مېۋە-چىۋىلەرنى ئىلمىي ئىستېمال قىلىش كېرەك
ۋاقتى: 2016-09-04
ئاۋاتلىقى: 1176 قېتىم
يانفوندا كۆرۈش
مېۋىنى يېيىشتىن ئىلگىرى پوستىنى سويۇۋېتىش كېرەك. دېھقانچىلىق دورا قالدۇقلىرى ئاساسلىقى مېۋىنىڭ پوستىغا يىغىلىدۇ. كۆپلىگەن دېھقانچىلىق دورىلىرى سۇدا ئېرىمىگەچكە، مېۋىنى سۇغا چىلىغان بىلەنمۇ دورا قالدۇقلىرىنى چىقىرىۋەتكىلى بولمايدۇ.بۇنىڭ ئۈچۈن مېۋىنىڭ پوستىنى سويۇۋەتكەندىلا، مېۋە پوستىدا يىغىلىپ قالغان دېھقانچىلىق دورا قالدۇقلىرىنى چىقىرىۋەتكىلى بولىدۇ.
مېۋىنى يېيىشتىن بۇرۇن مەخسۇس مېۋە يۇيۇش سۇيۇقلۇقى ياكى سۇغا بىر ئاز شولتا قوشۇپ مېۋىنى چىلاپ، ئاندىن پاكىز سۇ بىلەن يۇيۇپ، ئاخىرىدا پاكىز سۇ بىلەن تەكرار چايقاش كېرەك.
تاماقتىن كېيىن دەرھال مېۋە يېمەسلىك كېرەك. مېۋىنى تاماقتىن ئىككى سائەت كېيىن ياكى تاماقتىن بىر سائەت بۇرۇن يېيىش مۇۋاپىق، مېۋە يەپ بولۇپ دەرھال ئېغىزنى چايقاش كېرەك. بولمىسا چىشنى چىرىتىۋېتىدۇ. بۇنىڭدىن سىرت، قىسقا ۋاقىت ئىچىدە مېۋىنى كۆپ يېمەسلىك كېرەك. ئۇنداق بولمايدىكەن ھەزىم قىلىش سىستېمىلىرىغا يامان تەسىر پەيدا قىلىدۇ.