جىنسىيەت ۋە ئەيدىز ساۋاتلىرى يانبىلوگى

ئۇنداقتا، ھامىلىدارلىق جىنسىي تۇرمۇشنىڭ ئاخىرلاشقانلىقىدىن دېرەك بېرەمدۇ؟

جاۋاپ ئۇنىڭ ئەكىسچە، بىر كىچىك ھاياتلىق تۇرمۇشىڭىزدا يىلتىز تارتقان ھامان ئەھۋال جەزمەن ئۆزگىرىدۇ. شۇڭا ،  سىز ئازراق زېھنىڭىزنى سەرىپ قىلىپ، خۇددى سىز بۇكىچىك ھاياتلىق ئۈستىدە پىلان قۇرغاندەك، ئۆزىڭىزنىڭ جىنسىي تۇرمۇشىڭىزنىمۇ كۆڭۈل قويۇپ پىلانلىشىڭىز كېرەك.

ھامىلدارلىق مەزگىلىدە  بۇ ئۆزگىرىش ھامان باشلىنىدۇ.

ئادەتتىكى ئەھۋالدا ، ھامىلدارلىق مەزگىلىدىكى ئۆزگىرىش ئاياللاردا ئاۋۋال باشلىنىدۇ؛ ماغدۇرسىزلىق چاپلىشىدۇ، قەي قىلىدۇ، جىسمانىي ھالەتنى گورمۇن ئاجراتمىلىرى كونتىرول قىلىدۇ، جىنسىي ھەۋەس يوقىلىشقا باشلايدۇ. ئەمما ، ئەر بۇ چاغدا بۇرۇنقىغا ئوخشاش يەنىلا «ئىشقىۋاز» بولۇشى مۇمكىن. 1990- يىلى شۋېتسىيەدە 112 نەپەر ئەر- خوتۇن  ئۈستىدە ئېلىپ بېرىلغان تەكشۈرۈشتىن قارىغاندا ، 40پىرسەنت ئايال ھامىلدار بولۇپ ئالتە ئاي ئىچىدە جىنسىي ھەۋىسىنىڭ سۇسلىشىپ كەتكەنلىكىنى سەزگەن. ئەمما ، ئۇنىڭ ئەكىسچە پەقەت 9 پىرسەنت ئەرلەر ئايالى ھامىلدار بولۇپ ئۈچ ئاي ئىچىدە جىنسىي ھەۋىسىم زور دەرجىدە تۆۋەنلىدى، دەپ قارىغان، ئايالى ھامىلدار بولۇپ  تۆت ئايدىن ئالتە ئايغىچە پەقەت 17 پىرسەنت  ئەرلا يۇقىرىقىدەك قاراشتا بولغان. مانا بۇ جىنسىي تۇرمۇشتىكى تەڭكەشسىزلىكنىڭ باشلىنىشىدۇر.

ئەمىسە، ھامىلدارلىق پەيدا قىلغان جىنسىي تۇرمۇشتىكى تەڭكەشسىزلىكنى قانداق ھەل قىلىش كېرەك؟ دوختۇرلار ئاشۇ قىيىن كۈنلەردە، كۆڭۈل ئىزدەشلا غەزەپ- نەپرەت ۋە ئۆچ ئاداۋەتنى يوقىتىپ ، بىر- بىرىنى ياخشى چۈشىنىش، ئۆز- ئارا كۆيۈنۈش ۋە قوللاشنىڭ بىردىنبىر يولى ، دەپ قارايدۇ. ئەر-خوتۇن ئىككى تەرەپ ئۆز ئارا كۆڭۈل ئىزدەپ مۇڭدىشىش ، بىر-بىرىنى سىلاپ – تۇتۇش ۋە قۇچاقلىشىشتەك ئامراقلىق مۇناسىۋىتىنى ساقلىشى  كېرەك. چۈنكى ، جىنسىي تۇرمۇشنىڭ بىردىنبىر شەكلى جىمالا ئەمەس، ئۇۋلاش، سىلاش قاتارلىقلارنىڭ ھەممىسى جىنسىي تۇرمۇشىڭىزنىڭ بىر قىسمى بلۇشى كېرەك. بۇمۇ ئەر_خوتۇنلۇق ھېسسىياتنى كۈچەيتىپ، مۇھەببەتنى چوڭقۇرلاشتۇرالايدۇ.

تەبئىي روھىي ھالەتنى ساقلاش ئەر_خوتۇنلۇق مۇناسىۋىتىگە ئىنتايىن پايدىلىق. چۈنكى شۇنداق قىلغاندا ، ھامىلدار بولغاندىن كېيىنكى 7-9- ئايلارغىچە نۇرمال ھالەتكە يەتكىلى بولىدۇ. شۋېتسىيلىكلەر ئۈستىدىكى يۇقىرىقى تەتقىقاتتىن قارىغاندا ، 75 پىرسەنت ئايال بىلەن 64 پىرسەنت ئەر ھامىلدارلىقنىڭ ئاخىرقى مەزگىلىدە جىنسىي تۇرمۇش ئەھۋالى ئۈستىدە ئېلىپ بېرىلغان باشقا بەزى تەتقىقات نەتىجىلىرى بىلەن يۇقىرىقى ئەندىزە ئوتتۇرسىدا خېلىلا پەرق بار.

شۇنداقتىمۇ ، ھامىلدارلىقنىڭ جىنسىي تۇرمۇشقا نىسبەتەن پايدىلىق تەرىپى بار؛ ھېچبولمىغاندا ، شۇ مەزگىللىك ھامىلىدارلار بولۇش-بولماسلىقتىن ئەندىشە قىلىش ھاجەتسىز. شۇڭلاشقا ، بەزى ئاياللارنىڭ نەزىرىدە، ھامىلدارلىق مەزگىلىدىكى جىنسىي تۇرمۇش ئۇلارنىڭ ھاياتىدىكى ئەڭ گۈزەل بىر چاغ ھېسابلىنىدۇ.