جىنسىيەت ۋە ئەيدىز ساۋاتلىرى يانبىلوگى

بىرىنچى، نىكاھ ئىشلىرىدا سوغۇققان بولۇش، ھەقىقەتەن ئۈچىنچى شەخىسنىڭ باريوقلۇقىنى ئايدىڭلاشتۇرۇش لازىم. تۇرمۇشتا بىرقىسىم كىشىلەر ھەددىدىن زىيادە گۇمانخور بولۇپ، باشقىلارنىڭ پىتنە -پاساتلىرىغا ئاسانلا ئىشىنىپ ئىللىق ئائىلىسىنى ۋەيران قىلىدۇ. بولۇپمۇ بىرقىسىم ئاياللار يامان خەۋەرنى ئاڭلىغان ھامان ئالدى-ئارقىنى ئويلىماي غەۋغا كۆتۈرۈپ يوق ئىشتىن كۆڭۈل ئاغرىقى تېپىۋالىدۇ. شۇڭا بۇنداق ئىشتا ھەقىقىي ئەھۋالنى بىلىش، دەلىل ئىسپاتلارغا ئاساسەن ھۆكۈم چىقىرىش ئىنتايىن مۇھىم. گەرچە بۇخىل دەلىل-ئىسپاتلارنى توپلاش مۈشكۈل بولسىمۇ ئىللىق ئائىلىڭىزنىڭ ۋەيران بولماسلىقى ئۈچۈن بۇنچىلىك قىيىنچىلىق ھېچنەرسە ئەمەس ئەلۋەتتە. 

ئىككىنچى، ئەگەر قارشى تەرەپنىڭ ھەقىقەتەن سىرتتا غەيرى مۇناسىۋېتى بارلىقى مۇقۇملاشتۇرۇلسا، ئۇنىڭ ئادەتتىكى مۇناسىۋەت ياكى قانۇنسىز بىللە تۇرۇش مۇناسىۋېتى ئىكەنلىكى، ئۈچىنچى شەخىس بىلەن بولغان مۇناسىۋەتنىڭ قايسى دەرىجىدە ئىكەنلىكىگە ھۆكۈم قىلىش كېرەك. گەرچە ھەر ئىككىسى نورمال بولمىغان ئەر-ئاياللىق مۇناسىۋېتى بولسىمۇ ئەمما بىر-بىرىگە ئوخشىمايدىغان ئىككى خىل ئۇقۇم. ئالدىنقىسىدا بەلكىم قارشى تەرەپ ئۈچىنچى تەرەپنىڭ ئازدۇرۇشى ياكى تەھدىتى ئاستىدا ئائىلىگە قايتالمايۋاتقان ۋە ياكى ئائىلىدىن كۆڭلى سۇئىچمىگەن ئەھۋالدا بىردەملىك ھېسىياتقا بېرىلىپ قىلىپ قويغان سەۋەنلىكى بولۇشى مومكىن. ئۇنى قايتۇرۇپ كېلىشنىڭ ئىمكانىيتى بىرقەدەر چوڭ بولۇپ بۇخىل ئەھۋالدا قارشى تەرەپكە ياردەم قىلىپ ئۈچىنچى شەخىسنىڭ قوينىدىن قايتىپ چىقىشىغا ياردەملىشىش ئۇسۇلىنى قوللانسا بىرقەدەر مۇۋاپىق. ئەگەر يولدىن چىققان تەرەپ ئۈچىنچى شەخىس بىلەن ئۆي تۇتۇش دەرىجىسىگە بېرىپ يەتكەن بولسا ھەم ئۇنى قايتۇرۇپ كېلىش ئىمكانىيتى بولمىسا ئەڭ ياخشىسى ئاجرىشىشقا تەييارلىق كۆرۈش بىرقەدەر ئاقىلانىلىق ھېسابلىنىدۇ. 

ئۈچىنچى، نىكاھ مەسلىسىدەچوقۇم سوغۇققان بولۇش ئائىلىنى ساقلاپ قېلىشنى ئالدىنقى ئورۇنغا قويۇش لازىم. ئەگەر ھەقىقەتەن ئاجرىشىش قارارىغا كەلگەندە سەۋەنلىك يوق تەرەپ تۆۋەندىكى تەييارلىقلارنى ياخشى قىلىش لازىم. 

1. ئىمكانقەدەر قارشى تەرەپنىڭ يولدىن چىققانلىقىنى ئىسپاتلايدىغان ئىسپاتلارنى كۆپرەك توپلاش لازىم. بۇئارقىلىق ئارىدىكى ھېسىياتنىڭ بوزۇلغانلىقىنى ئىسپالىغىلى بولۇپلا قالماستىن يەنە نىكاھتىن ئاجراشقاندا ئورتاق مۈلۈكلەرنىڭ قارشى تەرەپكە بۆلۈپ بېرىلمەسلىكى ياكى ئاز بۆلۈپ بېرىلىشىنى يىتەرلىك ئىسپات بىلەن تەمىنلىگىلى بولىدۇ. 

2. ئائىلىدىكى مال-مۈلۈكلەرنى ئېنىقلىۋېلىش، قارشى تەرەپنىڭ يوشۇرۇش، يۆتكىۋېتىشىنىڭ ئالدىنى ئېلىش لازىم. ئۆينىڭ مۈلۈك ھوقۇقى، يەرئىشلىتىش ھوقۇقى، ماشىنا قاتارلىق مۈلۈكلەر جۈملىدىن، نوپۇس، كىملىك، بانكا كارتىسى، ئىناۋەتلىك كارتا، پايچەك، زايوم قاتارلىق مۇھىم ماتىرىياللارنى ياخشى ساقلاش لازىم. 

3. ئائىلىدىكى مال-مۈلۈكلەرگە بولۇپمۇ قارشى تەرەپنىڭ نامىدىكى ئۆي، زېمىن، دەل-دەرەخ، ماشىناۋە تىجارەت ھوقۇقى قاتارلىقلارغا شۇنداقلا، شىرىك سالغان مەبلەغ، يەككە مەبلەغ، ياكى يوشۇرۇن سالغان مەبلەغ، ئامانەت پۇل، تۈرلۈك قەرز ۋەھەقدارلىق، سۇغۇرتا قاتارلىقلارغا مۇناسىۋەتلىك ھۆججەت ئىسپاتلارنى ياخشى ساقلاش ھەم بىلىۋېلىش ئىمكانقەدەر كۆپەيتىۋېلىش لازىم. ئۇنىڭدىن باشقا، ئۆيدىكى ئېلىكتىر سايمانلىرى، ئۆي جابدۇقلىرى ۋە ئۆيدە ساقلانغان قىممەتلىك بۇيۇملارنى تەپسىلى تىزىملاپ مۈلۈكلەرنى بۆلۈشۈشنىڭ لاھىيەسىنى تۈزۈپ قويۇش لازىم. 

تۆتىنچى، مال-مۈلۈكلەرنى بۆلۈشۈشتە قارشى تەرەپ ۋازكەچمىگەن ئەھۋالدا ئىمكانقەدەر دەۋا يولىنى تاللاش لازىم. چۈنكى سەۋەنلىك بولمىغان تەرەپنىڭ كۆپرەك مال –مۈلۈككە ۋە بالىنىڭ قاراش ھوقۇقىغا ئېرىشىش پۇرسىتى بىرقەدەر كۆپ بولۇپ، بالىنىڭ ئۆسۈپ يىتىلىشى ئىجدىمائىي ئەخلاقنى ساقلاشقا پايدىلىق. 

ئۇنىڭدىن باشقا، نىكاھتىن ئاجرىشىشنى قارار قىلغاندىن كىيىن ئۇچىنچى تەرەپ بىلەن جىدەل قىلىشتىن ساقلىنىش، مال-مۈلۈكلەرنى يوشۇرماسلىق ھەمدە قارشى تەرەپكە جىسمانىي جەھەتتىن زىيان يەتكۈزمەسلىك لازىم. چۈنكى بۇقانۇنغا خىلاپ بولۇپلا قالماستىن ئېغىر بولغاندا جىنايەت شەكىللەندۈرىدۇ. 

ﺋﻪﮔﻪﺭ ﺗﯧﺨﯩﻤﯘ ﻛﯚﭖ ﺟﯩﻨﺴﯩﻴﻪﺕ ﺑﯩﻠﯩﻤﻠﯩﺮﯨﮕﻪ ﺋﯧﺮﯨﺸﻤﻪﻛﭽﻰ ﺑﻮﻟﺴﯩﯖﯩﺰ, ﺟﯩﻨﺴﯩﻴﻪﺕ ﺋﯜﻧﺪﯨﺪﺍﺭ ﺳﯘﭘﯩﺴﻰ (ﺋﯩﺰﺩﻩﺵ ﻧﺎﻣﻰ: jinsiyatcn)ﻏﺎ bz ﺩﻩﭖ ﻗﺎﻳﺘﯘﺭﯗﭖ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻏﺎ ﺋﯧﺮﯨﺸﯩﯔ. 

«ﺧﻮﺗﯘﻧﻼﺭ ﺋﻪﺭ-ﺧﻮﺗﯘﻧﻠﯘﻕ ﺗﯘﺭﻣﯘﺷﯩﻨﻰ ﺋﯩﺪﺍﺭﻩ ﻗﯩﻠﯩﺶ ﻣﺎﮪﺎﺭﯨﺘﯩﻨﻰ ﺋﯩﮕﻪللىۋېلىشى كېرەك» ﻧﺎﻣﻠﯩﻖ ﻳﺎﺯﻣﯩﻐﺎ ﺋﯧﺮﯨﺸﻤﻪﻛﭽﻰ ﺑﻮﻟﺴﯩﯖﯩﺰ ﺟﯩﻨﺴﯩﻴﻪﺕ ﺋﯜﻧﺪﯨﺪﺍﺭ ﺳﯘﭘﯩﺴﯩﻐﺎ x019 ﺩﻩﭖ ﻗﺎﻳﺘﯘﺭﯗﭖ ﺋﯧﺮﯨﺸﯩﯔ!