كومپيۇتېرلاردا بىر خىل خەت نۇسقىسىدا بېسى

amrilla

	ئادەتتە Word ئارقىلىق يازغان ماقالىلىرىمىزنى باشقا كومپيۇتېرلاردا بېسىشقا توغرا كەلگەندە، ماقالىمىزدا ئىشلىتىلگەن بەزىبىر خەت نۇسقىلىرى باشقا كومپيۇتېردا بولماسلىقى مۇمكىن. بولۇپمۇ بۇ خىل ئەھۋال Word دا ئۇيغۇرچە خەت باسقان چاغدا كۆپرەك ئۇچرايدۇ. مەسىلەن: ئۇيغۇرسوفت ئەلكاتىپنىڭ خەت نۇسقىسىدا يېزىلغان ھۆججەتنى باشقا شىركەتنىڭ ئۇيغۇرچە نۇسقىسى قاچىلانغان كومپيۇتېرغا سېلىپ ھۆججەتنى ئاچساق خەت توغرا كۆرۈنمەيدۇ. بۇ مەسىلىنى Word نىڭ خەت نۇسقىسىنى ھۆججەتكە سىڭدۈرۈش (嵌入) ئىقتىدارى ئارقىلىق ھەل قىلالايمىز. بۇنداق بولغاندا كومپيۇتېرىمىزدىكى خالىغان خەت نۇسقىسى ئارقىلىق يېزىلغان ھۆججەتنى قايسى كومپيۇتېرغا ئاپىرىپ ئاچساق ياكى پرىنتېردا باسساق توغرا كۆرۈنىۋېرىدۇ. خەت نۇسقىسىنى سىڭدۈرۈش ئۇسۇلى: خەت نۇسقىسىنى سىڭدۈرمەكچى بولغان ھۆججەتنى Word دا ئېچىپ قورال (工具) دىن تاللاش تۈرى (选项) نى باسقاندىن كېيىن كۆرۈنگەن كۆزنەك ئىچىدىن ساقلاش (保存) نى بېسىپ، ئۇنىڭ ئىچىدىكى خەت نۇسقىسىنى سىڭدۈرۈش (嵌入 True Type) نى تاللاپ جەزىملەشتۈرىمىز. بۇ خىل ئۇسۇلدا خەت نۇسقىسىنىڭ ھەممىسىنى سىڭدۈرىدىغان بولۇپ، ھۆججەتنىڭ سىغىمى نىسبەتەن چوڭراق بولىدۇ. ئەگەر يۇقۇرىدىكى تاللاش تۈرى ئاستىدىكى پەقەت ئىشلىتىلگەن ھەرپلەرنىلا سىڭدۈرۈش (只嵌入所用字体) نى تاللاپ قويساق، پەقەت ھۆججەت ئىچىدە ئىشلىتىلگەن ھەرپلەرنىلا سىڭدۈرگەچكە،  ھۆججەتنىڭ سىغىمى كىچىكرەك بولىدۇ.

zapar

	قېنى بىر سىناپ باقاي [s:71]

Eltekin

	مەن بۇنى ئىشلەتكەن. بىراق چوڭ كىچىك سىغىمىغا ئىتبار قىلماپتىمەن. رەھمەت، بىلىم بىلەن تەمىنلىگىنىڭىزگە.

zulpukar

	بۇ تېما قايتا يوللاندىمۇ قانداق....    https://uyghur-archive.com/misranim/read.php?tid-1672.zhtml