ilqut.yanbilog.comئىلقۇت يازمىلىرى يانبىلوگى

 
  شامال مەۋجۇت، لېكىن ھېچكىم ئۇنى كۆرەلىگەن ئەمەس؛ ھېسسىيات مەۋجۇت، ئوخشاشلا ھېچكىم ئۇنى كۆرەلىگەن ئەمەس؛
تۇيغۇ مەۋجۇتلۇق تەشنالىقىغا بۆسۈپ كىرگەن ئىكەن، ئۇشبۇ قۇرلار ھايات باياۋانلىرىدا مۇساپىر بولىدۇ.
ھايات مەناغا مۇھتاج؛ ئادەم قىسقىغىنە ھاياتلىقىدا ئىز قالدۇرماق مۇھىم، ئەمما ئىزنى قانداق قالدۇرۇش بۇ ھەر بىر تەپەككۇر ئىگىسىنىڭ قىممەت قارىشى، كىشىلىك قارىشى، دۇنيا قارىشى تەرىپىدىن جاۋابلىنىدۇ.
ئىلقۇت دېمەك ئەلنىڭ بەختى دېمەكتۇر!
ئىلقۇت ئىلقۇت بولماق ئۈچۈن بۇ ھايات جەڭگاھىدا ھەر ۋاقىت دوئىل ئوينايدۇ!
ئىلقۇت مەۋجۇدىيىتى
شامال مەۋجۇت، لېكىن ھېچكىم ئۇنى كۆرەلىگەن ئەمەس؛ ھېسسىيات مەۋجۇت، ئوخشاشلا ھېچكىم ئۇنى كۆرەلىگەن ئەمەس؛
تۇيغۇ مەۋجۇتلۇق تەشنالىقىغا بۆسۈپ كىرگەن ئىكەن، ئۇشبۇ قۇرلار ھايات باياۋانلىرىدا مۇساپىر بولىدۇ.
ھايات مەناغا مۇھتاج؛ ئادەم قىسقىغىنە ھاياتلىقىدا ئىز قالدۇرماق مۇھىم، ئەمما ئىزنى قانداق قالدۇرۇش بۇ ھەر بىر تەپەككۇر ئىگىسىنىڭ قىممەت قارىشى، كىشىلىك قارىشى، دۇنيا قارىشى تەرىپىدىن جاۋابلىنىدۇ.
ئىلقۇت دېمەك ئەلنىڭ بەختى دېمەكتۇر!
ئىلقۇت ئىلقۇت بولماق ئۈچۈن بۇ ھايات جەڭگاھىدا ھەر ۋاقىت دوئىل ئوينايدۇ!
  • 1
  • 2
  • 3
  • 4
تەۋسىيە يازمىلار
ئاۋات يازمىلار
ئەڭ يېڭى يازمىلار
كۆپ باھالىق يازمىلار
يازما ئىزدەش
Tag لەر رېتى
تەربىيە مۇۋۋەپپەقىيەت تىل-يېزىق پوۋىست ژۇرنال ئىزباسار خىزمەت ئۆكۈنۈش ئۇتۇق كارخانىچىلىق كارخانا ئۆزلۈك مىرادىل تىل بۇرچ سەدىقە ئايفون كىتابخۇمار ئۇيغۇر ئىرادە مەنا ئىستېمال بانكا ئىرادە Tesla تەھرىرلىك ھايات مېھرى-مۇھەببەت مەۋجۇتلۇق مەغلۇبىيەت نەشرىيات ئىسىم ساغلام باھا بەڭباشلىق رامىزان خىزمەت كىملىك ئۇيغۇرلار ئەدەبىيات ئېلون ئىملا مۇھەببەت ئەخلاق يالغان مونوپۇل ئىشەنچ جوبس ئەقىل كىتاب
دوستانە ئۇلىنىشلار

ستېۋ جوبستىن كېيىنكى دۇنيانى ئۆزگەرتكۈچى: ئېلون ماسك

ستېۋ جوبستىن كېيىنكى دۇنيانى ئۆزگەرتكۈچى: ئېلون ماسك

ۋاقتى: 2016-08-06 ئاۋاتلىقى: 8526 قېتىم

يانفوندا كۆرۈش

ستېۋ جوبستىن كېيىنكى دۇنيانى ئۆزگەرتكۈچى: ئېلون ماسك

تەرجىمىدە: ياسىنجان مەتروزى ئىلقۇت


ئۇ 8 ياش ۋاقتىدا پۈتكۈل ئېنگلىزچە چوڭ قامۇسنى راۋان ئوقۇيالايدىغان بولغان، 10 ياش ۋاقتىدا ئۆزىنىڭ تۇنجى كومپيۇتېرىغا ئېرىشكەن، ئۆزلۈكىدىن پىروگراممېرلىقنى ئۆگەنگەن، 12 ياش ۋاقتىدا تۇنجى ئېلېكتىرونلۇق ئويۇن دېتالىنى لايىھەلەپ چىققان، 13 ياش ۋاقتىدا مەۋجۇدىيەتچىلىك خىرىسىنى ھېس قىلىپ يەتكەن ھەمدە ئادەمنىڭ ھاياتلىق مەۋجۇدلۇقىنىڭ ئاساسىدىن گۇمانلىنىشقا باشلىغان، پېنسىلۋانىيە ئۇنىۋېرسىتېتىدا ئوقۇش مەزگىلىدە ئىقتىساد ئىلمى ۋە فىزىكا ئىلمى بويىچە قوش ئۇنۋان ئالغان...
ئۇ بىر ئېنژىنېر، لايىھەچى، ساخاۋەتچى، ئۇ يەنە ئۆز نۆۋىتىدە Paypal شىركىتى (چەتئەلنىڭ ئەڭ داڭلىق توردا پۇل تۆلەش شىركىتى)، SpaceX شىركىتى (ئالەم بوشلۇقى ئىزدىنىش تېخنىكىسى شىركىتى)، تېسلا (Tesla) ۋە SolarCity شىركىتى (قوياش ئېنېرگىيەسى شىركىتى) قاتارلىق تۆت چوڭ شىركەتنىڭ CEO دۇر، ئۇ دەل ئېلون ماسك--يەنە بىر ئاغدۇرمىچى، دۇنيانى ئارقىسىدا قالدۇرغۇچىدۇر.

سىتانفورت ئۇنىۋېرسىتېتىدىن ئوقۇشتىن چېكىنىپ ئىگىلىك تىكلىگىنىدىن ھازىرغىچە 20 يىل بولمىغان، ساناقسىز گۇمانىي قاراشلارغا دۇچ كەلگەن، ئۇنىڭ شىركىتى كۆپ قېتىم ھايات-ماماتلىق دوقمۇشىدا نىشانىنى يوقىتىپ قويۇشقا دۇچ كەلگەن، ئەمما ئۇ مەغلۇب بولۇپ باقمىغان گىگانىتتۇر.


دەسلەپكى ئىگىلىك تىكلەش مەزگىلى

1995-يىلى، ماسك ئىنىسى بىلەن بىرلىشىپ Zip2 شىركىتىنى قۇرۇپ، ئاخبارات شىركىتى ۋە ئېلېكتىرونلۇق سودا خېرىدارلىرىغا سودا مۇندەرىجىسى ۋە خەرىتىسى مۇلازىمىتى تەمىنلەيدۇ. 1999-يىلى، Compaq شىركىتى 307 مىليون ئامېرىكا دوللىرى نەق پۇل ۋە 34 مىليون پاي ھوقۇقى بىلەن Zip2 شىركىتىنى سېتىۋالىدۇ. ماسك بۇ سودىدىن 21 مىليون ئامېرىكا دوللىرى نەپكە ئېرىشىدۇ. شۇ يىلى ئۇ ئەمدىلا 28 ياشتا ئىدى.
1999-يىلى ماسك باشقىلار بىلەن بىرلىشىپ X.com دەپ ئاتىلىدىغان بىر شىركەتنى قۇرۇپ، مەخسۇس پۇل-مۇئامىلە ۋە ئېلېكتىرونلۇق پوچتا پۇل تۆلەش مۇلازىمىتى بىلەن شۇغۇللىنىدۇ. بىر يىلدىن كېيىن، X.com شىركىتى بىلەن Confinity شىركىتى بىرلىشىپ، يېڭىدىن PayPal دېگەن ئىسىمنى قوللىنىدۇ.
PayPal نىڭ تېز سۈرئەتتە تەرەققىي قىلىشى ئېلېكتىرونلۇق سودا گىگانىتى eBay نىڭ دىققىتىنى تارتىدۇ. ئەڭ ئاخىرى eBay شىركىتى 2002-يىلىغا كەلگەندە، 1 مىليارد 500 مىليون ئامېرىكا دوللىرى نەق پۇل بىلەن PayPal شىركىتىنى سېتىۋالىدۇ. ماسك بۇ قېتىملىق سودىدىن 165 مىليون ئامېرىكا دوللىرى نەپكە ئېرىشىدۇ. شۇ يىلى ئۇ ئەمدىلا 31 ياشتا ئىدى.
مىليادېرغا ئايلانغاندىن كېيىن، ماسك داۋاملىق ئىگىلىك تىكلەشنى داۋاملاشتۇرىدۇ. ھەمدە ئىككى ساھەنى ئۆزىنىڭ ئىگىلىك تىكلەش نىشانى قىلىپ بەلگىلەيدۇ. بۇ ئىككى ساھە: ئېنېرگىيە ۋە ئالەم قاتنىشى ئىدى.

ئەڭ داڭلىق ئېلېكتىرونلۇق ماشىنا شىركىتى


2003-يىلى، ماسك Tesla شىركىتىگە 6 مىليون 300 مىڭ ئامېرىكا دوللىرى مەبلەغ سالىدۇ ھەم بۇ ئېلېكتىرونلۇق ماشىنا شىركىتىنىڭ يېڭى ئىگىدارى بولۇپ قالىدۇ.
ماسك ئىلگىرى ئاخبارات ۋاسىتىلىرىنىڭ زىيارىتىنى قوبۇل قىلغاندا «ئالىي مەكتەپتە فىزىكا كەسپىنى ئوقۇغاندا، مەن نېمىنىڭ ئىنسانلارنىڭ كەلگۈسىگە ئەڭ تەسىر قىلىدىغان نەرسە ئىكەنلىكى ھەققىدە كۆپ ئويلىناتتىم، بىرىنچىسى: ئىنتېرنېت، ئىككىنچىسى: داۋاملىشىشچان ئېنېرگىيە ئىشلەپچىقىرىش ۋە ئىستېمال. ئەلۋەتتە يەنە بىرى بولسا تاشقى پىلانتقا كۆچۈش ئىدى.» دېگەن.
2010-يىلى 6-ئاينىڭ 29-كۈنى، Tesla ئوڭۇشلۇق ھالدا پېيىنى بازارغا سېلىپ IPO نى تاماملاپ، جۇغلىغان ساپ مەبلىغى 184 مىليون ئامېرىكا دوللىرى بولغان، ھەمدە ناسداق ئاكسىيە بازىرىدا ئوڭۇشلۇق ھالدا بازارغا چىققان.
Tesla يېقىنقى بىر نەچچە يىلدا TeslaModel S ۋە Tesla Model X بىر يۈرۈش قالتىس ماشىنا تىپلىرىنى بارلىققا كەلتۈردى. ھەتتا چەتئەل تاراتقۇلىرى Tesla نى ئېلېكتىرونلۇق ماشىنا ساھەسىدىكى iPhone دەپ تەرىپلەشمەكتە.
ماسك 2015-يىلى يىل ئاخىرىدا ئاخبارات ۋاسىتىلىرىنىڭ زىيارىتىنى قوبۇل قىلغاندا، Tesla يەنە ئىككى يىلدىن كېيىن تولۇق ئاپتۇماتىك يۈرەلەيدىغان ماشىنىنى بارلىققا كەلتۈرىدۇ دەپ بىلدۈرگەن.

كېيىنكى نىشانى نېمە؟


2004-يىلى، ماسك Tesla شىركىتىگە مەبلەغ سېلىپ بىر يىلغان توشمىغان ۋاقىتتا، يەنە يورۇقلۇق ۋولت شىركىتى SolarCity غا مەبلەغ سالغان.
SolarCity شىركىتى ھەرگىزمۇ ئاددىي ھالدىكى ئېنېرگىيە شىركىتى بولماستىن، ئۇ Tesla بىلەن بىرلىكتە ماسكنىڭ ئەڭ دەسلەپكى ئارزۇسىنىڭ دەسلەپكى قۇرۇلمىسى ئىدى. 2009-يىلى، SolarCity شىركىتى ياساپ چىققان تۇنجى تۈركۈمدىكى 5 جايدىكى قالتىس توك قاچىلاش پونكىتى سان فىرانسىسكودىن لوس ئانژېلېسقىچە بولغان ئارىلىقتىكى 101 كىلومېتىر يۇقىرى سۈرئەتلىك تاش يولىدا ئىشلىتىشكە كىرىشىپ، Tesla ماشىنا ئىگىدارلىرىنىڭ ھەقسىز توك قاچىلىشىغا تەمىنلەنگەن.
شۇنىڭدىن باشلاپ، ماسك قۇرۇپ چىققان يېڭى ئېنېرگىيە ئىشلەپچىقىرىش ۋە ئىستېمال قۇرۇلۇش پىلانى دۇنيا خەلقىگە ئاشكارىلاندى.
2012-يىلى 12-ئايدا پاي بازىرىغا كىرگەندىن بۇيان، SolarCity شىركىتىنىڭ پايچېكى 8 ئامېرىكا دوللىرىدىن ئىزچىل ئۆرلەپ، ئەڭ يۇقىرى بولغاندا 90 ئامېرىكا دوللىرىغا يېقىنلاشتى.

ماسكچە ئىدىيە--قالتىس يۇقىرى سۈرئەتلىك تۆمۈر يولى


2013-يىلى ماسك «قالتىس يۇقىرى سۈرئەتلىك تۆمۈر يول ئاساسى» ناملىق ئاق تاشلىق كىتابنى تارقاتتى. بۇ كىتاب جەمئىي 58 بەت بولۇپ، ماسكنىڭ قالتىس يۇقىرى سۈرئەتلىك تۆمۈر يول ئۇقۇمى تۇنۇشتۇرۇلغان ئىدى. قالتىس يۇقىرى سۈرئەتلىك تۆمۈر يولى بىر تېز سۈرئەتلىك قاتناش سىستېمىسى بولۇپ، تۆۋەن بېسىملىق تۇرۇبا يولىدا يولۇچىلارنى توشۇشقا ئىشلىتىلىدىغان بولۇپ، سائەتلىك سۈرئىتى 700mph غا (700 ئېنگلىز مىلى بولۇپ، بۇ 1126 مېتىرغا تەڭ) يېتىدۇ.
ئەمەلىيەتتە، تۇنجى قالتىس يۇقىرى سۈرئەتلىك تۆمۈر يول تۇرۇبىسى ئاللىبۇرۇن تەييارلانغان بولۇپ، ماسك ئۇنى قوراشتۇرۇپ بولغان ئىدى. ئۇ Hyperloop Technologies بويىچە يېتەكچىلىك قىلىنىدىغان بولۇپ، ئامېرىكا لاس ۋىگاسنىڭ شىمالىغا ئورۇنلاشتۇرۇلغان. شىركەت 3 ئىنگلىز مىلى ئۇزۇنلۇقتا سىناق رىلىس تەييارلىغان بولۇپ، 2016-يىلى يىل ئاخىرىدا قۇرۇلۇش تاماملىنىدىكەن.
Hyperloop Technologies نىشانى، 2020-يىلىدىن ئىلگىرى يۈرۈش سۈرئىتىنى ھەر سائەتلىكى 540 كىلومېتىرلىق قالتىس يۇقىرى سۈرئەتلىك تۆمۈر يولىنى قۇرۇپ چىقىشتۇر.

SpaceX: ئالەم قاتنىشى ئارزۇسىغا قاراپ تۇنجى قەدەمنى ئېلىش


2002-يىلى 6-ئايدا، ماسك ئالەم بوشلۇقى ئىزدىنىش تېخنىكا شىركىتى SpaceX نى قۇرىدۇ.
ماسكنىڭ بىر داڭلىق سۆزى بار. ئۇ «مارستا ئۆلۈپ كېتىش ناھايىتى قالتىس ئىش.» دەيدۇ. ئۇ تەننەرخى ئەرزان ھەم ئىشەنچلىك بولغان راكىتانى تەتقىق قىلىپ چىقىشقا بەل باغلاپ، ئۆزىنىڭ بۇ ئارزۇسىنى ئەمەلگە ئاشۇردى.
ئەمما ئىشلار ھەرگىزمۇ ئۇ ئويلىغاندەك ئۇنچە ئوڭۇشلۇق بولمىدى. 2006-يىلى، 2007-يىلى ۋە 2008-يىلى، SpaceX شىركىتى ئۇدا 3 قېتىم «ئوۋچى بۈركۈت» ناملىق راكىتانى سىناققا ئۇچۇرۇپ مەغلۇب بولۇپ، شىركەت ۋەيران بولۇش گىردابىغا بېرىپ قالىدۇ ھەمدە شۇ سەۋەبلىك ماسكنىڭ تۇنجى نىكاھى ئاخىرلىشىدۇ.
2008-يىلى 9-ئاينىڭ 28-كۈنى، «ئوۋچى بۈركۈت 1-نومۇر» ناملىق راكىتا مۇۋەپپەقىيەتلىك ھالدا رىلىسقا كىرىپ، ماسك ئۈمىد ئۇچقۇنىنى كۆرۈپ يېتىدۇ. شۇنىڭدىن كېيىن، ماسك SpaceX شىركىتىگە يېتەكچىلىك قىلىپ، داۋاملىق ھالدا «ئوۋچى بۈركۈت 9-نومۇر» ۋە «ئوۋچى بۈركۈت ئېغىر تىپلىق» راكىتانى تەتقىق قىلىپ چىقىدۇ. ئەمما بۇ بىر قانچە يىل ۋاقىت ئىزچىل ھالدا مۇۋەپپەقىيەت ۋە مەغلۇبىيەتنىڭ كېسىشمە دوقمۇشىدا ئۆتۈپ كېتىدۇ.
2015-يىلى 12-ئاينىڭ 21-كۈنى سائەت 20:33 ئۆتكەندە، Falcon 9 راكىتا ئۇچۇرۇلدى. مەزكۇر راكىتا ئوڭۇشلۇق ھالدا ئۇچۇرۇلۇپ بىرىنچى راكىتانى ئوڭۇشلۇق ھالدا قايتۇرۇپ كېلىش ئەمەلگە ئاشۇرۇلدى. بۇ ئىنسانلارنىڭ ئالەم قاتنىشى تارىخىغا نىسبەتەن دەۋر بۆلگۈچ ئەھمىيىتىگە ئىگە ئىشتۇر.
2016-يىلى 1-ئاينىڭ 23-كۈنى، SpaceX ئادەم قاچىلانغان «ئەجدىھا ئۇچار كېمىسى»نى ھاۋادا توختىتىش سىنىقى ئېلىپ باردى. ئەگەر بارلىق ئىشلار پىلان بويىچە بولسا، 2017-يىلى ئوۋچى بۈركۈت 9-نومۇرلۇق راكىتا ئەجدىھا ئۇچار كېمىسىنى ئېلىپ ئۇچقۇچىلارنى خەلقئارالىق بوشلۇق پونكىتىغا يەتكۈزىدۇ.
يېقىندا بىر قېتىملىق زىيارەتتە، ماسك: «ئىنسانلارنى مارسقا چىقىرىش ۋەزىپىسى تەخمىنەن 2025-يىلى باشلىنىدۇ.» دەپ بىلدۈردى. بۇ بەكلا ئالدىراپ كەتكەنلىكمۇ قانداق دەپ سورالغاندا، ماسك: «9 يىل مەن ئۈچۈن يېتەرلىك.» دەپ جاۋاب بەرگەن. ماسك يەنە 4~5 يىلدا «ئەجدىھا ئۇچار كېمىسى»گە ئولتۇرۇپ خەلقئارا بوشلۇق پونكىتىغا چىقىش ئارزۇسىنىڭ بارلىقىنى بىلدۈرگەن.

«پەن-تېخنىكىدا يېڭىلىق يارىتىشقا توسقۇنلۇق قىلىش» مۇكاپاتىنىڭ ساھىبى؟


2016-يىلى 1-ئاينىڭ 20-كۈنى، ئېلون ماسك، ستېفىن ۋىلىيام خاۋكىڭ ۋە بىل گايتىس «تېخنىكىدا يېڭىلىق يارىتىشقا توسقۇنلۇق قىلىش» مۇكاپاتىنىڭ نامزاتلىقىغا كۆرسىتىلىپ، ئېلون ماسك ۋە ستېفىن ۋىلىيام خاۋكىڭ بۇ مۇكاپاتقا ئېرىشتى.
ماسك بىلەن خاۋكىڭنىڭ بۇ مۇكاپاتقا ئېرىشىشىدىكى سەۋەب، بۇ ئىككەيلەن «تارقاق بىرلەشمىسى» ناملىق تەشكىلاتقا قاتناشقان بولۇپ، بۇ بىرلەشمە سۈنئىي ئىدراك تېخنىكىسىغا نىسبەتەن ناھايىتى يۇقىرى دەرىجىدە ئېھتىيات قىلىش پوزىتسىيەسىدە بولغۇچىلار بولۇپ، كىشىلەرنىڭ سۈنئىي ئىدراك تېخنىكىسىغا نىسبەتەن ۋەھىمىدە قېلىشىغا سەۋەبچى بولغان.
ماسك ئۆزىنىڭ سۈنئىي ئىدراك تېخنىكىسىنىڭ يۇشۇرۇن خەۋپىگە بولغان قارىشىنى يۇشۇرمايدۇ. ئۇ ئادەملەرنىڭ ئىدراكى سىڭدۈرۈلگەن ماشىنا ئادەملەرنىڭ ئىنسانلارنىڭ مەنپەئىتىگە زىيان سېلىشىدىن ئەنسىرەيدۇ. 2014-يىلى، ئۇ تىۋىتېردا مىكروبىلوگ يوللاپ، «سۈنئىي ئىدراك بەلكىم يادرو قورالىدىنمۇ خەتەرلىك بولۇشى مۇمكىن!» دەپ يازغان.

ئاخىرقى سۆز:
ئۇ چاقماق تېزلىكىدە ھەرىكەت قىلىدىغان، چوڭ گەپ قىلىدىغان، يۇمۇرىستىك، ئادىمىيلىكى روشەن تالانت ئىگىسى بولۇپ، كىشىلەر تەرىپىدىن «كېيىنكى ستېۋ جوبس» دەپ تەرىپلەنمەكتە. ئۇ مۇسابىقە ماشىنىسىنى ئالاھىدە ياخشى كۆرىدۇ. ناھايىتى ئىلغار تېخنىكىلارنى ئىگىلىگەن، ۋوللىۋورد تۇرمۇشىدىن ھوزۇرلىنىدىغان، كىشىلەر تەرىپىدىن «رىئاللىقتىكى پولات پالۋان» دەپ تەرىپلەنگۈچىدۇر. ئۇ سودا تالانت ئىگىسى، يەنە كېلىپ ئېنژىنىر ۋە مەھسۇلات لايىھەچىسى، ئۇنىڭ ئۆتكۈر پىكىرلىكلىكى، يىراقنى كۆرەرلىكى، ئۆزلۈكسىز ھالدا ئىنسانلارنىڭ يېڭىچە ئۇپۇق سىزىقىنى ئىزدەشلىرى بىلەن «21-ئەسىردىكى ئەدەبىيات-سەنئەتنى گۈللەندۈرگۈچى» دېيىلمەكتە. ئېلون ماسك ئويۇن قائىدىسىنى ئۆزگەرتكۈچى بولۇپلا قالماي، ئۆزلۈكسىز ھالدا ئەنئەنىۋىي ئىگىلىك تىكلىگۈچىلەرنى ئاغدۇرۇپ تاشلىغۇچى، ئەڭ مۇھىمى ئۇ ھازىر ئىنسانلار كەلگۈسى تارىخىنى ئۆزگەرتىپ يېزىۋاتقۇچىدۇر. ئۇ بىر ئاددىي پۇقرالارنىڭ دۇنيا قارىشىغا تەسىر كۆرسەتكۈچىدۇر، ئۇ تارىختا بولۇپ باقمىغان غايە ئوبراز ۋەكىلىدۇ. ---«ئېلون ماسكنىڭ تەرجىمىھالى» ناملىق كىتابتىن ئېلىندى.
Tags: ماسك ئېلون تېسلا Tesla تالانت مۇۋەپپەقىيەت 
بايانات

مەزكۇر يانبىلوگقا قەلەم ساھىبى ياسىنجان مەتروزى ئىلقۇتنىڭ تۇرمۇش، خىزمەت، جەمئىيەت ھادىسىلىرى ھەققىدىكى تەپەككۇر يۇغۇرۇلمىلىرى يوللىنىدۇ، يازمىلىرىم تورداشلارغا ئازتولا مەنىۋىي ئوزۇق ئېلىپ كېلەلىسە مېنىڭ تارتقان جاپالىرىمنىڭ قىممىتىنى ھېس قىلغان بولىمەن.
يازمىلىرىمنى قالايمىقان ئۆزئالدىڭىزغا ئۆزگەرتىپ، مەنبەنى ئەسكەرتمەي كۆچۈرۈشتىن ساقلىنىڭ، ئەگەر شۇ خىل ئەھۋاللار كۆرۈلسە، بارلىق ئاقىۋەتكە شۇ ئادەم ئۆزى مەسئۇل!
ئىلقۇتجان ئۈندىدار سۇپىسى hezine غا ئەگىشىۋېلىپ تېخىمۇ نادىر يازمىلىرىمدىن ھەمبەھرلىنىڭ!

تەلەي قاپىقىدىن چىققان يازمىلار

باھالار

ئىسمىڭىز:

باھالار رېتى

تېخنىكىلىق مۇلازىمەتتە: ئىلقۇت تور پەن-تېخنىكىسى