جىنسىيەت مەدەنىيىتىنى قايتا تونۇش توغرىسىدا
ۋاقتى: 2016-08-19
ئاۋاتلىقى: 1388 قېتىم
يانفوندا كۆرۈش
سېرىق كىنولار جىنسىي پائالىيەتنى يالىڭاچ تەسۋىرلەپ، ئىجتىمائىي ئەخلاققا زىيان يەتكۈزگەچكە ھەمدە تېخىمۇ كۆپ كىشىلەرنى جىنسىي جىنايەت سادىر قىلىشقا ئېزىقتۇرغاچقا، بىر مەھەل ئەمەلدىن قالدۇرۇلدى. دەرۋەقە، سېرىق كىنولارنى كۆرگەن كىشىلەردە ئاسانلا جىنسىي جىنايەت ئۆتكۈزۈش ئىستىكى پەيدا بولىدۇ. ئەمما راستىنلا جىنسىي جىنايەت ئۆتكۈزەمدۇ-قانداق؟
پسىخىكا ئالىملىرى جىنسىي جىنايەت ئۆتكۈزگەن 1000 نەپەر مەھبۇسقا قارىتا تەكشۈرۈش ئېلىپ باردى. ئۇلار تەكشۈرۈش ئارقىلىق جىنسىي جىنايەت بىلەن جىنسىيەت مەدەنىيىتىنىڭ ئوتتۇرىسىدا زادى قانداق مۇناسىۋەت بارلىقىنى ئېنىقلىماقچى بولدى. شۇنىڭ بىلەن بىرگە، باشقا جىنايەت ئۆتگۈزگەن جىنايەتچىلەرگىمۇ ئوخشاشلا شۇ خىلدا تەكشۈرۈش ئېلىپ باردى. ئاندىن ئىككى خىل تەكشۈرۈشنى سېلىشتۇردى. نەتىجىدە، ئۇلار جىنسىي جىنايەت ئۆتكۈزگەن جىنايەتچىلەرنىڭ جىنسىيەت مەدەنىيىتىگە قويۇق قىزىقىشىنىڭ ناتايىن ئىكەنلىكى، بەلكى ھەممە جىنايەتچىلەرنىڭ دېگۈدەك سېرىق كىنولارنى كۆرگەنلىكى بايقالدى.
ناھايىتى نۇرغۇن كىشىلەر: ئەگەر جىنسىيەت مەدەنىيىتى چەكلىمىدىن بوشىتىلسا، جىنسىي جىنايەت ئاۋۇپ كېتىشى مۇمكىن، دەپ ئەندىشە قىلىدۇ. بۇ خىل ئەندىشىمۇ ئورۇنسىز ئەمەس، ئەلۋەتتە.
ئامېرىكا ھۆكۈمىتى جىنسىيەت مەدەنىيىتىنىڭ جەمئىيەتكە بولغان تەسىرىنى ستاتىستىكا قىلدى ۋە مەخسۇس كومىتېت تەسىس قىلىپ، جىنسىيەت مەدەنىيىتى چەكلىمىدىن بوشىتىلشىنىڭ ئالدى-كەينىدە جىنسىي جىنايەت سادىر بولۇش نىسبىتىنى تەكشۈردى. نەتىجىدە، كىشىلەر جىنسىيەت مەدەنىيىتى چەكلىمىدىن بوشىتىلغاندىن كېيىن، جىنسىي جىنايەتنىڭ كۆرۈنەرلىك ئاشمىغانلىقىنى بايقىدى.
ئۇنىڭ سەۋەبى قەيەردە؟ بۇنداق بولۇشتىكى سەۋەب شۇكى، كىشىلەرگە نىسبەتەن ئىككى جىنسقا مۇناسىۋەتلىك نەرسىلەر ھېچقانداق سىرلىق تۇيۇلمايدىغان بولدى. مۇنداق ئېيتقاندا، جىنسىيەتكە ئائىت نەرسىلەر ئىلگىرىكىدەك كىشىلەردە جانلىنىش ۋە پەۋقۇلئاددە چوڭ قىزىقىش پەيدا قىلمايدىغان بولدى. ئادەم ھېسسىياتلىق ھايۋان، ئەگەر مەلۇم ئىشتىن بىزار بولسا ياكى قىزىقمىسا، ئۇلاردا ئىشقا ئاشۇرۇش ھەرىكىتى ۋە ئاكتىپچانلىق بولمايدۇ. شۇڭلاشقا، جىنسىيەت مەدەنىيىتىنىڭ چەكلىمىدىن بوشىتىلىشى مەلۇم دەرىجىدە ئادەمنىڭ جىنسىي ھەۋىسىنى تىزگىنلەيدۇ، دەپ ئېيتىشقا بولىدۇ.
دۇنيا ئىنسانىيەتنى 21- ئەسىرگە كىرگۈزدى. ئىنسانىيەتنىڭ تەبىئەت ۋە ئۆزىگە بولغان تونۇشى ئاللىقاچان ئەسلى سەۋىيىدە توختاپ قالغىنى يوق. بولۇپمۇ غەربتىكى بىر قىسىم دۆلەتلەر 70-يىللاردىن باشلاپلا جىنسىي ئازادلىق، جىنسىي ئەركىنلىكنى تەشەببۇس قىلدى. ئەمما ھازىرغا قەدەر جىنسىي ئازادلىقنىڭ ئىنسانىيەتكە زادى قانداق تەسىر كۆرسىتىدىغانلىقى توغرىسىدىكى تالاش-تارتىش تېخى توختىغىنى يوق.
يىپەك يولى بويىدىكى خەلقلەر يېقىنقى ئەسىرلەردىن بۇيان يۈزەكى ئەخلاق مەسىلىلىرىنى ۋە شەكلەن قىياپەتلەرنى «قانۇن» ئورنىدا كۆرۈپ، ماھىيەتلىك ئەخلاقسىزلىقلارنى كۆرمىدى ياكى داۋاملاشتۇرۇپ كەلدى. شۇڭا جىنسىيەتكە ئائىت گەپ-سۆزلەر قاتتىق تەقىپ ئاستىغا ئېلىنغان بولسىمۇ، ناچار ھەرىكەتلەر ئاجايىپ قانۇنلۇق يوسۇندا ئېلىپ بېرىلغان.
ﺋﻪﮔﻪﺭ ﺗﯧﺨﯩﻤﯘ ﻛﯚﭖ ﺟﯩﻨﺴﯩﻴﻪﺕ ﺑﯩﻠﯩﻤﻠﯩﺮﯨﮕﻪ ﺋﯧﺮﯨﺸﻤﻪﻛﭽﻰ ﺑﻮﻟﺴﯩﯖﯩﺰ, ﺟﯩﻨﺴﯩﻴﻪﺕ ﺋﯜﻧﺪﯨﺪﺍﺭ ﺳﯘﭘﯩﺴﻰ (ﺋﯩﺰﺩﻩﺵ ﻧﺎﻣﻰ: jinsiyatcn)ﻏﺎ bz ﺩﻩﭖ ﻗﺎﻳﺘﯘﺭﯗﭖ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻏﺎ ﺋﯧﺮﯨﺸﯩﯔ.
«ﺯﯨﻨﺎ ﻗﯩﻠﻐﺎﻥ ﺋﺎﻳﺎﻟﻼﺭ ﺗﻮﻱ ﻗﯩﻠﺴﺎ ﺑﻮﻻﻣﺪﯗ» ﻧﺎﻣﻠﯩﻖ ﻳﺎﺯﻣﯩﻐﺎ ﺋﯧﺮﯨﺸﻤﻪﻛﭽﻰ ﺑﻮﻟﺴﯩﯖﯩﺰ ﺟﯩﻨﺴﯩﻴﻪﺕ ﺋﯜﻧﺪﯨﺪﺍﺭ ﺳﯘﭘﯩﺴﯩﻐﺎ x011 ﺩﻩﭖ ﻗﺎﻳﺘﯘﺭﯗﭖ ﺋﯧﺮﯨﺸﯩﯔ!
Tags: