻟﻤﯩﺪﻯ. ﮬﻪﺗﺘﺎ ﭼﯧﻜﯩﻨﯩﺶ ﺑﻮﻟﯘﯞﺍﺗﯩﺪﯗ، ﺩﻩﭖ ﺋﯧﻴﺘﯩﺸﻘﯩﻤﯘ ﺑﻮﻟﯩﺪﯗ. ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺗﻪﺳﻪﯞﯞﯗﺭ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﯩﯔ ﺑﻮﻏﯘﻟﯘﺷﻰ ﺋﯘﻻﺭﻧﯩﯔ ﺑﯩﺮ ﭘﯜﺗﯜﻥ ﺋﯩﻨﺴﺎﻥ ﺑﻮﻟﯘﭖ ﭼﻮﯓ ﺑﻮﻟﯘﺷﯩﻐﯩﻤﯘ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ. ﻧﯘﺭﻏﯘﻥ ﺋﺎﺗﺎ-ﺋﺎﻧﯩﻼﺭ ﺑﺎﻟﯩﻠﯩﺮﯨﻨﻰ «ﺑﺎﺷﻘﯩﻼﺭ ﻳﻮﻟﺴﯩﺰﻟﯩﻖ ﻗﯩﻠﺴﯩﻤﯘ ﻳﻮﻝ ﻗﻮﻳﻐﯩﻦ» ﺩﻩﭖ ﺗﻪﺭﺑﯩﻴﯩﻠﯩﻤﻪﻛﺘﻪ. ﺑﯘﻧﯩﯔ «ﺑﺎﺷﻘﯩﻼﺭﻏﺎ ﻗﯘﻝ ﺑﻮﻟﯘﭖ ﭼﻮﯓ ﺑﻮﻟﻐﯩﻦ» ﺩﯦﮕﻪﻧﺪﯨﻦ ﻧﯧﻤﻪ ﭘﻪﺭﻗﻰ ﺑﺎﺭ؟ ﻣﻪﻥ ﺋﯘﻧﻰ ﺑﯩﻠﻪﻟﻤﯩﺪﯨﻢ. ﺋﯩﻨﮕﻠﯩﺰﭼﯩﺪﺍ «ﻣﻪﺩﻩﻧﯩﻴﻪﺕ»ﻛﻪ ﺋﺎﺋﯩﺖ ﺳﯚﺯﻟﻪﺭﺩﯨﻦ ﺋﯩﻜﻜﯩﺴﻰ ﺑﺎﺭ. ﺋﯘﻧﯩﯔ ﺑﯩﺮﻯ «culture» ﺑﻮﻟﯘﭖ، ﺋﯘ «ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ» ﺩﯦﮕﻪﻥ ﺳﯚﺯﺩﯨﻜﻰ «ﻣﻪﺩﻩﻧﯩﻴﻪﺕ» ﻧﯩﯔ ﻣﻪﻧﯩﺴﯩﺪﻩ ﺋﯩﺸﻠﯩﺘﯩﻠﯩﺪﯗ. ﻳﻪﻧﻪ ﺑﯩﺮﻯ «civilized people» ﺩﯨﻜﻰ «civilized» ﺩﯦﮕﻪﻥ ﺳﯚﺯ ﺑﻮﻟﯘﭖ، ﺋﯘﻧﯩﯔ ﻣﻪﻧﯩﺴﻰ «ﻣﻪﺩﻩﻧﯩﻴﻪﺗﻠﯩﻚ ﺧﻪﻟﻖ» (ﺋﻮﻳﻐﺎﺭ ﺧﻪﻟﻖ) ﺗﯩﻜﻰ «ﻣﻪﺩﻩﻧﯩﻴﻪﺗﻠﯩﻚ» (ﺋﻮﻳﻐﺎﺭ) ﺩﯦﮕﻪﻥ ﺳﯚﺯﺩﯗﺭ. ﺑﯘ ﺳﯚﺯ ﺋﺎﺩﻩﺗﺘﻪ «ﻳﺎﯞﺍﻳﻰ ﺋﺎﺩﻩﻣﻠﻪﺭ» ﺩﯦﮕﻪﻧﮕﻪ ﻗﺎﺭﻣﯘ-ﻗﺎﺭﺷﻰ ﻣﻪﻧﺎﻧﻰ ﺑﯩﻠﺪﯛﺭﯛﺵ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯗ. ﺋﻮﻳﻐﺎﺭ ﺧﻪﻟﻖ ﮬﻪﺭﮔﯩﺰﻣﯘ ﺋﯚﺯ ﭘﻪﺭﺯﻩﻧﺘﻠﯩﺮﯨﻨﻰ «ﺑﺎﺷﻘﯩﻼﺭ ﻳﻮﻟﺴﯩﺰﻟﯩﻖ ﻗﯩﻠﺴﯩﻤﯘ ﻳﻮﻝ ﻗﻮﻳﻐﯩﻦ» ﺩﻩﭖ ﺗﻪﺭﺑﯩﻴﯩﻠﯩﻤﻪﺳﻠﯩﻜﻰ ﻛﯧﺮﻩﻙ. ﺋﯘﻧﯩﯔ ﺋﻮﺭﻧﯩﻐﺎ «ﺋﺎﻟﺪﻯ ﺑﯩﻠﻪﻥ ﺑﺎﺷﻘﯩﻼﺭﻏﺎ ﺋﯩﻠﻤﯩﻲ ﺋﺎﺳﺎﺳﺘﺎ ﺋﺎﺩﺍﻟﻪﺗﻠﯩﻚ ﺑﻮﻟﻐﯩﻦ. ﺋﻪﮔﻪﺭ ﺑﺎﺷﻘﯩﻼﺭ ﺳﺎﯕﺎ ﻳﺎﯞﺍﻳﻰ ﺋﺎﺩﻩﻣﻠﻪﺭ ﺋﻮﻳﻐﺎﺭ ﺋﺎﺩﻩﻣﻠﻪﺭﮔﻪ ﻣﯘﺋﺎﻣﯩﻠﻪ ﻗﯩﻠﻐﺎﻧﺪﻩﻙ ﻣﯘﺋﺎﻣﯩﻠﻪ ﻗﯩﻠﺴﺎ، ﺋﯘ ﭼﺎﻏﺪﺍ ﺋﯚﺯﯛﯕﻨﻰ ﺗﺎﺭﺕ، ﮬﻪﻣﺪﻩ ﺋﯘﻻﺭﻧﯩﯔ ﻗﯩﻠﻤﯩﺸﻰ ﺋﯜﺳﺘﯩﺪﻩ ﺋﻮﺑﺪﺍﻥ ﺋﻮﻳﻼﻥ»، ﺩﻩﭖ ﺗﻪﺭﺑﯩﻴﯩﻠﻪﺵ ﻛﯧﺮﻩﻙ. 2. ﺋﯚﺯ ﻛﯚﯕﻠﯩﺪﻩ ﺋﯩﺸﻨﻰ ﺋﯘﻧﯩﯔ ﺋﺎﺧﯩﺮﯨﺴﯩﺪﯨﻦ ﺑﺎﺷﻼﺵ ﺑﯘ ﺟﯜﻣﻠﯩﻨﯩﯔ ﻣﻪﻧﯩﺴﻰ، ﺳﯩﺰ ﺑﯩﺮ ﭘﺮﻭﺟﯧﻜﺘﻨﻰ ﺑﺎﺷﻼﺷﺘﯩﻦ ﺑﯘﺭﯗﻥ، ﺋﺎﻟﺪﻯ ﺑﯩﻠﻪﻥ ﺋﯘ ﭘﺮﻭﺟﯧﻜﺖ ﺗﺎﻣﺎﻣﻼﻧﻐﺎﻧﺪﯨﻜﻰ ﺋﻪﮬﯟﺍﻟﻨﻰ ﺋﯚﺯ ﻛﯚﯕﻠﯩﯖﯩﺰﺩﻩ ﺗﻪﺳﻪﯞﯞﯗﺭ ﻗﯩﻠﯩﭗ ﺑﯧﻘﯩﯔ، ﺩﯦﮕﻪﻧﻠﯩﻜﺘﯘﺭ. ﻛﻮﯞﯦﻲ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ ﮬﻪﻡ ﺑﯩﺮ ﭘﺮﻭﺟﯧﻜﺖ 2 ﻗﯧﺘﯩﻢ ﺑﻪﺭﭘﺎ ﻗﯩﻠﯩﻨﻐﺎﻥ ﺑﻮﻟﯩﺪﯗ. ﺑﯩﺮ ﻗﯧﺘﯩﻢ ﻣﻪﻧﯩﯟﻯ ﺟﻪﮬﻪﺗﺘﯩﻦ، ﻳﻪﻧﻪ ﺑﯩﺮ ﻗﯧﺘﯩﻢ ﺑﻮﻟﺴﺎ ﻣﺎﺩﺩﯨﻲ ﺟﻪﮬﻪﺗﺘﯩﻦ. ﻣﻪﻧﯩﯟﻯ ﺟﻪﮬﻪﺗﺘﯩﻦ ﺩﯦﮕﯩﻨﯩﻤﯩﺰ، ﺳﯩﺰ ﺋﺎﻟﺪﻯ ﺑﯩﻠﻪﻥ ﺋﺎﺷﯘ ﭘﺮﻭﺟﯧﻜﺖ ﺗﻮﻏﺮﯨﺴﯩﺪﺍ ﺑﯩﺮ ﺋﯩﺪﯨﻴﻪ ﺋﻮﻳﻼﭖ ﭼﯩﻘﯩﺴﯩﺰ ﮬﻪﻣﺪﻩ ﺋﯘ ﭘﺮﻭﺟﯧﻜﺘﻨﯩﯔ ﻗﺎﻧﺪﺍﻕ ﺋﯩﺸﻠﻪﻳﺪﯨﻐﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﺴﯩﺰ. ﺋﺎﻧﺪﯨﻦ ﺳﯩﺰ ﺋﯘﻧﻰ ﻣﺎﺩﺩﯨﻲ ﺟﻪﮬﻪﺗﺘﯩﻦ ﺋﯩﺸﻠﻪﭖ ﭘﯜﺗﺘﯜﺭﯛﭖ، ﺋﯚﺯﯨﯖﯩﺰ ﺋﻮﻳﻠﯩﻐﺎﻥ ﻧﻪﺭﺳﯩﻨﻰ ﻳﺎﺳﺎﭖ ﭼﯩﻘﯩﺴﯩﺰ. ﺋﺎﺩﻩﺗﺘﻪ ﻛﯩﺸﯩﻠﻪﺭ ﺑﯩﺮ ﭘﺮﻭﺟﯧﻜﺘﻨﻰ ﺋﯚﺯ ﻛﯚﯕﻠﯩﺪﻩ ﺑﺎﺷﻼﭖ، ﻳﺎﺳﺎﭖ ﭼﯩﻘﻤﺎﻗﭽﻰ ﺑﻮﻟﻐﺎﻥ ﻧﻪﺭﺳﯩﺴﻰ ﺗﻮﻏﺮﯨﺴﯩﺪﺍ ﺑﯩﺮ ﻣﯘﻛﻪﻣﻤﻪﻝ ﻻﻳﯩﮭﯩﮕﻪ ﺋﯧﺮﯨﺸﻜﻪﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﺋﯘﻧﻰ ﻣﺎﺩﺩﯨﻲ ﺟﻪﮬﻪﺗﺘﯩﻦ ﻳﺎﺳﺎﺷﻨﻰ ﺑﺎﺷﻼﻳﺪﯗ. ﻣﻪﻥ ﺑﯘﻧﯩﯖﻐﺎ ﺑﯩﺮ ﻣﯩﺴﺎﻝ ﻛﯚﺭﺳﯩﺘﻪﻱ. ﻣﻪﻥ ﮬﻪﺭ ﻗﯧﺘﯩﻢ ﻣﯘﺷﯘﻧﺪﺍﻕ ﻳﺎﺯﻣﯩﺪﯨﻦ ﺑﯩﺮﻧﻰ ﺗﻪﻳﻴﺎﺭﻟﯩﻐﺎﻧﺪﺍ، ﺋﺎﻟﺪﻯ ﺑﯩﻠﻪﻥ ﺋﯘﻧﻰ ﻗﺎﻧﺪﺍﻕ ﺑﺎﺷﻼﺷﻨﻰ، ﺋﯘﻧﯩﯔ ﻗﺎﻳﺴﻰ ﻣﻪﺯﻣﯘﻧﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻐﺎﻧﻠﯩﻘﯩﻨﻰ، ﺋﯘ ﻣﻪﺯﻣﯘﻧﻼﺭﻧﯩﯔ ﻗﺎﻧﭽﻪ ﻗﯩﺴﯩﻤﻐﺎ ﺑﯚﻟﯜﻧﯩﺪﯨﻐﺎﻧﻠﯩﻘﯩﻨﻰ، ﮬﻪﻣﺪﻩ ﺋﯘﻧﯩﯔ ﻗﺎﻧﺪﺍﻕ ﺋﺎﺧﯩﺮﻟﯩﺸﯩﺪﯨﻐﺎﻧﻠﯩﻘﯩﻨﻰ ﺗﻪﭘﺴﯩﻠﯩﻲ ﺋﻮﻳﻼﻳﻤﻪﻥ. ﺋﺎﻧﺪﯨﻦ ﻛﻮﻣﭙﻴﯘﺗﯧﺮﻧﯩﯔ ﺋﺎﻟﺪﯨﺪﺍ ﺋﻮﻟﺘﯘﺭﯗﭖ ﺋﯘﻧﻰ ﻳﯧﺰﯨﺸﻘﺎ ﺑﺎﺷﻼﻳﻤﻪﻥ. ﻣﯧﻨﯩﯔ ﺋﯘﻧﺪﺍﻕ ﺑﯩﺮ ﻳﺎﺯﻣﯩﻨﻰ ﺑﯩﺮ ﺋﻮﻟﺘﯘﺭﯗﭘﻼ ﭘﯜﺗﺘﯜﺭﯨﯟﯦﺘﯩﺪﯨﻐﺎﻥ ﯞﺍﻗﺘﯩﻢ ﺑﻮﻟﻤﯩﻐﺎﭼﻘﺎ، ﺋﯘﻧﻰ ﻧﻪﭼﭽﻪ ﮬﻪﭘﺘﻪ، ﺑﻪﺯﯨﺪﻩ ﮬﻪﺗﺘﺎ ﺑﯩﺮ-ﺋﯩﻜﻜﻰ ﺋﺎﻳﺪﺍ ﺋﺎﺭﺍﻥ ﻳﯧﺰﯨﭗ ﺑﻮﻟﯩﻤﻪﻥ. ﻟﯧﻜﯩﻦ، ﺋﯘ ﻣﺎﻗﺎﻟﯩﻨﯩﯔ ﻗﯘﺭﯗﻟﻤﯩﺴﯩﻨﻰ ﻛﺎﻟﻼﻣﺪﺍ ﺗﻪﭘﺴﯩﻠﯩﻲ ﺋﻮﻳﻼﭖ ﻗﻮﻳﻐﺎﻥ ﺑﻮﻟﻐﺎﭼﻘﺎ، ﺋﯘﻧﻰ ﭘﺎﺭﭼﻪ-ﭘﯘﺭﺍﺕ ﯞﺍﻗﯩﺘﻼﺭﺩﺍ ﻳﺎﺯﺳﺎﻣﻤﯘ ﺋﯘﻧﯩﯔ ﺑﺎﻏﻠﯩﻨﯩﺸﯩﻐﺎ ﯞﻩ ﺑﯩﺮ ﭘﯜﺗﯜﻧﻠﯜﻛﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻼﻻﻳﻤﻪﻥ. ﻧﯘﺭﻏﯘﻥ ﻛﯩﺸﯩﻠﻪﺭ ﭘﯩﻼﻧﻠﯩﻐﺎﻥ ﻳﺎﻛﻰ ﻧﯩﺸﺎﻥ ﻗﯩﻠﻐﺎﻥ ﺑﯩﺮ ﺋﯩﺸﻨﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺗﺎﻣﺎﻣﻼﭖ ﺑﻮﻟﺴﯩﻤﯘ، ﺋﻪﯓ ﺋﺎﺧﯩﺮﯨﺪﺍ ﺋﻮﻳﻼﭖ، ﻗﯩﻠﻐﺎﻥ ﺋﯩﺸﯩﻐﺎ ﮬﻪﻗﯩﻘﯩﻲ ﺗﯜﺭﺩﻩ ﺭﺍﺯﻯ ﺑﻮﻟﻤﯩﻐﺎﻧﻠﯩﻘﯩﻨﻰ ﮬﯧﺲ ﻗﯩﻠﯩﺪﯗ. ﺑﯘﻧﯩﯔ ﺳﻪﯞﻩﺑﻰ، ﺋﯘﻻﺭ ﺋﺎﻟﺪﻯ ﺑﯩﻠﻪﻥ ﻛﯚﯕﻠﯩﺪﻩ ﺋﯩﺸﻨﻰ ﺋﺎﺧﯩﺮﯨﺴﯩﺪﯨﻦ ﺑﺎﺷﻠﯩﻤﯩﻐﺎﻥ. ﺑﻪﺯﯨﻠﯩﺮﻯ ﮬﻪﺗﺘﺎ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﯩﻨﻰ ﻗﺎﻳﺴﻰ ﺩﻩﺭﯨﺠﯩﮕﻪ ﺋﺎﭘﺎﺭﺳﺎ ﺋﯘ ﺋﯩﺶ ﺗﺎﻣﺎﻣﻼﻧﻐﺎﻥ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﺎﻟﺪﯨﻦ ﺋﻮﻳﻼﭖ ﻗﻮﻳﻤﯩﻐﺎﻥ. ﺑﻪﺯﯨﺪﻩ «ﺋﯩﺸﻨﯩﯔ ﺋﺎﺧﯩﺮﻯ» ﺩﯦﮕﯩﻨﯩﻤﯩﺰ ﮬﺎﻳﺎﺗﯩﻤﯩﺰﻧﯩﯔ ﻣﻪﻗﺴﯩﺘﯩﻨﻰ ﻛﯚﺭﺳﯩﺘﯩﺪﯗ. ﺋﻪﮔﻪﺭ ﺳﯩﺰ ﺋﯚﺯ ﮬﺎﻳﺎﺗﯩﯖﯩﺰﻧﯩﯔ ﻣﻪﻗﺴﯩﺘﯩﻨﻰ ﺋﺎﻟﺪﯨﻦ ﺋﺎﻻ ﺋﯧﻨﯩﻖ ﺗﺎﻟﻠﯩﻤﯩﺴﯩﯖﯩﺰ، ﺋﯘ ﭼﺎﻏﺪﺍ ﺳﯩﺰ ﮬﺎﻳﺎﺗﯩﯖﯩﺰﻧﻰ ﺋﯚﺯﯨﯖﯩﺰ ﺗﻮﻟﯘﻕ ﺭﺍﺯﻯ ﺑﻮﻟﯩﺪﯨﻐﺎﻥ ﺑﯩﺮ ﻳﯚﻧﯩﻠﯩﺸﻜﻪ ﺑﺎﺷﻼﭖ ﻣﺎﯕﺎﻟﻤﺎﻳﺴﯩﺰ. ﺑﯘ ﺋﺎﺩﻩﺗﻨﻰ ﻳﯧﺘﯩﻠﺪﯛﺭﯛﺵ ﺋﯜﭼﯜﻥ، ﺳﯩﺰ ﭼﻮﻗﯘﻡ ﺋﯚﺯﯨﯖﯩﺰﮔﻪ ﺑﯩﺮ ﻏﺎﻳﻪ ﺗﯩﻜﻠﯩﺸﯩﯖﯩﺰ، ﺋﯘ ﻏﺎﻳﯩﻨﻰ ﺗﯩﻜﻠﻪﺷﺘﯩﻜﻰ ﻣﻪﻗﺴﻪﺗﻜﻪ ﺭﻭﺷﻪﻥ ﺋﯧﻨﯩﻘﻠﯩﻤﺎ ﺑﯧﺮﯨﺸﯩﯖﯩﺰ، ﮬﻪﻣﺪﻩ ﺳﯩﺰﻧﻰ ﻳﯘﻗﯩﺮﯨﻘﻰ ﻏﺎﻳﯩﮕﻪ ﻳﯧﺘﯩﺸﻜﻪ ﻗﺎﺭﺍﭖ ﺑﺎﮬﺎﻟﯩﻐﯩﻠﻰ ﺑﻮﻟﯩﺪﯨﻐﺎﻥ ﺗﻪﺭﯨﻘﯩﺪﻩ ﺋﺎﻟﻐﺎ ﺋﯩﻠﮕﯩﺮﯨﻠﯩﺘﯩﺪﯨﻐﺎﻥ ﻛﯩﭽﯩﻚ ﻧﯩﺸﺎﻧﻼﺭﻧﻰ ﺗﯩﻜﻠﯩﺸﯩﯖﯩﺰ ﻛﯧﺮﻩﻙ. ﻧﯘﺭﻏﯘﻥ ﻛﯩﺸﯩﻠﻪﺭ ﻏﺎﻳﻪ ﺑﯩﻠﻪﻥ ﻧﯩﺸﺎﻧﻨﯩﯔ ﭘﻪﺭﻗﯩﻨﻰ ﺋﺎﻧﭽﻪ ﭘﻪﺭﻗﻠﻪﻧﺪﯛﺭﻩﻟﻤﻪﻳﺪﯗ. ﻟﯧﻜﯩﻦ ﺑﯘ ﺋﯩﻜﻜﻰ ﺋﯘﻗﯘﻡ ﺑﯩﺮ-ﺑﯩﺮﻯ ﺑﯩﻠﻪﻥ ﺋﻮﺧﺸﯩﻤﺎﻳﺪﯨﻐﺎﻥ ﺑﻮﻟﯘﭖ، ﻳﯘﻗﯩﺮﯨﻘﻰ ﺑﯩﺮ ﺟﯜﻣﻠﯩﺪﻩ ﺑﯘ ﺋﯩﻜﻜﯩﺴﯩﻨﯩﯔ ﻣﯘﻧﺎﺳﯩﯟﯨﺘﻰ ﺑﯩﺮ ﺋﺎﺯ ﭼﯜﺷﻪﻧﺪﯛﺭﯛﻟﮕﻪﻥ. ﺑﯩﺮ ﺋﺎﺩﻩﻡ ﺋﯚﺯ ﮬﺎﻳﺎﺗﯩﻨﻰ ﻣﻪﻧﯩﻠﯩﻚ ﺋﯚﺗﻜﯜﺯﯛﺷﻰ ﺋﯜﭼﯜﻥ، ﭼﻮﻗﯘﻡ ﺋﻪﻣﻪﻟﯩﻴﻪﺗﻜﻪ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ ﻧﯩﺸﺎﻥ ﺗﯩﻜﻠﻪﭖ ﻣﯧﯖﯩﺸﻨﻰ ﺋﯚﺯﯨﮕﻪ ﺋﺎﺩﻩﺕ ﻗﯩﻠﯩﯟﯦﻠﯩﺸﻰ ﻛﯧﺮﻩﻙ. ﺑﯘ ﻣﻪﺳﯩﻠﻪ ﻧﺎﮬﺎﻳﯩﺘﻰ ﻣﯘﮬﯩﻢ ﺑﻮﻟﻐﺎﭼﻘﺎ، ﻣﻪﻥ ﺑﯘ ﻳﯩﻞ ﺋﯩﭽﯩﺪﻩ ﺑﯘ ﺗﯧﻤﺎ ﺗﻮﻏﺮﯨﺴﯩﺪﺍ ﺑﯩﺮ ﻣﻪﺧﺴﯘﺱ ﻳﺎﺯﻣﺎ ﺗﻪﻳﻴﺎﺭﻻﺷﻨﻰ ﺋﻮﻳﻼﯞﺍﺗﯩﻤﻪﻥ. ﺳﯩﺰ ﭘﻪﻗﻪﺕ ﺋﯚﺯﯨﯖﯩﺰ ﺋﯜﭼﯜﻥ ﺑﯩﺮ ﻏﺎﻳﻪ ﺗﯩﻜﻠﯩﮕﻪﻧﺪﯨﻦ ﻛﯧﻴﯩﻨﻼ، ﻛﯧﻴﯩﻨﻜﻰ ﻗﯩﺴﯩﻤﺪﺍ ﺗﻪﺳﯟﯨﺮﻟﯩﻨﯩﺪﯨﻐﺎﻥ 3-ﺋﺎﺩﻩﺗﺘﯩﻦ ﭘﺎﻳﺪﯨﻠﯩﻨﯩﭗ، ﺋﯚﺯ ﺗﯩﺮﯨﺸﭽﺎﻧﻠﯩﻘﯩﯖﯩﺰﻧﻰ ﻛﯚﯕﻠﯩﯖﯩﺰﺩﯨﻜﻰ ﺋﺎﺭﺯﯗﻏﺎ ﻳﯧﺘﯩﺸﻜﻪ ﻗﺎﺭﺍﭖ ﺗﻮﻏﺮﯨﻴﺎﻻﻳﺴﯩﺰ. 3. ﻣﯘﮬﯩﻢ ﺋﯩﺸﻨﻰ ﺋﺎﻟﺪﯨﺪﺍ ﻗﯩﻠﯩﺶ ﻣﯘﮬﯩﻢ ﺋﯩﺸﻨﻰ ﺋﺎﻟﺪﯨﺪﺍ ﻗﯩﻼﻟﯩﺸﯩﯖﯩﺰ ﺋﯜﭼﯜﻥ، ﺳﯩﺰ ﺋﺎﻟﺪﻯ ﺑﯩﻠﻪﻥ ﺗﻪﺷﻪﺑﺒﯘﺳﻜﺎﺭ ﺑﻮﻟﯘﺷﯩﯖﯩﺰ (ﻳﻪﻧﻰ 1-ﺋﺎﺩﻩﺗﺘﻪ ﭼﯜﺷﻪﻧﺪﯛﺭﯛﻟﮕﻪﻥ 1-ﺧﯩﻠﺪﯨﻜﻰ ﺋﺎﺩﻩﻡ ﺑﻮﻟﯘﺷﯩﯖﯩﺰ)، ﺋﺎﻧﺪﯨﻦ ﺋﯚﺯﯨﯖﯩﺰ ﺑﺎﺷﻠﯩﻤﺎﻗﭽﻰ ﺑﻮﻟﻐﺎﻥ ﭘﺮﻭﺟﯧﻜﺘﻨﻰ ﻣﻪﻧﯩﯟﻯ ﺟﻪﮬﻪﺗﺘﯩﻦ ﺑﻪﺭﭘﺎ ﻗﯩﻠﯩﭗ ﭼﯩﻘﯩﺸﯩﯖﯩﺰ ﻛﯧﺮﻩﻙ. ﻣﯘﮬﯩﻢ ﺋﯩﺸﻨﻰ ﺋﺎﻟﺪﯨﺪﺍ ﺑﺎﺷﻼﺷﻨﯩﯔ ﺑﯩﺮ ﺋﯘﺳﯘﻟﻰ، ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﻠﯩﺮﯨﯖﯩﺰ ﺗﻮﻏﺮﯨﺴﯩﺪﺍ ﻣﯘﻧﺪﺍﻕ ﺑﯩﺮ 4 ﻛﯘﺋﺎﺩﺭﺍﺗﻠﯩﻖ ﻣﺎﺗﺮﯨﺴﺎﻧﻰ ﺗﯜﺯﯛﭖ ﭼﯩﻘﯩﺶ: 1-ﻛﯘﺋﺎﺩﺭﺍﺕ: ﻣﯘﮬﯩﻢ ﯞﻩ ﺟﯩﺪﺩﯨﻲ ﺋﯩﺸﻼﺭ 2-ﻛﯘﺋﺎﺩﺭﺍﺕ: ﻣﯘﮬﯩﻢ ﺋﻪﻣﻤﺎ ﺟﯩﺪﺩﯨﻲ ﺋﻪﻣﻪﺱ ﺋﯩﺸﻼﺭ 3-ﻛﯘﺋﺎﺩﺭﺍﺕ: ﻣﯘﮬﯩﻢ ﺋﻪﻣﻪﺱ، ﻟﯧﻜﯩﻦ ﺟﯩﺪﺩﯨﻲ ﺋﯩﺸﻼﺭ 4-ﻛﯘﺋﺎﺩﺭﺍﺕ: ﻣﯘﮬﯩﻢ ﺋﻪﻣﻪﺱ ﮬﻪﻣﺪﻩ ﺟﯩﺪﺩﯨﻲ ﺋﻪﻣﻪﺱ ﺋﯩﺸﻼﺭ ﺧﯩﺰﻣﻪﺕ ﯞﻩ ﺗﯘﺭﻣﯘﺷﺘﺎ ﺳﯩﺰ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻼﺭ ﻧﺎﮬﺎﻳﯩﺘﻰ ﻛﯚﭖ ﺑﻮﻟﯩﺪﯗ. ﺑﻪﺯﯨﺪﻩ ﺋﻮﺧﺸﺎﺵ ﺑﯩﺮ ﯞﺍﻗﯩﺘﺘﺎ ﻗﯩﻠﯩﭗ ﭘﯜﺗﺘﯜﺭﻣﯩﺴﻪ ﺑﻮﻟﻤﺎﻳﺪﯨﻐﺎﻥ ﺋﯩﺸﻼﺭﺩﯨﻨﻤﯘ ﺑﯩﺮ ﻗﺎﻧﭽﯩﺴﻰ ﺑﻮﻟﯩﺪﯗ. ﻳﯘﻗﯩﺮﯨﻘﻰ ﻣﺎﺗﺮﯨﺴﺎﺩﯨﻦ ﭘﺎﻳﺪﯨﻠﯩﻨﯩﭗ، ﺳﯩﺰ ﻗﺎﻳﺴﻰ ﺋﯩﺸﻨﻰ ﺋﺎﻟﺪﯨﺪﺍ ﺑﺎﺷﻼﺵ ﻛﯧﺮﻩﻛﻠﯩﻜﻰ ﺗﻮﻏﺮﯨﺴﯩﺪﺍ ﺗﻮﻏﺮﺍ ﻗﺎﺭﺍﺭ ﭼﯩﻘﯩﺮﺍﻻﻳﺴﯩﺰ. ﻧﯘﺭﻏﯘﻥ ﻛﯩﺸﯩﻠﻪﺭ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﻠﯩﺮﯨﻨﯩﯔ ﮬﻪﻣﻤﯩﺴﯩﻨﻰ ﺑﯩﺮ ﻛﯘﺋﺎﺩﺭﺍﺗﻘﺎ ﻛﯩﺮﮔﯜﺯﯛﭖ ﻗﻮﻳﯩﺪﯗ. ﺋﻪﮔﻪﺭ ﺳﯩﺰ ﮬﻪﻣﻤﻪ ﺋﯩﺸﻼﺭﻧﻰ 1-ﻛﯘﺋﺎﺩﺭﺍﺗﻘﺎ ﻛﯩﺮﮔﯜﺯﯛﭖ ﻗﻮﻳﺴﯩﯖﯩﺰ، ﺳﯩﺰ ﭼﻮﯕﻘﯘﺭ ﺑﯧﺴﯩﻢ ﮬﯧﺲ ﻗﯩﻠﯩﭗ، ﻗﺎﺗﺘﯩﻖ ﭼﺎﺭﭼﺎﭖ ﻛﯧﺘﯩﺴﯩﺰ. ﺑﯘﻧﺪﺍﻕ ﻛﯩﺸﯩﻠﻪﺭ ﻳﯘﻗﯩﺮﯨﺪﯨﻜﻰ 1-ﺋﺎﺩﻩﺗﺘﻪ ﭼﯜﺷﻪﻧﺪﯛﺭﯛﻟﮕﻪﻥ «ﺭﯦﺌﺎﻛﺴﯩﻴﯩﻠﯩﻚ ﻛﯩﺸﯩﻠﻪﺭ» ﺑﻮﻟﯘﭖ، «ﺗﻪﺷﻪﺑﺒﯘﺳﻜﺎﺭ ﻛﯩﺸﯩﻠﻪﺭ» ﺋﻪﻣﻪﺱ. ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﯩﺸﻠﯩﺮﯨﻨﯩﯔ ﮬﻪﻣﻤﯩﺴﯩﻨﻰ 3- ﻳﺎﻛﻰ 4-ﻛﯘﺋﺎﺩﺭﺍﺗﻘﺎ ﻛﯩﺮﮔﯜﺯﯛﭖ ﻗﻮﻳﯩﺪﯨﻐﺎﻥ ﻛﯩﺸﯩﻠﻪﺭ ﺩﯦﮕﻪﻧﺪﻩﻙ ﻣﻪﺳﺌﯘﻟﯩﻴﻪﺗﭽﺎﻥ ﺑﻮﻻﻟﻤﺎﻳﺪﯗ. ﺋﺎﺩﻩﺗﺘﻪ ﮬﻪﻡ ﻣﯘﮬﯩﻢ ﺋﻪﻣﻪﺱ ﮬﻪﻡ ﺟﯩﺪﺩﯨﻲ ﺋﻪﻣﻪﺱ ﺋﯩﺸﻼﺭ ﺋﺎﻧﭽﻪ ﻣﻪﯞﺟﯘﺩ ﺋﻪﻣﻪﺱ. ﺳﯩﺰ ﺋﯚﺯ ﯞﺍﻗﺘﯩﯖﯩﺰﻧﯩﯔ ﻛﯚﭖ ﻗﯩﺴﻤﯩﻨﻰ ﺳﻪﺭﭖ ﻗﯩﻠﯩﺸﻘﺎ ﺗﯧﮕﯩﺸﻠﯩﻜﻰ 2-ﻛﯘﺋﺎﺩﺭﺍﺗﺘﯘﺭ. ﺑﯘ ﻛﯘﺋﺎﺩﺭﺍﺗﻘﺎ ﻛﯚﭖ ﯞﺍﻗﯩﺖ ﺳﻪﺭﭖ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭ ﺑﯩﺮ ﭘﺮﻭﺟﯧﻜﺘﻨﻰ ﺑﻪﺭﭘﺎ ﻗﯩﻠﯩﺸﺘﯩﻦ ﺑﯘﺭﯗﻥ ﺋﯘﻧﻰ ﯞﺍﻗﯩﺖ ﭼﯩﻘﯩﺮﯨﭗ ﻳﺎﺧﺸﻰ ﺗﻪﺳﻪﯞﯞﯗﺭ ﻗﯩﻠﯩﺪﯗ. ﺷﯘﯕﺎ 2-ﻛﯘﺋﺎﺩﺭﺍﺕ ﮬﻪﺭ ﺑﯩﺮ ﺋﺎﺩﻩﻡ ﺋﯜﭼﯜﻥ ﯞﺍﻗﯩﺖ ﺳﻪﺭﭖ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﻪﯓ ﻳﺎﺧﺸﻰ ﻛﯘﺋﺎﺩﺭﺍﺕ ﺑﻮﻟﯘﭖ، ﺋﯩﺸﻨﻰ ﻧﺎﮬﺎﻳﯩﺘﻰ ﺋﯜﻧﯜﻣﻠﯜﻙ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭ ﺋﺎﺷﯘ ﻛﯘﺋﺎﺩﺭﺍﺗﻨﻰ ﮬﻪﻣﻤﯩﺪﯨﻦ ﻛﯚﭖ ﺋﯩﺸﻠﯩﺘﯩﺪﯗ. ﻛﻮﯞﯦﻲ ﺋﻪﭘﻪﻧﺪﻯ ﻣﯘﺷﯘ ﻗﯩﺴﯩﻤﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ 3-ﺋﺎﺩﻩﺕ: «ﻣﯘﮬﯩﻢ ﺋﯩﺸﻨﻰ ﺋﺎﻟﺪﯨﺪﺍ ﻗﯩﻠﯩﺶ» (ﺋﯩﻨﮕﻠﯩﺰﭼﻪ « Put first things first ») ﺩﯦﮕﺎﻥ ﺗﯧﻤﯩﺪﺍ ﺑﯩﺮ ﻣﻪﺧﺴﯘﺱ ﻛﯩﺘﺎﺏ ﻳﺎﺯﻏﺎﻥ ﺑﻮﻟﯘﭖ، ﺑﯘ ﻛﯩﺘﺎﺏ ﮬﻪﻣﺪﻩ ﺋﯘ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻧﻪﺯﻩﺭﯨﻴﻪ ﮬﺎﺯﯨﺮ ﺋﺎﻣﯧﺮﯨﻜﯩﺪﯨﻜﻰ ﻧﯘﺭﻏﯘﻧﻠﯩﻐﺎﻥ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺷﯩﺮﻛﻪﺗﻠﻪﺭﻧﯩﯔ ﯞﺍﻗﯩﺘﻨﻰ ﻣﯘﯞﺍﭘﯩﻖ ﺑﺎﺷﻘﯘﺭﯗﺷﺘﯩﻜﻰ ﻗﻮﻟﻼﻧﻤﯩﺴﻰ ﺑﻮﻟﯘﭖ ﻗﺎﻟﻐﺎﻥ. ﺷﯘﯕﺎ ﻣﻪﻥ ﺑﯘ ﻣﻪﺯﻣﯘﻥ ﺗﻮﻏﺮﯨﺴﯩﺪﺍ ﻳﻪﻧﻪ ﺑﯩﺮ ﻣﻪﺧﺴﯘﺱ ﻳﺎﺯﻣﺎ ﺗﻪﻳﻴﺎﺭﻻﻳﺪﯨﻐﺎﻥ ﺑﻮﻟﯘﭖ، ﺋﻮﻗﯘﺭﻣﻪﻧﻠﻪﺭ ﺑﯘ 3-ﺋﺎﺩﻩﺕ ﺗﻮﻏﺮﯨﺴﯩﺪﯨﻜﻰ ﺗﯧﺨﯩﻤﯘ ﺗﻪﭘﺴﯩﻠﯩﻲ ﺋﯘﭼﯘﺭﻧﻰ ﺋﺎﺷﯘ ﻳﺎﺯﻣﺎﻣﺪﯨﻦ ﻛﯚﺭﯛﯞﯦﻠﯩﺸﯩﻨﻰ ﺳﻮﺭﺍﻳﻤﻪﻥ. 4. ﮬﻪﺭ ﺋﯩﻜﻜﻰ ﺗﻪﺭﻩﭖ ﺗﻪﯓ ﺋﯘﺗﯘﺷﻨﻰ ﻛﯚﺯﻟﻪﺵ ﺑﯘ ﺋﺎﺩﻩﺗﻨﻰ ﻛﻮﯞﯦﻲ ﺋﻪﭘﻪﻧﺪﻯ ﺋﯩﻨﮕﻠﯩﺰﭼﻪ «Think win win» ﺩﻩﭖ ﺋﺎﺗﯩﻐﺎﻥ ﺑﻮﻟﯘﭖ، ﺋﯘ ﻛﯚﯕﯜﻟﺪﯨﻜﻰ ﭘﻮﺯﯨﺘﺴﯩﻴﯩﮕﻪ ﻗﺎﺭﯨﺘﯩﻠﻐﺎﻥ. ﺋﯘ ﺯﯨﺪﺩﯨﻴﻪﺗﻠﯩﻚ ﺋﯩﻜﻜﻰ ﺋﺎﺩﻩﻡ ﺑﯩﺮ ﻣﻪﺳﯩﻠﯩﻨﻰ ﮬﻪﻝ ﻗﯩﻠﯩﺸﻘﺎ ﺩﯗﭺ ﻛﻪﻟﮕﻪﻧﺪﻩ، ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﺋﺎﺩﻩﻡ ﺗﯘﺗﯩﺪﯨﻐﺎﻥ ﺑﯩﺮ ﭘﻮﺯﯨﺘﺴﯩﻴﯩﮕﻪ ﻗﺎﺭﯨﺘﯩﻠﻐﺎﻥ. ﻳﻪﻧﻰ ﺋﯩﺶ ﺋﯜﻧﯜﻣﻰ ﻳﯘﻗﯩﺮﻯ ﺋﺎﺩﻩﻡ ﮬﻪﺭ ﺩﺍﺋﯩﻢ ﺯﯨﺪﺩﯨﻴﻪﺗﻠﯩﻚ ﮬﻪﺭ ﺋﯩﻜﻜﻰ ﺗﻪﺭﻩﭘﻜﻪ ﮬﻪﻗﯩﻘﯩﻲ ﺗﯜﺭﺩﻩ ﭘﺎﻳﺪﺍ ﺋﯧﻠﯩﭗ ﻛﯧﻠﯩﺪﯨﻐﺎﻥ ﭼﺎﺭﯨﻨﻰ ﺗﯧﭙﯩﺸﻘﺎ ﺗﯩﺮﯨﺸﯩﺪﯗ. ﺑﯘﻧﺪﺍﻕ ﭼﺎﺭﻩ ﺋﯚﺯﻟﯜﻛﯩﺪﯨﻦ ﻣﻪﯞﺟﯘﺩ ﺑﻮﻟﻤﺎﻳﺪﯗ. ﺋﯘﻧﻰ ﺑﯩﺮ ﻛﯩﻢ ﯞﯗﺟﯘﺩﻗﺎ ﻛﻪﻟﺘﯜﺭﯛﺷﻰ ﻛﯧﺮﻩﻙ. ﻣﻪﻟﯘﻡ ﺑﯩﺮ ﻣﻪﺳﯩﻠﻪ ﺗﻮﻏﺮﯨﺴﯩﺪﺍ ﺑﯩﺰ ﺑﯩﺮﻩﺭ ﭼﺎﺭﯨﻨﯩﯔ ﺑﺎﺭﻟﯩﻘﯩﻨﻰ ﺗﻮﻧﯘﭖ ﻳﯧﺘﻪﻟﻤﯩﺴﻪﻙ، ﺋﯘ ﮬﻪﺭﮔﯩﺰ ﺋﺎﺷﯘﻧﺪﺍﻕ ﺑﯩﺮ ﭼﺎﺭﯨﻨﯩﯔ ﻣﻪﯞﺟﯘﺩ ﺋﻪﻣﻪﺳﻠﯩﻜﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. «ﮬﻪﺭ ﺋﯩﻜﻜﻰ ﺗﻪﺭﻩﭖ ﺗﻪﯓ ﺋﯘﺗﯘﺵ» ﺋﯩﺪﯨﻴﯩﺴﻰ ﮬﻪﺭﮔﯩﺰ ﻣﯘﺭﻩﺳﺴﻪ ﻗﯩﻠﯩﺸﻨﻰ ﻛﯚﺯﺩﻩ ﺗﯘﺗﻘﺎﻥ ﺋﻪﻣﻪﺱ. ﺳﯩﺰ ﺑﯘ ﺋﺎﺩﻩﺗﻨﻰ ﻗﺎﻧﭽﻪ ﻛﯚﭖ ﻗﻮﻟﻼﻧﺴﯩﯖﯩﺰ، ﮬﻪﺭ ﺋﯩﻜﻜﻰ ﺗﻪﺭﻩﭘﻜﻪ ﮬﻪﻗﯩﻘﯩﻲ ﺗﯜﺭﺩﻩ ﺗﻪﯓ ﭘﺎﻳﺪﺍ ﻳﻪﺗﻜﯜﺯﯨﺪﯨﻐﺎﻥ ﺑﯩﺮ ﭼﺎﺭﯨﻨﻰ ﺗﯧﭙﯩﺸﻘﺎ ﺷﯘﻧﭽﻪ ﺑﻪﻛﺮﻩﻙ ﺋﯩﻨﺘﯩﻠﯩﺪﯨﻐﺎﻥ ﺑﻮﻟﯩﺴﯩﺰ. ﺷﯘ ﺋﺎﺭﻗﯩﻠﯩﻖ ﺋﻪﺳﻠﯩﺪﻩ ﮬﻪﻝ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺳﺘﻪﻙ ﻛﯚﺭﯛﻧﮕﻪﻥ ﺋﯩﺸﻼﺭﻧﯩﻤﯘ ﺋﻮﯕﯘﺷﻠﯘﻕ ﮬﻪﻝ ﻗﯩﻠﯩﯟﯦﺘﻪﻟﻪﻳﺴﯩﺰ. ﺑﯘ ﺧﯩﻞ ﭘﻮﺯﯨﺘﺴﯩﻴﯩﻨﯩﯔ ﺋﯜﻧﯜﻡ ﺑﯧﺮﯨﺸﯩﺪﯨﻜﻰ ﺳﻪﯞﻩﺏ، ﺋﯘ ﮬﻪﺭﮔﯩﺰ ﻗﺎﺭﺷﻰ ﺗﻪﺭﻩﭘﺘﯩﻦ ﻣﯘﺭﻩﺳﺴﻪ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﻤﺎﻳﺪﯗ. ﺋﯘﻧﯩﯔ ﺋﻪﻛﺴﯩﭽﻪ، ﺋﯘ ﮬﻪﺭ ﺑﯩﺮ ﺗﻪﺭﻩﭘﺘﯩﻦ ﺋﯚﺯﯨﻨﯩﯔ ﺋﻮﻳﻠﯩﻐﯩﻨﻰ ﺑﯘ ﻣﻪﺳﯩﻠﯩﻨﻰ ﮬﻪﻝ ﻗﯩﻠﯩﺸﻨﯩﯔ ﺑﯩﺮﺩﯨﻨﺒﯩﺮ ﺋﯘﺳﯘﻟﻰ ﺋﻪﻣﻪﺳﻠﯩﻜﯩﻨﻰ، ﺷﯘﯕﺎ ﻳﺎﺧﺸﯩﺮﺍﻕ ﭼﺎﺭﯨﻨﻰ ﺗﯧﭙﯩﭗ ﭼﯩﻘﯩﺶ ﺋﯩﻜﻜﻰ ﺗﻪﺭﻩﭘﻨﯩﯔ ﺋﻮﺭﺗﺎﻕ ﻧﯩﺸﺎﻧﻰ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﺗﻮﻧﯘﭖ ﻳﯧﺘﯩﺸﻜﻪ ﺋﯜﻧﺪﻩﻳﺪﯗ. ﭘﻪﻗﻪﺕ ﺋﯚﺯ-ﺋﺎﺭﺍ ﮬﻪﻣﻜﺎﺭﻻﺷﻘﺎﻧﺪﯨﻼ ﮬﻪﻣﺪﻩ ﻣﻪﺳﯩﻠﯩﻨﻰ ﮬﻪﻝ ﻗﯩﻠﯩﺸﻘﺎ ﮬﻪﻗﯩﻘﯩﻲ ﺗﯜﺭﺩﻩ ﺋﯩﺮﺍﺩﻩ ﺑﺎﻏﻠﯩﻐﺎﻧﺪﯨﻼ ﮬﻪﺭ ﺋﯩﻜﻜﻰ ﺗﻪﺭﻩﭖ ﺗﻪﯓ ﭘﺎﻳﺪﺍ ﻛﯚﺭﯨﺪﯗ. 5. ﺋﺎﻟﺪﻯ ﺑﯩﻠﻪﻥ ﺑﺎﺷﻘﯩﻼﺭﻧﻰ ﭼﯜﺷﯩﻨﯩﺸﻨﻰ، ﺋﺎﻧﺪﯨﻦ ﺑﺎﺷﻘﯩﻼﺭﻧﯩﯔ ﺋﯚﺯﯨﻨﻰ ﭼﯜﺷﯩﻨﯩﺸﯩﻨﻰ ﺋﻮﻳﻼﺵ ﺑﯘ ﺋﺎﺩﻩﺗﻨﻰ ﻛﻮﯞﯦﻲ ﺋﻪﭘﻪﻧﺪﻯ ﺋﯩﻨﮕﻠﯩﺰﭼﻪ « Think first to understand, then to be understood» ﺩﻩﭖ ﺋﺎﺗﯩﻐﺎﻥ ﺑﻮﻟﯘﭖ، ﺑﯘ ﺋﺎﺩﻩﺗﻨﯩﯔ ﮬﺎﻟﻘﯩﻠﯩﻖ ﺗﻪﺭﯨﭙﻰ ﺋﯚﺯﺋﺎﺭﺍ ﻳﺎﺧﺸﻰ ﺋﺎﻻﻗﯩﻠﯩﺸﯩﺸﺘﯘﺭ. ﻧﯘﺭﻏﯘﻥ ﻛﯩﺸﯩﻠﻪﺭ ﻣﯘﺯﺍﻛﯩﺮﻩ، ﻳﯩﻐﯩﻦ ﯞﻩ ﺳﯚﺯﻟﯩﺸﯩﺶ ﺟﻪﺭﻳﺎﻧﯩﺪﺍ ﺩﺍﯞﺍﻣﻠﯩﻖ ﺑﺎﺷﻘﯩﻼﺭﻧﯩﯔ ﺋﯚﺯﯨﻨﻰ ﭼﯜﺷﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﯩﺪﯗ. ﮬﻪﺭ ﺋﯩﻜﻜﻰ ﺗﻪﺭﻩﭖ ﻗﺎﺭﺷﻰ ﺗﻪﺭﻩﭘﻨﯩﯔ ﺋﯚﺯﯨﻨﻰ ﭼﯜﺷﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﯩﭗ ﺗﯘﺭﯗﯞﺍﻟﻐﺎﭼﻘﺎ، ﮬﯧﭻ ﻛﯩﻢ ﮬﯧﭽﻜﯩﻤﻨﯩﯔ ﮔﯧﭙﯩﻨﻰ ﺋﺎﯕﻠﯩﻤﺎﻳﺪﯗ. ﻛﻮﯞﯦﻲ ﺋﻪﭘﻪﻧﺪﻯ ﺑﯘ ﺧﯩﻞ ﺋﻪﮬﯟﺍﻟﻨﻰ «ﮔﺎﺳﻼﺭﻧﯩﯔ ﻣﯘﻧﺎﺯﯨﺮﯨﻠﯩﺸﯩﺸﻰ» ﺩﻩﭖ ﺋﺎﺗﯩﻐﺎﻥ. «ﺋﺎﻟﺪﻯ ﺑﯩﻠﻪﻥ ﺑﺎﺷﻘﯩﻼﺭﻧﻰ ﭼﯜﺷﯩﻨﯩﺶ» ﺋﺎﺩﯨﺘﻰ ﺳﯩﺰﺩﯨﻦ «ﺑﺎﺷﻘﯩﻼﺭﻧﯩﯔ ﺋﺎﻟﺪﯨﺪﺍ ﺳﯚﺯ ﻗﯩﻠﯩﺸﯩﻐﺎ ﻳﻮﻝ ﻗﻮﻳﯘﯓ» ﺩﯦﮕﻪﻧﻨﻰ ﺗﻪﻟﻪﭖ ﻗﯩﻠﻤﺎﻳﺪﯗ. ﺋﯘ ﺳﯩﺰﺩﯨﻦ ﻗﺎﺗﺘﯩﻖ ﺗﯩﺮﯨﺸﯩﭗ، ﺑﺎﺷﻘﯩﻼﺭ ﻧﯧﻤﻪ ﺩﯦﻤﻪﻛﭽﻰ ﺋﯩﻜﻪﻧﻠﯩﻜﯩﻨﻰ ﺗﻮﻟﯘﻕ ﭼﯜﺷﯩﻨﯩﺸﯩﯖﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ. ﺋﺎﺩﻩﻣﻠﻪﺭﻧﯩﯔ ﺗﻪﺑﯩﺌﯩﻲ ﺧﯘﺳﯘﺳﯩﻴﯩﺘﻰ ﺑﺎﺷﻘﯩﻼﺭﻧﻰ ﺧﺎﺗﺎ ﭼﯜﺷﯩﻨﯩﺶ. ﺷﯘﯕﺎ ﻛﯩﺸﯩﻠﻪﺭ ﺑﺎﺷﻘﯩﻼﺭ ﺑﯩﻠﻪﻥ ﺳﯚﺯﻟﻪﺷﻜﻪﻧﺪﻩ، ﺑﺎﺷﻘﯩﻼﺭﻧﯩﯔ ﻧﯧﻤﻪ ﺩﯦﻤﻪﻛﭽﻰ ﺋﯩﻜﻪﻧﻠﯩﻜﯩﻨﻰ ﭼﯜﺷﯩﻨﯩﺸﺘﻪ ﺩﺍﯞﺍﻣﻠﯩﻖ ﺧﺎﺗﺎﻟﯩﺸﯩﺪﯗ. ﺑﺎﺷﻘﯩﻼﺭ ﺩﯦﮕﻪﻥ ﮔﻪﭘﻜﻪ ﺋﯚﺯﯨﻨﯩﯔ ﺳﻪﺭﮔﯜﺯﻩﺷﺘﻰ ﯞﻩ ﺗﯘﺭﻣﯘﺵ ﭼﯜﺷﻪﻧﭽﯩﺴﻰ ﺋﺎﺳﺎﺳﯩﺪﺍ ﻣﻪﻧﻪ ﺑﯧﺮﯨﺪﯗ. ﮬﻪﻣﺪﻩ ﻛﯚﭘﯩﻨﭽﻪ ﯞﺍﻗﯩﺘﻼﺭﺩﺍ ﺋﯘﻻﺭﻏﺎ ﺧﺎﺗﺎ ﻣﻪﻧﻪ ﺑﯧﺮﯨﺪﯗ. ﺷﯘﯕﻼﺷﻘﺎ، ﺋﻪﮔﻪﺭ ﺳﯩﺰ ﻗﺎﺭﺷﻰ ﺗﻪﺭﻩﭘﻨﯩﯔ ﺋﻮﺭﻧﯩﻨﻰ ﻣﯘﻛﻪﻣﻤﻪﻝ ﭼﯜﺷﯩﻨﯩﺸﻜﻪ ﺗﻪﻳﻴﺎﺭ ﺗﯘﺭﺳﯩﯖﯩﺰ، ﮬﻪﻣﺪﻩ ﺳﯚﺯﻟﯩﺸﯩﺶ-ﻣﯘﺯﺍﻛﯩﺮﯨﻨﯩﯔ ﺑﯩﺮﯨﻨﭽﻰ ﻗﯩﺴﻤﯩﺪﺍ ﻳﯧﺘﻪﺭﻟﯩﻚ ﯞﺍﻗﯩﺖ ﯞﻩ ﻛﯜﭺ ﭼﯩﻘﯩﺮﯨﭗ ﻗﺎﺭﺷﻰ ﺗﻪﺭﻩﭘﻨﻰ ﭼﯜﺷﯩﻨﯩﺸﻨﻰ ﺋﯚﺯ ﺋﺎﺩﯨﺘﯩﯖﯩﺰﮔﻪ ﺋﺎﻳﻼﻧﺪﯗﺭﺳﯩﯖﯩﺰ، ﻗﺎﺭﺷﻰ ﺗﻪﺭﻩﭘﻤﯘ ﺳﯩﺰﻧﯩﯔ ﻗﺎﻧﺪﺍﻕ ﺋﺎﺩﻩﻡ ﺋﯩﻜﻪﻧﻠﯩﻜﯩﯖﯩﺰﻧﻰ ﮬﯧﺲ ﻗﯩﻠﯩﭗ، ﺋﯩﻜﻜﯩﯖﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﻛﻪﻳﭙﯩﻴﺎﺕ ﺑﺎﺷﻘﯩﭽﻪ ﻳﺎﺧﺸﯩﻠﯩﻨﯩﺪﯗ. ﻗﺎﺭﺷﻰ ﺗﻪﺭﻩﭘﻤﯘ ﺗﯧﺨﯩﻤﯘ ﺋﯧﭽﯩﻠﯩﭗ، ﺳﯩﺰﻧﯩﯔ ﮔﯧﭙﯩﯖﯩﺰﮔﻪ ﺗﯧﺨﯩﻤﯘ ﻗﯩﺰﯨﻘﯩﺪﯨﻐﺎﻥ ﯞﻩ ﺗﯧﺨﯩﻤﯘ ﻛﯩﺮﯨﺪﯨﻐﺎﻥ ﺑﻮﻟﯩﺪﯗ. ﺷﯘﻧﯩﯔ ﺑﯩﻠﻪﻥ ﻣﯘﺯﺍﻛﯩﺮﯨﺪﯨﻦ ﺑﺎﺷﻘﯩﭽﻪ ﻳﺎﺧﺸﻰ ﻧﻪﺗﯩﺠﻪ ﭼﯩﻘﯩﺪﯗ. ﺋﻪﮔﻪﺭ ﺳﯩﺰ ﺑﯩﺮ ﺑﺎﺷﻠﯩﻖ ﺑﻮﻟﺴﯩﯖﯩﺰ، ﺑﺎﺷﻘﯩﻼﺭﻧﯩﯔ ﺳﯚﺯﯨﻨﻰ ﺋﺎﯕﻼﺵ ﯞﻩ ﺋﯘﻧﻰ ﺗﻮﻟﯘﻕ ﭼﯜﺷﯩﻨﯩﺶ ﺳﯩﺰ ﺋﻪﯓ ﻛﯚﭖ ﺋﯩﺸﻠﯩﺘﯩﺪﯨﻐﺎﻥ ﻗﻮﺭﺍﻝ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ. ﺳﯩﺰﮔﻪ ﺋﯩﺸﻠﻪﻳﺪﯨﻐﺎﻥ ﻛﯩﺸﯩﻠﻪﺭ ﺳﯩﺰﺩﯨﻦ ﺋﯚﺯﻟﯩﺮﯨﻨﯩﯔ ﮬﺎﻝ ﺋﻪﮬﯟﺍﻟﯩﻐﺎ ﺋﻮﺑﺪﺍﻥ ﻳﯧﺘﯩﺸﯩﯖﯩﺰﻧﻰ ﮬﻪﻣﺪﻩ ﺋﯘﻻﺭﻏﺎ ﮬﯧﺴﺪﺍﺷﻠﯩﻖ ﻗﯩﻠﯩﺸﯩﯖﯩﺰﻧﻰ ﺋﯜﻣﯩﺪ ﻗﯩﻠﯩﺪﯗ. ﺑﯘ ﺋﺎﺩﻩﺕ ﺳﯩﺰﻧﯩﯔ ﺑﺎﺷﻘﯩﻼﺭ ﺑﯩﻠﻪﻥ ﺳﺎﻏﻼﻡ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﯩﯖﯩﺰﻏﺎ ﻳﺎﺭﺩﻩﻡ ﻗﯩﻠﯩﺪﯗ. 6. ﻳﺎﺧﺸﻰ ﮬﻪﻣﻜﺎﺭﻟﯩﺸﯩﺶ ﺑﯘ ﺋﺎﺩﻩﺗﻨﯩﯔ ﺋﯩﻨﮕﻠﯩﺰﭼﯩﺴﻰ «Synergize» ﺑﻮﻟﯘﭖ، ﺋﯘﻧﯩﯔ ﻣﻪﻧﯩﺴﻰ «ﺑﺎﺷﻘﯩﻼﺭ ﺑﯩﻠﻪﻥ ﮬﻪﻣﻜﺎﺭﻟﯩﺸﯩﭗ، ﻣﻪﺳﯩﻠﻪ ﮬﻪﻝ ﻗﯩﻠﯩﺶ» ﺩﯦﮕﻪﻧﮕﻪ ﻳﯧﻘﯩﻦ ﻛﯧﻠﯩﺪﯗ. ﺑﯘﻧﯩﯖﻐﺎ ﻳﯧﻘﯩﻦ ﻛﯧﻠﯩﺪﯨﻐﺎﻥ ﻳﻪﻧﻪ ﺑﯩﺮ ﺋﯩﻨﮕﻠﯩﺰﭼﻪ ﺳﯚﺯ «synergy» ﺑﻮﻟﯘﭖ، ﺋﯘﻧﯩﯔ ﻣﻪﻧﯩﺴﻰ «ﭘﯜﺗﯜﻥ ﮔﻪﯞﺩﻩ ﺋﯘﻧﯩﯔ ﺑﯚﻟﻪﻛﻠﯩﺮﯨﻨﯩﯔ ﻳﯩﻐﯩﻨﺪﯨﺴﯩﺪﯨﻦ ﭼﻮﯓ ﺑﻮﻟﯩﺪﯗ» ﺩﯦﮕﻪﻧﺪﯨﻦ، ﻳﺎﻛﻰ ﺑﺎﺷﻘﯩﭽﻪ ﻗﯩﻠﯩﭗ ﺋﯧﻴﺘﺴﺎﻕ، ﭘﯜﺗﻜﻪﻥ ﻧﻪﺭﺳﻪ ﺋﯘﻧﯩﯔ ﭘﺎﺭﭼﯩﻠﯩﺮﯨﺪﯨﻦ ﭼﻮﯓ ﺑﻮﻟﯩﺪﯗ، ﺩﯦﮕﻪﻧﺪﯨﻦ ﺋﯩﺒﺎﺭﻩﺕ. «ﻳﺎﺧﺸﻰ ﮬﻪﻣﻜﺎﺭﻟﯩﺸﯩﺶ» ﺩﯦﮕﻪﻥ ﺋﺎﺩﻩﺕ ﺳﯩﺰﺩﯨﻦ ﺑﺎﺷﻘﯩﻼﺭ ﺑﯩﻠﻪﻥ ﺋﻮﺭﺗﺎﻕ ﺑﺎﺵ ﻗﺎﺗﯘﺭﯗﭖ، ﮬﻪﻣﻤﻪﻳﻠﻪﻧﻨﯩﯔ ﺋﯩﺠﺎﺩﻛﺎﺭﻟﯩﻘﯩﻨﻰ ﺋﯩﺸﻘﺎ ﺳﯧﻠﯩﭗ، ﺑﯩﺮ ﻣﻪﺳﯩﻠﻪ ﺋﯜﺳﺘﯩﺪﻩ ﺳﯩﺰﻣﯘ ﭘﺎﻳﺪﺍ ﻛﯚﺭﯨﺪﯨﻐﺎﻥ، ﺑﺎﺷﻘﯩﻼﺭﻣﯘ ﭘﺎﻳﺪﺍ ﻛﯚﺭﯨﺪﯨﻐﺎﻥ ﺗﻮﻏﺮﺍ ﭼﺎﺭﯨﻨﻰ ﺗﯧﭙﯩﭗ ﭼﯩﻘﯩﺸﻨﻰ ﺗﻪﻟﻪﭖ ﻗﯩﻠﯩﺪﯗ. «ﮬﻪﻣﻜﺎﺭﻟﯩﻖ ﺋﺎﺭﻗﯩﻠﯩﻖ ﺋﯧﺮﯨﺸﻜﻪﻥ ﭼﺎﺭﻩ» ﺗﯧﭙﯩﺶ ﺩﯦﮕﻪﻧﻠﯩﻚ ﺋﯩﻜﻜﻰ ﺗﻪﺭﻩﭖ ﺋﯚﺯ ﺋﺎﻟﺪﯨﻐﺎ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﭼﺎﺭﯨﺪﯨﻦ ﻳﺎﺧﺸﯩﺮﺍﻕ ﭼﺎﺭﯨﻨﻰ ﺗﯧﭙﯩﺶ ﺩﯦﻤﻪﻛﺘﯘﺭ. ﺷﯘﯕﻼﺷﻘﺎ ﺑﯘ ﺋﺎﺩﻩﺗﻨﻰ ﺗﻮﻟﯘﻕ ﺋﯜﻧﯜﻣﮕﻪ ﺋﯧﺮﯨﺸﺘﯜﺭﯛﺵ ﺋﯜﭼﯜﻥ ﭼﻮﻗﯘﻡ ﺋﺎﻟﺪﻯ ﺑﯩﻠﻪﻥ 4- ﯞﻩ 5-ﺋﺎﺩﻩﺗﻠﻪﺭﺩﯨﻦ ﻳﺎﺧﺸﻰ ﭘﺎﻳﺪﯨﻠﯩﻨﯩﺶ ﻛﯧﺮﻩﻙ. ﻳﻪﻧﻰ، ﺋﺎﻟﺪﻯ ﺑﯩﻠﻪﻥ ﮬﻪﺭ ﺗﻪﺭﻩﭖ ﺋﻮﺧﺸﺎﺵ ﭘﺎﻳﺪﺍ ﻛﯚﺭﯨﺪﯨﻐﺎﻥ ﺑﯩﺮ ﭼﺎﺭﯨﻨﻰ ﺗﺎﭘﻘﯩﻠﻰ ﺑﻮﻟﯩﺪﯗ، ﺩﯦﮕﻪﻥ ﺋﯩﺪﯨﻴﯩﮕﻪ ﺗﻮﻟﯘﻕ ﺋﯩﺸﯩﻨﯩﺶ ﻛﯧﺮﻩﻙ. ﺋﺎﻧﺪﯨﻦ ﻳﯧﺘﻪﺭﻟﯩﻚ ﯞﺍﻗﯩﺖ ﯞﻩ ﻛﯜﭺ ﺳﻪﺭﭖ ﻗﯩﻠﯩﭗ، ﻳﻪﻧﻪ ﺑﯩﺮ ﺗﻪﺭﻩﭘﻨﻰ ﺗﻮﻟﯘﻕ ﭼﯜﺷﯩﻨﯩﺶ ﻛﯧﺮﻩﻙ. ﺋﻪﯓ ﺋﺎﺧﯩﺮﯨﺪﺍ ﮬﻪﻣﻤﻪﻳﻠﻪﻥ ﺑﯩﺮﻟﯩﻜﺘﻪ ﻛﺎﻟﻼ ﺋﯩﺸﻠﯩﺘﯩﭗ، ﺑﯩﺮ ﺋﻮﺭﺗﺎﻕ ﭼﺎﺭﻩ ﺗﯧﭙﯩﭗ ﭼﯩﻘﯩﺶ ﻛﯧﺮﻩﻙ. ﻣﺎﻧﺎ ﺑﯘ ﺋﯚﺯﺋﺎﺭﺍ ﭼﯜﺷﯩﻨﯩﺶ ﯞﻩ ﺋﯚﺯ-ﺋﺎﺭﺍ ﮬﯚﺭﻣﻪﺕ ﻗﯩﻠﯩﺶ ﺋﺎﺳﺎﺳﯩﺪﺍ ﺋﯧﺮﯨﺸﻜﻪﻥ ﺑﯩﺮ ﺗﻪﺑﯩﺌﯩﻲ ﭼﺎﺭﻩ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ. 7. ﮬﻪﺭﯨﻨﻰ ﺑﯩﻠﻪﭖ ﺗﯘﺭﯗﺵ ﺑﯘ ﻳﻪﺭﺩﯨﻜﻰ «ﮬﻪﺭﻩ» ﺳﯩﺰ ﺋﯚﺯﯨﯖﯩﺰ ﺑﻮﻟﯘﭖ، «ﮬﻪﺭﯨﻨﻰ ﺑﯩﻠﻪﭖ ﺗﯘﺭﯗﺵ» ﺩﯦﮕﻪﻧﻨﯩﯔ ﻣﻪﻧﯩﺴﻰ ﺋﯚﺯﯨﯖﯩﺰﻧﻰ ﻳﺎﺧﺸﯩﺮﺍﻕ، ﺋﻪﻗﯩﻠﻠﯩﻘﺮﺍﻕ ﮬﻪﻣﺪﻩ ﺗﯧﺨﯩﻤﯘ ﺋﯜﻧﯜﻣﻠﯜﻙ ﻗﯩﻠﯩﭗ ﺗﯘﺭﯗﺵ، ﺩﯦﮕﻪﻧﺪﯨﻦ ﺋﯩﺒﺎﺭﻩﺗﺘﯘﺭ. ﻧﺎﮬﺎﻳﯩﺘﻰ ﻳﯘﻗﯩﺮﻯ ﺋﯜﻧﯜﻣﻠﯜﻙ ﻛﯩﺸﯩﻠﻪﺭ ﺩﺍﯞﺍﻣﻠﯩﻖ ﯞﺍﻗﯩﺖ ﭼﯩﻘﯩﺮﯨﭗ، ﮬﻪﺭﯨﻨﻰ ﺑﯩﻠﻪﭖ ﺗﯘﺭﯨﺪﯗ. ﻳﻪﻧﻰ، ﺋﯩﺰﭼﯩﻞ ﺗﯜﺭﺩﻩ ﺑﻪﺩﻩﻥ، ﻛﯚﯕﯜﻝ ﯞﻩ ﺭﻭﮬﯩﻴﻪﺗﺘﯩﻦ ﺋﯩﺒﺎﺭﻩﺕ ﺋﯩﻨﺴﺎﻥ ﮬﺎﻳﺎﺗﯩﻨﯩﯔ 3 ﺋﯚﻟﭽﯩﻤﯩﻨﯩﯔ ﮬﻪﻣﻤﯩﺴﯩﻨﻰ ﭼﯧﻨﯩﻘﺘﯘﺭﯗﭖ ﺗﯘﺭﯨﺪﯗ. ﻛﻮﯞﯦﻲ ﺋﻪﭘﻪﻧﺪﻯ ﻳﯘﻗﯩﺮﯨﻘﻰ 3 ﺋﯚﻟﭽﻪﻣﮕﻪ «ﻛﯩﺸﯩﻠﻪﺭ ﺋﺎﺭﺍ ﻣﯘﻧﺎﺳﯩﯟﻩﺕ» ﺩﯦﮕﻪﻧﺪﯨﻦ ﺋﯩﺒﺎﺭﻩﺕ 4-ﺋﺎﻣﯩﻠﻨﻰ ﻗﻮﺷﻘﺎﻥ. 7. 1 ﺭﻭﮬﯩﻲ ﭼﯧﻨﯩﻘﯩﺶ ﺑﯘ ﻳﻪﺭﺩﻩ ﻛﯚﺯﺩﻩ ﺗﯘﺗﯘﻟﻐﯩﻨﻰ ﮬﺎﻳﺎﺗﺘﯩﻜﻰ ﻣﻪﻗﺴﻪﺕ ﯞﻩ ﻳﯚﻧﯩﻠﯩﺸﺘﯩﻦ ﺋﯩﺒﺎﺭﻩﺗﺘﯘﺭ. ﺋﻪﮔﻪﺭ ﺳﯩﺰ ﺩﯨﻨﺪﺍﺭ ﺋﺎﺩﻩﻡ ﺑﻮﻟﺴﯩﯖﯩﺰ، ﺳﯩﺰﻧﯩﯔ ﺧﯘﺳﯘﺳﯩﻲ ﺋﯧﺘﯩﻘﺎﺩﯨﯖﯩﺰﻧﯩﯔ ﺋﯚﺯﻯ ﺭﻭﮬﯩﻲ ﭼﯧﻨﯩﻘﯩﺶ ﺑﻮﻟﯩﺪﯗ. ﺋﻪﮔﻪﺭ ﺳﯩﺰ ﺩﯨﻦ ﻣﯘﺧﻠﯩﺴﻰ ﺑﻮﻟﻤﯩﺴﯩﯖﯩﺰ، ﮬﺎﻳﺎﺗﻠﯩﻘﻨﯩﯔ ﺳﯩﺰ ﺋﯜﭼﯜﻥ ﺑﯩﺮ ﺋﺎﻻﮬﯩﺪﻩ ﻣﻪﻗﺴﯩﺘﻰ ﺑﺎﺭﻟﯩﻘﯩﻨﻰ ﺋﯧﺴﯩﯖﯩﺰﺩﯨﻦ ﭼﯩﻘﺎﺭﻣﺎﯓ. ﺑﻪﺯﯨﻠﻪﺭﻧﯩﯔ ﺋﯧﻴﺘﯩﺸﯩﭽﻪ، ﺳﯩﺰ ﻣﯘﺩﺩﻩﺗﻠﯩﻚ ﮬﺎﻟﺪﺍ ﮬﯧﭻ ﺋﯩﺶ ﻗﯩﻠﻤﺎﻱ، ﺋﯚﺯﯨﯖﯩﺰﻧﻰ ﭘﯜﺗﯜﻧﻠﻪﻱ ﻗﻮﻳﯘﯞﯦﺘﯩﭗ، 10-15 ﻣﯩﻨﯘﺕ ﺋﻮﻳﻼﻧﺴﯩﯖﯩﺰ، ﺷﯘ ﺑﯩﺮ ﺧﯩﻞ ﺭﻭﮬﯩﻲ ﭼﯧﻨﯩﻘﯩﺶ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯨﻜﻪﻥ. ﻛﯩﺸﯩﻠﻪﺭ ﺋﺎﺩﻩﻡ ﺋﯘﺧﻠﯩﻐﺎﻧﺪﺍ ﺋﺎﺩﻩﻣﻨﯩﯔ ﻛﯚﯕﻠﻰ ﻳﯧﺘﻪﺭﻟﯩﻚ ﺋﺎﺭﺍﻡ ﺋﺎﻟﯩﺪﯗ، ﺩﻩﭖ ﺋﻮﻳﻼﻳﺪﯗ. ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ ﺋﯘﻧﺪﺍﻕ ﺋﻪﻣﻪﺱ. ﺋﺎﺩﻩﻡ ﺋﯘﺧﻠﯩﻐﺎﻧﺪﺍ ﺋﯘﻧﯩﯔ ﻣﯧﯖﯩﺴﻰ ﻳﻪﻧﯩﻼ ﻧﺎﮬﺎﻳﯩﺘﻰ ﺋﺎﻛﺘﯩﭗ ﺑﻮﻟﯩﺪﯗ. ﺋﯘ ﺗﻮﺧﺘﯩﻤﺎﻱ ﮬﻪﺭ ﺧﯩﻞ ﺋﯘﭼﯘﺭﻻﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﭗ ﺗﯘﺭﯨﺪﯗ. ﺷﯘﯕﻼﺷﻘﺎ ﻛﯚﯕﯜﻟﻨﻰ ﻣﯘﺩﺩﻩﺗﻠﯩﻚ ﺋﺎﺭﺍﻡ ﺋﺎﻟﺪﯗﺭﯗﺵ ﺋﺎﺭﻗﯩﻠﯩﻖ، ﻛﯩﺸﯩﻠﻪﺭ ﺋﯚﺯﯨﻨﻰ ﺳﺎﻏﻼﻣﻼﺷﺘﯘﺭﺍﻻﻳﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، ﺋﯚﺯ ﻏﺎﻳﯩﺴﻰ، ﺋﯚﺯﯨﻨﯩﯔ ﺭﻭﻟﻰ، ﺋﯚﺯ ﻧﯩﺸﺎﻧﻰ ﯞﻩ ﺋﯚﺯ ﮬﺎﻳﺎﺗﻰ ﺋﯜﭼﯜﻥ ﺋﻪﯓ ﻣﯘﮬﯩﻢ ﺑﻮﻟﻐﺎﻥ ﺋﯩﺸﻼﺭ ﺋﯜﺳﺘﯩﺪﻩ ﻣﯘﺩﺩﻩﺗﻠﯩﻚ ﮬﺎﻟﺪﺍ ﺋﻮﻳﻠﯩﻨﯩﭗ ﺗﯘﺭﯗﺷﻤﯘ ﺭﻭﮬﯩﻲ ﭼﯧﻨﯩﻘﯩﺶ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ. ﻣﻪﻥ ﺋﻪﺗﯩﻴﺎﺯ ﯞﻩ ﻳﺎﺯ ﻛﯜﻧﻠﯩﺮﻯ ﺋﯩﺸﺘﯩﻦ ﭼﯜﺷﯜﭖ ﺋﯚﻳﮕﻪ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺑﯩﺮﻩﺭ ﺳﺎﺋﻪﺕ ﯞﺍﻗﯩﺖ ﮬﻮﻳﻼﻣﻐﺎ ﮔﯜﻝ ﯞﻩ ﻛﯚﻛﺘﺎﺕ ﺗﯩﻜﯩﺶ ﮬﻪﻣﺪﻩ ﺋﯘﻻﺭﻧﻰ ﭘﻪﺭﯞﯨﺶ ﻗﯩﻠﯩﺶ ﺋﺎﺭﻗﯩﻠﯩﻖ ﺭﻭﮬﯩﻲ ﭼﯧﻨﯩﻘﯩﺶ ﻣﻪﻗﺴﯩﺘﯩﻤﮕﻪ ﻳﯧﺘﯩﻤﻪﻥ. ﻳﻪﻧﻰ ﻣﯧﻨﯩﯔ ﻗﯩﻠﯩﺪﯨﻐﺎﻥ ﺋﯩﺸﯩﻢ ﺯﯦﮭﻨﯩﻤﻨﻰ ﺋﻪﺗﯩﮕﻪﻧﺪﯨﻦ ﻛﻪﭼﻜﯩﭽﻪ ﻳﯜﻛﺴﻪﻙ ﺩﻩﺭﯨﺠﯩﺪﻩ ﻣﻪﺭﻛﻪﺯﻟﻪﺷﺘﯜﺭﯛﭖ، ﻣﯧﯖﻪ ﺋﯩﺸﻠﯩﺘﯩﺶ ﺋﯩﺸﻰ ﺑﻮﻟﻐﺎﭼﻘﺎ، ﻣﻪﻥ ﺋﯜﭼﯜﻥ ﮬﻮﻳﻠﯩﺪﺍ ﺋﯩﺶ ﻗﯩﻠﯩﺶ ﺑﯩﺮ ﺭﻭﮬﯩﻲ ﭼﯧﻨﯩﻘﯩﺶ ﺑﻮﻟﯘﭖ ﮬﯧﺴﺎﺑﻠﯩﻨﯩﺪﯗ. ﻣﻪﻥ ﺋﺎﺑﺪﯗﺷﯜﻛﯜﺭ ﻣﯘﮬﻪﻣﻤﻪﺗﺌﯩﻤﯩﻦ ﺋﻪﭘﻪﻧﺪﯨﻨﯩﯔ «ﺋﯜﭺ ﺧﯩﻞ ﻣﯩﻠﻠﻪﺕ ﯞﻩ ﻣﯩﻠﻠﯩﻴﻪﺗﻠﯩﻜﺘﯩﻜﻰ ﺋﯜﭺ ﺧﯩﻞ ﻗﯩﻤﻤﻪﺕ» ﺩﯦﮕﻪﻥ ﻣﺎﻗﺎﻟﯩﺴﯩﺪﯨﻜﻰ ﺗﯚﯞﻩﻧﺪﯨﻜﻰ ﻣﻪﺯﻣﯘﻧﻨﻰ ﺋﻮﻗﯘﻏﺎﻧﺪﺍ، ﺑﻪﺵ ﺋﻪﺳﯩﺮﻧﯩﯔ ﺋﺎﻟﺪﯨﺪﺍ ﺋﯘﻳﻐﯘﺭﻻﺭﺩﺍ ﻧﯧﻤﻪ ﺋﯚﺯﮔﯩﺮﯨﺶ ﺑﻮﻟﻐﺎﻧﻠﯩﻘﯩﻨﻰ ﺩﯦﮕﻪﻧﺪﻩﻙ ﭼﯜﺷﯩﻨﻪﻟﻤﯩﮕﻪﻥ ﺋﯩﺪﯨﻢ: ﻧﻪﻗﯩﻞ: ﻳﯧﻘﯩﻨﻘﻰ ﺑﻪﺵ ﺋﻪﺳﯩﺮ ﻣﺎﺑﻪﻳﻨﯩﺪﻩ «ﺋﻪﯞﻟﯩﻴﺎ ﭼﻪﺗﺘﯩﻦ، ﻣﯘﺭﯨﺖ ﺑﯩﺰﺩﯨﻦ» ﺑﻮﻟﯘﭖ، ﺋﯩﭽﻜﻰ ﻧﯩﺰﺍ ﯞﻩ ﺗﻪﭘﺮﯨﻘﯩﭽﯩﻠﯩﻜﺘﻪ ﺋﯧﺮﯨﺸﻜﯩﻨﯩﻤﯩﺰ ﺯﺍﺩﻯ ﻧﯧﻤﻪ ﺑﻮﻟﺪﻯ؟ ﻳﯧﻘﯩﻨﻘﻰ ﺑﻪﺵ ﺋﻪﺳﺮﺩﯨﻦ ﺑﯘﻳﺎﻥ ﺩﯨﻨﯩﻲ ﻣﻪﺯﮬﻪﭘﭽﯩﻠﯩﻚ ﺑﯩﻠﻪﻥ ﻣﯘﺭﺕ-ﻣﯘﺧﻠﯩﺴﻠﯩﻖ ﭘﯩﺮﻗﯩﯟﺍﺯﻟﯩﻘﻰ، ﻳﯘﺭﺗﯟﺍﺯﻟﯩﻖ-ﻣﻪﮬﻪﻟﻠﯩﯟﺍﺯﻟﯩﻖ، ﻣﻮﻟﻼﻡ ﻳﺎﻛﻰ ﺋﻪﭘﻪﻧﺪﯨﻠﯩﺮﯨﻤﯩﺰﺩﯨﻜﻰ ﻛﯩﭽﯩﻚ ﮔﯘﺭﯗﮬﯟﺍﺯﻟﯩﻖ، ﺋﻪﻝ ﻏﯧﻤﯩﻨﻰ ﻣﯘﺯ ﺩﻩﺭﻳﺎﻏﺎ ﭘﯩﺮﻗﯩﺮﯨﺘﯩﭗ ﭼﯚﺭﯛﯞﻩﺗﻜﻪﻥ ﻣﻪﻧﺴﻪﭖ-ﺑﺎﻟﺪﺍﻕ ﮬﯧﺮﯨﺴﻤﻪﻧﻠﯩﻜﻰ، ﺗﯜﺭﻛﯜﻡ ﺋﯧﯖﻰ ﯞﻩ ﻣﯩﻠﻠﯩﻲ ﻣﻪﺩﻩﻧﯩﻴﻪﺕ ﺋﯩﻨﻜﺎﺭﭼﯩﻠﯩﻘﯩﻨﯩﯔ ﺗﻪﻟﯟﻩ ﺩﻩﺑﺪﻩﺑﯩﻠﯩﺮﻯ ﺑﯩﻠﻪﻥ ﺩﻩﻝ-ﺩﻩﺭﻩﺧﺴﯩﺰ ﺟﻪﺯﯨﺮﯨﺪﯨﻜﻰ ﻗﯘﻳﯘﻧﺘﺎﺯﺩﻩﻙ ﻣﻪﺳﺌﯘﻟﯩﻴﻪﺗﺴﯩﺰ ﭘﯩﺘﻨﻪ-ﺋﯩﻐﯟﺍ ﺗﯚﮬﻤﻪﺗﺨﻮﺭﻟﯘﻗﻰ ﻗﺎﺗﺎﺭﻟﯩﻖ ﺋﺎﻟﺘﻪ ﺯﻩﮬﻪﺭ ﺗﯜﭘﻪﻳﻠﯩﺪﯨﻦ «ﺋﻮﻏﯘﺯ ﺳﯜﺗﯩﺪﻩﻙ ﺋﯘﻳﯘﻣﺎﻕ» ﺩﯦﮕﻪﻥ ﻣﻪﻧﯩﺪﯨﻜﻰ «ﺋﯘﻳﻐﯘﺭﻻﺭ» ﺋﯘﻳﯘﺷﯘﺵ ﻛﯜﭼﯩﻨﻰ «ﺋﯧﭽﯩﻐﺎﻥ ﺳﯜﺕ»ﻛﻪ ﺋﺎﻳﻼﻧﺪﯗﺭﯗﭖ ﻗﻮﻳﺪﻯ. ﻧﻪﺗﯩﺠﯩﺪﻩ «ﺋﯩﺴﻤﯩﻤﯩﺰ ﺋﯘﻳﻐﯘﺭ، ﺋﯩﺸﯩﻤﯩﺰ ﺋﯘﺭﻏﯘﻱ» ﺑﻮﻟﯘﭖ ﭼﯩﻘﺘﻰ. ﻳﯧﻘﯩﻨﺪﺍ ﻳﯜﺳﯜﭘﺠﺎﻥ ﻳﺎﺳﯩﻦ ﺋﻪﭘﻪﻧﺪﯨﻨﯩﯔ «ﺋﯘﻳﻐﯘﺭ ﻣﯩﻠﻠﯩﻲ ﺭﻭﮬﯩﻨﯩﯔ ﺋﺎﺳﺎﺳﻠﯩﺮﻯ» ﺩﯦﮕﻪﻥ ﻣﺎﻗﺎﻟﯩﺴﯩﺪﯨﻜﻰ ﺗﯚﯞﻩﻧﺪﯨﻜﻰ ﻣﻪﺯﻣﯘﻧﻼﺭﻧﻰ ﺋﻮﻗﯘﺩﯗﻡ: ﻧﻪﻗﯩﻞ: ﺋﯩﻨﺴﺎﻧﯩﻴﻪﺗﻨﯩﯔ ﺑﯜﮔﯜﻧﮕﯩﭽﻪ ﺑﻮﻟﻐﺎﻥ ﺗﺎﺭﯨﺨﯩﺪﯨﻦ ﺷﯘﻧﻰ ﮬﯧﺲ ﻗﯩﻠﯩﺸﻘﺎ ﺑﻮﻟﯩﺪﯗﻛﻰ، ﮬﻪﺭ ﻗﺎﻧﺪﺍﻕ ﺑﯩﺮ ﻣﯩﻠﻠﻪﺗﻨﯩﯔ ﺗﻪﺭﻩﻗﻘﯩﻲ ﻗﯩﻠﯩﺸﻰ ﻳﺎﻛﻰ ﭼﯧﻜﯩﻨﯩﺸﻰ، ﻧﺎﻡ–ﺷﯚﮬﺮﻩﺕ ﻗﺎﺯﯨﻨﯩﺸﻰ ﻳﺎﻛﻰ ﺋﯘﻧﺘﯘﻟﯘﺷﻰ ﺋﻮﻣﯘﻣﻪﻥ ﺷﯘ ﻣﯩﻠﻠﻪﺗﻨﯩﯔ ﻣﯩﻠﻠﯩﻲ ﺭﻭﮬﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ ﻛﻪﻟﺪﻯ. ﺋﯘﻳﻐﯘﺭﻻﺭﻧﯩﯔ ﻣﯩﻼﺩﻯ 13-، 14-ﺋﻪﺳﯩﺮﻟﻪﺭﮔﯩﭽﻪ ﺑﻮﻟﻐﺎﻥ ﺗﺎﺭﯨﺨﯩﺪﺍ ﺳﯩﻴﺎﺳﯩﻲ ﮬﻮﻗﯘﻕ ﭼﯜﺷﻪﻧﭽﯩﺴﯩﻨﯩﯔ ﻛﯜﭼﯩﻴﯩﭗ، ﺋﯩﻘﺘﯩﺴﺎﺩ ﯞﻩ ﻣﻪﺩﻩﻧﯩﻴﻪﺗﺘﻪ ﺗﻪﺭﻩﻗﻘﯩﻲ ﻗﯩﻠﯩﭗ، ﺗﻪﺳﯩﺮﻯ ﯞﻩ ﻧﺎﻡ-ﺋﺎﺑﺮﻭﻳﯩﻨﯩﯔ ﺋﺎﺳﯩﻴﺎﺩﯨﻦ ﮬﺎﻟﻘﯩﭗ ﮬﻪﺗﺘﺎ ﻳﺎﯞﺭﻭﭘﺎ ﯞﻩ ﺋﺎﻓﺮﯨﻘﯩﻐﯩﻤﯘ ﺗﺎﺭﯨﻠﯩﺸﻰ ﺋﯘﻻﺭﻧﯩﯔ ﻣﺎﺩﺩﯨﻲ ﯞﻩ ﻣﻪﻧﯩﯟﻯ ﮬﺎﻳﺎﺗﻨﯩﯔ ﮬﻪﺭﻗﺎﻧﺪﺍﻕ ﺳﺎﮬﻪﺳﯩﺪﻩ ﻣﯩﻠﻠﯩﻲ ﺭﻭﮬﻨﻰ ﻳﯧﺘﻪﻛﭽﻰ ﻗﯩﻠﻐﺎﻧﻠﯩﻘﯩﺪﯨﻦ ﺑﻮﻟﻐﺎﻥ. ﺋﯘﻧﯩﯖﺪﯨﻦ ﻛﯧﻴﯩﻨﻜﻰ ﭼﯧﻜﯩﻨﯩﺶ ﯞﻩ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺋﯘﻧﺘﯘﻟﯘﺷﻘﺎ ﻳﯜﺯﻟﯩﻨﯩﺸﯩﺪﻩ ﻧﯘﺭﻏﯘﻥ ﺳﻪﯞﻩﺑﻠﻪﺭ ﺑﻮﻟﺴﯩﻤﯘ، ﻟﯧﻜﯩﻦ ﺑﯘﻧﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﯩﻨﻰ ﺑﻪﺯﻯ ﻛﯩﺸﯩﻠﻪﺭ ﺟﺎﺭ ﺳﯧﻠﯩﯟﺍﺗﻘﯩﻨﯩﺪﻩﻙ ﻗﺎﻧﺪﺍﻗﺘﯘﺭ «ﻳﯩﭙﻪﻙ ﻳﻮﻟﻰ» ﻧﯩﯔ ﺋﯜﺯﯛﻟﯜﭖ، «ﺩﯦﯖﯩﺰ ﻳﻮﻟﻰ» ﻧﯩﯔ ﺋﯧﭽﯩﻠﯩﺸﯩﻐﺎ ﺑﺎﻏﻼﭖ ﻗﻮﻳﯘﺷﻘﺎ ﺑﻮﻟﻤﺎﻳﺪﯗ. ﺑﯘﻧﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﯩﻨﻰ ﻣﯘﺷﯘ ﻣﻪﺯﮔﯩﻠﻠﻪﺭﻧﯩﯔ ﺋﺎﻟﺪﻯ-ﻛﻪﻳﻨﯩﺪﯨﻜﻰ ﺩﻩﯞﺭﻟﻪﺭﺩﯨﻦ ﺑﺎﺷﻼﭖ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﯩﺪﺍ ﻣﯩﻠﻠﯩﻲ ﺭﻭﮬﻨﯩﯔ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺗﻮﺳﻘﯘﻥ ﺑﻮﻟﯩﺪﯨﻐﺎﻥ ﺋﺎﻣﯩﻠﻼﺭﻧﯩﯔ ﻛﯚﺭﯛﻟﯜﺷﻜﻪ ﯞﻩ ﻛﯜﭼﯩﻴﯩﺸﻜﻪ ﺑﺎﺷﻠﯩﻐﺎﻧﻠﯩﻘﯩﺪﯨﻦ ﺋﯩﺰﺩﻩﺷﻜﻪ ﺑﻮﻟﯩﺪﯗ. ﺑﯘ ﺗﻮﺳﻘﯘﻧﻠﯘﻗﻤﯘ ﺩﻩﻝ ﺳﯩﺮﺗﻘﻰ ﻣﯘﮬﯩﺘﺘﯩﻦ ﻗﻮﺑﯘﻝ ﻗﯩﻠ<
历史上的今天：
ئۇيغۇر سەئىدىيە خاندانلىقى ھەققىدە قىسقىچە بايان 2009年05月21日تەستەك 2009年05月21日ساتىراچخانا (كۇچادىكى كەچمىش) 2009年05月21日ﺑﯩﻠﯩﻜﯩﯖﯩﺰﺩﻩ ﻗﻮﻝ ﺳﺎﺋﯩﺘﻰ ﺑﺎﺭﻣﯘ؟ 2009年05月21日چىن سۆيگۈ 2009年05月21日
