ilqut.yanbilog.comئىلقۇت يازمىلىرى يانبىلوگى

يانفوندا كۆرۈش

ئەلۋەتتە، ئۆزتاراتقۇلار ۋە بىر قىسىم ئاخبارات ۋاسىتىلىرىغا نىسبەتەن ئېيتقاندا، 10 مىليون يۈەن تۆلەم ھەقىقەتەنمۇ ئۇلارنى ھالسىرىتىپ، ئۇلارغا قاتتىق زەربە بولىدۇ. ئەلى بابا ۋە ۋەندا ھەر ئىككىلىسى ئۆزتاراتقۇلاردا تىلغا ئېلىنسىلا، ھە دېسىلا 10 نەچچە مىڭ قېتىمدىن ئارتۇق تارقىتىلىدىغان چولپان شىركەتلەر، بۇ ئىككى قېتىملىق دېلو يېڭى ئاخبارات ۋاسىتىلىرى ساھەسىدە كۈچلۈك غۇلغۇلا قوزغىماقتا.

بۇ ئىككى قېتىملىق دېلودىن كېيىن، ئۆزتاراتقۇلاردا تېزلا غۇلغۇلا پەيدا قىلدى؛ بەزى تورداشلار تولىمۇ پۇخادىن چىققانلىقىنى بىلدۈرسە، بەزى تورداشلار ۋىجدانىنى يوقاتقان ئۆزتاراتقۇلارنىڭ سانىنىڭ ھەددى-ھېسابسىزلىقى، ھەممىنى ئەرز قىلىپ بولالماسلىقىدىن ئەنسىرەيدىغانلىقىنى بىلدۈرۈشمەكتە.

------------

تەرجىماندىن ئاخىرقى سۆز:

ھەممىمىزگە مەلۇم، يېقىندىن بىرى ئۇيغۇر ئۈندىدار سالونچىلىقىدىمۇ بىر قىسىم ۋىجدانسىز، چەكتىن ئاشقان سالونچىلار مەۋجۇت بولىۋاتىدۇ. ئۇلار ئادەم يىغىش ئۈچۈن ئاقىۋەتنى قىلچە ئويلانماستىن، ئۆزىنىڭ قىلىۋاتقان ئىشىنىڭ جەمئىيەتكە زادى قانداق تەسىرى بارلىقى، جەمئىيەتكە قانداق يامان ئاقىۋەت ئېلىپ كېلىدىغانلىقى بىلەن ھېسابلاشماي، سالونچىلىق ئىشلىرىنىڭ تەرەققىياتىدا ناھايىتى پايدىسىز قىلمىشلارنى سادىر قىلىۋاتىدۇ.

ئەگەر بۇ سالونچىلار ۋاقتىدا ئۆزىنى سورىمىسا، يۇقىرىقىدەك ئەھۋاللارنىڭ ھامان بىر كۈنى ئۇلارنىڭ بېشىغىمۇ كېلىشى يىراق بولمىغان كەلگۈسىدە مۇقەررەر يۈز بېرىشى ئېنىق بولغان ئىشتۇر.
شۇڭا گەرچە تىلىمىز سەل ئاچچىق بولسىمۇ، ئەمما ئاخىرقى مەقسىتىمىز يەنىلا ئاشۇ ئۆزىنى بىلەلمەي قالغان سالونچىلارنىڭ بالدۇرراق ئۆزىنى سوراپ، ئۇيغۇر تورچىلىقى ۋە سالونچىلىقنىڭ ساغلام تەرەققىياتى ئۈچۈن تەدبىر قوللىنىشىنى، تارقىتىۋاتقان ھەر بىر ئۇچۇرنىڭ جەمئىيەتكە ۋە مىللەتكە ئېلىپ كېلىدىغان ئاقىۋەت ۋە زىينىنى ياخشى ئويلىشىپ ئاندىن ئىش كۆرۈشىنى ئالاھىدە ئۈمىد قىلىشتۇر.