-
ﺑﯩﻠﯩﻜﯩﯖﯩﺰﺩﻩ ﻗﻮﻝ ﺳﺎﺋﯩﺘﻰ ﺑﺎﺭﻣﯘ؟ - [كۈندىلىك خاتىرە]
2009年05月21日
ﺑﯩﻠﯩﻜﯩﯖﯩﺰﺩﻩ ﻗﻮﻝ ﺳﺎﺋﯩﺘﻰ ﺑﺎﺭﻣﯘ؟
ﺗﯧﻤﯩﻨﻰ ﻛﯚﺭﯛﭖ ﺋﻪﺟﻪﭘﻠﻪﻧﺪﯨﯖﯩﺰﺩﯨﻤﯘ؟ ﺋﯘﻧﺪﺍﻗﺘﺎ ﺩﻩﺭﻫﺎﻝ ﺳﻮﻝ (ﺋﻪﮔﻪﺭ ﺳﻮﻟﺨﺎﻱ ﺑﻮﻟﺴﯩﯖﯩﺰ ﺋﻮﯓ) ﻗﻮﻟﯩﯖﯩﺰﻏﺎ ﻗﺎﺭﺍﭖ ﺑﯧﻘﯩﯔ، ﺳﺎﺋﻪﺕ ﺑﺎﺭﻣﯩﻜﻪﻥ؟
ﺑﺎﺭ ﺑﻮﻟﺴﺎ ﺋﯚﺯﯨﯖﯩﺰﻧﻰ ﺑﻪﺧﯩﺘﻠﯩﻚ ﺳﺎﻧﺎﯓ، ﺳﺎﺋﯩﺘﯩﯖﯩﺰ ﭼﯜﺷﯜﭖ ﻗﺎﻟﻤﺎﭘﺘﯘ، ﺋﻮﻏﺮﻯ ﺋﺎﻟﻤﺎﭘﺘﯘ..... ﺋﻪﯓ ﻣﯘﻫﯩﻤﻰ ﺳﯩﺰ ﺋﯘﻧﻰ ﻫﺎﺯﯨﺮﻏﺎ ﻗﻪﺩﻩﺭ ﺑﯩﻬﺎﺟﻪﺕ ﺩﻩﭖ ﻗﺎﺭﯨﻤﺎﭘﺴﯩﺰ.
ﻳﻮﻕ ﺑﻮﻟﺴﺎ ﺑﻪﻙ ﺋﻪﻧﺴﯩﺮﻩﭘﻤﯘ ﻛﻪﺗﻤﻪﯓ، ﺋﺎﻟﺪﯨﺮﯨﻤﺎﻱ ﺋﻮﻳﻠﯩﻨﯩﭗ ﺑﯧﻘﯩﯔ، ﺋﻪﯓ ﺋﺎﺧﯩﺮﻗﻰ ﻗﯧﺘﯩﻢ ﻗﻮﻝ ﺳﺎﺋﯩﺘﯩﯖﯩﺰﻧﻰ ﻗﺎﭼﺎﻥ ﺗﺎﻗﯩﻐﺎﻥ، ﻗﺎﻧﺪﺍﻕ ﺳﺎﺋﻪﺕ ﺋﯩﺪﻯ، ﻧﻪﭼﭽﻪ ﭘﯘﻟﻐﺎ ﺋﺎﻟﻐﺎﻥ، ﻧﯧﻤﻪ ﺩﻩﭖ ﺑﯧﻠﯩﻜﯩﯖﯩﺰﺩﻩ ﺋﻮﺭﻧﺎﺷﻤﯩﺪﻯ؟ ﺋﻪﮔﻪﺭ ﺋﻮﻳﻠﯩﻨﯩﺶ ﺧﻮﺵ ﻳﺎﻗﻤﯩﺴﺎ، ﻳﺎﻛﻰ ﺋﯧﺴﯩﯖﯩﺰﮔﻪ ﻛﻪﻟﻤﯩﺴﻪ ﺩﺍﯞﺍﻣﻠﯩﻖ ﺋﻮﻗﯘﯓ!
ﻣﯩﻨﯩﯔ ﻗﻮﻝ ﺳﺎﺋﯩﺘﯩﮕﻪ ﺋﻪﯓ ﺩﻩﺳﻠﻪﭖ ﺋﯩﺮﯨﺸﻜﻪﻥ ﯞﺍﻗﺘﯩﻢ ﺑﺎﺷﻼﻧﻐﯘﭼﻨﯩﯔ 1- ، 2- ﻳﯩﻠﻠﯩﻘﻠﯩﺮﻯ .ﺋﯩﺪﻯ، ﺩﺍﺩﺍﻡ ﺋﻮﻥ ﻳﯜﻩﻧﮕﻪ ﺑﯩﺮ ﺩﺍﻧﻪ ﺋﯧﻠﯩﻜﺘﺮﻭﻧﻠﯘﻕ ﻗﻮﻝ ﺳﺎﺋﯩﺘﻰ ﺋﯧﻠﯩﭗ ﺑﻪﺭﮔﻪﻧﯩﺪﻯ. ﺷﯘ ﯞﺍﻗﯩﺘﺘﯩﻜﻰ ﺧﯘﺷﺎﻟﻠﯩﻘﯩﻤﻨﻰ ﺗﻪﺳﯟﯨﺮﻟﻪﭖ ﺑﯧﺮﯨﺸﻜﻪ ﺋﺎﺟﯩﺰﻟﯩﻖ ﻗﯩﻠﯩﻤﻪﻥ. ﺋﯘﻧﯩﯖﺪﯨﻦ ﺋﯩﻠﮕﯩﺮﻯ ﺑﻮﻟﺴﺎ ﻗﻮﻝ ﺳﺎﺋﯩﺘﯩﻨﻰ ﺑﺎﺷﻘﯩﻼﺭﻧﯩﯔ ﺑﯩﻠﯩﻜﯩﺪﻩ ﻛﯚﺭﻩﺗﺘﯩﻢ، ﺗﯘﺗﯘﭖ ﺑﺎﻗﺎﻱ، ﺋﻮﻳﻨﺎﭖ ﺑﺎﻗﺎﻱ ﺩﻩﭖ ﺷﯘﻧﭽﻪ ﻳﯧﻠﯩﻨﺴﺎﻣﻤﯘ ﻫﯧﭽﻜﯩﻢ ﺋﯘ ﺋﻪﺗﯩﯟﺍﺭﻟﯩﻖ ﻗﻮﻝ ﺳﺎﺋﯩﺘﯩﻨﻰ ﺑﯧﻠﯩﻜﯩﺪﯨﻦ ﺋﺎﺟﺮﺍﺗﻤﺎﻳﺘﺘﻰ. ﺋﺎﻣﺎﻟﺴﯩﺰﻟﯩﻘﺘﯩﻦ ﻗﻪﻟﻪﻡ ﺑﯩﻠﻪﻥ ﺑﯩﻠﯩﻜﯩﻤﮕﻪ ﻗﻮﻝ ﺳﺎﺋﯩﺘﻰ ﺳﯩﺰﯨﯟﺍﻻﺗﺘﯩﻢ، ﺑﻪﺯﯨﺪﻩ ﺋﺎﭼﻜﯚﺯﻟﯜﻙ ﻗﯩﻠﯩﭗ ﺋﯩﻜﻜﻰ ﺑﯩﻠﯩﻜﯩﻤﮕﻪ ﺋﯩﻜﻜﻰ ﺋﯜﭼﺘﯩﻦ ﻗﻮﻝ ﺳﺎﺋﯩﺘﻰ ﺳﯩﺰﯨﯟﺍﻻﺗﺘﯩﻢ، ﺋﺎﻛﺎ-ﺋﺎﭼﯩﻠﯩﺮﯨﻤﻐﺎ ﻣﯩﻨﯩﯔ ﺳﺎﺋﯩﺘﯩﻢ ﺳﯩﻨﯩﯖﻜﯩﺪﯨﻦ ﺟﯧﻖ ﺩﻩﭖ ﻣﺎﺧﺘﯩﻨﺎﺗﺘﯩﻢ، ﺋﯘﻻﺭ ﺑﻮﻟﺴﺎ ﺳﯩﻨﯩﯔ ﺳﺎﺋﯩﺘﯩﯔ ﻣﺎﯕﻤﺎﻳﺪﯗ ﺩﻩﭖ ﻣﯩﻨﻰ ﺯﺍﯕﻠﯩﻖ ﻗﯩﻼﺗﺘﻰ. ﺳﯩﺰﯨﯟﺍﻟﻐﺎﻥ ﺳﺎﺋﻪﺗﻠﯩﺮﯨﻢ ﺑﯩﺮ ﺋﯩﻜﻜﻰ ﻛﯘﻧﺪﯨﻼ ﻳﻮﻕ ﺑﻮﻻﺗﺘﻰ. ﺷﯘ ﭼﺎﻏﺪﺍ ﻣﯩﻨﯩﯔ ﺑﯩﻠﻪﻥ ﺋﺎﻧﺎﻣﻨﯩﯖﻼ ﻗﻮﻝ ﺳﺎﺋﯩﺘﻰ ﻳﻮﻕ ﺋﯩﺪﻯ. ﻫﺎﺯﯨﺮ ﺋﻮﻳﻼﭖ ﺑﺎﻗﺴﺎﻡ ﭘﻪﻗﻪﺕ ﻣﻪﻥ ﺑﯩﻠﻪﻥ ﺋﺎﻧﺎﻣﻼ ﺋﻮﻳﺪﻩ "ﺑﯩﻜﺎﺭ" ﺑﻮﻟﻐﺎﭼﻐﺎ ﻗﻮﻝ ﺳﺎﺋﯩﺘﯩﮕﻪ ﻫﺎﺟﯩﺘﯩﻤﯩﺰ ﭼﯘﺷﻤﻪﻳﺪﯨﻜﻪﻥ. ﯞﺍﻗﯩﺘﻨﻰ ﺑﯩﻠﻤﻪﻛﭽﻰ ﺑﻮﻟﺴﺎﻕ ﺋﻮﻳﻨﯩﯔ ﺗﻪﻛﭽﯩﺴﯩﮕﻪ ﻗﻮﻳﯘﻟﻐﺎﻥ ﻗﻮﯕﻐﯘﺭﺍﻗﻠﯩﻖ ﺳﺎﺋﻪﺗﻜﻪ ﻗﺎﺭﯨﺴﺎﻗﻼ ﺑﻮﻟﯩﺪﯨﻜﻪﻥ. ﺑﯩﺮﺍﻕ ﺋﺎﯞﯗ ﺋﯩﺸﻘﺎ، ﻣﻪﻛﺘﻪﭘﻜﻪ ﺑﺎﺭﯨﺪﯨﻐﺎﻧﻼﺭﻏﺎ ﺑﻮﻟﺴﺎ ﻗﻮﻝ ﺳﺎﺋﯩﺘﯩﮕﻪ ﻫﺎﺟﻪﺗﻤﻪﻥ ﺋﯩﻜﻪﻥ.
ﻛﯧﻴﯩﻦ ﺋﺎﺧﯩﺮﻯ ﻣﻪﻛﺘﻪﭘﻜﻪ ﺑﺎﺭﺩﯨﻢ. ﺭﺍﺳﺖ ﮔﻪﭘﻨﻰ ﻗﯩﻠﺴﺎﻡ ﻣﯩﻨﯩﯔ ﻣﻪﻛﺘﻪﭘﻜﻪ ﻛﯩﺮﯨﺸﯩﻢ ﺑﺎﺷﻘﯩﭽﻪ ﺑﻮﻟﻐﺎﻥ ﺋﯩﺪﻯ، ﻣﯩﻨﯩﯔ ﻣﻪﻛﺘﻪﭘﻜﻪ ﺑﺎﺭﻏﺎﻥ ﯞﺍﻗﺘﯩﻢ ﺳﯩﻠﻪﺭﻧﯩﯖﻜﯩﺪﻩﻙ 9-ﺋﺎﻳﺪﺍ ﺋﻪﻣﻪﺱ ﺑﻪﻟﻜﻰ 3،4-ﺋﺎﻳﻼﺭﺩﺍ ﺑﻮﻟﻐﺎﻥ. ﺷﯘ ﭼﺎﻏﺪﯨﻜﻰ ﺋﯩﺸﻼﺭ ﻫﺎﺯﯨﺮﻗﯩﺪﻩﻙ ﺋﯧﺴﯩﻤﺪﻩ ﺗﯘﺭﯗﭘﺘﯘ. ﺑﯩﺮ ﻛﯜﻧﻰ ﻣﻪﻫﻪﻟﻠﯩﺪﯨﻜﻰ ﺋﺎﺩﺍﺷﻠﯩﺮﯨﻤﻐﺎ ﺋﻪﮔﯩﺸﯩﭗ ﻣﻪﻛﺘﻪﭘﻜﻪ ﺑﺎﺭﺩﯨﻢ. ﭼﯘﻧﻜﻰ ﺋﯘﻻﺭ ﻣﻪﻛﺘﻪﭘﻜﻪ ﻛﻪﺗﺴﻪ ﻣﻪﻫﻪﻟﻠﯩﺪﻩ ﻣﻪﻥ ﺑﯩﻠﻪﻥ ﺋﻮﻳﻐﯩﺪﻩﻙ ﺑﺎﻻ ﻗﺎﻟﻤﺎﻳﺘﺘﻰ. ﺑﺎﺷﺘﺎ ﻣﯩﻨﻰ ﺩﺍﺭﯞﺍﺯﯨﺪﯨﻦ ﻛﯩﺮﮔﯜﺯﻣﻪﻣﺪﯨﻜﻰ ﺩﻩﭖ ﺋﻪﻧﺴﯩﺮﯨﮕﻪﻥ ﺋﯩﺪﯨﻢ، ﻟﯧﻜﯩﻦ ﻫﯩﭽﻜﯩﻢ ﺗﻮﺳﻤﯩﺪﻯ. ﻣﻪﻛﺘﻪﭘﻜﻪ ﺑﯧﺮﯨﭗ ﺷﯘﻧﺪﺍﻕ ﺟﯧﻖ ﺑﺎﻟﯩﻼﺭﻧﻰ ﻛﯚﺭﺩﯗﻡ. ﻣﯩﻨﯩﯔ ﺗﯘﻧﺠﻰ ﻗﯧﺘﯩﻢ ﺷﯘﻧﺪﺍﻕ ﺟﯧﻖ ﺑﺎﻟﯩﻼﺭﻧﻰ ﻛﯚﺭﯗﺷﯘﻡ ﺋﯩﺪﯨﻢ، ﻣﯩﻨﻰ ﺳﻪﻝ ﻗﻮﺭﻗﯘﻧﯘﭺ ﺑﺎﺳﺘﻰ. ﺋﺎﺩﺍﺷﻠﯩﺮﯨﻢ ﺑﯩﺮﺩﻩﻣﺪﯨﻼ ﺑﺎﺷﻘﺎ ﺑﺎﻟﯩﻼﺭﻧﯩﯔ ﺋﻮﻳﯘﻧﯩﻐﺎ ﻗﯧﺘﯩﻠﯩﭗ ﻛﻪﺗﺘﻰ. ﻣﻪﻥ ﺋﯘﻻﺭﻧﯩﯔ ﺋﻮﻳﯘﻧﯩﻐﺎ ﻗﺎﺭﺍﭖ ﺗﯘﺭﺩﯨﻢ. ﺗﯘﻳﯘﻗﺴﯩﺰ ﺑﯩﺮ ﺋﺎﺩﻩﻡ ﻗﻮﻟﯩﻐﺎ ﺑﯩﺮ ﺗﺎﻝ ﻗﻮﯕﻐﯘﺭﺍﻗﻨﻰ ﺋﯧﻠﯩﭗ ﻣﻪﻳﺪﺍﻧﻨﻰ ﺑﯩﺮ ﭼﻮﺭﮔﯩﻠﻪﭘﺘﻰ ﻫﻪﻣﻤﻪ ﺑﺎﻟﯩﻼﺭ ﻣﻪﻳﺪﺍﻧﻨﻰ ﭼﯚﺭﯨﺪﻩﭖ ﺳﯩﻠﯩﻨﻐﺎﻥ ﺋﻮﻳﻠﻪﺭﮔﻪ ﻛﯩﺮﯨﭗ ﻛﻪﺗﺘﻰ. ﻣﻪﻳﺪﺍﻧﺪﺍ ﭘﻪﻗﻪﺕ ﻣﻪﻧﻼ ﻳﺎﻟﻐﯘﺯ ﻗﺎﻟﺪﯨﻢ. ﻧﯩﻤﻪ ﻗﯩﻠﯩﺸﯩﻤﻨﻰ ﺑﯩﻠﻤﻪﻱ ﺗﯘﺭﺳﺎﻡ ﺩﺍﺩﺍﻡ ﺑﯩﻠﻪﻥ ﺗﻪﯕﺘﯘﺵ ﺑﯩﺮ ﺋﺎﺩﻩﻡ ﻗﯧﺸﯩﻤﮕﻪ ﻛﻪﻟﺪﻯ.
--- ﻧﯩﻤﯩﺸﻘﺎ ﺳﯩﻨﯩﭙﯩﯖﻐﺎ ﻛﯩﺮﻣﻪﻳﺴﻪﻥ؟
--- ﻣﯩﻨﯩﯔ ﺳﯩﻨﯩﭙﯩﻢ ﻳﻮﻕ.
--- ﻣﻪﻛﺘﻪﭘﻜﻪ ﻧﯩﻤﯩﺸﻘﺎ ﻛﻪﻟﺪﯨﯔ؟
--- ﺋﺎﺩﯨﺸﯩﻢ ﺑﯩﻠﻪﻥ ﻛﻪﻟﮕﻪﻥ. ﻫﺎﺯﯨﺮ ﻛﯧﺘﯩﻤﻪﻥ.
--- ﺳﻪﻥ ﺋﻮﻗﯘﻣﺎﻣﺴﻪﻥ؟ ﺋﻮﻗﯘﻏﯘﯓ ﺑﺎﺭﻣﯘ؟ ﻗﺎﻧﭽﯩﮕﻪ ﻛﯩﺮﺩﯨﯔ؟
ﻣﻪﻥ ﺟﺎﯞﺍﭖ ﺑﯩﺮﻩﻟﻤﻪﻱ ﻗﺎﻟﺪﯨﻢ.
--- ﻣﻪﻥ ﺑﯩﻠﻪﻥ ﻣﺎﯓ.
ﺋﯘ ﺋﺎﺩﻩﻡ ﻣﯩﻨﻰ ﺑﯩﺮ ﺋﻮﻳﮕﻪ ﺑﺎﺷﻼﭖ ﻛﯩﺮﺩﻯ، ﺑﯘ ﺋﻮﻳﺪﻩ ﺋﯘﭺ ﻗﺎﺗﺎﺭ ﻗﻮﻳﯘﻟﻐﺎﻥ ﺋﯘﺳﺘﻪﻝ-ﺋﻮﺭﯗﻧﺪﯗﻗﻼﺭ ﺑﺎﻟﯩﻼﺭ ﺋﯘﭼﺘﯩﻦ ﺗﻮﺗﺘﯩﻦ ﻗﯩﺴﺘﯩﻠﯩﺸﯩﭗ ﺋﻮﻟﺘﯘﺭﯗﭖ ﻛﯧﺘﯩﭙﺘﯘ. ﻣﯩﻨﻰ ﻣﻪﻛﺘﻪﭘﻜﻪ ﺑﺎﺷﻼﭖ ﻛﻪﻟﮕﻪﻥ ﺋﺎﺩﯨﺸﯩﻢ (ﻗﻮﺷﻨﯩﻤﯩﺰﻧﯩﯔ ﺑﺎﻟﯩﺴﻰ) ﻣﯘ ﺑﺎﺭﻛﻪﻥ، ﺋﯘ ﻣﯩﻨﻰ ﻛﯚﺭﯗﭖ " ﻣﺎﻟﯩﻢ، ﺋﯘ ﺋﻮﻗﯘﻣﺎﻳﺪﯗ!" ﺩﯨﯟﯨﺪﻯ ﺋﯘ ﺋﺎﺩﻩﻡ "ﺋﻪﻣﺪﻯ ﺋﻮﻗﯘﻳﺪﯗ" ﺩﯨﺪﻯ ﻫﻪﻡ ﻣﯩﻨﻰ ﺋﯘﭺ ﺑﺎﻻ ﺋﻮﻟﺘﯘﺭﻏﺎﻥ ﺑﯩﺮ ﺋﯘﺳﺘﻪﻟﮕﻪ ﺋﺎﭘﯩﺮﯨﭗ ﺋﻮﻟﺘﯘﺭﻏﯘﺯﯗﭖ ﻗﻮﻳﺪﻯ. ﻣﻪﻥ ﺑﯩﺮﺩﻩﻡ ﺋﯘ ﺋﺎﺩﻩﻣﮕﻪ، ﺑﯩﺮ ﺩﻩﻡ ﺑﺎﻟﯩﻼﺭﻏﺎ ﻗﺎﺭﺍﭖ ﺋﻮﻟﺘﯘﺭﺩﯗﻡ. ﺑﯩﺮ ﻫﺎﺯﺍﺩﯨﻦ ﻛﯧﻴﯩﻦ ﻳﻪﻧﻪ ﻗﻮﯕﻐﯘﺭﺍﻕ ﺋﺎﯞﺍﺯﻯ ﺋﺎﯕﻼﻧﺪﻯ. ﺑﺎﻟﯩﻼﺭ ﭼﯘﻗﯘﺭﯗﺷﯘﭖ ﺳﯩﺮﺗﻘﺎ ﭼﯩﻘﯩﭗ ﻛﯧﺘﯩﺸﯩﺘﻰ، ﺋﺎﺩﯨﺸﯩﻢ ﻗﯩﺸﯩﻤﻐﺎ ﻛﻪﻟﺪﻯ، ﻣﺎﻟﯩﻤﻤﯘ ﻛﻪﻟﺪﻯ. ﻣﺎﻟﯩﻢ ﻣﯩﻨﯩﯔ ﺋﻪﻣﺪﻯ 1-ﻳﯩﻠﻠﯩﻖ 4-ﺳﯩﻨﯩﭙﻨﯩﯔ ﺋﻮﻗﯘﻏﯘﭼﯩﺴﻰ ﺑﻮﻟﻐﺎﻧﻠﯩﻘﯩﻤﻨﻰ، ﻳﻪﻛﺸﻪﻧﺒﻪ ﻛﯘﻧﯩﺪﯨﻦ ﺑﺎﺷﻘﺎ ﻫﻪﺭ ﻛﯘﻧﻰ ﻣﻪﻛﺘﻪﭘﻜﻪ ﻛﯧﻠﯩﺸﯩﻢ ﻻﺯﯨﻤﻠﯩﻘﯩﻨﻰ ﺩﯨﺪﻯ، ﻫﻪﻡ ﻣﺎﯕﺎ ﺑﯩﺮ ﺗﺎﻝ ﭘﯘﭼﯘﻕ ﺳﯩﻴﺎ (ﻗﯧﺮﯨﻨﺪﺍﺵ) ﻗﻪﻟﻪﻡ ﺑﯩﻠﻪﻥ ﺑﯩﺮ ﺩﻩﭘﺘﻪﺭ ﺑﻪﺭﺩﻯ. ﺋﺎﻧﺪﯨﻦ ﻣﺎﯕﺎ ﺋﺎﻧﺎﯓ ﺩﺍﺩﺍﯕﻐﺎ ﺩﻩﭖ ﺩﻩﭘﺘﻪﺭ، ﺑﻮﺧﭽﺎ ﺗﻪﻳﻴﺎﺭﻟﯩﯟﺍﻝ، ﻛﯩﺘﺎﭘﻨﻰ ﻣﻪﻥ ﺋﻪﺗﻪ ﺑﯩﺮﯨﻤﻪﻥ ﺩﯨﺪﻯ ﻫﻪﻡ ﻣﯩﻨﻰ ﻣﻪﻛﺘﻪﭘﻜﻪ ﺑﯩﻠﻠﻪ ﺋﯧﻠﯩﭗ ﻛﯧﻠﯩﺸﻨﻰ ﺋﺎﺩﯨﺸﯩﻤﻐﺎ ﺗﺎﭘﯩﻠﯩﺪﻯ.
ﻛﻪﭼﺘﻪ ﺋﻮﻳﮕﻪ ﺑﯧﺮﯨﭗ ﺋﻮﻗﯘﻏﯘﭼﻰ ﺑﻮﻟﻐﺎﻧﻠﯩﻘﯩﻤﻨﻰ، ﺩﻩﭘﺘﻪﺭ، ﺑﻮﻏﭽﺎ ﺋﯧﻠﯩﭗ ﺑﯧﺮﯨﺸﯩﻨﻰ ﺩﯨﺴﻪﻡ ﻫﯩﭽﻜﯩﻢ ﺋﯩﺸﻪﻧﻤﯩﺪﻯ، ﺋﯘﻻﺭ ﻣﻪﻛﺘﻪﭖ ﺩﯨﮕﻪﻧﮕﻪ 9-ﺋﺎﻳﺪﺍ ﺋﻮﻗﯘﻏﯘﭼﻰ ﺋﺎﻟﯩﺪﯗ، ﻫﺎﺯﯨﺮ ﺋﻮﻗﯘﻏﯘﭼﻰ ﺋﺎﻟﯩﺪﯨﻐﺎﻥ ﭼﺎﻍ ﺋﻪﻣﻪﺱ، ﻣﻪﻛﺘﻪﭘﻜﻪ ﺧﻪﺗﻠﯩﺘﯩﭗ، ﺑﻪﺩﻩﻝ ﭘﯘﻟﻰ ﺗﻮﻟﯩﺴﻪ ﺋﺎﻧﺪﯨﻦ ﺋﻮﻗﯘﻏﯘﭼﻰ ﺑﻮﻟﻐﯩﻠﻰ ﺑﻮﻟﯩﺪﯗ.... ﺋﯘ ﻣﺎﻟﯩﻢ ﺳﯩﻨﻰ ﮔﻮﻟﻼﭖ ﻗﻮﻳﯘﭘﺘﯘ ﺩﯨﻴﯩﺸﯩﺘﻰ. ﻣﻪﻥ ﮔﯧﭙﯩﻤﺪﻩ ﭼﯩﯔ ﺗﯘﺭﺩﯗﻡ. ﺋﻪﺗﯩﺴﻰ ﻣﻪﻛﺘﻪﭖ ﺑﺎﺭﺩﯨﻢ، ﻣﺎﻟﯩﻢ ﻣﻪﻛﺘﻪﭖ ﺩﻩﺭﯞﺍﺯﯨﺴﻰ ﺋﺎﻟﺪﯨﺪﺍ ﺳﺎﻗﻼﭖ ﺗﯘﺭﯗﭘﺘﯩﻜﻪﻥ، ﻣﯩﻨﻰ ﻛﯚﺭﯗﭖ ﻛﯘﻟﯘﻣﯩﺴﯩﺮﯨﺪﻯ ﻫﻪﻡ ﻣﯩﻨﻰ ﺗﻮﻧﯘﮔﯘﻧﻜﻰ ﺋﻮﻳﮕﻪ ﺑﺎﺷﻼﭖ ﻛﯩﺮﺩﻯ. ﺷﯘﻧﺪﺍﻕ ﻗﯩﻠﯩﭗ ﻣﻪﻥ ﺋﻮﻗﯘﻏﯘﭼﻰ ﺑﻮﻟﯘﭖ ﻗﺎﻟﺪﯨﻢ. ﻛﯧﻴﯩﻦ ﺋﻮﻳﺪﯨﻜﯩﻠﻪﺭﻣﯘ ﺋﯩﺸﻪﻧﺪﻯ، ﺩﺍﺩﺍﻡ ﺋﻪﮔﻪﺭ 2-ﺳﯩﻨﯩﭗ (ﻳﯩﻠﻠﯩﻖ) ﻗﺎ ﭼﯩﻘﺎﻟﯩﺴﺎﻡ ﺑﯩﺮ ﺗﺎﻝ ﻗﻮﻝ ﺳﺎﺋﯩﺘﻰ ﺋﯧﻠﯩﭗ ﺑﻪﺭﻣﻪﻛﭽﻰ ﺑﻮﻟﺪﻯ. ﻛﯧﻴﯩﻦ 2-ﻳﯩﻠﻠﯩﻘﻘﺎ ﺋﯚﺭﺗﺎ ﻧﻪﺗﯩﺠﻪ ﺑﯩﻠﻪﻥ ﻛﯚﭼﺘﯘﻡ. ﻛﯚﺭﺳﻪﺗﻜﯘﭼﻨﻰ ﺩﺍﺩﺍﻣﻐﺎ ﻛﻮﺭﺳﻪﺗﻜﻪﻥ ﻛﯜﻧﻨﯩﯔ ﺋﻪﺗﯩﺴﻰ ﻣﺎﯕﺎ ﺑﯩﺮﺗﺎﻝ ﺋﯩﻠﯩﻜﺘﯩﺮﻭﻧﻠﯘﻕ ﻗﻮﻝ ﺳﺎﺋﯩﺘﻰ ﺋﯧﻠﯩﭗ ﺑﻪﺭﺩﻯ.
ﺷﯘﻧﺪﺍﻕ ﻗﯩﻠﯩﭗ ﻗﻮﻝ ﺳﺎﺋﻪﺗﻠﯩﻚ ﺑﻮﻻﭖ ﻗﺎﻟﺪﯨﻢ، ﺳﺎﺋﯩﺘﯩﻤﮕﻪ ﭘﺎﺕ-ﭘﺎﺕ ﻗﺎﺭﺍﭖ ﻗﻮﻳﺎﺗﺘﯩﻢ، ﺳﯩﻨﯩﭙﺘﺎ ﺑﯩﺮ ﻧﻪﭼﭽﻪ ﺑﺎﻟﯩﻨﯩﯖﻼ ﺳﺎﺋﯩﺘﻰ ﺑﺎﺭ ﺋﯩﺪﻯ. ﺋﯘﻻﺭ ﺳﺎﺋﯩﺘﯩﯔ ﻗﺎﻧﭽﻪ ﺑﻮﻟﺪﻯ ﺩﻩﭖ ﺳﻮﺭﺍﭖ ﻗﺎﻟﺴﺎ، ﺑﯧﻠﯩﻜﯩﻤﺪﯨﻜﻰ ﺳﺎﺋﯩﺘﯩﻤﮕﻪ ﻗﺎﻟﺘﯩﺲ ﭘﻮﭼﯩﻠﯩﻖ ﺑﯩﻠﻪﻥ ﻗﺎﺭﯨﯟﻩﺗﻜﻪﻧﺪﯨﻦ ﻛﯧﻴﯩﻦ ﻣﺎﻧﭽﻪ ﺑﻮﻻﭘﺘﯘ ﺩﻩﭖ ﯞﺍﻗﯩﺘﻨﻰ ﺩﻩﭖ ﺑﯩﺮﻩﺗﺘﯩﻢ. ﻗﻮﻝ ﺳﺎﺋﻪﺗﻨﻰ ﻫﻪﺭﮔﯩﺰﻣﯘ ﺑﯩﻠﻜﯩﻤﺪﯨﻦ ﺋﺎﺟﺮﺍﻳﺘﻤﺎﻳﺘﺘﯩﻢ، ﻛﯧﭽﯩﺴﯩﻤﯘ ﺗﺎﻗﺎﭖ ﻳﺎﺗﺎﺗﺘﯩﻢ. ﺑﯩﺮ ﻧﻪﭼﭽﻪ ﻛﯘﻧﺪﯨﻦ ﻛﯧﻴﯩﻦ ﺳﺎﺋﯩﺘﯩﻤﻨﯩﯔ ﻗﻮﯕﻰ (ﺗﯘﯞﻯ) ﺩﺍﺗﻼﭖ ﻗﺎﻟﻐﺎﻧﻠﯩﻘﯩﻨﻰ ﺑﺎﻳﻘﺎﭖ، ﺑﯘﺯﯗﭖ ﻗﻮﻳﻐﺎﻥ ﺋﻮﺧﺸﺎﻳﻤﻪﻥ ﺩﻩﭖ ﺑﻪﻛﻼ ﻗﻮﺭﻗﯘﭖ ﻛﻪﺗﺘﯩﻢ، ﺋﺎﺳﺘﺎ ﺋﺎﻛﺎﻣﻐﺎ ﻛﯚﺭﺳﻪﺗﺴﻪﻡ، ﺋﯘ ﻛﯘﻟﯘﭖ ﻛﯧﺘﯩﭗ، ﺳﺎﺋﯩﺘﯩﻤﻨﯩﯔ ﻗﻮﯕﯩﻨﻰ ﺋﯧﻠﯩﭗ، ﻗﯘﻣﻐﺎ ﺳﯘﺭﻛﻪﭖ ﺋﺎﻗﺎﺭﺗﯩﭗ ﺑﻪﺭﺩﻯ ﻫﻪﻡ ﺑﯘﻧﯩﯔ ﻗﻮﯕﻰ ﺟﺎﻛﻪﻥ، ﺳﺎﯕﺎ ﺟﯩﯔ ﻗﻮﯕﺪﯨﻦ ﺑﯩﺮﻧﻰ ﺋﯧﻠﯩﭗ ﺑﯩﺮﻩﻱ، ﺩﺍﺩﺍﻣﻐﺎ ﺩﯨﻤﻪ ﺩﯨﺪﻯ. ﺋﻪﺗﯩﺴﻰ ﺑﯩﻠﻠﻪ ﺑﯧﺮﯨﭗ ﺋﯩﻜﻜﻰ ﻣﻮﭼﻪﻧﮕﻪ ﺑﯩﺮ ﺯﯨﺦ ﻛﺎﯞﺍﭘﻨﯩﯔ ﭘﯘﻟﯩﻐﺎ ﺩﺍﺗﻼﺷﻤﺎﻳﺪﯨﻐﺎﻥ ﺟﯧﯔ ﻗﻮﯕﺪﯨﻦ ﺑﯩﺮﻧﻰ ﺋﺎﻟﺪﯗﻕ، ﺩﺍﺗﻠﯩﺸﯩﺪﯨﻐﺎﻧﻨﻰ ﺑﻪﺵ ﺳﯩﻨﯩﺘﻘﺎ ﺋﺎﻟﻐﯩﻠﻰ ﺑﻮﻟﯩﺪﯨﻜﻪﻥ. ﺷﯘﻧﺪﺍﻕ ﻗﯩﻠﯩﭗ ﻗﻮﯓ ﺋﺎﻟﻤﺎﺷﺘﯘﺭﯗﺷﻨﻰ ﺑﯩﻠﯩﯟﺍﻟﺪﯨﻢ، ﺋﺎﻛﺎﻡ ﻳﻪﻧﻪ ﺳﺎﺋﻪﺗﻨﻰ ﺗﻪﯕﺸﻪﺷﻨﻰ، ﻣﺎﻱ (ﺑﺎﺗﺎﺭﯨﻴﻪ) ﺋﺎﻟﻤﺎﺷﺘﯘﺭﯗﺷﻨﻰ ﺋﯘﮔﯩﺘﯩﭗ ﻗﻮﻳﺪﻯ. ﺷﯘﻧﺪﺍﻕ ﻗﯩﻠﯩﭗ ﻣﻪﻥ ﺳﯩﻨﯩﭙﺘﺎ ﺳﺎﺋﻪﺕ ﺋﯘﺳﺘﯩﺴﻰ ﺑﻮﻻﭖ ﻗﺎﻟﺪﯨﻢ......
ﺷﯘﻧﺪﯨﻦ ﻛﯧﻴﯩﻦ ﻗﻮﻝ ﺳﺎﺋﻪﺕ ﺗﺎﻗﺎﭖ ﻛﻪﻟﺪﯨﻢ، ﺳﺎﺋﯩﺘﯩﻢ ﻳﯘﺗﯘﭖ ﻛﯧﺘﯩﭗ ﻳﺎﻛﻰ ﺑﯘﺯﯗﻟﯘﭖ ﻛﯧﺘﯩﭗ ﺳﺎﺋﻪﺗﺴﯩﺰ ﻗﺎﻟﺴﺎﻡ ﺑﻪﻛﻼ ﺋﯩﭽﯩﻢ ﭘﯘﺷﺎﺗﺘﻰ، ﺑﯧﻠﯩﻜﯩﻤﺪﻩ ﺑﯩﺮ ﻧﻪﺭﺳﻪ ﻛﻪﻣﺪﻩﻙ ﻫﯩﺲ ﻗﯩﻠﯩﭗ ﻗﺎﻻﺗﺘﯩﻢ. ﺋﺎﻣﺎﻟﺴﯩﺰ ﯞﻩﻟﯩﺴﭙﯩﺖ ﺋﯩﭻ ﻛﺎﻣﯩﺮﯨﺪﯨﻦ ﺳﺎﺋﻪﺕ ﺑﯧﻐﯩﺪﻩﻙ ﻛﻪﯕﻠﯩﻜﺘﻪ ﻫﺎﻟﻘﺎ ﻛﯩﺴﯩﯟﯨﻠﯩﭗ ﺑﯧﻠﯩﻜﯩﻤﮕﻪ ﺳﯧﻠﯩﯟﺍﻻﺗﺘﯩﻢ.
ﻛﯧﻴﯩﻦ ﻧﯘﺭﻏﯘﻥ ﻗﻮﻝ ﺳﺎﺋﯩﺘﻰ ﺗﺎﻗﯩﺪﯨﻢ. ﺑﺎﺷﺘﺎ ﺋﻪﯓ ﺋﺎﺩﻩﺗﺘﯩﻜﯩﺴﯩﻨﻰ ﺗﺎﻗﯩﻐﺎﻥ ﺑﻮﻟﺴﺎﻡ، ﻛﯧﻴﯩﻦ ﻣﯘﺯﯨﻜﯩﻠﯩﻘﻨﻰ، ﺋﺎﯞﺍﺯﻟﯩﻘﯩﻨﻰ، ﻫﻪﺗﺘﺎ ﻫﯩﺴﺎﭘﻼﺵ ﺋﯩﻘﺘﯩﺪﺍﺭﻯ ﺑﺎﺭﻟﯩﺮﯨﻨﻰ ﺗﺎﻗﯩﺪﯨﻢ. ﻟﯧﻜﯩﻦ ﺋﯘﻻﺭﻧﯩﯔ ﻫﻪﻣﻤﯩﺴﻰ ﺋﯧﻠﯩﻜﺘﯩﺮﻭﻧﻠﯘﻕ ﺳﺎﺋﻪﺕ ﺋﯩﺪﻯ. ﺋﺎﻟﻰ ﻣﻪﻛﺘﻪﭘﻜﻪ ﻣﯧﯖﯩﺸﻨﯩﯔ ﺋﺎﻟﺪﯨﺪﺍ ﺋﺎﻛﺎﻡ ﺑﯩﺮﺗﺎﻝ ﺷﺎﯕﺨﻪﻱ ﻣﺎﺭﻛﯩﻠﯩﻖ ﺳﺎﺋﯩﺘﯩﻨﻰ ﺑﻪﺭﺩﻯ. ﻟﯧﻜﯩﻦ ﺋﯘ ﺳﺎﺋﻪﺗﻜﻪ ﭘﺎﺕ-ﭘﺎﺕ ﺋﺎﭼﻘﯘﭺ ﺑﯧﺮﯨﭗ ﺗﯘﺭﻣﯩﺴﺎ ﺗﻮﺧﺘﺎﭖ ﻗﺎﻻﺗﺘﻰ، ﻫﻪﻡ ﺋﺎﻧﭽﻪ ﺑﻪﻙ ﺗﻮﻏﺮﺍ ﻣﯧﯖﯩﭗ ﻛﻪﺗﻤﻪﻳﺘﺘﻰ، ﻫﻪﭘﺘﯩﺪﻩ ﺑﻪﺵ- ﺋﺎﻟﺘﻪ ﻣﯩﻨﯘﺕ ﺋﺎﺭﻗﯩﺪﺍ ﻗﺎﻻﺗﺘﻰ. ﻣﻪﻧﻤﯘ ﺋﺎﭼﻘﯘﭺ ﺑﯩﺮﯨﺸﻨﻰ ﺗﻮﻻ ﺋﯘﻧﺘﯘﭖ ﻗﺎﻻﺗﺘﯩﻢ. ﺋﺎﺧﯩﺮﻯ ﺋﯘﻧﯩﯔ ﺑﯩﻠﻪﻥ ﻛﯩﻠﯩﺸﻪﻟﻤﻪﻱ ﺋﯩﻜﻜﻰ ﺋﺎﻱ ﺗﺎﻣﺎﻕ ﭘﯘﻟﯘﻣﻨﻰ ﻳﯧﻐﯩﭗ ﻳﯘﺭﯗﭖ ﺋﻮﺗﺘﯘﺯ ﻧﻪﭼﭽﻪ ﻛﻮﻳﻐﺎ ﺑﯩﺮ ﺗﺎﻝ ﻣﺎﻱ ﺑﯩﻠﻪﻥ ﻣﺎﯕﯩﺪﯨﻐﺎﻥ ﺳﯩﺘﯩﺮﯨﻠﻜﯩﻠﯩﻖ ﺳﺎﺋﻪﺗﺘﯩﻦ ﺑﯩﺮ ﺋﺎﻟﺪﯨﻢ. ﻫﻪﻡ ﺷﯘﺧﯩﻞ ﺳﺎﺋﻪﺗﻜﻪ ﺋﺎﻣﺮﺍﻕ ﺑﻮﻟﯘﭖ ﻗﺎﻟﺪﯨﻢ.
ﻛﯧﻴﯩﻦ ﻳﯧﻨﯩﻤﻐﺎ ﭼﺎﻗﯩﺮﻏﯘ ﭘﻪﻳﺪﺍ ﺑﻮﻟﻐﺎﻧﺪﯨﻦ ﺑﺎﺷﻼﭖ، ﻣﺎﯞﯗ ﺑﯧﻠﯩﻜﯩﻤﺪﯨﻜﻰ ﺳﺎﺋﻪﺕ ﺋﺎﺭﺗﯘﻗﭽﻪ ﺑﯧﻠﯩﻨﯩﺸﻜﻪ ﺑﺎﺷﻠﯩﺪﻯ، ﺋﻪﺗﺮﺍﭘﯩﻤﺪﯨﻜﯩﻠﻪﺭﻣﯘ ﺳﺎﺋﯩﺘﯩﻤﻨﻰ ﺯﺍﯕﻠﯩﻖ ﻗﯩﻠﯩﺸﻘﺎ ﺑﺎﺷﻠﯩﺪﻯ، ﺋﯘﻻﺭﭼﻪ ﺋﻪﻣﺪﻯ ﺳﺎﺋﻪﺕ ﺗﺎﻗﺎﺵ ﺋﺎﺭﺗﯘﻗﭽﯩﻤﯩﺶ، ﺗﺎﻗﺎﻳﻤﻪﻥ ﺩﯨﺴﻪﻙ ﻧﻪﭼﭽﻪ ﻣﯩﯔ ﻛﻮﻳﻠﯘﻕ ﺋﯩﺴﯩﻞ ﺳﺎﺋﻪﺗﻠﻪﺭﻧﻰ ﺗﺎﻗﯩﺴﺎﻕ ﺋﺎﻧﺪﯨﻦ ﻳﺎﺭﯨﺸﺎﺭﻣﯩﺶ. ﺑﯘ ﮔﻪﭘﻠﻪﺭ ﻣﺎﯕﺎ " ﺗﯘﻏﯘﻟﻐﺎﻥ ﻛﯘﻥ ﺳﻮﯞﻏﯩﺴﻰ" ﺩﯨﮕﻪﻥ ﻛﯩﻨﻮﻧﻰ ﺋﻪﺳﻠﻪﺗﺘﻰ، ﺩﯨﻤﯩﺴﯩﻤﯘ ﺩﻭﮔﻼﺱ ﻧﻰ ﻣﻪﻟﯘﻡ ﺑﯩﺮ ﺋﻮﺗﺘﯘﺭﺍ ﺷﻪﺭﻕ ﺩﻭﻟﯩﺘﯩﮕﻪ ﻳﺎﻻﯕﺘﻮﺵ ﻗﯩﻠﯩﭗ ﺗﺎﺷﻼﭖ ﻗﻮﻳﻐﺎﻧﺪﺍ، ﺑﯧﻠﯩﻜﯩﺪﯨﻜﻰ ﺋﺎﻟﺘﯘﻥ ﺳﺎﺋﯩﺘﯩﮕﻪ ﺗﺎﻳﻨﯩﭗ ﺋﺎﻣﺮﯨﻜﯩﻐﺎ ﻗﺎﻳﺘﯩﭗ ﻛﯩﻠﻪﻟﯩﮕﻪﻥ ﺋﻪﻣﻪﺳﻤﯘ؟ ﻣﻪﻧﻤﯘ "ﺗﺎﻗﯩﺴﺎﻡ ﺷﯘﻧﺪﺍﻕ ﺳﺎﺋﻪﺕ ﺗﺎﻗﺎﻳﻤﻪﻥ، ﺑﻮﻟﻤﯩﺴﺎ ﺗﺎﻗﯩﻤﺎﻳﻤﻪﻥ، ﯞﺍﻗﯩﺘﻨﻰ ﭼﺎﻗﯩﺮﻏﯘﺩﯨﻦ ﺑﯩﻠﺴﻪﻣﻼ ﺑﻮﻟﻤﯩﺪﯨﻤﯘ!" ﺩﻩﭖ ﺋﻮﻳﻼﭖ ﺑﯧﻠﯩﻜﯩﻤﻨﻰ ﺳﺎﺋﻪﺕ ﺗﺎﻗﺎﺷﺘﯩﻦ >ﺋﺎﺯﺍﺕ< ﻗﯩﻠﺪﯨﻢ. ﻫﻪﺵ-ﭘﻪﺵ ﺩﯨﮕﯘﭼﻪ ﺋﻮﻥ ﻳﯩﻞ ﺋﻮﺗﯘﭖ ﻛﯧﺘﯩﭙﺘﯘ، ﺗﻮﻱ ﻗﯩﻠﻐﺎﻧﺪﺍ ﺋﺎﻟﻐﺎﻥ ﺗﻮﻳﻠﯘﻕ ﺳﺎﺋﻪﺗﻨﯩﻤﯘ ﺗﺎﻗﺎﺵ ﺧﻮﺵ ﻳﺎﻗﻤﯩﻐﺎﻥ ﺋﯩﺪﻯ. ﺑﯩﺮ ﺑﺎﻟﯩﻨﯩﯔ ﺩﺍﺩﯨﺴﻰ ﺑﻮﻟﯘﭖ ﻗﺎﻟﻐﺎﻧﺪﯨﻤﯘ ﺳﺎﺋﻪﺕ ﺗﺎﻗﺎﺵ ﺩﯨﮕﻪﻧﻨﻰ ﺧﻴﺎﻟﯩﻤﻐﯩﻤﯘ ﻛﻪﻟﺘﯘﺭﯗﭖ ﻗﻮﻳﻤﯩﻐﺎﻥ ﺋﯩﺪﯨﻢ، ﻟﯧﻜﯩﻦ ﻳﯧﻘﯩﻨﺪﺍ ﻳﯘﺯ ﺑﻪﺭﮔﻪﻥ ﺑﯩﺮ ﺋﯩﺶ ﻣﯩﻨﯩﯔ ﻳﻪﻧﻪ ﻗﻮﻝ ﺳﺎﺋﻪﺕ ﺗﺎﻗﯩﺸﯩﻤﻐﺎ ﺳﻪﯞﻩﭖ ﺑﻮﻟﺪﻯ. ﺷﯘﻧﺪﺍﻕ ﻗﯩﻠﯩﭗ ﺋﺎﺩﺩﻯ ﺑﻮﻟﺴﯩﻤﯘ ﻳﺎﭘﻮﻥ ﭘﺎﻛﺎﺭﻟﯩﺮﻯ ﻳﺎﺳﯩﻐﺎﻥ SEIKO ﻣﺎﺭﻛﯩﻠﯩﻖ ﺋﺎﭼﻘﯘﭺ ﺑﻪﺭﻣﯩﺴﯩﻤﯘ ﺑﻮﻟﯩﺪﯨﻐﺎﻥ ﻣﯩﺨﺎﻧﯩﻜﻠﯩﻖ ﺳﺎﺋﻪﺗﺘﯩﻦ ﺑﯩﺮ ﺗﺎﻗﯩﯟﺍﻟﺪﯨﻢ. ﻗﻮﻝ ﺳﺎﺋﯩﺘﻰ ﺗﺎﻗﺎﺷﻘﺎ ﻛﯚﻧﻪﻟﻤﻪﻱ ﺑﯩﺮ ﻗﺎﻧﭽﻪ ﻛﯜﻧﮕﯩﭽﻪ ﺧﯧﻠﻰ ﻗﯩﻴﻨﺎﻟﻐﺎﻧﻤﯘ ﺑﻮﻟﺪﯗﻡ، ﻫﺎﺯﯨﺮ ﺧﯧﻠﻰ ﻛﯚﻧﯘﭘﻤﯘ ﻗﺎﻟﺪﯨﻢ. ﺑﯧﻠﯩﻜﯩﻤﺪﯨﻜﻰ ﺳﺎﺋﻪﺗﻜﻪ ﻗﺎﺭﺍﭖ ﻧﯘﺭﻏﯘﻥ ﺋﯩﺸﻼﺭﻧﻰ ﺋﻪﺳﻠﯩﺪﯨﻢ ﻫﻪﻡ ﺑﯩﺮ ﻗﯩﺴﻤﯩﻨﻰ ﺳﯩﺰﮔﻪ ﺩﻩﭖ ﺑﻪﺭﮔﯜﻡ ﻛﻪﻟﺪﻯ.历史上的今天：
ئۇيغۇر سەئىدىيە خاندانلىقى ھەققىدە قىسقىچە بايان 2009年05月21日تەستەك 2009年05月21日ساتىراچخانا (كۇچادىكى كەچمىش) 2009年05月21日چىن سۆيگۈ 2009年05月21日شەيتان ھەزەتلىرىدىن پەرمان: 2009年05月21日
