ئىھ.!ياشلىق ،ئىھ !كىنۇخانىلار ...

ABRAL.XAMILI

	غۇلجا شەھەرلىك كىنۇ-تىياتىرخانا غۇلجا شەھىرىدىكى كىنوخانىلار ئىچىدە يىشىمۇ ئەڭ كىچىك ۋە كۆز ئالدىمىزدا يوقىلىۋاتقان ئەڭ ئاخرقى بىرسىدۇر ،چېقىلىۋاتقان كىنوخانا خارابىسىغا قاراپ ئىچىم ئاچچىق بولۇپ قالدى ،مەندىكى بۇ ھىسيات مەن بىلەن دەۋرداش ھەممەيلەندە بولىشى تەبىئىي ئىدى.ھازىرقى ئوتتۇرا ياشلىقلارنىڭ ئەينى ۋاقىتتىكى قىزغىن خاتىرىنى ئەسكە سالىدىغان ئەڭ ئاخرقى يادنامىسىنى تۈگىگەن ئىدى .30يىللىق تارىخقا ئىگە بۇ كىنوخانا ،كىنۇخاننىڭ كونىراپ رىمۇنىت قىلىنماسلىقى،ئوت مۇداپىئە ئەسلىھەلىرىنىڭ ئۆلچەمگە يەتمەسلىكى ،ئۇل ئەسلىھلەرىنىڭ كونىرىشى قاتارلىق سەۋەبلەردىن غۇلجا شەھەر خەلقىنىڭ گۈزەل ئەسلىمىلىرىنى ئىلىپ بۇ يىل 4-ئاي ئىچىدە كىشىلەرنىڭ كۆز ئالدىدىن پۈتۈنلەي غالىب بولدى.خارابىغا قاراپ خىياللىرىم ئەينى چاغلاردىكى ئىنتايىن قايناق مەنزىرە ،غۇلجا شەھرىنىڭ كىنوچىلىقى ئەڭ يۇقۇرى دولقۇنغا كۆتۈرۈلگەن مەزگىللەر كىنۇ لېنتىسىدەك بىرمۇ-بىر ئۆتۈشكە باشلىدى ،كىنوخانىلارنىڭ ئالدى كىنۇ كۆرۇش ئۈچۈن كەلگەن قىز-يىگىت،چوڭ -كىچىك بىلەن لىق تۇشقان ،شىمىشىكىچى،تاڭگاچى،تاۋۇزچى،تاتلىق سۇچى ،كاۋاپچى،تۇخۇمچىلارنىڭ بازار چىللاشلىرى ،يەشىك قەغىزىدىن ياسىۋالغان نومۇ تاختىلىرىنى تۇتۇپ تۇرۇشقان ۋەلسىپىت ساقلىغۇچىلار ...بىلەت سىتىۋىلىش ئۈچۈن ‹‹جەڭگە››ئاتلانغان ياشلارنى دىمەيسىز!ئولارنىڭ بەزىلىرى بىر-ئىككى ھەمراھىنىڭ ھە-ھۇ دېيىشى بىلەن كىشىلەرنىڭ باشلىرى ئۇستىدىن ئارتىلىپ بىردەمدىلا بىلەن ساتىدىغان تۆشەككە قولىنى تىقىپ بولاتتى،مەخسۇس بىلەتچىلەرمۇ بار ئىدى ،ئولار ھەمىشە قۇيۇلىدىغان كىنولارنىڭ ئۇچۇرنى ئىگىلەپ تۇراتتى-دە ياخشى كىنولارنىڭ بېلەتلىرىنى نەچچە كون بۇرۇن بىر نەچچەيلەن بۆلۈشۈپ ئىلىۋىلشاتتى،ئاندىن 10نەچچە پۇڭدىن سىتىۋالغان نەچچە ئۇن پۇڭدىن سىتىپ ئوتتۇرىدىن نۇرغۇن پايدىغان ئېرىشەتتى بەزى يىگىتلەر قىز دوستىنىڭ ئالدىدا خىجالەتتە قالماسلىق ئۈچۈن نەچچە ئۇن پوڭغا ھاينىغا  سىتىلغان بىلەتلەنىمۇ سىتىۋالاتتى،كىنۇلار كىچىلىك ۋە كۈندۈزلۈك مەيدان دەپ قويۇلاتتى،بەزى كىنوخانىلار يازلىق قولوب قىشلىق قولوب دەپ يازلىق ۋە قىشلىق كىنۇ قويۇش مەيدانى بولاتتى.كۈندۈزلۈك ياكى كىچىلىك مەيدانلار بولسۇن كوپىنچە كىنوخانىلاردا ئىچىدە بوش ئورۇن قالمايتتى ،ئوتتۇرا رەتتىكى ئورۇنلارنىڭ بىلىتنى ھايانكەشلەر ئوبدان پۇلغا يارىتاتتى. ئەينى يىللىرى غۇلجا شەھرىدە ‹خەلق ›كىنوخانىسى ،‹ئاممىۋى ››كىنوخانا ،نۆۋەتتە چېقىلىۋاتقان شەھەرلىك كىنۇ -تىياتىرخانا بولۇپ 10نەچچە يازلىق قىشلىق كىنوخانا بار ئىدى ،ئۇنىڭ ئىچىدە 50-يىللارنىڭ دەسلىپىدە قورۇلغان كىنوخانا ‹خەلق ›كىنوخانىسى .ئەڭ كېيىن قورۇلىغىنى 1984-يىلى قۇرۇلغان غۇلجا شەھەرلىك كىنۇ -تىياتىرخانا ئىدى . شىنجاڭنىڭ باشقا جايلىرىدا كىشىلەر قاتلىما ئورۇندۇقلارنى كۆتۇرۇلۇپ ئۇستى ئۇچۇق كىنوخانىلاردا كىنۇ كۆرۇشكە باشلىغان چاغلاردىلا غۇلجا شەھىرى كىنوچىلىقتا شانلىق باسقۇچقا كىرىپ بۇلغاندى .20-ئەسىرنىڭ دەسلىپىدە غۇلجا شەھىرىدىكى كىنۇ قويۇش ئاپپاراتلىرى قولدا كۆتۈرۈشكە بولىدىغان قىلىپ ياسالغان بولۇپ ،كىنۇ فىلىملەرنىڭ كۆپىنچىسى سۇۋىت ئىتپاقىنىڭ ئاۋازسىز كىنولىرى ئىدى ،30-يىللارنىڭ ئوتتۇرلىرىدا ئۇيغۇر،قازاق قاتارلىق ئاز سانلىق مىللەت ئاممىسى مەبلەغ توپلاپ غۇلجا شەھرىدىكى ئەڭ دەسلەپكى كىنوخانا ‹ئاممىۋى كولوب›نى سالغان ۋە بۇ يەردە تۇنجى كىنونى كورگەنىدى.50-6--يىللارغا كەلگەندە كىنوچىلىقىنىڭ تەرەققىياتى ۋە ئاممىنىڭ كۇنسىرى ئىشىپ بىرىۋاتقان ماددىي ۋە مەنىۋى ئىھتىياجىغا ئەگىشىپ ‹خەلق ›كىنوخانىسى ،‹بوستان ›،‹لوجى›كىنۇخانلىرى ئارقا -ئارقىدىن قورۇلدى. 1985-يىلدىن 1992-يىلغىچە بولغان ۋاقىت ئىلى كىنوچىلىقىنىڭ ئەڭ گۈللەنگەن دەۋرى ئىكەن .90-يىللارنىڭ ئوتتۇرلىرىدىن تارتىپ ئائىلىلەردە سىن قويغۇ ،تىلىۋىزورنىڭ ئومۇملىشىشىغا ئەگىشىپ كىنوخانىلارنىڭ تىجارىتىگە تەسىر قىلدى.ئەينى ۋاقىتلاردا قويۇلغان ئېسىل كىنولار  كىنولار ،كەچلىك كىنوغا بېرىشى ،كىنودىن قايتىشى ،70-80-يىللارنىڭ ياشلىرى قەلبىنىڭ چوڭقۇر قاتلاملىرىدا گۈزەل ئەسلىمىلەرنى قالدۇرغان كىنوخانىلارنى چوقۇر ياد ئىتىدۇ ،ئۇلار چوڭقۇر ئەپسۇسلۇق ئىچىدە جەمئىيەت تەرەققىياتى ئىلىپ كەلگەن بۇ رىئاللىقنى قوبۇل قىلىشقا مەجبۇر بۇلدى . زامانىۋى  رەقەملەشكەن سۈپەتلىك كىنوخانا ۋە شەھىرىمىزدە يىڭىدىن قورىلىۋاتقان   ئاممىۋى -مەدەنىيەت تەنتەربىيە ئەسلىھەلىرى بۇندىن كىيىنكى مەنىۋى تەشنالىقىمىزنى چوقۇم قاندۇرىدۇ . ئىلى كەچلىك گىزىتى 13-ئاپرىل سانى رەخىمجان قۇرباننىڭ (كىنۇخانىلار ياشلىق ئەسلىملىرمىزنىڭ ئايرىلماس بىر قىسمى)ناملىق  ماقالسىدىن قىسقارتىپ ئىلىندى.

Suchi

	ئېھ!شۇنداق بىر دەۋىرلەر بولغان ئىدى. 《سەرگەردان》،《چارلىز چاپلىن كومېدىيىلىك فىلىملىرى》،《كۆۋرۈك》،《كونا مىلتىق》،《كازاندىرا كۆۋرىگى》،《خاسىيەتلىك ئادەم》،《ئانارخان》،《مۇز تاغدىن كەلگەن مېھمان》،《يول باشلىغۇچى》،《بەخت ناخشىسى》،《غېرپ-سەنەم》،《رەنانىڭ تويى》.....قاتارلىق فىلىملەرنى كىنوخانىدا تويماي كۆرگەن ئىدۇق.

hekmat-uyghur

	كىچىك  ۋاقىتلىرىمدا  يېزىمىزنىڭمۇ   بىر كىنوخانىسى   ۋە   مەمەت  كىنو  باشچىلىغىدىكى  بىر  كىنو  قويۇش ئەترىتى  بولىدىغان، شۇنداقلا  دادۈيلەرگە (كەنتلەر)گە   كىنو  قويغىلى  بارىدىغان  بىر  ئېشەك  ھارۋىسىمۇ  بولىدىغان، دادۈيلەرگە (كەنتلەر) گە  كىنو  قويغىلى بارسا  كىم  ئېشەككە  بىر  يۈدە  ئوت - چۆپ  ياكى  يەم خەشەك  ئېكىلىپ  بەرسە  شۇنى  ھەقسىز  كىرگۈزەتتى.        مەنمۇ  ھەر  چارشەنبىگىچە  (بازار كۈنى)   گېچە  سەككىز  موچەن ئىختىساد قىلىپ   كىنوخانىغا  كىرىپ ئىككى  كىنو  كۆرەتتىم،         ‹‹ ياپما ئەنلىك، كەڭ ئېكرانلىق  رەڭلىك ھىكايە فىلىم     X X X X  ، تەڭرىتاغ  كىنو  سىتودىيسى تەرجىمە قىلىپ، ماگىنىت يالىتىپ  كۆپەيتىپ  تارقاتتى ››         دېگەندەك  گەپلەر  غۇۋا  يادىمدا  قاپتۇ.  تەرەققىيات  تېيىز، مېھرى  مۇھاببەت  چوڭقۇر دەۋىرلەركەنتۇق.          ‹‹ چۈيۈن باش ئارخات››     ‹‹ئۇچقۇر قاراقچى››    ‹‹لوڭمىن ئۆتىڭى››    ‹‹ يىلان جىلغىسىدىكى  كارامەت قوشۇن››     ‹‹ قان  ياشقا تولغان مۇھاببەت نەپرەت››   ‹‹بىر تامچە  قان››   ‹‹ئالۋاستى ئوردىسىدىكى جەڭچى››   ‹‹ جوڭگو باتۇرلىرى›› ‹‹ئېزىتقۇ››   ‹‹ ئىنتىقام ››..................شۇ  چاغلاردا  بىز كۆرگەن كىنولار ئىدى.   ھازىرمۇ  يوقارقى كىنولاردىن بىرىنى كۆرسەم  ئىختىيارسىز شۇ چاغلارنى ئەسلەپ  قالىمەن. ھەي  تولىمۇ  غەمسىز،ئۇنتۇلماس  ئۆسمۈرلىكىمىز  دە  شۇ،   مەڭگۈ  كەلمەسكە  كەتكەن.....

hekmat-uyghur

	كىچىك  ۋاقىتلىرىمدا  يېزىمىزنىڭمۇ   بىر كىنوخانىسى   ۋە   مەمەت  كىنو  باشچىلىغىدىكى  بىر  كىنو  قويۇش ئەترىتى  بولىدىغان، شۇنداقلا  دادۈيلەرگە (كەنتلەر)گە   كىنو  قويغىلى  بارىدىغان  بىر  ئېشەك  ھارۋىسىمۇ  بولىدىغان، دادۈيلەرگە (كەنتلەر) گە  كىنو  قويغىلى بارسا  كىم  ئېشەككە  بىر  يۈدە  ئوت - چۆپ  ياكى  يەم خەشەك  ئېكىلىپ  بەرسە  شۇنى  ھەقسىز  كىرگۈزەتتى.        مەنمۇ  ھەر  چارشەنبىگىچە  (بازار كۈنى)   گېچە  سەككىز  موچەن ئىختىساد قىلىپ   كىنوخانىغا  كىرىپ ئىككى  كىنو  كۆرەتتىم،         ‹‹ ياپما ئەنلىك، كەڭ ئېكرانلىق  رەڭلىك ھىكايە فىلىم     X X X X  ، تەڭرىتاغ  كىنو  سىتودىيسى تەرجىمە قىلىپ، ماگىنىت يالىتىپ  كۆپەيتىپ  تارقاتتى ››         دېگەندەك  گەپلەر  غۇۋا  يادىمدا  قاپتۇ.  تەرەققىيات  تېيىز، مېھرى  مۇھاببەت  چوڭقۇر دەۋىرلەركەنتۇق.          ‹‹ چۈيۈن باش ئارخات››     ‹‹ئۇچقۇر قاراقچى››    ‹‹لوڭمىن ئۆتىڭى››    ‹‹ يىلان جىلغىسىدىكى  كارامەت قوشۇن››     ‹‹ قان  ياشقا تولغان مۇھاببەت نەپرەت››   ‹‹بىر تامچە  قان››   ‹‹ئالۋاستى ئوردىسىدىكى جەڭچى››   ‹‹ جوڭگو باتۇرلىرى›› ‹‹ئېزىتقۇ››   ‹‹ ئىنتىقام ››..................شۇ  چاغلاردا  بىز كۆرگەن كىنولار ئىدى.   ھازىرمۇ  يوقارقى كىنولاردىن بىرىنى كۆرسەم  ئىختىيارسىز شۇ چاغلارنى ئەسلەپ  قالىمەن. ھەي  تولىمۇ  غەمسىز،ئۇنتۇلماس  ئۆسمۈرلىكىمىز  دە  شۇ،   مەڭگۈ  كەلمەسكە  كەتكەن.....

xirkat

	hekmat-uyghur يوللىغان ۋاقتى  2013-4-23 06:10 PM كىچىك  ۋاقىتلىرىمدا  يېزىمىزنىڭمۇ   بىر كىنوخانىسى ... ئەسسالامۇ- ئەلەيكۇم! ئۇزۇندىن بىرى ھەر قانداق تېمىغا كىرسەم شۇ تېمىنى ئۇقۇپ بۇلۇپ ئىنكاسلار ئارىسىدىن سىزنىڭ ئىنكاسىڭىزنى ئىزلەيمەن، تاپالىسام خىلىلا قىزىقىپ ئوقۇيمەن، چۈنكى سىز ۋىجدان، غۇرورلۇق ھالدا خېلىلا ناۋاتتەك گەپ قىلىسىز. تەكلىپ: (كەچۈرۈڭ) بۇ ئىنكاسىڭىزغا «دادۈي» دىگەن گەپنى ئالمىسىڭىزمۇ بۇلاتتى، بۇ گەپ سىز دىيىشكە ماس كەلمەيدىغاندەك قىلىدۇ. ======== مەنمۇ 10-15 يىللار ئىلگىرى (ئالىي مەكتەپتە ئوقۇۋاتقان ۋاقىتتا تەتىل مەزگىللىرىدە) سىزگە ئوخشاش ھەر چارشەنبە (يېزىمىزنىڭ بازار كۈنى) ھېچ ئىش قىلمايلا كىنوخانىغا كىرىپ ئەجەپ قىزىقىپ كۈرەتتىم شۇ كىنولارنى. ئادەمنى شۇنداق مەپتۇن قىلىۋالاتتى. بىراق ھازىرقى ۋاقىتلاردىچۇ؟ ئۆيدە تىلۋىزوردا نۇرغۇن قاناللاردا كىنو قۇيىۋاتسا نىمىشقىكىن پەقەتلا كۆرگۈم كەلمەيدۇ، شۇ ۋاقىتلار مەڭگۈ كەلمەسكە كەتتىدە.

Gvljahan

	ھەممىڭلار بالا ۋاقتىڭلاردا كىنو كۆرگەن پەيتىڭلارنى ئەسلەپ كىتىپسىلەر ، مەنمۇ ئەسلەپ قوياي ...ئارىسىغا خوخا تىكەنلەر ئۈنۈپ كەتكەن  ، شالنى مىخلاپ ئۇزۇندىن ئۇزۇن ئورۇندۇق قىلىۋالغان يېزا كىنوخانىسىدا كىچىك چاغلىرىمدا دادامنىڭ يوغان چاپىنىغا يۆگىنىپ كۆزلىرىمنى مىت قىلماي ئولتۇرۇپ كىنو كۆرۈپ كىتەتتىم  ، تاملارغا قارا قاغىدەك ئولتۇرۇپ كەتكەن بالىلار ، كىنو لىنتىسى كۈيۈپ كەتسە ئاق لاتىغا چىراق يۇرىقىدا يوغاااان «ئازگال »پەيدا بۇلۇپ ، كىنوخانا ئىچى «ۋووووي !! »دىگەن ئۈن بىلەن ئۆرە تۆپە بۇلپ كىتەتتى ،  ئىكراندا تازا قىزىق ئېتىشماق بولىۋاتقاندا لاپپىدە توك كەتسە ، كۈرۈڭ ، ماتۇرچى بىلەن كىنوچىنى تىللاپ كىتىۋاتقان ، باشلىرىغا داڭگال ، كونا ئاياق، چۇقەيلەرنى ئېتىپ كىتىۋاتقان ....ئالامەت قىزىق كۈرۈنۈشلەر چىقىۋاتقاندا ئۈستى ئۇچۇق سەھرا كىنۇخانىسىنىڭ ئاسمىنىدا گۈلدۈر قاراس  چاقماق چېقىپ شارقىراپ يامغۇر يېغىپ كىتىۋاتقان شۇ كېچىدە ...ھەي ....ئويلىسام بەكلا قىزىق ، ئەمدىلا 9-10ياشقا كىرگەن ۋاقلىرىم ، ھىندىستاننىڭ «نۇرى» نى كۈرىۋېتىپ نۇرى ئۆزىنى دەرياغا تاشلاپ ئۆلىۋالغان چاغدا ، دادامغا كۆرسەتمەي يۇم -يۇم يىغلاپ كەتكەن ئىدىم ، ھازىرقىدەك ئىسىمدە ....ھازىرقى ھىندىستان كىنولىرىدا نۇرىدەك شەرمى ھايالىق قىزنى كىنونى مالتىلاپمۇ تاپقىلى بولمايدۇ ...ھە راست ، كىنودىن قايتقىچە مەھەللىنىڭ لالما ئىتلىرى قاۋاپ ئارام بەرمەي دادام قولىغا ئىلىكتىرنى ئېلىۋېلىپ ئىتنىڭ كۆزىگە يېقىپ ئۇنى قاچۇرغاندىن سىرت ئۇزۇن تاياقتىن بىرنى ئېلىۋالاتتۇق ، ھۆيلا ئالدىغا كەلگەندە ئاندىن «ئۇھ » دەپ تاياقنى تاشلاپ دادامنىڭ ئالدىدا شاپاشلاپ ئۆيگە كىرىۋالاتتىم ، مانا بۇ بالىلىقتىكى كىنوخانىدىن قايتقان ئەسلىمىلىرىم ..........

ak.ustang

	كىچىك ۋاقىتلاردا يازلىق كىنۇخانىلارنىڭ تىمىدىن ئارتىلىپ كىرەتتۇق،،،،كوزەتچى كەلگىچە تاماشبىن ئارىسىغا كىرىۋالاتتۇق،

diyarm

	ئەتتىگەندە كىنونىڭ غەيۋىتنى قىلغلى تۇرپسلە؟ كىنوھازىرمۇ بارغۇ؟ قەشقەرتەۋەلكدە ھەربىركەنتنىڭ يىلغا24مەيدان ،ھەرئىيغا2مەيدان ،بۇنىڭدىن بىرمەيدىنى تەشۋىقات ھۆججەتلك فىلم ،يەنە بىرسى قىزىللاشقان ھىكايە فىلم ، مەنمۇ شۇنداق بىركىنوچىنىڭ شاگىرتى بولمەن ، ھۈنەرئۈگەنگىلى دەسلەپ كىرگەن 2004-يىللىرى كىنونى ئەسلگە كەلتۈردى ، دەسلەپتە لىنتلق كوناتىپتكى ئاپپاراتتا كىنو قۇيدۇق ، مەنمۇ كۈندۈزى دۇكاندا كەچ تەرپى كىنو قۇيغلى بىللە باراتتىم ، 2006-يىلى ھازىرقى رەقەملك ئاپپاراتنى تارقىتىپ بەردى ،ھازىرقى رەقەملك ئاپپارات 50000ئەتىراپدا، سۈرەت سۈپتى ،ئاۋاز سۈپتى ‹‹ئۈچ ئۆلچەم››گە يەتكەن ، ئاۋازى سترورلۇق ، ئادەتتتە بۇئاپپاراتنى كومپيۇتىر بىلمگەنلەر ئىشلتەلمەيدۇ، ھازىرمۇ ۋاقتىم بولسا كەنىتلەرگە بىللە بىرىپ كىنوقۇيشۇپ بىرىمەن ،      ئەممازە ئاپپارات ،ئۈسكىنە نوچى بولغان بىلەن كىنو سۈزۈك بولغنى بىلەن ،ۋەقەلكى پۈتۈنلەي قىزىللاشقان ،خەن ئاكلار بىللە ھەممە كىنولاردا، ئۇيغۇرلار ئۆزى ئىشلگنمۇ شۇ،

xatuti

	بىزنىڭ ئىدارىمىزنىڭ يېنىدىلا كىنوخانا بار ئىدى،كۈندىلا ئۆيدىن قېچىپ كىرەتتۇق... ئۇ چاغلاردا يوقاپ كەتسەك ئۆيدىكىلەر ئىزدىمەيدىغان چاغلارمىدىكى...! جۇغۇم كىچىك بولغاچقا كىنوغا كىرىدىغانلارنىڭ بالىسىنى دوراپ كەينىدىن ئەگىشىپلا كىرىۋالاتتىم(چاپىنىنىڭ پېشىنى چاندۇرماستىن تۇتىۋېلىپ دىگەندەك)،كىرىپلاۋالساق بىزدىن نوچىسى يوق ئىدى،ھەممىسى تونۇش بالىلار ئەڭ ئالدىدا يەردىلا ئولتۇرۇپ كۆرەتتۇق،ئۇيقۇمىز كەلسە شۇ يەردىلا يېتىپ ئۇخلاپ قېلىش ئادەتتىكى ئىش ئىدى... شۇ چاغلاردا كۆرگەن كىنولىرىمدىن  توز مەلىكە ، شاۋلىن ئىبادەتخانىسى ، يالتىراپ تۇرغان يۇلتۇز ، دۇچۇ.......... شۇلار بەكرەك ئېسىمدە قاپتۇ.... كىنوخانا سېلىنىشتىن بۇرۇن ، كىنو قويۇش ئەزالىرى  سايمانلىرىنى كۆتۈرۈشۇپ ئىدارىمىزغىلا كېلىپ كىنو قويۇپ بېرەتتى،ئېگىزرەك ئۆسكەن ئىككى دەرەخكە ئاق رەخنى تارتىپلا قوياتتى،ئىككىلا تەرىپىدە كۆرگىلى بولاتتى،ھەممە ئادەم چوڭ كىچىك يەردىلا ئولتۇراتتۇق،ئۆيدىكىلەرگە ئورۇن ئىگەللەيمىزدەپ يەردىلا توغرىسىغا ياتاتتۇق... ئاجايىپ ئاجايىپ بەختلىك چاغلار ئىدى.............ئاھ...........ھھھھھھھھ...! خوتەندىكى كونا كىنوخانىلارنىمۇ چېقىپ تۈگەتتى...خەلق كىنوخانىسى،ئاممىۋى كىنوخانا، قىزىليۇلتۇز كىنوخانىسى...ھەممىسىنى چېقىپ تۇگەتتى...بېشىنى يەيدىغانلار.....